يعيشون بيننا اصبح بعضهم هواجيس تنغص لنا الحياه ياترى من هم ؟ @ قروب رباط الأخوة @

[manoooram]

صح لسانج و استفدت وايد من الموضوع
الحمدلله ما عندي خدامة و انا مع ريلي شايلين بعض و كل يوم اسوي شي في بيتي لحد ما يخلص الشغل

بيت اهلي امي الله يحفظها مضطرة على الخدامة لان انا و اختي تزوجنا ما عندها احد يساعدها و هي مره كبيرة و جابت خدامة تساعدها بس لشغل البيت و بيت اهلي مافيه يهال

صح بدنج
وهذا هدفنا الافاده للكل يا قلبي والله يعطيج العافيه
الله يخلي لج ريلج ولا يغير عليكم بتفهمه ويطول بعمر الوالده آمين

 

[JaMoOoNa]

موضوع فعلا متعبوب عليه ابدعتو

ربي يعطيكم العافيه


و بالنسبه للخدم وايد كلام ينقال و الخوات كفو و وفو

و من ناحيتي انا ما أفضل تكون عندنا خدامه فالبيت ما أحس براحه و خصوصا كثرت جرايمهم و مشاكلهم بالفتره الأخيره

و للأسف أغلب الناس يتكلون على الخدم حتى بتربية عيالهم و ينجبرون يتحملون عسارة اليهال و صراخهم

المفروض من الأهل اهما اللي يربون عيالهم و يجابلونهم و للأسف فيه ناس قاسيه بمعاملتهم للخدم ما جنهم بشر لهم احساس و مشاعر

أما المعامله فبيتنا للخدامه من أحسن ما يكون والله يشهد و أصلا حرام يكفي انهم متغربين و هادين أهلهم و يايين يكرفون بره ديرتهم على معاش ما يعدي الـ 70 دينار يمكن

وانا مفكره لما أتزوج و يصير عندي بيبي ان شاء الله مابي خدامه بحاول أشيل بيتي و عيالي بنفسي

كلام كثير الصراحه لو نتكلم من هني لي باجر ما نخلص


موضوع جدا مهم و رائع و متعوب عليه

تسلم الايادي

^_^​

 

[PuPa^^SWeeT]

صاااجة ياحبيبتي


اصلن اتقيد حريتج و راحتج ويا ريلج و عيالج



ولو بتعاقبين عيالج ماتقدرين جدامها لأنها ممكن اتفكر اتسوي نفسج برووحها وياهم




هذا الشي ضيق الخلق

 

[manoooram]

موضوع فعلا متعبوب عليه ابدعتو ​

ربي يعطيكم العافيه ​

و بالنسبه للخدم وايد كلام ينقال و الخوات كفو و وفو​

و من ناحيتي انا ما أفضل تكون عندنا خدامه فالبيت ما أحس براحه و خصوصا كثرت جرايمهم و مشاكلهم بالفتره الأخيره​

و للأسف أغلب الناس يتكلون على الخدم حتى بتربية عيالهم و ينجبرون يتحملون عسارة اليهال و صراخهم​

المفروض من الأهل اهما اللي يربون عيالهم و يجابلونهم و للأسف فيه ناس قاسيه بمعاملتهم للخدم ما جنهم بشر لهم احساس و مشاعر​

أما المعامله فبيتنا للخدامه من أحسن ما يكون والله يشهد و أصلا حرام يكفي انهم متغربين و هادين أهلهم و يايين يكرفون بره ديرتهم على معاش ما يعدي الـ 70 دينار يمكن​

وانا مفكره لما أتزوج و يصير عندي بيبي ان شاء الله مابي خدامه بحاول أشيل بيتي و عيالي بنفسي ​

كلام كثير الصراحه لو نتكلم من هني لي باجر ما نخلص​

موضوع جدا مهم و رائع و متعوب عليه ​

تسلم الايادي​

^_^​

الله يعافيج يا قلبي ويسلمج على هالمشاركة العطره

 

[نهى الأحمد]

ردود تشرح القلب


مشاركات ولا اروع


كل الشكر لخواتي عضوات قروب رباط الاخوة على تميزهم وابداعهم




ان شاءالله من تميز لي تميز

 

[.،:"$الـعـوبــــة$":،.]

