يسير أسكن بروحي وعمري 26 ؟.

[ديرتي الحلوة]

السلام عليكم..بنات حبـبايبي بدش بالمووضوع علطوول وانشااالله الاقي الحل عندكم،،، خواتي بغيت اسال اقدر اسكن بروحي وعمري 26 سنة ومو متزوجة،،,السب هو عندي مشاكل عائلية ولا تقولون قعدي في بيت اهلج ليم تتزوجين ومن هلاكلام ترا والله ماتدرون شنو ورا البيوت والاهل مو مثل اول والدنيا تخوف ومحد يثق باحد،،ــ الله يخليكم ساعدوني يسير ولالا ،، واذا بسكن بروحي وين اي مكان يقدر يستقبل يسكن عنده بنت مو متزوجة يعني شقق فيها بنات او ادوار وجذي وهل القانوني معاه ولا ضدي خصوصا عندي مشاكل الله يخليكم لا تردوني

 

[Tom ♥ Jerry]

,

كلش مو لمصلحتج !
سمعتج بتصير بالحضيض اسمله عليج
بيت اهلج ثم بيت اهلج ثم بيت اهلج ..



الله يفرجها عليج :*

 

[خالتي قموش]

والله محد بيفيدج غير اهلج
لو العيوب الدنيا فيهم
سترج وغطاج
لو دارت الدنيا فيج
محد بينفعج غيرهم
هم اللي حبهم لج من غير مصالح

 

[ماتغير شي]

ااااب


الله يعينج مانصحج كلام الناس مايرحم

 

[حلآ الرياض]

من كلامك مبين ان مشاكلك مع هلك كبيره
والدنياء صارت تخوف وماحد يثق باحد كني فهمت مشكلتك
بس الحل مو انك تطلعين من البيت مثل ماقالو الخوات سمعتك وكلاام الناس مايحرم حتى لو م راح تسوين شي غلط
ماحد راح يفهم هالشي..وماعتقد ياجرون شقق لبنات وغير متزوجات هي مطلقه يالله يالله
بس دام منتي قادره تجلسين مع هلك لاسبابك الخاصه اضعف الايمان ...اجلسي بغرفتك وتجنبي الاحتكاك وياهم
عشان تخف المشاكل وفيه موضوع هنا مره حلو برنامج الاستغفار وقراءة سورة البقره ناسيه اسم العضوه بالحيل
حلو طبقي هالبرنامج وادعي وربي بيسر امووورك باذن الله واحسني الظن بالله وامورك راح تتحسن
ومساله شقه وبنات والله تجيك بلاوي انتي ف غنى عنها خاصة مو كل البنات يخافون ربهم وماتقدرين تتحكمين ف تصرفاتهم
ولو نصحتي كنك كفرتي اصابعك ماهي سواء بتشووفين عجب عجاب ومن ناحيه انه قانوني مدري عندنا لا واظن هم عندكم لا
حتى لو فيه مشاكل مردك لهلك...واذا عندك مشاكل مع هلك اذا طلعتي وسكنتي لحالك بيكون عندك مشاكل مع المجتمع ونظرتهم
فايهم احسن تتحملين مشاكل هلك وتحاولين تتحاشين المشاكل وتحلينها وتدعين كل يوم باخر الليل وان شاءالله ربي كريم
ولا تطلعين من بيت هلك وتقطعين صلة رحم وتواجهين المجتمع وناس ماتعرفيهم ولا تعرفين تربيتهم وافكارهم؟؟!!
انا راي الشخصي ولك حرية الاختيار الزمي بيت هلك واذا مره مره الوضع متازم اجلسي بغرفتك كانك تدرسين قابلي دراستك كانك تشتغلين اشغلي نفسك بدراستك ومع كل صلاه استغفري ربك بغرض انه يصلح بينك وبين هلك وادعي باخر الليل وحاولي
تتقربين منهم بطريقه تصلح الامور بينكم لان كل مشكله ولها مفتاح وفكري وبتلقين المفتاح الصح
اختك حلآ الرياض​

 

[آهات و خواطر]

بيت أهلج أرحم لك

 

[آهات و خواطر]

الله يعينك أختي ويسهل أمورك ويسعدك
فيه مستشار أسري ونفسي بتويتر (( mostshark@ ))
أعرف بنااات كثير حل مشاكلهم

 

[PuPa^^SWeeT]

الحل بوضع النقاط على الحرووف مو الهروووب

 

[بنوته العسوله]

انا خالتي قموش
مدري من وين طلعلي هذا
شلون غيره وارجع اسمي

 

[ناتشوو]

زين
اذا متأكدة
عندج سبب كبير تطلعين
روحي عند اهل لج
جد جدة اعمام؟

 

[غـرامـي أنـت]

مدري احسها صعبه تتركين بيت اهلج وتسكنين برووحج

الناس ماترحم

 

[granted]

شوففي وين مصلحتج وطز بكلام الناس حبيبتي عمره من نقص من حد ولازاد من احد

 

[قوتشي بنت LV]

وعلييكم السلام ..

