يبي يسافر لبنان مع رفيجه يغير جو ...

[فوفا فديتني]

رد : يبي يسافر لبنان مع رفيجه يغير جو ...

انا عندي فكره سوي نفسج منصدمه من سفرته لانج انتي بتسوين له حفله لارأس السنه
وقولي له لا لاتروح انا من الحين قاعده اجهز عشان هذاك اليوم عشان يغير رايه
يمكن ينفع هالحل

 

[a7la MUM]

رد : يبي يسافر لبنان مع رفيجه يغير جو ...

انا من شفت العنوان كنت بقولج خليه يسافر وعطيه مساحه له بروحه ومن هالحجي
اما لما شفت كل يوم يقولج دوله xxx عن الثانيه لاوالله وليش رايح تغير جوووو
ليييييييش جم صارلكم متزوجين عشان بتغير جو!!! عيل بعد5سنين شبيسوي!!
انتي وايد معطيته وي
وشنو يقول منو انتي اللي تقوليلي لا انتي زوجته مو سيارة وجهاز عيل ليش متزوج!
حبيبتي كلميه بأسلوب هادي وفهمي منه شنو الهدف من هالسفرة وانتي روحي معاه وقوليله ماراح اكلفك شي انا اونسك اكثر من رفيجك واذا سفرتني بعيشك ملك من هالليالي اللي بسويها والحركات وبجهزلك قمصان اول مرة تشوفها بحياتك ومن هالكلام حبيبتي
شجعيه عالروحه معاج
انا من شفت الدول عرفت الهدف شنو
ولا منو يروح اندونيسيا امبيييييييه شنو فيهاااا؟؟؟؟؟؟!!!!!!!

 

[ساره الاماراتيه]

رد: رد : يبي يسافر لبنان مع رفيجه يغير جو ...

نص شباب الكويت حافظين هالجملة


بس غلطانة يوم قلتي له يا انا يا السفر

مع الوقت بتصير هالجملة عادي وبيقول بالطقاق

ابشرج مب الا شباب الكويت .. حتى شباب الامارات .. يوم تقولين له بروح وياك يقول انا ماعندي بس ربعي عازميني ..ويطلع خرطي ربعه الا نفس نمونته ..تلاقيه يقصر على حرمته ويمع فلوسه حق لعبته بر .. ذكرتيني بمعاناتي .. بس الحمدلله الحين على وشك طلاق باذن الله وافتك

 

[أشبـاهـ المطـر]

زوجي اول ماتزوجنا جذي
تعود على سفر كنت توني عرووس وراح سافر بس لغرض الدارسه
وبعدين سافر مع اخوانه وراح مع ربعه للاردن ولبنان ...

زعلت وتضايقت وطنقرت وكل ابين له ان موهامني وانا احترق من داخل ومااكو فايده العشره تروضه ماعليج
الحين ماايحب يسافر الا معاي لووول والله صج ماقام يتحمس لسفر مثل قبل ..

واذا على سهر فتره وتعدي صدقيني توكم معاريس
وريلي بعد كله يقولي بروح تايلند مع عيال عمي وانا اقهره اقوول بالمشمش هههههههههههههه

 

[لوولووة]

الله اذا الله ما هداه انتي ما راح تهدينه ادي له بالهداية ولا ادخلين كلمة طللاق قولي له انا وانت انروح مو احسن ودي ادش جو معاك خاص وشوفي رده لج

 

[BiiShOoO]

الله يهديه و يسخره لج

 

[أشبـاهـ المطـر]

اي صج نسيت اقوولج تفاعلي معاه لما يسولف عن السفر يمكن زوجج
هااوي السفر يحب يسافر مو مشرط يروح لتايلند ولا لبنان عشان سوالف نص كم
وبتااع ده ودايما قوووليله اتمنى ارووح انا ويااك لإيطاليا مثلا ونتفسح بفلورنسا
ونزوور البندقيه ونجهز من ميلانو لوووووووووول<< تحلم واايد هههههههه

 

[Ya7aLaTY]

مادري بس اعتقد زوجج ليلحين مو مستوعب انه تزوج ولازم ينسى حياه العزوبيه

سفرات وروحات مع الربع وهالحركات؟

مادري قعدي معاه بهدوء وكلام عقلاني من غير الكلمات المستفزه
قوليله حبيبي ترا انا ليلحين عروس واحب نقضي الاجازات مع بعض

قوليله ترا تعنيلي وااااايد انك تكون معاي وتعايدني في راس السنه واول مره سنه يديده تطل عليكم وانتوا مع بعض

لازم يعرف ان لج حق عليه ,, مايصير باقل من 6 اشهر كل شوي مسافر لا تمنعينه بس عاد لا يمصخها كل شوي

شايل شلايله وامسافر؟

 

[غلاي وروحي]

رد : يبي يسافر لبنان مع رفيجه يغير جو ...