يعطيكم الف عافيه بنات ،،

فيه طرف ثالث ظالم بهالموضوع وماذكرتوه ولاجبتوا طاريه ،،

وهم مكاتب الخدم والادارات المسؤوله عن استقدام العماله ،،

اتوقع يبيلنا وقفه فعليه صارمه وجاده بمواجهة هالموضوع ،،

ومنتدى كويتيات ماشاءالله تبارك الرحمن فيه مجموعه لايستهان بها من سيدات المجتمع ،،

واللي اتكلم عنه هو الاسعار المبالغ فيها باستقدام الخدم هذا اول شي ! يعني الفلبينيه والله العظيم اذا موجوده على كفالة المكتب وصلت ٩٥٠ !!!

يعني الف دينار !

عسى ماااااشر ؟؟؟

السيلانيه ٦٥٠ والهنديه ٧٥٠ ! ليش ؟؟؟؟

مفروض سعر استقدام الخدم مايتعدى ال٥٠٠ مهما كانت لهالمكاتب اعذار واهيه وخياليه !!

هذا اولا ،

ثانيا يكون شرط اساسي ويتعاقب عليه المكتب بالاغلاق وسحب الرخصه نهائيا ،،

وهو التاكد من نظافة سجل الخادمه القانوني من اي مخالفات !!

يعني مو يجيبون لنا رد سجون ويقولون يالله دخلوها بيوتكم !!

ثالثا معاقبه المكاتب اللي تستغل الخادمه بانها تشتغل لحد انتهاء فتره الكفاله والرجوع لهم عشان يفقد الكفيل حقه بالمبلغ اللي دفعه ،،

ولاتقولون مافيه ، والله العظيم جتني خدامه اندونيسيه قالت لي هالكلام وهذي قصتها ماساه صراحه راح اذكرها لكم بعدين ،،

رابعا تمديد فترة الكفاله اللي تم تقليصها من ٦ شهور ل ٣ شهور من وصول الخادمه للكويت ،

ثالثا اجباري لكل مكتب تدريب وتعليم الخدم على شغل البيت مو يجيبونها ماتدري وين الله قاطها ويقولون يالله لك ثلاث شهور تعلمينها !!

ومرات تكون الخادمه جايه من منطقه ريفيه ماعندها ابسط خبره بالتعامل مع الالكترونيات !!

معاش الخادمه يزيد ٥ فقط بعد كل سنتين ! مو كل سنه تقعد اتشرط وتقول زيدوني ١٠ والا ودوني مكتب !!

هذا حاليا اللي في بالي وبصراحه شي يقهر الاستغلال اللي قاعد يصير لنا من هالمكاتب والسفارات وقهر وظلم !!

وبس ، ​

 

[PuPa^^SWeeT]

العووبة



صح كلامج



الخدم من يطنقرون و يقولون مانبي نشتغل


من اول ماتطيح كفالة المكتب


شمعنئ



علشان تبتلشين



اسعارهم وااصلة فووق بالعلالي الله يهداهم



شدعوا



غير المعاش اللي كل شهرين ابي زيادة



شنو هذا




الله يعينا

 

[manoooram]

العوبة تسلم الأيادي اللي خطت الكلام الطيب .
حسافه مافي قانون يردع المكاتب ويوقفهم عند حدهم أو يعاقبهم على
الطمع والجشع اللي ماكل قلوبهم ..
ما يفكرون بالناس وماديتها واحتياجاتهم
حسبي الله ونعم الوكيل
فديت اضافتج الحلوة

 

[fnantq8]

