يعني تهقون الطلاق لها احسن ؟؟؟ ولا في حل ؟؟

[قصة وفاء]

بالله يأختي خلي صديقتك تقرأاللي أكتبه لها
حبيبتي كل اللي صاير لك مع زوجك شيء طبيعي
حبيبتي إذا من قبل أنتم ماتصلون تتوقعون أن الحياه أصلا لها طعم
وإذا تهاونون بالصلاه أيضا الحياه مالها طعم
أم زوجك لعلها تسليط وابتلاء من الله
حبيبتي امسحي دموعك وانسي زوجك اللحين وقومي صلي
واقراي قرآن
وادعي حبيبك اللي نسيتيه الله ادعي بكل مافي صدرك اشتكي له
قولي يارب ارحمني برحمتك التي وسعت كل شيء
كلما بجيتي تذكري ربك
انسي زوجك وأمه والناس كلهم خوذي عمره مع أهلك التزمي بالحجاب الشرعي إذا تسمعين أغاني اتركيها لأنها مزمار الشيطان
غيري حياتك لأنك تبي تغيرين
اسمحيلي حبيبتي للمره الألف انسي زوجك لأنك الآن تصلحي العلاقه مع حبيبك ربك تعلقي بالله هووحده العالم بكل ظلم تعرضتي له
قولي لزوجك ابنفتح صفحه جديده كلها طاعه وإيمان
وابنغير حياتنا
ومافي مانع تعرضون نفسكم على مشايخ
حبيبتي فومي الساعه 2ونص بالليل وصلي صدقيني جبال الدنيا كلها ابتطيح
حبيبتي كشختك لزوجك وبس ولبسك أما م الناس عادي ولايهمونك وتحصني بأذكار وأم زوجك احسني لها إن الله يحب المحسنين صدقيني إذا ارضيتي الله كل الناس سترضى عنك وإذ ااسخطتيه كل الناس ستسخط
آسف على الّإطاله لكن من إحساسي بما تعانين كتبت لك وفرج الله همك

 

[Tulips]

مسكينه عورت قلبي

بس الحمدلله ريلها حاس انه فيه شي مو طبيعي و راح يتقبل انه يتعالج عند شيخ

و وااااااااااااااااضح انه الريال مو طبيعي ياعين او سحر

ونصيحها تطبل روحاتها لبيت ريلها لانه ماوراها الا المشاكل وعوار الراس

يمدحون بالخفجي شيخ يقرا على الناس خل تروحله اهي وريلها

وخل تحاول معاه وتصبر دام تحبه

 

[Tulips]

وقوليلها تقرا البقره يوميا ترا والله ماتاخذ منها ساعه الا ربع ولا ساعه

 

[دنياالوله]

التركيز على عاملين رئيسين في حل جميع المشاكل :

