يطلب مني فلوس بالهبل نص معاشي له وان طلب منه يقولي ..................................

[Hello_kitty]

حبيبتي ما فيها شي الوحده تساعد زوجها وخاصه بهالزمن الأقشر بس مو بهالطريقه ولا بهالأسلووووووووب العجيب الغريب!!!

انه ما ابي اضيق خلقج بس شي واضح ان ريلج مستغلج عدل عدل وحاطج البنك المركزي حقه يعني بإختصار عايش على ظهرج ومعاشج

وحارمج من انج تستمعين بمعاشج !!

ومخليج تعيشين في فكره الحياة الزوجيه تعاون والمره السنعه لازم توقف مع ريلها ومن هالحجي اللي يقص عليج فيه!!

حبيبتي من الحين طقي بريك وقولي استوووووب ترى حرام اللي قاعد تسوينه بعمرج شنو يعني ريال طول وعرض ماخذ قسط على ظهرج؟؟حق شنو هالقسط فلوسج وين قاعد تروح؟؟شارين بيت يعني؟؟؟

انتي مو ملزووومه تسكرين ديوووونه ماخذج عشان يسكر ديونه والا المفروض يصرف عليج؟؟

وفوووووق كل هذا بعد حتى كلمة مشكوره ما فيه يبي ياخذ من معاشج ويزعل ويطنقر اذا ما عطيتيه والطامه الكبرى ان يزفج ويقولج تفسفسين فلوسج وانتي ياهل!!!

كل هذا وانتي ياهل والله اسمحيلي انتي مو ياهل الا بموقفج هذا انقلبت الأدوار وانتي الريال اللي تكدين على البيت!!

بصراحه ريلج استغلالي وطماع واناني لاتزعلين وعارف انج ما تقدرين تزعلينه يطنقر ويعصب وياخذج باسلوب اللي يقنعنج انج المقصره وانج مو واقفه معاه

لازم تاخذين خطوه جاده وتوقفينه عند حده معاشج كله حقج وفوقها اهو ملزوم يصرف عليج زعل بوطقاااااااق شنو يعني انتي ما غلطتي

واهو الا بيمشي الغلط عليج اذا ما تلاحقتي عمرج ترى بيتمادى اكثر واكثر وساعتها ما يفيد الندم

 

[q8_hala]

يا حبيبتي
انتي اللي تتعبين وتهدين بيتج وتداومين بهالحر ومتحمله غثا المسؤولين بالدوام
وآخرتها ياخذه منج بارده مبرده
اقول يزعل وإلا يطق راسه بالطوفه
لا تعطينه ولا فلس
وروحي سوي لج حساب ثاني في بنك ثاني بشرط مايدري عنه
وأخذي ثلاث ارباع معاشج وحطيه فيه والباقي مصرف لج
واذا مو عاجبه خليه ينتف حواجبه
هذا شكله يكود الفلوس يبي يتزوج عليج ديري بالج منه

 

[Spoildish]

غلطاااااااااااااااااااااااااااااااااانه
نص معااشج حقه؟؟؟؟؟؟؟؟؟ اهوا شكوو؟؟؟؟؟؟ انتي مو ملزووومه اصلا تصرفين عليه, عنده قرض منو ما عنده قرض هالايام, اوكي تعطينه 50 60 اذاااااا محتااااج انا زوجي 3 قرووض عليه شكثر يحن علي مالقيه وي و عندي حساب توفير ياخذ من معاشي , حبيبتي انا مابي اشيشج علي زوجج بس ترا غلط, انتي عودتيه على هالشي الحين لازم شوي شوي تقطعينه

 

[British Girl]

من صجج انتي ؟؟
من امه ما اعطيه
واذا زعل ؟ قوليله زعل بو يعل انزين
مرده بيرضا
احنا يالحريم ما سويناااااااااا نفسه
شالحركات هاذي