شكرا لصاحبة الموضوع جزاك الله خير الموضوع ممتاز

من تجربتي و تجارب من حولي من الي عندهم خدم الخدم سلبياتهم اكثر من ايجابياتهم اذا ما نبي انعمم بنقول اغلبيتهم وراهم مشاكل مو كلهم و مشاكلهم زادت عن قبل و قوت شوكتهم اتذكر خدم اول ماكان عندهم السان و قوة شخصيه مثل خدم الحين صرت احس ان في احد يعطيهم دروس قبل لا يوصلون و مو بس انا الي اقول هالكلام اغلبية الناس يشتكون من هالنقطه

الخدم عندنا مدللين بس يقول المثل ( ان اكرمت الكريم ملكته وان اكرمت اللئيم تمردا ) ايون من دولهم فقاره يدورون لقمة العيش و اذا صارو عندنا تفرعنوا

اذا يتلج الوحده يا تلقينها تبوق واذا ما تبوق تسحر واذا ما تسحر اتلاسن وتقيم علاقات مع هنود الفريج و الا اتطق اعيالج و الا اتسبب فتنه بينج وبين خالتج وغيره وغيره من مشاكلهم الي ما تنتهي

انا عن نفسي قادره اني استغني عن الخدم بس ابمجتمعنا صار مثل العيب او الغلط اذا الوحده ما عندها خدامه! بفتره من الفترات ظليت جم شهر من غير خدامه و الكل مستغرب و الكل يسألني ماعندج خدامه؟ اشلون؟ ومن يشتغل؟ ومن ومن ومن؟

عندهم ان عدم وجود الخدامه بالبيت من المعجزات!

في حريم انا اعرفهم شخصيا عيزانه حتى اتييبلها قلاص ماي علشان تشربه و والله لقت عند خادمتها سحر و قالت اشلون اوديها اذا وديتها من بيشتغل؟؟؟ و الثانيه تدري ان خدامتها عندها علاقات و اتغازل و اتكلم رياييل طول الليل و امدخله رياييل عليهم بالبيت و قالت ماااراح اوديها من صجكم اوديها؟ اذا وديتها من بيطبخ و من بيغسل و من؟؟؟؟ والثالثه تقول بالحرف الواحد انا ما اقدر اعيش من غير خدم واذا راحو الخدم اموووت

اشدعوه عليكم؟ كل هذا كسل و خمال؟ يعني انتو افضل من المرأة الاوربيه الي تعيش من غير خادمه؟ الخادمه خل تسحرنا خل تزفنا خل تدخل علينا الرياييل بس المهم تشتغل؟ ليييييش من قال ان شغل البيت معجزه؟لي هالدرجه شغل البيت صعب؟ الأم مهي قادره اتسوي شي واحد حق ولدها عيل ليييش ام؟ بس بالاسم بس بالشكل و الخادمه تسوي كل شي للطفل
الصراحه الي اشوفه من بعض الحريم عنفقه زايده و بعدين يقولون ليش اعيالنا انحرفو سئلو نفسكم ليش

 

[manoooram]

شكرا لصاحبة الموضوع جزاك الله خير الموضوع ممتاز

من تجربتي و تجارب من حولي من الي عندهم خدم الخدم سلبياتهم اكثر من ايجابياتهم اذا ما نبي انعمم بنقول اغلبيتهم وراهم مشاكل مو كلهم و مشاكلهم زادت عن قبل و قوت شوكتهم اتذكر خدم اول ماكان عندهم السان و قوة شخصيه مثل خدم الحين صرت احس ان في احد يعطيهم دروس قبل لا يوصلون و مو بس انا الي اقول هالكلام اغلبية الناس يشتكون من هالنقطه

الخدم عندنا مدللين بس يقول المثل ( ان اكرمت الكريم ملكته وان اكرمت اللئيم تمردا ) ايون من دولهم فقاره يدورون لقمة العيش و اذا صارو عندنا تفرعنوا