اولا : علاقه الانسان مع ربه /

عليك أن تقوم بمراجعة نفسك، المراجعة الشفافة الصادقة، التي تجعلك صريحاً في النظر إلى تقصيرك..
عليك أن تؤمن أن الله هنا، يسمع العبد حين يدعوه، ويمدّ نعمه حين يرجوه.. فاسعَ إلى ذلك
جدّد توبتك، واعمل على تصحيح أخطائك مع الله، في صلاتك.. في خُلقك.. في كلّ ما يربطك به ومعه
تمسّك بصلاتك، حافظ عليها، اجعلها جوهرتك التي تحميها من شرّ الدنيا، لتحميك من عذاب الآخرة
اجعلها ملاذك وملجؤك الذي تفرّ إليه من ضيق الدنيا وكدرها لتنعم براحة وسعادة عظيمين ، حتى تكون قرّة عينك فيها
اعلم أنّ صلاتك هي ركيزة دينك، وهي طريقك للتواصل مع الله بلا حاجز، وهي حجابك الحاجز عن الفتن والمعاصي، وأنها من ستحميك من الوقوع في أي ذنب تعلمه ولا تعلمه
وتذكّر أن دينك يقوم عليها، وأنها أول ما ستُسأل عنه، وأنها البطاقة الأولى التي إن نجحت في المحافظة عليها فالدنيا نجحت في جعلها كافية للعبور بسلام في الآخرة
ثق بأنّها راحتك، أمانك، وأنها الوسيلة التي تقوّيك أكثر، وتجعلك صامدا أكثر، واثقاً بالله وبأنّه معك وسيعينك على تجاوز محنتك
رطّب لسانك بذكر ربّك، استغفره قدر ماتستطيع.. واعلم أن استغفارك خير لك، وأن استغفارك هو فرجك، هو وقودك للحفاظ على الأمل
وقُم بدعاء ربّك كثيراً.. فدعاؤك هو حديثك مع الله، اسأله ماتُريد، ألحّ عليه في الدعاء، وثق أنّ دعاءك لن يخيب، فالله يحفظ دعاءنا له، وسيحقّقه لنا هُنا أم في الآخرة
فإن كان الخير أن يتحقّق دعاؤنا في الدنيا فسيحقّقه الله، وإن كان الخير أن يتحقق في الآخرة فسيحفظه الله لنا للآخرة بأي شكل يشاء
تذكّر أن الدعاء في كلّ وقت هو خير، وأن عظمة الدعاء ومكانتها عند الله جعلته يُخبرنا أن آخر ساعة من يوم الجُمعة مستجابٌ فيها الدعاء، وأن الدعاء بين الآذان والإقامة كذلك، وفي جوف الليل أيضاً
تذكّر قول الله: [ ادعوني استجب لكم ] .. هذه الآية وحدها كافية لنؤمن أن الله لا يخيب ظنّ عبده به، فاحسن الظنّ بالله



ثانيا : مواجهة المشكلة /

عندما يساورك القلق على مشكلتك ، اختلي بذاتك و أجِب عن الأسئله التاليه :

( 1 ) ماهي المشكله ؟
( 2 ) ماهو سبب حدوث المشكله ؟
( 3 ) ما أسوأ الاحتمالات التي من الممكن أن تحدث ؟
( 4 ) ماهي الحلول الممكنه والمتوفره لدي ؟
( 5 ) وماهي أفضل الحلول وما مدى تاثيرها في حل المشكله ؟

بعد أن تتوصّل إلى مصدر المشكلة عليك أن تبدأ في البحث عن الحل .. تحديدك للمشكلة كفيل بأن يجعل الحلول تتبادر إلى ذهنك للظهور ..
اجلس في مكان هادئ وحاوِر نفسك، قُم بمحاولة ترتيب أفكارك
حاول معرفة مالذي يجعلك تُسيطر على مخاوفك و تستعيد ثقتك بنفسك ؟

اخلق في نفسك رغبة قوية في تغيير الواقع وتسيير الأمور إلى حلّ مُناسب حتى تخرج منها بأقل الأضرار..

تذكّر / يجب على كل شخص أن يهوّن موضوع المشكلة مهما بلغ حجمها؛ فكلّما تعاظمت بعقله فسيجدها أكثر تعقيد وسيواجه ضغوط نفسية شديدة لا تسمح له بالتفكير في حلّها
ففي بعض المشاكل يجتمع الطرفين على الشدّ سواء في رفع مستوى الصوت أو حتى البُكاء أو أيّا كانت تلك الصور ، وهذا خاطئ
فالخلافات لا تنتهي بشدّ من الطرفين، من يقوم بالشدّ على الآخر أن يرخي قليلاً مُحاولاً أن يُحادث نفسه مُردداً [ اهدء/ي .. على ماذا اتفقنا، اتفقنا على التزام الهدوء .. لا داعي للقلق .... الخ ]