اختي لا تعطينه لو تشوفينه يبجي جدامج خليه يتعلم وقوليله اي انا اتمنن شعندك م واحسن من واحد ما يصرف علي الا 7 دنانير

 

[بنت الارسنال]

حبيبتي ماعليج منه لا تعطينا انتي عودتيه على هالشيء ومخلي معاشة ويصرف من معاشج

 

[love love]

لا تعطييينه فلوس وخل يزعل مرده بيرضى

ريال يصرف وانتي تساعديينه بحيث انج تصرفين على نفسج مو تصرفيين عليه اتساعديين اي تصرفين لا

وفلوسه وين اترووح؟؟

انا شخصيا اساعد ريلي باني اشيل مصاريفيي وجم شغله بالبيت ويت مني انا شخصيا بس فتره معينه وبعدين خلاص انخلص من هالسالفه يعني بالتفااهم بس عمره ماقالي عطيني ولا صرفي ودفعي

 

[[[ عيون جابر ]]]

حبيبتي الحل انج تحطين لج حساب توفير وتخشين لج فيه احسن من ما تقعدين مفلسه وتآخذين منه

 

[um jojo]

انا ما اقول الا انتي الي عودتي فتحملي النتيجة

 

[KittyCat]

الله يعينج!
بس ترى غلط الى قاعد اتسوينه لا تعطينا ابد ترى الريال ما يحب المره التى تصرف عليه بالعكس يحب الى ادفعه!!!!
الحل دايمن تحججى انج عندج ظروف و انه ما عندج بس لا تعطينه لين يتعود و يبطل يطلبج بس لا تردين تعطينه انتبهى

 

[داناو]

اذا تبين الحق
ترى الرجال ماله حق بفلوس زوجته
هذي فلوسها وهي حره فيهم
تحرقهم تضيعهم كيفها
وياشينه لا حط عينه على فلوس المره
اذا بتعطيه من كيفها من طيبها كيفها هي حره بس مايجبرها
لازم توقفينه عند حده شوي

 

[أم وهابي]

يا حظى

ما تعرفين تصيحين بالفقر كاه قولى ما عندى وطلعى لج اميه سالفه وسالفه

انا زوجى لما شافنى احط بالبيت اهو قام يخش

شقمت اسوى كله ما عندى

 

[داريني]

على شنو عنده قروض وديوون
اذا شي يسوى وعلشانكم ساعديه بملغ بسيط مو اكثر من 100
بس اذا مديوون على خرابيط وشي ما يفيد
لا تعطينه خوو انتي مو ملزومه فيه اهوه ملزووم فييييج

سوري صج انقهررررررت

 

[hona elkuwait]

استغفرالله !
شفيهم اغلب الرياييل استخفوا !!!!
مو انت الريال ؟؟ ماعندك فلوس ؟ مومشكله دبّر نفسك !
ولا ريال على شنو !
فلوسج المفروض ماياخذهم انتي ماتدرين شوراهم
وانتي تكرفين وتتعبين وياخذهم بارده مبرده !!!
لازم يتعلم ويتحمل وانتي غلطتي المفروض من الاول تبينيله انه لا !
والله الرياييل لازم يشوفون الي تحمق وشوي عينها قويه عشان يخافون !!
وان زعل عااااااادي بكل بساطه قوليله

تزعل وتقعد !



لوووول لا اتغشمر موتقوليله جذي

بس حاولي تكلمينه مثلا تقوليله تصدق ريل رفيجتي عليه ديون وحالته حاله
ورفيجتي تبي تساعده موراضي ياخذ منها ولا فلس !!! يقولها مو انا الريال ؟ انا ادبر نفسي فلوسج لج
رجولتي ماتسمحلي اخذ منج فلوس انتي محتاجتهم اشتريلج فيهم ملابس جناط .. انتي تكرفين وانا اخذهم بارده مبرده ؟ لا

