يعيشون بيننا اصبح بعضهم هواجيس تنغص لنا الحياه ياترى من هم ؟ @ قروب رباط الأخوة @

[Melazlaza]

عذل كلامج ام كوثر التعميم لغة الجهلاء
انا ضد ان نعمم على جنسية معينة لكن ماننكر ان كل شعب له صفات تميزه
الهنود حنونين بس باردين
المصريين دمهم خفيف
الكويتيين فيهم غرور
المغاربة عصبيين
الخ...
طبعاً مو كل اهل البلد نسخة عن بعض لكن السمة الغالبة تبرز

معاج في ان احنا تغيرنا بسبب تطور الزمن لكن مو منطقي ابداً ان العمالة ماتغيرت
ليش زمنا غير عن زمنهم؟؟
الخدم قبل ماعندهم موبايلات ولا يعرفون للانترنت ولا يبون اجازة الا اذا رب البيت من كيفه اجازها يوم
حاليا بدل الموبايل اثنينا ولاب توب وتبي تطلع
كل هالعوامل مساعدة جداً في خراب الخدم بيكلمون بعض ويشيشون بعض ودايماً تبي تطور من ذاتها وتقعد تدور شغل غير البيوت

بالنسبة للعيال اذا عمره اربع اشهر شلون تعلمينه يحترمها؟؟
وحتى اذا مالها شغل بتربيته فاهيا عايشه معاح واي حقد تجاهج بيتفرغ بنقطة ضعفج الطفل
واذا عالاكل ما اعتقد في بيت كويتي يرضى ياكل وخدامته تطالعه تتحسر الا بينجبولها من راس مرفوع وبيوكلونها قبلهم
واذا عالزوج منو قال بيوتنا براحه؟؟
اغلبنا نسكن شقق محكورة ننطر فرج الحكومة عقب سنين
ومو معقولة بحكرها بدار طول ما الزوج موجود!!

كلامي ما اخذته من تجربتي الخاصة
كلامي من تجارب وايد بنات بسني وحريم اكبر مني

واخيراً
الي مرتاحة مع الخدامة عليها بالف عافية وربي يتمم عليها

والي ما ترتاح للخدم فهذا قرارها الخاص ورؤيتها لواقع الحال

وكلن ينام عالجنب الي يريحه..

 

[ام كوثر2007]

اختي انا بذكر نقطه الموبايل والطلعه والاجازه .. وما راح اتطرق علي باجي الكلام لاني تكلمت فيه ..


انا مثل ما قلت كل شي له حد.. وكل بيت قانونه يختلف عن الثاني .

مثلا انا ما احب اطلع مع خدامتي وهي لابسه اليونفورم ..

انتي يمكن غير .


بيتي ما يسمح انه الخدامه لها موبايل خاص فيها . نشتري لها بالشهر مره كرت تتصل علي اهلها عشان صله الرحم وهم في غربه ..


في بيتج يمكن يكون الموبايل شي عادي

وارد واقولج كل بيت له قانونه وكل شخص لازم يحترم المكان اللى اهو فيه ..


يعني مثلا انا لمن يتني خدامتي . اول شي قلت لها موبايل مافي لانج يايه تشتغلين مو يايه تطقين سوالف مع باجي الخدامات ؟


وهذا قانون ابونا ما يرضي عاجبج هالشي ؟ والا من الحين قبل لا احطلج الاقامه تقولين لي .. ؟

مثلا اقولها ما احبج ترفعين صوتج علي عيالي لاي سبب من الاسباب .. واذا شفتي منهم غلط ايين تبلغيني ..


وبجذى انا قاعده احط لها قواعد ونظاام تمشي عليه من البدايه .. واعطيها فرصتين ثلاث اذا خارتها ..


لين تنظبط معاي وتمشي علي قوانيني اللى انا حاطتها .

انا دايم اقول للخدامه انه البيوت نفس الدول

كل دوله لها قوانين مجبروين لو زرناها نتبع قوانينها حتي لو ما تعجبنا .