لا تنسى أيضاً أن تجعل الاستخارة رفيقك في كلّ وقت، في كل مرحلة من حياتك.. وحتى حين ترى نفسك في مشكلة أو محنة
استخر ربّك فيها، واطلب منه إن كان في تلك المحنة خيراً أن يُريك إياه، وأن يجعلها قوة لك، زيادة في خبرتك في هذه الحياة لتُحسن التعامل فيما بعد في كل ما يواجهك
تصدّق كثيراً بنيّة الفرج، بنيّة الخير، بنيّة السعادة.. واعلم أنّ الصدقة تُطفئ غضب الربّ، وأن محنتك مشيئة من الله، فتصدّق وادعو ربّك ألا تكون هذه المحنة غضبا من الله عليك



أخيراً.. تذكّر:
[ ومن يتقّ الله يجعل له مخرجاً ]
وتذكّر:
[ انا عند ظن عبدي بي ، وانا معه حيث ذكرني ]

 

[شقره كيوت]

بنات رفيجتي قرت كل ردودكم ..
شوفو اللي صار قالت حق ريلها اليوم خلينا نروح حق شيخ يقرا علينا وعلى ولدنا وناخذ ماي مقري ونبدي نصلي وقبل ما انام نقره صفحه من القران .. وقالت له انا علي كل يوم اقره البقره .. صكت هوشه بينهم ويقولها مو انتي تخليني اصلي .. وتستاهلين اللي قاعد يصير فيج ولو ادري منو اللي ساحرج او حاسدج انا بوقف معاه .. وخلاص نطري ليما انتطلق ماكو فايده هذا انتي اللي تبينه وانتي بتهدمين بيتج .. مسكينه تقولي ترجيته ترجي وكل ما اقوله هدي اعصابك انا غلطانه لا تعصب .. كل ما تبي تلمه يقوم يدزها يقولها وخري وخري لا تمسكيني لا تلمسيني قالت له ليش فيني جرب ؟؟ قالها اي بس المهم وخري عني ولا تجيسيني اتقول والله انهنت كرهت نفسها اتقول ودي اطقه كثر الطق اللي طقني .. و ودي ابجيه كثر ما بجاني .. ودي اخليه يترجاني مثل ما انا ترجيته !
يعني تخيلو تقوله لمني يقولها مابي وعناد فيج الشي اللي يريحج ما اسويه لج .. بالله هاذي حاله ؟؟؟ قالت له انا اروح الحين اييب ماي مقري من الشيخ اللي بالجليب مادري شسمه جنه بو اسامه قالها ان يبتي شي راح اقطه بالزباله انا ما اخذ شي الا ولمن اشوفه بعيوني .. يعني شاك مرته بتسحره حمدلله والشكر ..