حاولي تقططين نغزات
وقوليله سمعت امي تسولف عن وحدة تسيرلنا ريلها كل مره ياخذ منها فلوس وامي شايشه وموعاجبتها السالفه
واتوقع لو درت يمكن تذبحني ! ف انا مابي اعطيك اسفه ، المشكله لما اعطيك ياليت الاقي منك مقابل ؟
بدال لما اطلبك ماتعطيني 300 400 تعطيني 7 دنانير ؟؟؟؟ وتبيني اعطيك بعد ! اسفه

ماتوقع بتوصل انه يطلقج الله لايقوله عشان سالفه جذي ؟؟؟
وان سواها فهني حجي ثاني صج ! يطلع موريال وموكفو ولا يستحي على ويها
سوري عالقرقه بس من القهر والله​

 

[Joody]

لا تعطينه وخليه يزعل مرده بيرضى حتى لما يزعل منج طنشي انتي مو مسويه شي غلط عذا حقج ومو من حق الريال ياخذ دينار من راتب زوجته والمفروض اهو اللي يصرف مو انته نصيحة خلي معاشج لج انتي بس شكله ريلج لا محتاج ولا شي خلج صريحة معاه وقوليله معاشي مو من حقك خلاص تبي انته ريال تقدر تدبر امورك لا تعتمد على مره

 

[دلوعة حبيبي]

الله يكون ابعونج

 

[عذبة_الأطباع]

الله يعينج ويصبرج
واقعدي مع نفسج والقي حل اهم شيء يرضيج انتي اول وتقتنعين فيه
شيء يريحج ويريح زوجج ... وبالتوفيق ان شاءالله

 

[كاميليا55]

الله يعينك على زوجك صج الزوجة تساعد زوجا اذا كان بحاجة بس اذا طلبت وهو عندة مايبى يعطيها عا دهنا قهر لى من الرجل هو المفروض للى يصرف عليها ما لعكس الله يصلح زوجك

 

[brettey]

لا تزعليج بس انتي الغلطانه عودتي نفسج انج تعطينه وماخذه له قرض تحملي خلاص انتي الي عودتيه
بس الحين ان طلب منج قولي له ما عندي وحتى لو عندي ما اعطيك وغصبن عليك تصرف عليي ولا حقي بطالب فيه بالمحاكم

 

[ام امون 70]

وااااااااي وربي بموت قهر

شلون تسكتيله شلون


شلون تخلينه ياخذ عليج قرض


يابنت الرجال مومال جذي بعدين تجي براسج

هذا اهو عطيتي عطا شكثر وخذيتيله قرض

ويوم قلتي مااقدر زعل وطنقر وسب ولعن

يعني مابين فيه الطيب

والله يختج الوحده تساعد زوجها مافيها ش بس بشي بسيط شي عادي اسمعا ساعدت يعني مثلا شرت لبس لعيالها شي خرب صلحته شي بسيط بس

مو تاخذ قرض وتعطي نص المعاش
يوليييييييييي زين

مااعطي واخذله قرض واقصر على نفسي عشانه

اهم شي نفسي بعدين اهو

طيعيني ماينفع معاهم الدلع طيعيني نوعية زوجج مومال دلع مومال حبيبي وياقلبي

مال تقوليله ماعندي روح اللي سويته كافي واللي عطيتك يكفي

واذا قال تمنين قوليله ماامن بس الواحد يستحي لي متى بصرف عليك

منو الرجال ومنو المرا


واي الحمدالله اللذي عافانا اكررررررره هالنوعيه من الرياجيل

 

[أنستاسيا]

احكيلو انك مشتركة بجمعية

ما بعرف شو بتحكولها بس هي مجموعة بنات كل وحدة بتدفع مبلغ شهري و كل شهر بتقبضها وحدة

فإنتي احكيلو هيك و حطي فلوسك بالبنك و بكرا غير ينفعوكي

صراحة خسارة تعطيه 200 و 300 و هو بالآخر يعطيكي 5 دنانير !!!!

ديري بالك و فتحي عيونك