حبيبتي انا من رايي انه تقعدين ببيتكم ..

صدقيني بتصيرين علج بحلج اللي يسوى واللي مايسوى

حتى الشريفه يطلعون فيها الف عيب ..

واذا كلش متأزمه منهم لاتطلعين من غرفتج بلمرره ..

وإدعي انه الله يهديهم :eh_s(17):​

 

[زوجي كويتي]

حبيبتي اذا كنتي بالبدايه متشجعه عشان المشاكل صدقيني بعدين عقب فتره راح تتعبين
اول شي سمعتج
ثاني شي والاهم الوحده صعبه حييييل واسألي مجرب
واهلج مردج لهم احنا مو اجانب حاجتنا للأهل غصب علينا حتى لو مانبي منهم شي عالاقل قدام الناس عندج ظهر وسند
عيشي مع اهلج بس تخيلي جنج بروحج مالج شغل بأحد فيهم
والله يسهل امورج حبيبتي ويهدي النفوس

 

[روجَ آحمرَ ..×]

ممم في حل غير السكن عند اهلكَ ..؟
يعني مثلا جدتك لامك جدتك لابوك
اعمامك خوالك روحي عيشي وياهم اذا عادي ميانه وزي كذا
بس لوحدك احس انتي بتستوحشين لوحدك
ممكن تجربين احد من هلك يعيش معك لو حبيتي
بس لوحدك احس راح تتعبين خصوصا 0حنى بمجتمع شرقي
وافكارهم لازالت قديمه بس اذا كان مشكلتك نفس اللي بالي
لا تسكتين ابداااا
حتى لو تعيشين برا .. موب مهم الناس ولا كلامهم ولا حتى شنو يفكرون فيه
اهم شي انتي

 

[أغداً القاك]

طبعاً كل كلمة قالوها الخوات صادقين فيها
بالاضافة الى ان في ناس راح يطيحونج بالغلط غصب طيب
لان بنت بروحها من غير اهل تعتبر لقمة سهلة لذوي النفوس المريضة
حتى وان مابينو هالشي من البداية
والخوف من الندم وكلمة ياليت الي ماراح تنفع بعدين
اذا فعلاً حياتج صعبة او ان خطر يهدد حياتج
حاولي تروحين حق عم او خال او بيت يدج يدتج اي احد من قرايبج
بس لا تسكنين بروحج . والله الدنيا ماترحم كلش
ترا شاب ممكن يضيع شلون بنت بعد ؟؟!!!!!
فكري تدرسين فبلد عربي .. هم سكن وهم دراسة
وان شاءالله يرزقج بولد الحلال الي يسعدج ويريحج

 

[روح الآناقه]

حكاية آنك مابعد تزوجتي وبتستقلين بشقه لوحدك
جداً صعبه لانه لاديننا ولاعاداتنا تسمح بالشي هذا
وخصوصا ان اهلك عندك لكن لو كان الوضع فيه دراسه ومستقبل
نظرتهم تكون ايجابيه اما هروبك من مشاكل هذه صعبه جداً
وبتعود عليك بسمعه سيئه حتى لو كنتي نقيه هذا المجتمع. لا يرحم البنت بالذات
تحملي ضيم اهلك اهوووون من قذف المجتمع لك
والله يرزقك باابن الحلال الئ يسعدك ويصونك

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[خالتي قموش]

الجيئي الى الله
رفعي ايدج و طلبي رحمته سبحانه وتعالى

 

[هويتك]

حبيبتي غلط تسكنين بروحج

ماعتقد في مكان يستقبلج

خلج فبيت أهلج وعزلي نفسج مالج شغل بمشاكلهم

عليج بنفسج وبس

أما سالفة تسكنين بروحج شيليها من مخج حبيبتي

أحنا تقيدنا عادات وتقاليد مايصير نشذ عنها