يطلب مني اصرف على البيت

[Milk^Shake]

رد : يطلب مني اصرف على البيت

ويييييع عاد كلش ولايطلع الريال بخييييييل واستغلالي ويموت عالفلوس
حبيبتي شنو يعني مطلقه في وايد مطلقات كانو ضحيه حق رياييل بالاسم لااخلاق ولاتربيه والله عوضهم خير ،،
فكي عمرج منه قبل لاتدبسين معاه بياهل او شي
والله يعوضج بريال كفو يتحمل المسؤوليه مو ريال بالاسم يدور على وحده تصرف عليه

وسوري لاتزعلين من كلامي بس نرفزتيني لو كل الناس بيفكرون مثلج جان ماكو مطلقه اتزوجت وعاشت حياتها بعد زواجها الاول جان كل البنات اتحملو اللي ريلها سكير واللي راعي بنات واللي مايخاف ربه واللي ماعنده ذمه

تقبلي ردي

 

[FeShinGoOo]

رد : يطلب مني اصرف على البيت

واي الله يعينج
قوليله حبيبتي مايبت هالسيره حق اهلي قبل الزواج وكلمي اهلج خل يتدخلون واذا اهو مايستحي يعلمونه الحيا ..

 

[فـرفـر]

للي هذاا اولها ينعاف تاليها
باجر لاحملتي مصرف اعيالج من الي عليييج ولا يقط فلس عليييهم
لا حبيبتي دخلي اهلج هذاا مو منطق يعرف رصيدج وفلوسج هو شكو
الله يعينج وتري الطلاق مو نهايه الدنياا انتى استخيري ودخلي اهلج

 

[هوازن العتيبي]

رد : يطلب مني اصرف على البيت

الا البخل صعبه مايتعدل كلش
ادعي ان الله يهديه ويغير حاله الى الاحسن

 

[brettey]

رد : يطلب مني اصرف على البيت

لا يبا يستريح زين خل ابوج واخوانج يوقفونه عند حده غصبن عليه اهو الي يصرف واذا رجعتي له اخذي موانع لانج لو حملتي منه خلاص انسي شي اسمه طلاق

 

[مزيونة اهلها]

اللهم يا ملين الحديد و يا مسهل الشديد و يا منجز الوعيد و يا من هو كل يوم في امر جديد اخرجني من حلق الضيق الى اوسع الطريق بك ادفع ما لا اطيق و لا حول و لا قوة الا بالله العلي العظيييييييييييم

 

[qowa1]

رد : يطلب مني اصرف على البيت

ما دق عليج ولا سال ليش تحرين نفسج عليه ا ذا اهو مومهنم لاتهتمين فيه ولاتحرين نفسج عليه العمر مره والحياه موواقفه عليه هذا حتى مافيه ذره رجوله مع احترامي لج مو قد المسئوليه واختيارج لطلاق موعيب ولاغلط عيشي حياتج والله بيعوضج احسن منه صدقيني ابتفتكين من همه ومن وجه اللي جابلج الهم

 

[مزيونة اهلها]

حسبي الله و نعم الوكيل

 

[eman84]

هذا اوله ينعرف تاليه

صلي استخاااره والله يكتب لج اللي فيه الخير

 

[noo7a]

انزين يمكن لي ييتي بيت اهلج
و قلتي لهم السالفه
و اهله درو بالسالفه
ان يبيج تصرفين على البيت
راح يستحي على ويهه لمن الكل يعرف ان يبي مره تصرف عليه و يحس بدمه و يصلح حاله
الله يهديه انشالله

 

[كويتية؟]

الله يعينج و يصبرج
بس لا تستعجلين و تطلبين الطلاق ترى الطلاق مو حل
اول شي استخيري وقوسيها بينج و بين نفسج شوفي
اذا الطلاق احسن من العيشه معاه بس انا من رأيي انج
تركدين و ما تطلبين الطلاق استشيري اهلج و اخوانج ترى
الطلاق مو هين في مجتمعنا
الله يفرج عنج كربتج

 

[اميره1980]

حبيبتي

هذا حسافة فيه كلمة رجل !!!!!!!!!!!

3 شهور وشفتي منه النون وما يعلمون ، عيل عقب 3 سنين شنو بتشوفين ؟؟؟؟؟؟؟

لا يا بعد قلبي عندي مصطلح مطلقة ولا الله يرحمها !!!!!!!

هذا باجر تنترسين من وراه أمراض عشان حبيتيه ولا تعلقتي فيه ولا عيلتي منه .........

