يحبها واتحبه .... بس يدرون انهم مالهم نصيب مع بعض! تعآلوآ فديتكم :(

[@ كويتيه @]

بإختصآر ماكو حـب ومصيـر كل بنت زوآج تقليـدي

والله يوفق الجميييع

 

[نتوفه]

انا مع العشق دلعها

 

[اااحلاهم]

الله يعينهم
الولد معذور وش يسوي اذا كانت هاذي وصية أبوه
بس المفروض من أول لما حس إنه بيحبها يبتعد عنهاااا دام هاذي سالفته
أو ع الأقل يفهم البنت من بداية الحب إنه لبنت عمه عشان تكون عارفه وتحدد موقف من علاقتها معه

الله يصبرها يبي لها ووووقت على ماتقدر تتخطى هاذي المسأله بس طول ماهي معاه في الجامعه ماراح تقدر تتخطي الموضوع
يمكن بعد ماتتخرج ويبعد عن نظرها وقتها الأيام والسنين كفيله انها تخفف مرارة الفرقااا بس مستحيل تنسااااااااه وراح تبقى عايشه على ذكرى هذا الحب طول عمرهااا

 

[Nfatmah]

ما حسيت بمصادقية الريال .!!


الدنيا مو واقفه عليه وخنشوف نصيبها مصيرها بتنساه

 

[جوري 2007]

مايبيها

 

[شندوخه]

حبيبتي اخذي الكلام من ناس جربوا وشافوا اصناف من البشر بهالدنيا

هالصبي عمره مايفكر فيج زواج .. يفكر فيج كتقزوره وبس ادري كلامي بيعور قلبج بس لازم تواجهين الواقع
الريال عمره ماينغصب عالزواج مستحيل .. واللي براسه يسويه يسويه مايرده عنه لا اب ولا ام
وان بغاج صج والله ياخذج لو مرا ثانيه .. بس اهو يبي يأيسج من هالموضوع ويقزرها لين ماتتزوجين
ولو يحبج صج مايقولج نتم مع بعض والقدر يفرقنا
دوسي على قلبج وقولي من ترك لله شيئا عوضه بأحسن منه ان شاءالله

واستخيري على موضوع الزواج والله يكتبلج اللي فيه الخير

 

[cute lulu]

:eh_s(11)::eh_s(11)::eh_s(11):

انا محد يبط جبدي غير هريااييل مدام تدري انك موقد المسؤؤليه ولا تقدر تزوجها اشحقه اتخليها تتعلق فيك:eh_s(14): لييش واهوا يدري انه بيتزوج وحده ثاااااااااااااااااااانيه ومايعرف عنها اي شي غير انها بنت فلان او بنت عمه من البدايه المفرووض لا يحبها ولاتحبه !! لان حقااااره اهيا اتحب وتتعلق فيه علفاضي بعدين يقولها والله امي تبي بنت علان :bbbiu:


وبالنهايه كل شي قسمه ونصيب

 

[samiah]

اولا الخط حبيبتي عورتني عيوني

ثانيا خليه يولي هههههههههه وش الي محجوز لبنت عمي اذا شاريها بيركض وراها حبيبتي

ثالثا عارفه مشاعرها والفراق صعب بس صدقيني خليها تمسك سجادتها واتوب لله توبه صادقه لا تقول ما اقدر لازم تطلع طاقتك طلعيها وبتشوفي العجب من رب العباد الراحه بالصلاة خليه اهوا يساعدها يبعد عنها شوي شوي بينسون بعض وبتحس انه انسان عادي



يحبيلكم والله انا من السعوديه توني جديده بالمنتدى كل مشاكلكم حب وما حب يازين هالمشاكل روحو شوفو عالم حوا الي يعور الراس

 

[محال أنسى]

الي يحب يتحدى الكل عشان حبه بالذات اذا كان رجال
اجل شنقول أحنا البنات اللي شورنا موبيدنا خليها تتوكل على الله وتتزوج لانه باين انه مايبي يخسر أهله
​