والحمدللله هالشي نافع .. انا الخدامه تقعد عندي بالست سنين واسبع سنين مو عشان ابين نفسي طيبه لا حشه

بس الاصووول محد يزعل منها وانا امشي معاهم بالاصوول .. خصوصا انهم يايين من بيئه غير عنا وحياه تختلف نهائي عن حياتنا عشان جذى احط لهم النقط علي الحرووف من البدايه . عشان ما اتلعوز بعدين ..


وكلامج علي عيني وراسي اختي . وان شاءالله نقاشنا دايم يكون بهذا الاسلوب الراقي .

تحياتي لشخصج .

 

[Melazlaza]

اشكرج عالرد ام كوثر
عمره اختلافنا ما يفرقنا
كلنا خوات بهالمنتدى ومادشيناه الا للاطلاع وابداء الرأي بكل احترام..

كلامج كله صح بالقوانين العامة للبيوت لكن يظل عامل الحظ فارض نفسه بهالموضوع
قولي الحمدلله يمرون عليج نماين يسمعون كلامج
غيرج يمكن لا!!
اعرف وحدة شفتي كلامج الي قلتيه كله تطبقه لدرجة شكيت انج اهيا
بس ما توفقت بولا خدامة ولازالت تعاني من الخدم..
ارد اقول
مو كل الخدم سنعين ولا كلهم شريين واحنا كذلك..
لكن وين ووين الزين يلقى الزين الي نفسه!!
والراحة النفسية بالمرتبة الاولى
عن نفسي لو احس ١٪ بقلق ابيتي يومي ينعفس ونفسيتي تخترب..
ما اظمن نفسيتها طول السنة الا خدامات البارت تايم دايماً نفسهم طيبة ويهبلون،،

عموماً
تشرفت بمناقشتج

 

[بتول بوشهري]

شكران على الموضوع المهم

 

[فلنتينو]

مشكوووره ع الكلام الطيب والحكيم
موووضووع رائع واكثر من رووعه بكل جووانبه
من تنسيق وتنظييم الكلام

داائما مبدعه
كفيتي ووفيتي مابعد اللي كتبتيه كلام
والله يكيفنا شر الخدم
واحنا كعوايدنا مسلمين ونتبع كلام الرسوول ان نحسن معااملة الخدم
ولكن في من يأتي وشره فيه والله يكفينا من فيه شر
وصار الخدم وجوده في حيااتنا مهم
ولكن مثل ماقلتي اول شي والمهم معاملة الخدم معااامله طيبه


وتسلميين ثاني مره ع المووضوع الرائع
والمهم

 

[G!RLooNa]

ماشالله خوش موضوع يعطيكم العافيه نفرا نفرا

صج في ناس تعامل خدمها معامله زفت نعرف ناس عادي تقوم خدمها بنص الليل عشان يسوونلهم توست و جبن! و لا يصارخون و يصوتون عليها عشان قلاص ماي!!

رفيجتي تقول اول مادش البيت احذف عبايتي عالارض و اصارخ عليها عشان تيي تشيلها!!

يعني هذول مساكين ما ينلامون اذا استخفوا بس اكو اييون من اديرهم مستخفين و خالصين و يطلعون اينونهم على عيالنا اللي تذبح و اللي تحرق و اللي تحطلهم كلوركس و اللي تحطدم عادتها تكرمون الله يلوع جبدهم :|