اذا يتلج الوحده يا تلقينها تبوق واذا ما تبوق تسحر واذا ما تسحر اتلاسن وتقيم علاقات مع هنود الفريج و الا اتطق اعيالج و الا اتسبب فتنه بينج وبين خالتج وغيره وغيره من مشاكلهم الي ما تنتهي

انا عن نفسي قادره اني استغني عن الخدم بس ابمجتمعنا صار مثل العيب او الغلط اذا الوحده ما عندها خدامه! بفتره من الفترات ظليت جم شهر من غير خدامه و الكل مستغرب و الكل يسألني ماعندج خدامه؟ اشلون؟ ومن يشتغل؟ ومن ومن ومن؟

عندهم ان عدم وجود الخدامه بالبيت من المعجزات!

في حريم انا اعرفهم شخصيا عيزانه حتى اتييبلها قلاص ماي علشان تشربه و والله لقت عند خادمتها سحر و قالت اشلون اوديها اذا وديتها من بيشتغل؟؟؟ و الثانيه تدري ان خدامتها عندها علاقات و اتغازل و اتكلم رياييل طول الليل و امدخله رياييل عليهم بالبيت و قالت ماااراح اوديها من صجكم اوديها؟ اذا وديتها من بيطبخ و من بيغسل و من؟؟؟؟ والثالثه تقول بالحرف الواحد انا ما اقدر اعيش من غير خدم واذا راحو الخدم اموووت

اشدعوه عليكم؟ كل هذا كسل و خمال؟ يعني انتو افضل من المرأة الاوربيه الي تعيش من غير خادمه؟ الخادمه خل تسحرنا خل تزفنا خل تدخل علينا الرياييل بس المهم تشتغل؟ ليييييش من قال ان شغل البيت معجزه؟لي هالدرجه شغل البيت صعب؟ الأم مهي قادره اتسوي شي واحد حق ولدها عيل ليييش ام؟ بس بالاسم بس بالشكل و الخادمه تسوي كل شي للطفل
الصراحه الي اشوفه من بعض الحريم عنفقه زايده و بعدين يقولون ليش اعيالنا انحرفو سئلو نفسكم ليش

هلا حبيبتي العفو ومنورة الموضوع
أحيانا استغرب من الخدم تييج الديرة عارفه اللي فيها ومافيها
حتى السفارة عندها عنوانها وارقامها
والله صاجه الظاهر أحد معطيهم محاظرة عن الأشياء اللي تصير بالديره
يمكن من هناك بديرتها أو من مكاتب الخدم هني أول ما توصل
يحشون عقولهم بهالسوالف
ولا مهما كان عندي خدامه صح بس ما أعتمد عليها اعتماد كلي مستحيل

 

[نور النـور]

كتبت ردي بموضوع نفسه وبرد انسخه هني عشان الكل يستفيد



بالنسبــه لبيتنا معتمدين على الأله بكل شي غسالة صحون و نشافه و غسالة اوتامتيك للهدوم , التنظيف والخم مرتين بالاسبوع للصالات والمطبخ وكل واحد عنده غرفته وحمامه ينظفها ويخمها
بالنسبه للطباخ امي تطبخ الله يطولنا بعمرها والغساله تغسل الصحون وكان الله غفورا رحيما

للعلم ماعرفت الخدامه الا يوم كنا صغار والحين مو محتاجينها اصلا احس ماكو خصوصية بالبيت لان خلاص تعودنا اكثر من 10 سنين من غير خدم والحمدلله مرتاحين وبيتنا من انظف مايكون ( قولوا ما شاء الله )

الحمدلله امي وابوي علمونا نعتمد على نفسنا بالتنظيف

يعني السالفه مو شي يمشي بالدم لازم خدامه ولا بموت ترى عادي الخدامه ممكن تكون ضروريه للأطفال لكن اذا كل واحد صك عمره ال10 سنين ماله داعي ولازم يعتمد على نفسه بكل شي

