يبي مني اقولة كلام غزلي

[zozo0]

بناات ساعدوني انا مالجة وعرسي تاجل بعد سنة

بس ريلي كلة يبي مني اقولة كلام حلو وغزلي بس انا استحي

يعني صار لنا تقريبا جم اسبوع مالجين وبعدني مااخذت على الوضع وكلة يزعل مني يقولي مااحسج تحسين فيني؟؟

بناااااااااااات والله مااعرف ساعدووووووووووووووووني

المشكلة مو متعودة على هل الشيء..امي تستحي من خيالها عمرها ماقالت كلمة حلوة حق ابوي جدامنا

يعني انا من وين اتعلم والله كل ماكتبلي مسج غزلي وكلام حلوو اطنشة ماارد علية لان مااعرف شنو اقولة

ساعدوني عفييييييييييييييية

 

[أم زنوبة]

يا قلبي انتي قولي اي شي
اقلها لمن يرن التلفون مو تقول الو وبس قولي هلا عمري
لمن يكلمج وتكلمينه لا تنادين اسمه جنه اخوج لا دلعي اسمه مثلا اسمه محمد قولي مودي
واذا ناداج باسمج قولي عيونها لك
قبل لا ينام قوليله تصبح على حب حبيبي
لي قعد من النوم صباحك عسل حياتي وجذي
عاد انتي عودي نفسج عالجرأه اهو طلب كلام حلو لو يطلب بوسه شبتسوين ؟؟؟

 

[أم زنوبة]

وسوي سيرج بقوقل مسجات حب
ويطلع لج اشكثر سوي كووبي وحفضيهم واذا دزالج مسج غزل دزيله واحد من الي عندج

 

[zozo0]

رد : يبي مني اقولة كلام غزلي

ام زنوبة مشكورة وعسى الله يسخر لج زوجج ويخلي بنت من كل شر يارب

 

[zozo0]

رد : يبي مني اقولة كلام غزلي

من قالج ماطلب بوسة اهو طلبة ادزلة بوسة بمسج بس انا عصبت ومارضيت

 

[ام الدرر]

حبوبة مو شرط اسلوبج
دشي قسم الموبايل و sms
بتلقين مسجات اشكال وانواع خزني لج جم وحده
مسجات الصبح اول ما تقدين من النوم دزي مسج تصبحين عله
بنص اليوم او اذا دز لج مسج ردي عليه بمسج شوق وغلا وحب
اذا سوالج شغلة او شرى لج شي اكيد بتستحين تشكرينه بنفس الوقت
اذا راح دزي مسج تمتدحينه وتشكرينه
شوي شوي بتتعودين بروحج تقولين له
عسى الله يتمم عليكم ويهنيكم

 

[zozo0]

رد : يبي مني اقولة كلام غزلي

ام الدرر

تسلميلي يالغالية وعسى مانننحرم من طلتج الحلوة

 

[أم زنوبة]

يا حظي لا تستحين واايد اذا قالج بوسه بمسج رحمه ترى عن الصج بس حبيبتي
نصيحه وحطيها ترجيه باذونج لا تغلطين وتقولين استحي وما اعرف فطني نفسج على كل شي
من حجي واسلوب ودلع وخلج ثقه وانتي بادري بالكلام الحلو عاد انتي بكيفج تبين تطبقينه الحين ولا بعد العرس
هالحجي بس خلج تارسه عينه ولا ترى الريال اذا شاف الي معاه مو تارس عينه يشوفه بره <<< بعيد الشر عنج حبيبتي
والله يبارك لج انشالله ويسخرلج ريلج حبيبتي

 

[انسام الكويت]

موفقه حبوبه انتي مستحيه وانا مالومج بس مع الايام بيتعودين عليه

وبتقوليله حجي حب ومن هالسوالف بس حاولي تعودين نفسج اتردين عليه

بجم كلمه لين ماتتعودين تالي الحجي بيي بروحه

 

[السهل الممتنع]

عادي دام السالفه مسجات الصبح طرشي ليه صباااحك شوووقر ..
بالليل مسااء الخيرر قلبوو ..
اذا بتفاجأينه قولي له مياااو اذا فاضي باتصل ..
اذا قالج مشتاااق لج .. قولي له واناا اكثرر .
قولي له فددددديتك ..
اكثر شي اذا تبين تسألين عن شي مثلا .. دنتيتى شخباررك اليوم ..

الكلام الحلوو ما يحتااج تعليييييم صراحة انا ثقافتي بصرريه واحب اكتب كل شي بمسجاات ما احب اعبر لفظي ههههههههه .

 

[zozo0]

رد : يبي مني اقولة كلام غزلي

ام زنوبة مشكورة عمري انتي اختي الكبيرة وانا اتعلم منج اشكرك على نصيحة ياعسل

انسام الكويت مشكوووووووووورة قلبي على مشاركتج

السهل ممتنع كلامج عسل مشكووووووووووووووورة فديتكم كلكم

 

[أسم والسلام]

وقفي جدام المرايه وتدربي عليها عادي هههههههه لسانج بيتعود


مثلا أسمه سعود


قولي حبيبي سعود


فديتك


يابعدعمري


أموت فيك



أشتقت لك حياتي وينك مادقيت اليوم


يادقات قلبي أحبك


الله لايحرمني منك







مممواه


صيري شاطره وأنا أختج ههههههههههه تلحلحي عشان يموت فيج ويصير خاتم بصبعج

 

[نور الشهري]

up

up

لعيونج