 

[Bloom]

مايبيها واضحه

 

[Mjnont '3lay]

حبيبتي كلامي بيكون مختلف شوي ويمكن يعور
بس انتي كنتي مجرد تسلايه والحين اعطيج الدليل
شوفي ياقلبي ركزي معاي بعقلج وخلي قلبج وحبج على صوب ثاني
اولا الولد يدري من قبل لا يعرفج انه مسمي لبنت عمه مادري بنت خاله ماعلينا
ثانيا يوم تعرف عليج لو كان انسان صريييح مع نفسه وربه قبل لا يكون صريح معاج جان قالج من البدايه خلينا اصدقاء وزملاء لاني مسمي لفلانه < لكنه ما قال
الشغله الثانيه الولد من البدايه ما فتح معاج موضوع زواج هذا معناه مو بنيته زواج وبنيته حب عابر وبس او يمكن حب يجرب حلاوة الحب من كثر ما سمع عنه فقال اجربه قبل لا اتدبس بفلانه ويمكن لي تدبست فيها ما القى الحب فخلني اجربه واعيشه لين ما اتزوج < والله العالم عن تفكيره
الشغله الثالثه واللي اهيا الاهم الولد ما جاب طاري زواج يوم جت البنت قالت فلان ترى انا انخطبت توهق @_@ يمكن لانه ما كان عامل حساب انه البنت تفكر بعلاقه جديه لها نهايه بالحلال فعشان جذي قال انا مسمي لفلانه شوفي نصيبج ما اقدر اخذج والله العالم ان كان صج ولا حتوته قالها عشان ما يوهق نفسه مع البنت ويكون له عذر قوي للفراق بدون ماتحطين ببالج ان كان مجرد يلعب
الشغله الرابعه بعد ما قال انا مسمي لفلانه قال خلينا نكمل مع بعض لين ما القدر يفرقنا < هذي حتى لو اجيب لج وحده باولى ابتدائي تفهمها وانتي ماشاءالله جامعيه ماله داعي واللبيب بالاشاره يفهمو يعني اشكره يا فلانه خليج تقزوره لين ما انا اتزوج او انتي تتزوجين بس عشتو قالها بطريقه ذربه يعني وسوالف لف ودوران عرفتي
بالاخير القرار راجع لج يا بنت الحلال بس اقعدي على يوم بينج وبين نفسج وأسأليها وقولي يا فلانه اللي هي انتي
هل انتي بنت الناس والحمايل او القبايل المتربيه المتعمله الجميله المثقفه الدارسه والمدللـــــه والمتدلعه ببيت اهلج واللي اهلج صانوج وحافظو عليج ولو تقولين ابي راحو يركضون يلبون لج متطلباتج واللي ببيت اهلج تامرين وتنهين < يجي واحد يهينج بكلامه وفعايله هذا وانتي اللي عمرج ما انتهتي ببيت اهلج يمر عليج حب عابر يهينج ويقلل من مقدارج ويدوس على كرامتج
انا ابيج تقعدين تفكرين بهالكلام بينج وبين نفسج وتاخذين القرار واذا انتي مو قادره تنسينه روحي اسجدي لربج وقولي يارب مثل ما زرعت حبه بقلبي زيل حبه من قلبي عاجل غير اجل واجعلني اشوفه انسان عادي ما احمل له اي مشاعر وكرمني على هالفعل وارزقني اللي يحبني بالحلال ويصوني ويعزني ويحافظ علي واكتب لي كل خير في حياتي
وكرامتج يا بنت الناس احفظيها ترى محد يستاهل نفسج كثرج لازم تحبين نفسج وتحافظين عليها وتصونينها وتحافظين على كرامة نفسج واللي يفكر انه يمسها ولو بكلمه دوسيه ولا تحطين له اي اعتبار بقلبج وقولي بينج وبين نفسج منو هذا اللي انا حبيته وعشقته وتأملت فيه خير بالاخير باعني وداس على كرامتي يوم قالي خلينا نبقى مع بعض حتى بعد ما اعترف لج بانه مو لج
والله حرام اللي يسويه فيج بس وكلي امرج لله وصدقيني حوبتج مرح تتعداه وشوفي حبيبتي بقولها لج بصريح العباره انا مو ضد الحب بالعكس الرسوله صلى الله عليه وسلم حث على تزويج المتحابين بس انا ضد اللي تحب بهالزمن لانه زمن وصخ صدقيني نااادر ما تلقين فيه الوفي ومن كثر ما نشوف اللي يمثلون الوفى صرنا ما عاد نفرق بين الوفي والخاين عشان جذي انا مو بس انصحج لااا انا انصح كل البنات اللي يكلمون ويحبون ومتأملين خير بالحبيب انه يبي زواج انصحهم من كل قلبي انهم يتركون العلاقات قبل لا يتدبسون بالحب صج وساعتها الله يعين البنات شلون رح يتخلصون من هالحب وطبعا الحب اكيد بصمه بالقلب ماتزول الا ولها ذكرى ان كانت بالحلال فذكرى سعيده وان كانت بالفراق فتكون ذكرى تعيسه عالبنت وصعب انها تتغلب عليها والله يعين الجميع والسموحه حبيبتي طولت عليج بس صدقيييني لمصلحتج وانا ادري بالبدايه صعب ورح تتعبين بس اشغلي نفسج باهلج ورفيجاتج والبحوث والدراسه عشان مايكون لقلبج مجال انه يحن على هالانسان والله يوفقج يارب ويرزقج اللي يعرف قيمتج ويحافظ عليج بالحلال عاجل غير اجل