احنا يوم كان عندنا خدامه واحنا صغار كانت مجرد انها تنظيف وتخم البيت الصبح لما كلنا نكون بالدوامات وتجهز لنا الغدا وتساعد امي

ولما كانت امي تروح لخالاتي نقعد في البيت بروحنا واحنا صغار اكيد لازم يكون في خدامه تمسكنا وتسوي لنا عشانا لين ما امي وابوي يردون من برا

بس لما كبرنا خلاص استغنينا عن الخدم ولا حاجه لهم واذا على الصبح ترى كلنا بنكون بدواماتنا الصبح واقصد (اليهال بالمدرسة و الأبو بالدوام , الام يا بالدوام او ربة منزل ) يعني اللي بتقووول لا عيالي وماينفع ووين اخليهم الصبح

حبيبتي عيالج بالمدرسة والبيت بيفضى

لكن اذا كنتي انتي موظفة وعيالج مادخلوا المدرسه هذا شي طبيعي تبين خدامه , مع ان ممكن بدال ماتقطين معاش على الخدامه تودينهم حضانه منها يستفيدون ويتعلمون ومنها تطمنين عليهم


وبـــــــس

 

[manoooram]

يعطيج العافيه على مشاركتج للمره الثانيه
الله يجزاج ألف خير
وان شالله تعم الفايده على الكل
تسلمين لي

 

[manoooram]

up up up up up

للإفاده

 

[نعوومة *كيووت]

ماشاء لله فعلا موضوع مهم ومتكامل جعله الله في موازين حسناتكم

 

[manoooram]

ماشاء لله فعلا موضوع مهم ومتكامل جعله الله في موازين حسناتكم

تسلمين وما قصرتي على كلامج الطيب
:eh_s(22):

 

[بخـــارى]

الله يجزاج خير
انا ضد الي تقول انهم شر لابد من
لاوالله الا خير
وربي راحمنا بسبب رحمتنا عليهم والله اعلم
((اترحمون الا بضعافائكم))
من ناحيتي احب كل خدمي واهما بعد يحبوني والله اني مرات ازور ناس خدمهم منزعجين من معازيبهم لكن يقولون احنا نحب ماما فلانه الي اهيا انا
وعادي اقعد معاهم واسمع مشاكلهم
وانا الي ابتدي اسلم عليهم واضحك معاهم
الكلمه الطيبه صدقه
تبسمك في وجهه اخيك صدقه
شلي يمنعنا من هالشيين
ليش نحتقرهم
في ناس تقول عن الخدامه وصخه الله اكبر عليج
منو الي منظفه بيتج ومغسله ملابس ومواعينج وحماماتج وحتى عيالج مسبحتهم بالاخير تقولين عنها وصخه
والي تعيب عالخادمه او تحدد جنسيه معينه يموتون عالرياييل ليش القذف وتلقينها ماتدري عن بنتها او عيالها المغازلجيه
والله حسن الخلق والتعامل معاهم نتايجه حلوه
وحده اعرفها عايلتها صغيره وبشقه وماتييب الا خدامتين المشكله مايقعدون عندها اسبوع وتقول يتدلعون اذا انا انحشت من اسلوبج ومااشوفج وايد شلون الي مجابلتهم على طول وتظلمهم والله يابنات ماتطلع من مصيبه الا تدخل بغيرها بسبب ظلمها حق هالفئه المستضعفه
ووحده كل طايحه طق بالخدم لدرجه وحده حاشها نزيف بالمخ وبالفلوس طلعتمن هالقضيه لو تشوفن ويهها مطفي مافيه نور
انا صج انصح بحسن التعامل لكن بشرط تكون لج شخصيه حازمه وحكيمه
بالبدايه اكسبيها
بعدين
اامريها
راح تكون لج خادمه مطيعه

 

[manoooram]

