يسير أسكن بروحي وعمري 26 ؟.

[هدوء بحر]

لا مايسيرحبيتي ..

 

[mrs.abk]

تضحكين الصراحة .. مافيه بيت خالي من المشاكل .. ركزي وحلي مشاكلج .. وصدقيني بتهوون

 

[dalo0oa121]

شنهي مشكلتك بالبيت
؟
عشان نعرف اذا يستحق السكن لوحدك او لا

 

[!! شوق !!]

شوفي قانونيا ماينفع
دام اهلج راعين مشاكل معناه ببلاغ صغير تنسحبين للمخفر ويوقعونج تعهد ويصير تحت مسمى تغيب او هروب \

ثاني شي اجتماعيا .. هم ماينفع بتكونين عرضه للكلام والقيل والقال .. وصدقيني وثقي بالله ماراح تقدرين تنامين الليل مرتاحه بتحسين بتوتر وخوف انه ممكن احد ياذيج

كلش كلش بايعه عشرتهم وماتبينهم .. تقدرين تلجئين للشؤون تسالينهم وتشرحين وضعج ويخلونج تعيشين فبيت الضيافه

واتمنى قبل لاتخطين اي خطوه تسمعين المشوره من الناس العاقله وتستخيرين وتوزنين الامور بعقلج .. ترا ماكو بيت خالي من المشاكل

 

[مريااانه 4]

طيب واذا سكنت لحاالج ماايخووف اول شي مااارح تسلمين من كلام الناااس الله يحفظج

 

[دلقينيوم]

الحين صاحبة الموضوع وينها
كلمينا عن مشكلتج
بجذي رح تكون الصوره واضحه

 

[فيلجاويه كيوت]

تحملي بيت اهلج ولا تسكنين بروحج
مهما كان بيت الاهل غير

 

[مولاي الفرج]

والله مادري

بس صعبه ترى ماتخافين على نفسج ؟ ترى اذا الاهل يخوفون الغرب يخوفون اكثر

 

[اميره^_^بحلآها]

حبيبتي اسكني عند اهل امج او ابوج ..~
لككن سكان بروحج اعوذ بالله رااح تطلع علييج سسمعهه مو زينهه ترا

 

[gmar al-kuwait]

ماعندج اخو صغير بعمر 12 او 13 اخذيه وياج
اما تسكنين بروحج ماانصحج

 

[ام متلق]

العقل يقول ماوصل تفكيرج انج تسكنين بروحج وتتحملين نظره المجتمع الي يتنهشج نهش وانتي عارفه الا في شي كبييير وجايد اكبر من ان العقل البشري يتخيله انا حسيت من كلاامج جذي اول شي اطلب من الله العزيز القدير القدوس القادر الكريم الرحمن الرحيم ان يفك كربج وييسر امرج ويجعل لج من كل هما فرجا ومن كل ضيق مخرجا واوصيج بقيام الليل لو بركعتين بالثلث الاخير من الليل والناس نيام وتذللي لله بالدعاء والحي بطلب الحاجه من الله مع حسن الظن ان الله سيستجيب باذن واحد احد وكثري من الاستغفار بدون كلل او ملل وناجي الله وتضرعي له بذل ومسكنه وخضووع والحاح صدقيني بيستجيب لان الله هو وحده القادر علي اخراجك مما انت فيه

 

[كويتيه فرنسيه]

روحي كملي دراسه برا ويفضل بدوله عربيه منها بتستفيدي ومنها محد يقدر يتكلم عليج وتفتكين من المشاكل

 

[المرتاحة]

شوفي حبيبتي انا قبلج فكرت اسكن بروحي خصوصا ان انا شخصيتي ما تهتم لكلام الناس و طاقته بالطوفة اذا سويت شي ما يغضب الله ووانا مقتنعه فيه اهم شي بالدنيا راحتي

لكن يوم فكرت و سالت الوالد حسيته اشوي تضايق علشان جذي تراجعت وأتحمل فدوة لاعيون أمي وابوي الله يخليهم لي


انتي شوفي امج و ابوج و أخذي رضاهم و سألي محامي علشان تعرفين كل شي من الناحية القانونية بس ما اعتقد القانون يخالف لكن الافضل تسالين


و دوري لج شقق فيها ناس محترمة و عوائل في منطقة سنعة اذا عزمتي تسكنين بروحج
بس اذا حسيتي امج وابوج مو راضين نصيحة حاولي تتحملين

 

[معي احلى]

الله يستر علينا وعليك ..


