يعني مايصير اسأل؟؟ أصيرلك طرمة ولا شنو ؟؟ اففف قهر

[CheeSeCaKe]

رد : يعني مايصير اسأل؟؟ أصيرلك طرمة ولا شنو ؟؟ اففف قهر

أختي العزيزه :
========

الرجل مخلوق غريب .. لا يحب ان تلعبي دور المحققة معه ... ولا يحب أيضا لعب دور الصامتة الغير مباليه ..

الحياة الزوجية مليئة بالعديد من النقاشات الحادة وعدم الاتفاق على الكثير من الأمور .. وتحتوي أيضا على العكس تماما ..

ولا يحب أن تقوم زوجته بدور الأم ...!! أو بدور المؤنبة والمحاسبة لتصرفاته...!!

ضعي في بالك أن الرجال انواع .. رجل يتقبل ورجل لاء لكل واحد منهم نظرة معينة ..

وعموما الرجال عندما يكونون في حاله حزن وانشغال البال او حتى الضيق ... لن يتكلم بشكل مباشره ويضع العله والعيب على كل من حوله .. حتى يصل الموضوع لتشعب أكثر وتسحبي عندها منه السبب الرئيسي ...

فلماذا لا يتكلم من البداية .. !! للأسف طبيعته :/

مثال :

سألي عن طلعته وإذا استانس بس لا تسألينه عن التفاصيل أهو راح يتكلم بروحه عن أي شي وراح يقولج إذا صارت معاه مواقف ... لا تسألينه مع منو طلعت ... وإذا سألتي .. راح يقولج رفيجي ....

انتبهي ... !! لا تسألينه منو رفيجك ...؟ لأن مو مضطر يقولج أسامي ربعه والريال ما يحب جذي .. يعني بمعنى مو لازم المره تعرف ريلها ربعه واحد واحد وأسامي عوايلهم ..

يمكن هالشي مع العشره او راح اتعرفين ربع زوجج القراب حيل .... بس اهيه مو قاعدة ..

تخيلي أن ريلج يعرف كل اسامي رفيجاتج ومفصل اي منطقة وشنو عايلتها ... آنا شخصيا راح اتنرفز بقول شكو !! وإلا مثلا يقولج أي وحدة راعيه السياره الفلانية ..!!

هاذي شغله ... الشغله الثانية ..

اكثر شي يطفر الريال لما تحاسبينه على صلاته مثل ما كانت امهاتنا تلاحقنا على الصلاة !!

يعني ... انسي انسي أنج تعطينه اوامر .. أو بصيغة تحذير .. " ترا ما صليت " !!

تبين تحثينه ... قوليله .. عمري ترى بأذن المغرب ما بقا شي .. بس وسكتي ..

او مثلا ... حبيبي أخليلك السيادة مفروشة !!

بالنهاية تكونين سويتي اللي عليج والباجي على ربج .. والله سبحانه الهادي ..

وبعد كل شي .... انتي ادرى بمزاج زوجج وحالته .. راح اتعرفين بأي وقت تسألنيه او تتفاهمين معاه بموضوع معين وانت بنفسج قلتي أن اساسا في مشاكل حواليكم بغض النظر عن طبيعتها ..

وبعدين لو تلاحظين زوجج تنرفز حزتها ... لكن ما قط عليج كلام بويهج ... لما طلع زد مسج علشان يوصلج معلومه كانت تضايقه .. وهذا شي لصالحه وتنحسبله ..

وحطي في بالج أحلى شي بالزواج أن الواحد يصارح الثاني بأي شي يتضايق منا علشان الطرف الثاني عرف أن يا يواصل يا يوقف طريقته ...


وهونيها وتهون مجرد سوء فهم وراح ترجعون سمن على عسل


موفقة حبيبتي

 

[om MaRyooM]

مشكورييييين وايد




احرجتوني بتفاعلكم ونصايحكم
نورتوني الله ينور عليكم طريجكم