يعطونج اكبر من عمرج ولا اصغر؟؟

[* Na3oMa *]

بالنسبه لي انا عمري 21 بس كل اللي يشوفوني يقولون جنج مستجده يعني 18

 

[ساره الكويتيه]

لووووووووووووول حلو الموضوع والله انا يعطوني أصغر من عمري عشاني مو طويله ولا متينه ولما كنت بالمتوسطه كانوا الممرضات يقيسون وزني ويضحكون يقولون إذا مازدتي وزنج بنردج الإبتدائية وكنت أرجع البيت أبجي على أمي أقولها أبي أمتن عشان ماأرجع الإبتدائي صج إني ياهل وينقص على ولما كنت بالثانوية لما يشوفوني يقولون انتي ثالثة متوسط وأنا طبعا كنت 3 ثانوية وألحين يقولون شكلج 17 سنه وانا عمري 21لووووووووووول وناسه أحسن عشان ماأبي أكبر بظل ياهل

 

[آهات الليالي]

انا يعطوني اصغر من سني

انا عمري 22 بس اللي يشوفني يعطيني مابين 16 و17

وانا صراحة مستانسة علشان حتى لو تزوجت ويبت يهال يقولون عيالج يقولون اخوج ونااااااااسة

تسلمين ع الموضوع

 

[omdoodoo]

انا محد يدري اني عندي ياهلين الله يخليهم حقي الحمدلله

 

[BADRIA]

انا بمكياج او من غيره حده شكلي صغير وانا جسمي بتيت ونوعن ما قصيره فيعطوني 17 او 18 :\

السنه هاذي رحت الحج وانا مو ظفه وجامعيه يعني مو صغيره كل اللي يشوفني ايقول حق الوالده يحيلها ليش محججته صغيره .. واللي تقول لي انتي شنو ادبي ولا علمي ولا مقررات :\ .. ولما اتقول اني موظفه يبطلون عيونهم @@

واخر موقف الاسبوع اللي طاف رايحه شوكلت بار مع عيال خالاتي واهم صغار عاشر وسابع يقولي لي الفلبيني انتو اباي كلاس :\ والفرق بيني وبينهم 9 سنين و11 سنه حسباله انا معاهم وخصوصن انا مااحط ميك اب ولا البس كعب عالي عزكم الله

 

[BaiTotia]

أنا يعطوني عمري أو أصغر بس بالغالب عمري

يوم كنت صغيرة يعطوني أكبر من عمري لأن كنت طويلة ماشاالله

الحين تقصملت مدري ليش هههههههههههههههههههه

 

[ترانيم العود]

انا عندي بنت و ولد محد مصدق على بالهم مومتزوجه

شكلي طفولي

 

[ناعمه العود]

واااااااااااااي اناا شكلي اصغر من عمري انا عمري 22 بس شكلي 17 دايما استانس لمن اطلع الحين انا مالجه عبالهم خواتي اكبر مني مره بعرس عبالهم ياهل بالمتوسط

 

[أم الغاااالية]

الموضووووووع روووووووووووووعه انا داااااايم يعطوني اكبر من عمري لان ملامحي حااااااااااااااااااادة ونظرررررراااااااتي جريئه هذا كلامهم اذ درو ان اختي اللي اكبر مني اهي الكبيرة وانا الصغيره دووووووووم اختي الكبيرة اهي الصغيرة وانا الكبيرة .,.,.,.,.,.,

 

[my_size]

من كنت ياهل و انا يعطوني اكبر من عمري
حتى ريلي مره صكت بيني و بينه لانه قال لا شعوريا جنج اكبر مني جنج بالثلاثين !!!!

 

[حناينq8]

انا وعيت على ويه الدنيا وانا شكلي اصغر من عمري بوايد

لي درجه يوم اللي كنت اولد بولدي البجر الطبيب يقول لي ياهل وبتييب ياهل (حزتها انقهرت منه ) لووووووووووول

بس الحين عرفت انها ميزه ولله الحمد مهما اكبر ما يبين علي

 

[بسبوسة الكويت]

هاي بنات

شلونكم

كل وحده تقولنا يتوقعون الناس عمرها اصغر ولا اكبر من العمر الحقيقي لما يسالونها اغراب


الي طرا علي المووضوع

شيين اول شي برنامج 10 ييرز يونقر يخلون الوحده بصندوق بالشارع والناس تتوقع عمرها طبعا في حريم ينصدمون ويصحون ويغيرون كل شي فيهم

الشي الثاني
كثر مايسالوني الفلبن جم عمرج؟ لما اطلع ومادري شنو السبب؟

امس طلعت صادف
بياعه الفطاير مالت كيك اند بيك فلبينيه تقولي كيوت اند يونق مومصدقه 23 وظلت متنحه لووووول والله تضحك لومصورتلكم ويهها
المشكله الفلبن اشكالهم صغار ومايبين عليهم هذا الي مستغربه منه

وبياع ماكدونالز احس سالني مستغرب اسوق خخخخخخخخ صوب دريشه استلام الطلبات يقولي انتي مو17

انا عمري 23 بس دايما يعطوني 17 مادري ليش

مادري شنو سر الفلبن معاي من يشوفوني how old are you?

حتى الناس العادينن بنات ورفيجات بس الفلبن بزود


وبشكل عام من صغري يعطوني عمر اصغر من عمري يعني لما كنت بالثانوي عبالهم متوسط ولما كنت متوسط عبالهم ابتدائي ولما كنت باجامعه عبالهم ثانوي


والحين انتووووووووووو؟

والله نفس الي يصير معاي:dddds:
بس ساعات استانس وساعات أتضايق
يعني لي متى بتم على هالحال:gathering:
مشكله الي مايعرفج علباله انتي اصغيره وما يحسبلج احساب :0bee2e8d89:
بس هذا نصيبي
ويعطيج العافيه عالموضوع

 

[مدرسه دايخه]

انا قصتي قصة
انا مدرسة من ثلاث سنين و البنات اللي ادرسهم مصرين ان عمري 18 سنة و الا يستغربون اني اسوق مع العلم ان عمري 26 سنه خاصمين 8 سنين من عمري

 

[تختوخه22]

انا يزيدوني سنه اوسنتين عشان متختخه

 

[مرت حمد]

انا كله يعطوني اصغر من عمري لو درو اني متزوجه و عندي اعيال يخترعون ما ادري ليش مع انه عادي انا احس اني مو صغيره ولا كبيره الحمدالله هذي نعمه من الله

 

[امـــــل مقتول]

ههههههههههههههه

انا شكلي اصغر من سني


بس لمن يشوف اختي الي اصغر مني

ينصدمون يقولون اهي اكبر


يمكن الطول يلعب دور

 

[هوفه]

الكل يعطيني عمري

محد كبرني ولا صغرني

 

[nazek_q8]

انا دايما يعطوني عمر اصغر من عمري

يعني انا الحين 28 بس يعطوني 24 اذا بحجاب واذا بدون حجاب اقل 20

 

[TeKaNa_Girl]

انا عمري 23 سنه
بس يعطوني 18 لان تقاطيع ويهي ناعمه ودايم يقولون لي بيبي فيس ^_^

 

[oranGe~Girl]

آنا عمري 20 كل من اقول له عمري 20 يبطل عيونة مو مصدق

طبعا بالابتدائي شكلي غلط والمتوسطة عبالهم بالابتدائي خصوصا مع رفيجاتي شكلي وايد صغير بينهم

بدون الحجاب يقولون شكلج كتكوتة وساعات فيه يعطوني 18 سنة

امي تطالعني تقوللي انتي 20 مو داش مخي

انا ردي لا تعليق