 

[ظبية بوظبي]

لاعبها صح
قال ايش قال وصيه ابوي
طيب يا حلو وما دام انك داري ان فالنهايه بتاخذ قريبتك
ليش قمت تحب وتعشق من البدايه هااا؟؟؟
هذي واضحه انه يتسلى
لا وبعد يقول ايش يقول خلينا مع بعض لين م القدر يفرقنا
يا محلاه
اوكي صحيح ان مرات الامور تكون مب بادينا
لكن ما دام ان هذي النتيجه النهائيه
خلها تكمل حياتها بعيد عنك
والحمدلله ان الامور ما وصلت لبعد من كذا
بس ممكن لستمروا
ممكن توصل لمرحله صعبه
الله يكون فالعون

 

[بولندية]

البنات كفو وفو لو يبيهاااا يتزوجها و شخبااااااري سالفة البنت العم لولد عمها

أي شي كلامه

 

[exanon]

خليها تشوف نصيبها والله قادر يخليها تحب خطيبها و تعيش أجمل ايام حياتها والله يوفقها

 

[مطيريه ميه ميه_]

يقص عليها !!
اول شي كان عذره بنت عمه واصلا ابوه ميت يعني ماعنده ابو يقول مابي ازعله
وبعدين قال عذره انج انتي حضريه مع ان هي اصلها بدوي
يعني الرجال بكل اختصار يتحجج
وشنو يعني قال لها احبج ومثل له جم حركه رومنسيه ..؟ الي يحب يضحي
الي يحب عمره مايتخيل الي يحبها تكون بحضن واحد غيره
خل البنت تتدارك حياتها وتخليه ولو كان فعلا يحبها كان راح يعرف قيمتها لما تهده ويرد يخطبها
ترا حتى لما تهده طبيعي بيحاول يستعطفها ويردها ويقول خلينا مع بعض بس لاترضى
خل تقوله دام النهايه تشوفها اكيده ليش نضيع عمرنا ونتعلق اكثر
خل تفكر ان بيوم من الايام بتكون زوجه رجال وبتندم على كل لحضه قضتها مع واحد بكل سهوله قالها توكلي على الله وروحي