و في تييهم عرات بدون سبب يعني احنا بيتنا مثال للبيت اللي مافيه شغل عالخدامه! ريوق و عشا ما عندنا و الغدا امي تطبخه .. غسيل امي تيمع الغسيل يوم بالاسبوع تغسل غرفنا يوم بالاسبوع بس و ساعات يمر اكثر من اسبوع ما تغسلهم .. من يصير المغرب تروح تتوكل على الله تنام و ساعات من العصر .. من تصير 9 محد له شغل فيها ما اناديها خير شر ،،يهال ما عندنا اصغر واحد اخوي عمره بكمل 10 سنين يعني ريال،، و مع هذا يت حق امي تقولها انتوا بيتكم في شغل وايد!! و مره رايحتلها تقول انتوا ما تخلوني اكل لحم @@ احنا الوجبه نسوها نصها بالضبط حقنا انا و امي و ابوي و اختي و اخوي و النص الثاني حقها اهيا بروحها! و اللي يزيد من اكلنا تاخذه بعد! و الثلاجه حقها تاخذ على كيفها محد يحاجيها@@ بس عراتهم مو صج انتي و حظج لو تدلعينهم اخر دلع اكو ما يبين بعينهم

 

[الزورق222]

السلام عليكم ورحمة الله وبركاته

يسعدنى ان ارد على الموضوع المميز الذى يتناول موضوع الخدم من سلبيات وايجابيات ..
مكانى محجوز هنـــــــــــــــــــــــــــــاااااااااااااااااا
..

الخدم لهم اهمية للمرأه العاملة لكن ليسواا ضرورة ملحة ممكن الاستغناء عنهم ..
اذا عاملتهم الاسر بكل رحمة وطيبة اكيد جرائهم راح تقل ..لكن بعضهم مهما عاملته بكل ذوق ماراح يفيده الذوق فالاجرام ماشى بدمه وقصة بنت الفيلكاوى اكبر مثال على اجرام العمالة المنزلية ..
وعيب بعض العمالة من الجنسية الاندونيسية السحر اذا حقدت او صارت مشكلة بينها وبين ربة المنزل على طول تسحرهاا ومافيه احد راح ياخذ بحقج منهااا لانهااا محمية بقوانين من دولتها فهم الضعفاء بالنسبة للقوانين ونحن المجرمين ..فاللى خايفة على اعيالهااا وعلى زوجهااا وقادرة تعتمد على نفسهااا ماله داعى تجيب الخادمة للبيت اشفيها اذا اعتمدتى على نفسج ورتبتى وقتج وكسبتى صحتج مو افضل من حقد امرأه مظهرها ضعيف لكنهاااا افعى ..الله يحرسكم ويحرس اطفالكم الصغار فهم ضحايا ..
شكراا لكن على الموضوع المميز ..بانتظار الجديد ..

 

[دانه الشطوره]

السلام عليكم ورحمة الله و بركاته

أول شي أحب أشكركم على هذا الموضوع الأكثر من رائع و على جهودكم الواضحه و المبذوله بصراحه ما قصرتوا و ربي يعطيكم العافيه .. ما شاء الله عليكم دوم متميزين ربي يحفظكم

و أحب أشكر الاخت stay alive ع التصميم بصراحه وااااااااايد عجبني .. تسلم إيدج غلاتي

بالنسبه للخدم فعلاً كانوا موجودين منذ القدم لكن لو نظرنا إلى الماضي لوجدنا أن الخادمه كانت تقوم بالأعمال التي تفرضها عليها ربة المنزل و تقوم بغسيل الملابس و الاواني و تنظيف " الحوش " و تساعد الأم في الامور التي تريدها ...

بينما في الوقت الحاضر اصبح الناس يستغلون الخادمه استغلالاً سيء و كأنها آله !!! فالكل في البيت يريدها و يطلبها ...

قديماً كان الأبناء يقومون بترتيب حجراتهم و تنظيفها أما الآن فالخادمه هي من ترتب و تنظف كل مكان و الاطفال يريدونها أن تلعب معهم و هناك من يصرخ بأعلى صوته يا فلانه ( ييبي لي ماي ) ؟! ما عنده ريل يقوم يمشي و اييب و الذي ادهشني أكثر من بعض الناس أن الخادمه هي التي ترتب لهم حقيبه المدرسه حسب الجدول !!

