يصير العيال يساهمون في مصاريف البيت؟

[المكسيكيه]

اكيد يصير اهلي اذا ما احط معاهم احط مع منو
والله كل المعاش فداهم فديتهم
بس هم يكونو بخير وبصحه وعافيه

 

[DIOoOoO]

تدرين عاد انه امي قررت اتحط برنامج شهري تلزمنا فيه انه كل واحد فينا طبعن انا واخوي نحط مبلغ 100 مع ابوي عشان تخفف عن ابوي شوي لأنه المصاريف اليومية تحرق الفلوس وخصوصا اذا كان في البيت 12 نفس وحلو انه الواحد ينويها كصدقة لأهل بيته ومساعده لهم بجانب انه احنا مو مقصرين لما يطلبون اهلنا شي وحتن مع اخوانا الصغار وهمن الكبار بس فكرتها انها تبي تعودنا على تحمل المسئولية خخخخخ فلوسنا كلها رايحه عالى العيادات والمجمعات !! زين تسوي فينا ههههههههههه

 

[شوشو الشقيه]

تسلمين
لا بالعكس اذا جبيتي لهم هديه عطر من معاشك ما يصير
اذا ما يرضون ياخذون
جيبي عطر او عشيهم على حسابك
في البيت
المهم سوي شيء
من اختج شوشو الشقيه

 

[الحــــياة]

أي والله نساهم وأخصص مبلغ كل شهر لأمي(ياليت ابوي حي وعطيته بعد من معاشي)واساعد بمصروف البيت وياليييييييييييييييييييييت نلحق ربع جزاهم والله لوشنو؟؟عسا ربي يرحم الميت ويخليلناالحي.

 

[!! شوق !!]

ييصير يساهمون وخلووو اهلكم يذوقون حلاوه نفعكم لهم .. الحين الوقت اهم يرتاحون واحنا نشوف امورهم
مو شرط شي كاش .. يعني مثلا بين فتره وفتره روحي الجمعيه جيلي ... خضرا فاكهه اغراض بيت .. بيوم طلعيهم غدوه برااا

جذي

 

[العنود فهد]

ما فيها شي

 

[C'est La Vie]

ميرسي بنات عطيتوني افكار حلوة :ggdw:
الله يعينا على برهم وينولنا رضاهم انشالله

 

[انصاريه قمره]

بصرااااااااحه حلوو انه الواحد يساااااااااعد لكن للاسف عندنا ببيت ابوي عيب كل ما يبت شي عطوني فلوووسه وحيل تضايقني هالحركه

 

[طوق البنفسج]

امممم اذا ما يرضون يا خذون فلوس نفس حالتنا ههههه

عزميهم على غدا

سويلهم مفاجاه سفره التذاكر و الفندق على حسابج

بين فتره و فتره اشتري سويت ولا موالح

مثل قبل رمضان اشتري موالج مشكله و مثلجه قولي يمدحونها و بغيت انجربها

بالعيد طلبي حلو العيد بكون فنتق و حلو

اذا عندج اخوان صغار عطيهم مصرف بين فتره و فتره و الا اذا حسيتي انهم يبون و مستحين يطلبون من الوالد

هذي الاشياء الي في بالي

 

[الغدق]

ايه عادي
مافيها شي
وحتى لو الابو أو الام اطلبت
مو اهم ياما اصرفوا عليك
وصح في بعض الاباء ماياخذون من عيالهم

 

[شهدQ]

اي عادي مافيها شي

 

[قـہۈه فـرنسيـہ™]

واااااااااااي ...طبعا أنا كلي للماما والبابا الله يخليهم لي ,,, طبعااا لازم أصرف مو غصب لكن كفااااااايه أبوي طول عمره يكد علينا ...والحين جااا دورنا نخليه يرتاااااح ... والرسول عليه الصلاة والسلام قال : أنت ومالك لأبوك وأمك ) <<< هذا محتى الحديث

بس يعني مو شي ثااابت ... يعني مرااااااات أجيب هدايا ,,,مرات مثلا أعطيهم عطيه ...مرات أقول الماجلا علي ,,و هيك يعني ...

 

[صلي على النبي]

الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا



اي عادي مافيها شي الام والاب تعبو وصرفو لين كبر وتوظفو العيال الحين دورهم يردون لهم الجميل بس على اننا عارفين ماراح نرد ولاجزء من تعبهم بس شي من لاشي ولازم قبل مايساهم لازم تكون النفس حلوه لان عطية بدون نفس احسها مو زينه