بصراحة صج ما يستحي على ويهه ، ولا تزعلين مني هذا ما يبيج أصلاً ، يبي يمرمرج بعيشته

ويأذيج عشان انتي تطلبين منه الطلاق !!!!!!!!!!

أهلج لازم يعرفيون خباياه كلها عشان يوقفون بصفج ويأدبونه لج ...

ونصيحتي لج لا تردين له ، لأنه ما يستاهلج :ssssso::ssssso:​

انا مع الاخت برايها

 

[غير كل الناس]

الله يفرجها من غير طلاق

 

[love love]

الله يمسح على قلبج ويصير وياج الي فييه خير لج

 

[سارووونه22]

الله يعينج حبيبتي

 

[تم مشاري]

رد : يطلب مني اصرف على البيت

شوفي حبيبتي يمكن راح تسنغربين من رايي بس سمعي اذا اعجبج كان بها واذا ما اعجبج جنج ما قريتي شي

اذا كان ريلج مشكلته الوحيدة معاشج شنو فيها الزواج تعاون بس بكيفج يعني تتفقين معاه انج عليج شغلة معينه تحطينها بالبيت بس مو تعطينه بايده فلوس لا مثلا تشيلين شغلة بالبيت عليج

يبه انا صار لي 20 سنه متزوجة اول ما اخذني ريلي حسيت انه مضغوط ماديا من اول يوم سلمته كل معاشي مو نصه

والحمدالله الله عوضني خير مدللني دلال لاني عمري ما قصرت فيه

الحين اقول لج اذا انتي شايفة انه يستاهل يبه ما فيها شي بس اذا انتي شايفته ما يستاهل لا يبه

الحل الثاني تقعدين معاه بهدوء وتكلمينه بالشغلات الي انتي مو عاجبتج وانه مو شرط يتغير مره وحدة لا يبه قولي لا انج مستعده تساعدينه شوي شوي لين يتغير

انا اساسا ضد الي تزعل وتروح بيت اهلها بتزعلين قعدي في بيتج عشان تقدرون تحلون مشاكلكم

حبيبتي انتي جايه من بيئة غير بيئته وصعبه تتغيرون ب 3 اشهر

حاولي انج تقاربين بينج وبينه

وعسى الله يهدي النفوووووووس حبيبتي

وعليج بالصلاة والاستغفار والدعاء واهم شي طول ما انتي قاعده استغفري وراحتذكريني ان شاء الله​

 

[ام عفاف الكويت]

صدقيني الرجال البخيل هو الانسان الوحيد اللى محد يتحمله

 

[جذابه بنت ذيابه]

رد : يطلب مني اصرف على البيت

هذي من اولها ينعاف تاليهاااا

 

[ادمنت ضيمك]

رد : يطلب مني اصرف على البيت

اقول خليه يولي بالطقاق هذا مايستحي والله الي نفسه دنيه على معاش زوجته ولا طلب منج تصرفين على البيت اقول طقي بالطوفه وقوليله بالحرف الواحد انت ماتستحي وانا مااصرف على البيت انت الي تصرف عليه ومالك حق تسالني جم معاشج وين تودينه وين تصرفينه واذا مو عاجبك طلقني بيت ابوي ضفني وانا صغيره مو عجزان يضفني وانا كبيره وعيال عمج موجودين ومنتي عايبه وباذن الله اصليه واهلج اصيلين وبنت اصيل وصدقيني اذا ماتوفقتي بالزوج بالدنيا توفقين بالاخره هذول الرياجيل هم وغم قطيعه تقطعهم من الارض الله يكون بعونج حبيبتي ومثل ماقلتلج لاتقطين نفسج عليه عزي نفسج وانتي مو عايبه ومعروفه انج بنت منو واخوانج منو وقوليله اذا ماتسنعت وراي رياجيل يعلمونك السنع خليه يهابج يعرف انه انتي متطمنه لانه وراي اخوانج الله يخليهم لج ويصلحهم

 

[Tom ♥ Jerry]

.


آنزين يوم يبيج تصرفين على البيت جآن قالج من أول شي !
قبل لا تتزوجون ! شنو لعب يهال آهو !
خل آبوج يكلمه يقوله آنته مآ قلت لنآ آنك تبيها تصرف على البيت !
أوكي مو مشكله تشآركين معآه بالمصروف !
يعني تحطين من معآشج شوي > خو بالنهايه هاذا بيتج
بس مو آنه تصرفين على البيت كله و اهو موجود و عنده معاش ! :/
عيل وين بيودي معاشه !؟؟؟