الله يجزاج خير
انا ضد الي تقول انهم شر لابد من
لاوالله الا خير
وربي راحمنا بسبب رحمتنا عليهم والله اعلم
((اترحمون الا بضعافائكم))
من ناحيتي احب كل خدمي واهما بعد يحبوني والله اني مرات ازور ناس خدمهم منزعجين من معازيبهم لكن يقولون احنا نحب ماما فلانه الي اهيا انا
وعادي اقعد معاهم واسمع مشاكلهم
وانا الي ابتدي اسلم عليهم واضحك معاهم
الكلمه الطيبه صدقه
تبسمك في وجهه اخيك صدقه
شلي يمنعنا من هالشيين
ليش نحتقرهم
في ناس تقول عن الخدامه وصخه الله اكبر عليج
منو الي منظفه بيتج ومغسله ملابس ومواعينج وحماماتج وحتى عيالج مسبحتهم بالاخير تقولين عنها وصخه
والي تعيب عالخادمه او تحدد جنسيه معينه يموتون عالرياييل ليش القذف وتلقينها ماتدري عن بنتها او عيالها المغازلجيه
والله حسن الخلق والتعامل معاهم نتايجه حلوه
وحده اعرفها عايلتها صغيره وبشقه وماتييب الا خدامتين المشكله مايقعدون عندها اسبوع وتقول يتدلعون اذا انا انحشت من اسلوبج ومااشوفج وايد شلون الي مجابلتهم على طول وتظلمهم والله يابنات ماتطلع من مصيبه الا تدخل بغيرها بسبب ظلمها حق هالفئه المستضعفه
ووحده كل طايحه طق بالخدم لدرجه وحده حاشها نزيف بالمخ وبالفلوس طلعتمن هالقضيه لو تشوفن ويهها مطفي مافيه نور
انا صج انصح بحسن التعامل لكن بشرط تكون لج شخصيه حازمه وحكيمه
بالبدايه اكسبيها
بعدين
اامريها
راح تكون لج خادمه مطيعه

منورة الغاليه بمشاركتج


فعلا وجوب حسن التعامل معهم مع أخذ الحيطة والحذر والحزم بنفس الوقت بالتعامل معهم

 

[بخـــارى]

منور بوجودج
لا وموديه وحده منهم اليوم معاي الافنيو واخترت مطعم ماعجبها وغيرته ورحت ابل بيز وطبقها اغلى من طبقي ههههههههههههه

 

[EleGanZa]

يعطيج العافيه على هالموضوع ومو غريبه عليج ^_^ ماقريت كل الصفحات

بس بعلق على اول موضوع الا وهو الخدم ..

في ناس استغرب منهم لما يعاملون الخدم على اساس انهم (( خدم )) مكاين للتنظيف والطبخ وغيره ..! مو على اساس انها انسان ..

تشتهي تاكل اكل اللي تاكلينه تشتهي تسوي الاشياء اللي تسوينها وخصوصا في خدم صغااار بالعمر يعني بنت صغيره ودها تكون مثل البنات

مو ذنبها ان الزمن وظروفها خلتها خدامه تحت رحمه ناس ماترحم ..

انا واااايد يعورني قلبي بهالموضوع طبعا مو كل الخدم يستاهلون ان تعاملينهم عدل لان في بعضهم لا تعليق ..

وهالفئه اقل شي تسوينها عشان ما ترتكبين فيها جريمه رديها المكتب لووول


قصدي عن اللي تأدي واجبها وخوش وحده ..


سوري عالاطاله وماقصرتي مره ثانيه

 

[سوسو حبيبتى]

ماشاء الله موضوع جميل

اشكر كل الاخوات الى كتبتوا وتعبوا واشكر الى صممت الصور

وحتي ردود البنات تعلم كتيير

ياريتكم تجمعوا الردود وتعملوها بنفس الطريقه صور وتعملوا لها موضوع مثبت فيه كل الردود المفيدة

زي رد لزلز ورد بخـــارى

ومشكورين ع الطرح الرائع