حبيبتي

انا من تزوجنا ماكان يسافر الا معاي ومرة قال لي حبيبتي

انا ترى بسافر مع ربعي لبنان قلت له شنو تسافر وتخليني

وتوني عروس والله ان سافرت مااقعد دقيقة وحدة عندك

وزعلت ومااكلمه كلش وبعدها قالي صدقتي من قال اني

بسافر اناكنت برفع ضغطج بس واستانست حيل


وللاسف هالوناسة مادامت عقب سنة واربع شهور من

زواجنا قال لي انا ترى باجرسفرتي ولاعلمني ولاهيأني ‏

لهالخبر ابد قلت له متى قررت ومتى سويت كل هذا

ولاحتى اخذت رايي قعديضحك قال ااولا انا الشباب

قالوا لي بنسافر وانابغير جو معاهم سفرتج وماقصرت

الحين جا دوري استانس مع ربعي وثانيا اذا بسافر ماآخذ

رايج كيفي انا رجال موانتي اللي تمشيني وبعدين عطيت ‏

كلمةلربعي مااكسركلمتي عشان بعدين يقولون قعد ‏

خايف من زوجته وتعرفين كلام الشباب

وصارت قصة وهوشه كبيره واخذت اغراضي ورحت لاهلي

بما انه بيسافر بس قلت له اناماراح ارجع لك وتوقع انك

بتشوفني زوجتك وحبيبتك نفسها لا خلاص انت فضلت

السفرة علي وروح ماتشوف شر وتناجرنا وهو كل كلامه

الله بيهديج وماراح اطول وبترجعين بيج ولزوجج وانا بحالة

صدمة المهم وانا في بيت اهلي لامسجات ولااتصالات

وتركته نهائيا الا ثاني يوم داق علي ويسولف معاي عادي

واني داق اسأل عنج وانا أكلمه بثقل وبعدها بثلاث ايام

دازلي حبيبتي انا بالمطار جاي مشتاقلج موت وامي طول

فتررة غيابه وسفرته وهي تعقلني وتقولي الرجال

ماتمشيه المرة لومهما كان يبي يسافر ويبي يطلع ويجي

من غير اي تحكم منج يعني محد بيتعب كثرج وهو ان عاندتي

بيعاند اكثر وبيشوف نفسه الرجال وله كلمته شي حساس

بالنسب له انج تكسرينها وتهاوشين معاه بالعكس

بردي اعصابج وتعودي على رجلج وطبعه خلاص سافر

مايشوف شر اروح لاهلي استانس عندهم اشغل نفسي

مو كل الزوج لا غلط وغلط تعب نفسي والله



الله يهديهم لنا ويسخرهم وادعي له ربي يبعده عن كل

شي موزين

 

[brettey]

رد : يبي يسافر لبنان مع رفيجه يغير جو ...

الله يهديه

 

[عقارية]

رد : يبي يسافر لبنان مع رفيجه يغير جو ...

يلا افرحي
حرئق الحين بلبنان

عسى الله يرفع عنهم

 

[اشتياق]

زوجج على ماتعودينه
انا اشوف اسلوبج لا اله الا الله حلو وماعليه كلام
وانا وحده من الناس استفدت من موضوع مره انحط هني عن سفر الزوج وكيفية التعامل معاه
كان اذا قالي زوجي بسافر
اقول نعم نعم نعم ؟؟؟على كيف منوو يمه؟؟اخااااف صج؟؟والله ماتسافر
انت متزوج راحت عليك ربعي ماربعي اقضب ارضك واهدد واتوعد
مرات يستجيب ويطخ ومرات يقعد يساحل فيني ليمى ارضا ومرات يقول انا حر وبروح اقوم احترم نفسي واسوي روحي راضيه
بس من قريت الموضوع واللي زبدته تقول
ان اذا فاتحج بموضوع سفره
لاتبينين له اي مشاعر
لا رضا ولا قبول ولا رفض
وحاولي تغيرين السالفه على طووووول
مثلا قولي ويه نسيت اصلي وروحي
او قولي امبيه الحين يطلع البرنامج الفلاني
وكل ماحاول يفتح الموضوع قولي فلان شصار على استجواب الحكومه؟؟مثلا
والله ثم والله انفعت معاي
واذكر ياني قال بنمشي انا والربع قلت وييييييي نسيت اطلع الدياي
واروح عنه اخليه
رد مره ثانيه فتح الموضوع واحنا بالسياره
جان اقول بسم الله الرحمن الرحيم هالدوار متى سووه ؟؟مامداهم قال اي من زمان بس احنا مانمر هالصوب
ونسى الموضووووووع نهااااائيا وللحين الحمدلله ياربي ناسيه
يعني لا تعطينه ولا ردة فعل وانا جربت قلت خل اشوف ماني خسرانه
والحمدلله طلعت بتيجه اللي قلتلج اياها جربيها
وشوفي
والله يوفقج وماعليه شوي تحملي ليمى تفهمون بعض اكثر واكثر
وترى حياتج طبيعيه ولهفة ريلج على ربعه مثل كلللللل الرياااااايييل يعني مو غريبه ولا لها معاني سلبيه..