إلى أي درجه وصل الناس من الكسل !! فاعتمدوو اعتماداً كلياً ع الخادمه في كل أعمالهم و اصبحوا هم ملوكاً لا يفعلون شيء

و بالنسبه لحقوق الخدم التي تم ذكرها

فعلاً لازم نعاملهم بالرفق و اللين لأنهم بشر مثلنا و لازم ما ننسى ان مافي فرق بينا عند الله و أن كلنا سواسيه و كلنا مخلوقين من تراب كما يجب أن نرحمهم و لا نكلفهم فوق طاقتهم ..

و بالنسبه للأجر إياكم و انتقاص اجورهم فهم يعملون و يبذلون كل مافي وسعهم من أجل لقمه العيش هذه و يجب أن تعطى في وقتها و أريد أن أنوه أن اذا الخادمه اعطتك مبلغ من المال لكي تحوليه إلى أهلها فحوليه فور استلامك لمبلغ المال منها و لا تتكريه و تقولي انك ستحوليه غداً أو تؤجليه إلى أجلٍ غير معلووم

فوالله اني اعرف أناس يعطونهم خدمهم الاموال لكي يرسلونها لأهلهم فيأتون و يستخدمونها هم لأنهم نسوا أنها ملك الخدم لأنهم لم يعزلوهم و لم يرسلوهم فظنوا انها ملكهم !!

و بالنسبه للأكل في في بيتنا امي معلمتنا ان أي اكله نطبخها او اي اكله نشتريها من براا و اي شي يكون موجود ع السفره لازم نعطي للخادمه منه لأن حرام تشوفنا ناكل و نتلذذ بالاكل و اهيا تحط عينها مهما كان اهيا انسان مو حيوان تشتهي تاكل مثل اكلنا ..

و لازم نعاملهم بما أمرنا به الشرع الاسلامي و يجب أن تكون معاملتهم بالحسنى دائماً أردد هذه المقوله " عامل الناس بأخلاقك لا بأخلاقهم " يعني دايماً كوني زينه مع الخادمه حتى لو اهيا منفسه عليج أو مو زينه كوني انتي احسن منها و أيضاً عامل الناس كما تحب أن يعاملوك

يعني انتي اكيد ما ترضين ان الناس يسبونج و يطقونج و يهينونج خلاص معنى هالكلام ان مثل ما انتي ما تبين الناس تسوي فيج جذي انتي لا تسوين فيهم جذي مهما كان الخدم بشر و عندهم مشاعر و احاسيس باجر الله يحاسبج ع اللي تسوينه في الخدامه


والله ان احنا في بيتنا الخدامه مسوينها مثل الملكه بس سبحان الله والله اهما مهما تعاملينهم بالحسنى ما يشكرون الله و دايما منفسين و مو عاجبهم شي و ما يشتغلون عدل

والله انا اعرف ناس يطقون خدمهم تصوروو !!!

انا امي حتى صراخ ما تصرخ عليهم تقول حرام .. كلا يكسرون و يحرقون الملابس و امي تطوف لأنهم اولاً بشر ثانياً ما تبيهم يضرونا تخاف اذا تكلمهم او تقول شي يطلعون حرتهم فينا

وااااي الحين احنا خدامتنا اثيوبيه و أول مره نييب اثيوبيه ميننتني و مطلعه عيوني كل بايقه شي من غرفتي و تقول ان انا اللي معطيتها اياه بتسوي فيني انفصام شخصيه خخ كلا تشككني بنفسي و كلا تتكلم بروحها و كل ما اكلمها تحقرني و تمشي

ودي اصرخ عليها ودي اقول شي يعني احنا اول مره تدخل خدامه في بيتنا مثلها حدنا مستخفين منها مطلعه لنا قرووون والله من يوم ما صارت سالفه عايشه الله يرحمها وانا كل يوم خايفه

خخ كل ما ادخل المطبخ ابي اطبخ اجيك اشوف مو موجوده و لما بروح صوب الثلاجه اقعد اتلفت اخاف تطلع لي هههههههه حتى مره مادري شلون كنت بصك الثلاجه يوم لفيت ويهي جان تطلع لي جان اصرخ بأعلى صوتي وطبعاً اهيا اخترعت ماتدري شسالفتي والله من يومها وانا متصرقعه منها @@