ايه وبنات نسيت اقولكم شغله .. يارتها كانت رفيجتها وبعدين تهاوشو .. لان نظام يارتها واااااااااااااااااااااااايد فيها حب استطلاع وكل ما تسع صوت باب راحت اطل منو اللي بيطلع .. ومره زارت رفيجتي بالنفاس وقالت لها السالفه انها ولدت وزوجها ولا دره عنها جان تقولها ربطيه ! ! ! استغفر الله وزوج يارتها كل يتحرش برفيجتي واهيا يارتها تكلم واحد مره ترجت رفيجتي اتخش التلفون الثاني عندها بس ما رضت رفيجتي وبعد مره قالت لها ريلي شاف صبغتج يبي نفسها يقول جنج روسيه .. ! ! ورفيجتي من بعد كل هذا قالت حق زوجها فقام اهو دق على ياره وقاله مرتك لا تحاجي مرتي وخصوصا ان مرتك نقالت حجي كل ما اطلع وادش الاقي مرتك داقه على مرتي واتقولها التوقيت ومرتك تره تسلم علي كذا مره .. و قاله انا مره شفت مرتك اطل من الباب تبي تعرف منو اللي نزل .. تخيلو زوجها ما سوه شي بس قاله شتقصد ؟؟ وقاله خلاص لا يحاجون بعض وانتو كل سوالفكم عندنا انتو ناشرين غسيلكم بره نسمع كل حسكم .. اهني انصدم زوجها كلم راعي البيت وقاله ايه صح البنيان لك عليه شوي .. المهم و زوج رفيجتي من بعد الهوشه مع جيرانهم قالها انا كذا مره اشوف جراتنا تحط حرمل وبخور يحته خايسه .. وساعات لمن ادش البيت الاقيها مخليه الخدامي تغسل عند عتبت بابهم وبابنا .. وتقولي رفيجتي احنا ما نقدر انتحجه لا راح يقولون كيفنا حريه شخصيه ..
كتبت لكم هالشي لان امس نسيت اذكر لكم عن يارتها واهيا ذكرتني قالت ليش ما وضحتي لهم الصوره ... فسامحوني ...
ويا بنات حته ولدها كل ما يشوفونه يقولون لها شمتنه بسج اتوكلين فيه واهيا حرام اتقول بدال ما يقولون الام قايمه بولدها ومتعافي يقولون متين وميتن .. الحين اخر مره شفته ضعييييييييييييييييييييييييييييييييييييييييييييييييييييييييييييييف ولا كل يوم والثاني بالمستشفى فيه ضيق تنفس لا زم كمام .. شفتو شلون !!!!

 

[أم توتو]

الله يعينها مسكينه كسرت خاطري مبين انهم مسحورين او فيهم عين قويه الله واعلم
خلتجيب شيخ يقرى بالبيت ويقرى عليها بعد اهي وريلها وتحاول انها تاخذ من اثر اللي شاكه فيه والله الناس مترحم الله يعينها
والصلاه خلتتقرب من ربها واذا امكن انها تروح للعمره وتغسل بماء زمزم وتشرب منه اهي ويا زوجها الله يشافيهم يارب

 

[دارسين]

ااااااااااااااااب

 

[al-musk]

لاحول ولاقوة الا بالله ،، فعلا الوضع مو طبيعي يروحون لشيخ ويقولهم شسالفه ةتلتزم بالرقية الشرعية وتقرا سورة البقرة مرتين باليوم لمدة 40 يوم وبذن الله يزول عنها كل شي والاهم صلاتها طبعا والله يفرجها هذا ابتلاء والناس ماتعطي خير

 

[قاهره عذالي]

اجل ينقلون ويغيرون البيت
احسن شي
جارتها تخررررررررررررع
لاتجيب لها مصيبه
كافي سوالفها تلفون ثاني وتعرف واحد
والرجال مبلمته بالسحر جنه مايشوف مرته

 

[اسراب الطيور]

"الا بذكر الله تطمئن القلوب "
"واستعينوا بالصبر والصلاه"
خل تستغفرربها وتتقرب من ربها وبتنحل كل مشاكلها
هذي بلاوي الدنيا ما تقدر تتحملها شلون عذاب لاخره والقبر طبعا بيسبب تركها للصلاه
ارجوك تنصحينهابالصلاه لانه من باب الامر بالمعروف والنهي عن المنكر
بعدين شلون تبي تنحل مشاكلها وهي بعيده عن ربها الا بيده كل شيء
ابتعدت عن الرب فاصابها مااصابها

 

[اميره1980]

البنات ما قصرو بالردود
زبدة الحجي خلترقي نفسها من العين ة تصلي اهي مع زوجها و خلتروح العمرة معاه و الله يوفقهم يا رب

 

[مدام فراوله]

اللهم صلي وسلم عليه اولا تبعد اي شي في البيت زي مجلات اشرطة اغاني الدش تحط دائما على القران تقرأ سورة البقره تجيب موية زمزم وزيت مقري والمويه مقريه وتشربها وتشرب زوجها منه تاخذ سدر وتتغسل فيه تحاول تصلي تكثر من الاستغفار