الله يوفقج يارب
تحياتي ياحياتي

 

[دمعه ندم]

رد: رد : يبي يسافر لبنان مع رفيجه يغير جو ...

انا مره قلتله روووح وسااافر على كيفك >>> كان يبي يسااافر مع ربعه
بس لما ترررررررد من سفرتك لاتفكر انك راح تلقاني مثل ماكنت تبي ولا تفكككككر ابدا انك تلممس
مني شعرررررررررررررررررره ليوووومج هذا ما فكر بالسفر مع ربعه

:eh_s(15): نفس الكلام إلي كنت بقوله

 

[أحساس مجروحهـ]

مشكورين بنات على ردودكم الحلوهـ
الله يعطيكم العافيهـ
واهوا للحين بعد مافتح الموضوع مره ثانيه معاي


انا فكرت اتسلف فلوس وانا اروح معاه

قبل فتره قلت له جذي
قال اوكي نروح انا وياج

ولا شوي يقول لي ايه اوكي اول شي اروح انا ورفيجي ولم نرجع اخذج ونروح !!!!

انصدمت قلت بقلبي عيل انا حق شنو متسلفه فلوس وابي اسافر معاه !؟! غير علشان امنع السفره مع رفيجك هذا ! يعني ماسويت شي !!

سكت وقلت له لا خلاس مابي اسافر

ومن هذاك اليوم ماياب طاري للموضوع والله يستر ... ان شاءالله خير ومايسافر ياااااارب

والله كل يوووم اادعي الله يهديه

هو ريلي مافيه شي الحمدلله يصيلي وملتزم واليوم الفجر رايح المسجد بس ,, بس يروح حق ربعه اييني سفرات وماادري شنو ومتغييير


بس تعودت صراحه يالله هذه الدنيا >>> تيك ات إيزي >_<

 

[غنـــــج]

احساس دزيت لج عالخاص شوفي

 

[هاديهـ&مطيعهـ]

رد: رد : يبي يسافر لبنان مع رفيجه يغير جو ...

والله الله يعينج

بس بقول لج شغله

لاتداحرينه ولا تعاندينه ولا تسوين مشكله كبيره لانه جذي والا جذي ما راح يرد عليج لانه ربعه الله يهديهم تلقين كل يوم يزنون عليه بالدوانيه

بيني له ان الشي مضايقج بس بطريقه غير مباشره

ومسكتي سيادتج وقرآنج وقعدي صلي وادعي ان الله يبعده عن المحرمات ويعمي عينه عن البنات
وما تدرين يمكن من دعائج تنلغي السفره كلها ...

لا تيئسن ولا تروحين بيتكم شيلي هالخرابيط من راسج
وسالفه الطلاق انسيها ترا سبب وايد تافه كلمه مطلقه مو شويه حبيبتي
تركدي وتصرفي بحكمه
وعسى الله يسهل امور ويزينج بعين ريلج يارب

كلامهج كله صح آنا جذي صار فيني بعد زواجي بشهر ريلي سافر تايلند مع رفيجه وقعد أسبوعين وآنا عروس تخيلي وآنا ما كنت أقدر أعارض ما كنت أعرف بعدها بسنه قال لي بروح تايلند قلت له روح وآنا بس يطلع أقعد أصلي وأدعي الله يصرف هالسفره عن باله ولا يفكر فيها وفعلا نساها ونفس الموقف قبل أسبوعين قال لي بروح تايلند ألحين موسم والجو حلو عصبت حيل وعند معاي طنشته وقعدت أدعي مثل كل مره وفعلا نسى السفره بكبرها والله أدعي ربج والله راح ينسى السفر عمر العناد ما يجيب نتيجة

 

[عيون القرناس]

رد : يبي يسافر لبنان مع رفيجه يغير جو ...

اول شي مبين ان زوجك صغير وحيل متعلق في ربعه وبالمقابل هم حيل مأثرين عليه لا تخافين ولا تتحسرين مع الايام بطخ ويمل من ربعه وانتي خليك على طبعك وبينيله ان هذا الشي مضايقك ومصيره بعقل والله يهديه لك ويصلح حاله ومايشوف غيرك

 

[remoo_007]

والله الريال ماينعطي ويه شنووو يسافر وانت بعدج عروس
الصراحه اللله يعينج

 

[الفدنه]

مااقدر انصحج لان طفاااااااااااااااااااااارتي اللي يسافر مع ربعه
فما ابي ازيد النار حطب

 

[مارياq8]

رد : يبي يسافر لبنان مع رفيجه يغير جو ...

الله يعينج عليج

دامه ما قدرج وانتي بأول شهرين من عرسج يبي يقدرج الحين

اسمحيلي ع هالكلام


من شب على شي شاب عليه

وعمرج كله راح يكوون جذي

تذكريني بزووج رفيجتي نفس حالتج ولحد الحين يسافر

قال لي هو انا ماعندي امكانيه ورفيجي عازمني ! يعني مااقدر اخذج

هالسالفه تضحك وشلوووون مرت عليج