يربي شسوي شوركم قواكم ربي

[إستبرق]

السلام عليكم




بنات بدخل بالموضوع انا بالاردن واليوم العصاري شفت ريل بنتي حبيبتي ولا فيها حبه فقلت تكرمون يمكن من الجوتي ولا قبل شوي ريولها زاد فيهم وبعد بفخوذها ةاهي من امس تفولي برجع فالظاهر انه عنقز الحين السالفه فولدي توه 5 اسهر وتو بقوقل كاتبين مو زين وساعات يكون مميت اللهم لا يبلانا بعمره يعني صج معقوله يربي شسوي
وباجر ان شاءالله بوديها الطبيب بس ابي تجاربكم مع العنقز شمة خففه خدامتي تقولي اعطيها بيض عشان يطلع بسرعه صج

 

[إستبرق]

اعذروني على البدليات اكتب من الفون 

 

[[[ عيون جابر ]]]

ماعندي خلفيه عن الموضوع
للرفع

 

[love love]

حبيبتي ماتشوووف شررر

والله مادري بس كل الي اقدر اسوييه ادعييلج

ان شااااااااءالله مايصير فيه شي وتتشافى بنتج بسرررعه موشرط ترى ينتقل له
بنتي قعدت مع الي فيهم عقنز وماصار فييها

 

[ZajiL]

هلا وغلا استبرق
ماتشوف شر بنيتج بس دايما الصغير يكون خفيف علييييييييييييييه
اهون من الكبير
وان شا ءالله مايطلعله ماتدرين

مايشوفون شر ان شا ءالله

 

[إستبرق]

فراوله مشكوره على الرفع ورفع الله قدرج




عالم حبيبتي والله وشر مايجيج وامين يارب ربي يسمع منج سكتي من التفكير وخوفنا زوجي يقولي شرايج نقص تذكره ليعقوب والخدامه للكويت . الله يستر بروحها بنتي طول اليوم قاعده عند اخوها




اهلين حبيبتي زاجل اي قالوا على الصغير اخف بس على الرضيع  يربي الله يسهل يارب قلبي انغمت وانا وزوجي كل واحد يفكر بشي

 

[أغلى حبيبه]

رد : يربي شسوي شوركم قواكم ربي

عادي حبيبتي اناولدي كان بالاشهر وصار فيه والحمدالله اخف من اخوانه

بس انتي دهنيهم وعطيهم كل ٤ ساعات ادول عشان مايحكون

وشربيهم شوربه عدس بسرعه يطلع

ومايشوفون شر ان شاءالله

 

[طرطعانه]

اذا توه ماصار بولدج

روحي عياده اطفال واخذي تطعييم ضد العنقز وارتاحي

 

[ZajiL]

الشمله تطعيم العقنقز مايصير قبل السنه

وصاجه شربيهم شوربة عدس عشان يطلع بسرعه من جسمهم

والله يعينج يارب وان شاء الله تكون خفيفه عليهم

 

[إستبرق]

اغلى حبيبه ماتقصرين حبيبتي ويزاج ربي كل خير طمنتيني زياده تو بعد وحده طمنتي الله يبعد عنكم الشر وعيل باجر بحيل الله يوم البيض والعدس 




طرطعانه حبيبتي مشكوره على الرد بس ولدي مايصير يتطعم

 

[إستبرق]

زاجل امين يارب ويبعد الشر عنكم يارب وماتقصرين والله 

 

[غنوة ستايل]

الله يشفيها يارب

 

[إستبرق]

امين يارب ويشافي مرضى المسلمين جزاج ربي كل خير وعافيه

 

[love love]

لا شنو تقصين له تذكره مع خدامه

عزلييييييهم الحين ويصير خير بعديين لين تودينه الطبييب باجر

 

[ريتااجي]

رد : يربي شسوي شوركم قواكم ربي

حبيبتي عزلي ولدج عن أخته

واذا وديتيها بكرة الطبيب راح يعطيج كريم تحطي على جسمها لونه وردي موذاكرة إسمه

بس هوه يبرد على جسمها ويخفف من شعورها بالحكة

وماتشوف شر

 

[..’’ياقلبـك الخوّاف’’..]

ياقلبي انتي عطيه دوا زيرتك بالليل عشان يخفف الحكه..وحاولي تقعدينها بحوض فيه ماي ومره تراه تنشف الحبوب..انا تو ولدي قبل كم شهر كان عمره 11 شهر وجاه ما اثر فيه بس عنقز طبيعي

 

[eman84]

ويي الله يشافيهم يااارب
ماعندي فكره حبيبتي ان شاء الله البنات يساعدونج

 

[إستبرق]

عالم حواء اي اناقلت لزوجي لا مستحيل والله كريم




ريتاجي ربي يعطيج العافيه وبسأل يعني الحين لو نومتهم اثنينهم معاي بالغرفه بس كل واحد بسرير وبعيدين عن بعض هم يعدي
والله كريم بشوف باجر شنو يصير

 

[إستبرق]

ياقلبك حبيبتي يعطيج العافيه وبشوف وين في مره هني  والله كريم ويبعد الشر عن عيالكم





ايمان امين يارب وتكفي طلتج وماتقصرين*

 

[إستبرق]

ما ادري شالسالفه تو قعدتها عشان نوديها الطبيب ولا الحبوب خافين