 

[برنسس كاتي]

مسكينه والله كسرت خااطري
هو شكله لأنهم ما يصلون ولا يذكرون الله فبسهووولة صابتهم العيين والحسد ويمكن انسحروا
مافي الا تتقرب من الله وتصلي وتدعي ولا تخاف احيانا انا اوسوس انه احد وراي استغفر الله بس مره قرأت ومدري لو صج
انه لمن الواحد يصلي الملائكة تحيطه وتحمية من الشيطان لمن يخلص صلاته
خل تروح لشيييخ مضمون وتشوف يسويلها رقية وهي بعد خل تصلي وتصوم وتتقرب من الله بالأعمال
وان شاء الله تخلص درااسة بسرررعه وتفتك من عيون الناس ..

 

[برنسس كاتي]

توني اقرا سالفة الجاارة
اعوووذ بالله شهل قصة الغريبة والحياة الألييمة !!
خل تنقل من بيتهم وشكلها ما تلبس عباية ولا شي
خل تلبس عبااية ولا تحط مكيااج ولا شي عادي خل تطلع بدون ولا شي بوجها
مافي أجمل من الستر والحجااب

 

[مناير ...!]

حبيبتي كبر الشمس
مسحورين !!

 

[احلى بنت بالدنيا]

اول شي لازم تقرا سورة البقرة كل يوم عشان الله يرضا عليها ويحميها من كل شر

ثاني شي خلها تصير زينة اكثر مع أهله لأن اتوقع انها مطوله لسانها عليهم بس موقايله لج شمسوية معاهم بالتفصيل فهمتي علي ..

من الكلام انا حاسة انها مو قد مسؤلية الزواج واظاهر انها كانت مدللة في بيت اهلها وايد .. وعقب شهر العسل وايام الحب الاولى انصدمت بالواقع والمشاكل .. خل تتعلم المسؤلية من اهلها بدال الزعل والبجي اللي لا بيحل ولا بيربط

الله لايغير ما بقوم حتى يغيروا ما بأنفسهم .. والله يسعدها ويهديها .. خل تحافظ على زوجها حبيبها وتهتم بولدها عشان ترجع لها السعادة مرة ثانية

 

[ديانا سبنسر]

الله يهدي حالهم وخل تهتم هي بصلاتها واذكارها موشرط يلتزم معاهم

 

[غنج اهلها]

وللعلم اهم ما يصلووووووووووووووووون !!!!

وماتبين كل هالمشاكل تييهم !

ربي يهديهم

قال تعالي "

( ومن اعرض عن ذكري فان له معيشه ضنكا )

ربي يهديهم

 

[فاهييه]

#اتصلي

#تبطل تتزيين برا البيت > اذا موطاعه ل الله __ عشان تصد عنها العيون

#اهل زوجها (تقطعهم ) دام مايبونها ودام ماوراهم الا العيون والتشيش _> وعشان صلة الرحم يكفي برمظان والعيد تروحلهم 10 دقايق تسلم وتطلع + ماتذكرهم بالسوء جدام زوجها لانه اولا مايرضي عليهم وثانياعشان مايحط فباله انها مستقصدتهم اومعاديتهم وبعدين اذا صار اي شي مايسمع لها ويصف بصف اهله لان هو حاط فباله فكرة انه هي كارهتهم ومستقصدتهم .