كلنا بيوتنا فيها مشاكل وانتي قلتي ان البيوت اسرار ..


ولو انك شايفة الموضوع عادي كان مانزلتي موضوع تسألي اذا يصير او مايصير ..



لانك عارفه ان الموضوع غلط .. لانه مافي سبب وانتي بنت .. تسكني لحالك بمعنى ان معك عمل في مكان بعيد عن منطقة اهلك .او دراسه ..



وبعدين الناس والله ماترحم .. حتى لو انتي في حالك .. بتخلي الذي يسوى والذي مايسوى .. يطمع فيك ..



مهما كانوا اهلك انتي عندهم في قلعة محصنه .. وفي امان ..



الله يرزقك بالزوج الصالح عاجل غير اجل ..

 

[جوك احلى جو]

مهما كانت مشكلتج صعبه بالكويت تعيشين بروحج لان احنا بالنهايه محنا بدوله اوروبيه فهالتصرف اللي بتصرفينه كانج تعالجين الغلط بغلطه اكبر انتي بنت وخافي علي سمعتج وحده بعمر صغيييييييير جدا ومومتزوجه وعندها اهل وبتسكن بروحها صعبه صعبه


شوفي يا اختي مالج الا الله سبحانه وكلي امرج له ماتدرين ربج شلون بيفرجها كثري استغفار وصدقات كوني مع رب العباد بكون معاج والله يعينج يارب بس فكري بالموضوع من كذا زاويه ديري بالج من السكن بروحج

 

[سماء الاحساء]

اسأل الله لكي التوفيق وتسهيل الامور

 

[fatma A]

حبيبتي والله ماكو بيت مافيه مشاكل عادي لازم تتعودين انا من اول من ولدت وانا عايشه بمشاكل ولي الحين وعمري 23 وللحين المشاكل ما خلصت وكل مشكله اكبر من الثانيه بس عمري ما فكرت مثل تفكيرك انصحج انج تلهين نفسج باشياء تفيدج مثل تروحين نوادي رياضيه الرياضه ترفع من معنوياتج او تزورين رفيجاتج احسن لج

 

[أم دوينة]

شهالمنكر بعد @@

انزين اذا طلعتي في بيت بروحج وانتي توج صغيره ولا زوج ولا اهل!! شلون بتعيشين؟ شلون بتحمين نفسج؟؟ ليش تفتحين العيون عليج ؟؟؟

تحملي وصبري وربج كريم يفرجها .. صح البيوت اسرار بس ياما سمعنا وشفنا بلاوي بس ما توصل ان البنت تطلع من بيت اهلها وتعيش ابيت بروحها احنا مو اجانب ..

احنا عايشين بمجتمع محافظ والحالات الشاذة مثل هذي ينحكم عليها بسهولة انتي حافظي على نفسج وعلى سلامتج ولا تعرضين نفسج للخطر خافي على روحج .

والله يهدي اهلج لج ويهديج لهم يارب ويفج عوقج

 

[انسام الكويت]

اذا مشاكل جايده حاولي تحلينها وتصبرين لكن اذا المشاكل مالها حق مالومج

والله يكون بعونج وفي أختي بالفروانيه والسالميه والشعب اللي جدام حديقة الشعب


روحي سألي واستفسري بس لو تتزوجين يكون أحسن دوري لج خطابه تزوجج ومنها تسترتي وكوني عائله وارتحني من المشاكل

 

[نوف الصقعبي]

لا إنتى مو قاصر
يعني تقدرين تسكنين بروحج قانونيآ



لاكن


انتى بنت

لاتزعلين من كلامي وفهميني

الدنيا فيها ذيابه

باجر لاسمح الله احد يقص عليج بسم الحب وياخذ غرضه منج ويخليج
ساعتها شبتسوين


بتقولين هالشي مايصير

اللى تعانى من ظيم اهلها لابد وان تبي شخص يعوضها الحب والحنان

وشباب الزمن هذا مومقصرين
بسيمفونيات الحب الروميوري والعنتري والقيسي

وكل هدفهم اخذ حاجتى واخليها
خاصه اذا عرف انج منحاشه من اهلج وساكنه بروحج لا وموقاصر
لان اللى موقاصر لما تغلط تنسجن مومثل قانون القاصر
يعنى ماراح تقدرين تحمين نفسج قانونيا لاصار لج شي لاسمح الله

نصيحتي شوفى لج خطابه وتزوجي ارحم من انج تقعدين بروحج وبشقه بزمنا هذا

والشيطان حي ترى مامات

وربي يحميج ويحفظج من كل شر
​