#زوجها ماتجيبله طاري الرقيه مره ثانييه لان (( اللي فيه بلا ممكن يعرف انه هو في بلاا بس شنو <<< يكره العلاج وسيرته واللي يقوله تعالج )) وهاذي معلومه من راقي شرعي

#تبدأ العلاج بنفسها >> تقرا البقره وتسمعها + وتقرا ببطل ماي الرقيه الشرعييه اللي تقدر عليها المعوذات واية الكرسي والفاتحه وترش بزوايا البيت رش خفيف + وتصب اشوي من الماي اللي قرت فيه > على الماي اللي يشربه زوجها سواء بالبراد او الدولكه او حتي ممكن تسويله جاي او قهوه منه > وطبعا بدوووووووووووووووون بدوووووووووون بدووووووون لايدري

#لاتحسسه ولاتقوله انه موصاحي اومسحور او معيون تري بيكرها زوود . خلاص هو يدري انه مو صاحي وحاس واعترف بلسانه . ماله داعي كل يوم تفتحله هالسيره < هو يدري انه فيه شي . بس (اللي فيه) > مايسمحله انه يبدأ بعلاج نفسه . لازم احد يساعده . والمساعده بالبدايه لازم تكون بدون علمه < بالطريقه اللي قلتلج عليها انه ترش ماي مقري بزوايا البيت وتسويله شربه واكله من ماي مقري وتشغل البقره وتقراها بدون لايدري ..

#وولدها تهتم فيه < الحياه موكلها زوج وبس . هم عندها ولد ماله ذنب +وله حق على امه . ولاتفرضه على زوجها انه غصب شيله او لاعبه او وده طبيب او اشترله احتياجاته . ولا تناجره على انه ليش ماتلتزم بمسؤولياتك تجاهه وليش هذا مو ولدك و مسؤول منك ...... الخ تري بيبعد عنه زود ويمكن يكرهه . و هم لاتبين لزوجها ان لان انا مومتفقه معاك > انا كارهه الولد او مالي خلقه < اذا هي وصلتله الاحساس هذا > شنو ناطره من زوجها يصير احساسه تجاه الولد؟؟؟ >>> : اكيد العن .
خلاص كافي يشووفه جدامه و كافي يشوف اهتمامها هي فيه ولعبها معاه وسعادتها معاه و هو ان شاءالله يوم عن يوم بيحن قلبه عليه ويقرب منه .


#تفج عن زوجها اشوي ولاتداحره ولاتكثر عليه اسئله دام هالشي مايجيب لها الا النجره معاه خلاص لاتسويه . هو بروحه مو طايقها | بعد تزيد الطين بله < خلاص تخليه على راحته لين يتعالجون وهو بيرد لطبيعته ان شالله و يرد حبهم وايامهم الحلوه بس خلتصبر و تلهي اشوي عن زوجها بدراستها عالاقل .


#تطلع من بيتهم الحالي > ولو تكلم اخوانها يكلمون راعي البيت > وراعي البيت يقوول لزوجها ان لازم تطلعون من البيت لان بأجره لناس قرايبنا مثلا > بس هي لاتجيب لزوجها طاري طلعه من البيت لان اذا جابت بيعاند وبيلصق بالبيت واذا راعي البيت قال طلعوا بيعرف انه هي ورا السالفه > خل اخوانها يفهمون راعي البيت انه مومرتاحيين بالبيت بسبة الجيران ونبيك تساعدنا ومن هالحجي وان شالله يطلع ولد حلال > بس لاهي و لا اخوانها يطلعون بالصوره > لان مو من حب زوجها لهم عشان ينفذ رغبتهم يعني .


#واخر شي خل تهدي تهدي ريلاكس ؟ احسها حييل متوتره ومستعجله على حل الموظوع > تري اغلب البيوت جذي بس الحريم مطنشين وعايشيين حياتهم . يعني لا تعتقد انه هي الوحيده اللي وضعها جذي ؟ يمكن لان ماخذ زوجها عن حب صعب عليها هالوضع بس عادي غيرها اخذوا عن حب وصارلهم نفس المشاكل والعن وتطلقوا > الله يبعد عنها الطلاق ان شالله


#والله يوفقها ونسمع عنها اخبار زينه

 

[njoom1]

مسكييينه

خل تشغل قرآن دايما بشقتها ولم يكون ريلها موجود وروحوا شيخ
الله ينتقم من اللي سوا فيهم جذي