بس اشواه اهيا وايد رديه و خوافه يعني لما نطلع كل شوي تدق على امي تقول اخاف و اسمع اصوات هههههههه حتى الذبان و النمل تخاف منهم عشان جذي شوي انا متطمنه يعني ان شاء الله ما تسوي فينا بلاا ربي يحفظنا ان شاء الله و يحفظ الجميع من شر هالخدم


وااااااي احس قرقت وااايد اللي بتقرا كلامي راح تصدع حدها انصحها تشرب قهوه

 

[PuPa^^SWeeT]

شكرا لكل االلي رد على الموضوع


يبقى الموضوع ليلحن في طول النقاش

اللي يايد واللي يعارض


بس انا اقوول ليش تغيرو الخدم


لأنه اغلب المكاتب ماقامت اتخاف ربها

اهني مربط الفرس


المكاتب نفسها اهي السبب في دمار الخدم


يعني يتحينوون الطريقة اللي يشيشون فيها الخدم على النحشة ويعطيها خريطة و ارقام السفارة


مرة يتني خدامة ارقام الطواري 777 حزتهاعندها


و داخلها الارقام الداخلي بعد مطافي ولا اسعاف ولا ولا


يعني شي مو طبيعي

وارقام و منطقة السفارة اي شارع

هذا و اهم للحين طلعوو السفارة للحين قيد التاجير والنقل



تخيلووووو




بس هذا اللي ابي اقووله


اللي عندي بتقعد هال 9 اشهر اذا قعدت معاشها لها ولما اتسافر ماراح اييب غيرها


ماقعدت سوتلي حركة ولا هوشة ولا اي شي

سيدة ببيعها و بس ماراح اييب غيرها


يعني انا وحدة بوقف الخدم خلاص من بعد هذي

 

[foshia girl]

ألف شكر على هالموضوع الرائع


صراحه حيل استفدت منه ..

 

[حالة حنان]

الله يكفينا شرهم بس زينا شينا تظل غريبه
يعطيكم العافيه

 

[manoooram]

لي عودة

حيااااااااج الله الغاليه وفي انتظارج

 

[manoooram]

الله يكفينا شرهم بس زينا شينا تظل غريبه
يعطيكم العافيه

الله يعافيج يا قلبي على مشاركتج
نورتي الموضوع
:eh_s(7):

 

[OM^7aMo0oD]

الله يعطيج العافية عالموضوع الحلووو والهادف..

أنا ما أحب الخدم بس شر لابد منه

أحتاجها للمنزل وما أخلي العيال عندهاااا نهائيا

مشكووورة عالموضووع حبوبة
​

 

[الحللللوه]

رووووعه

جزااكم الله خيير

 

[bnt_mafia]

بسم الله الرحمن الرحيم
طبعا اولا اشكر الاخت العزيزة manooram على هالموضوع اللي لازم نشوف له حل
الموضوع ممتاز وتسلم الايادي اللي اكتبت الموضوع والاسلوب المميز في طرحه
مشكله الخدامه والله مشكله يعني الحين الناس صار اعتمادها على الخدم بالهبل صاير لايطاق
وصار الموضوع تحدي ان انا عندي خدامه او 2 يعني مره كنت طالعه والله العظيم ماقص عليكم وحده عندها 4 اطفال وكل واحد منهم معاه خدامته وكل وحده ماسكه جنطه على صوره الطفل شنو يعني وين وصلنا يعني لهدرجه مالج خلق ولا واحد منهم
زين منها الخدامه تنظف البيت ولا تلبس وتريق وتغدي اليهال زين مادرسهم بعد
ليش جذي صاروا اعتمادهم على هالخدم يعني بعد مالها خلق تييب قلاص ماي تنادي الخدامة تييب لها والمطبخ يمها
الصراحه الموضوع وطويل ومااله حل
ويعطيكم العافيه وماقصرتوا

 

[manoooram]

Melazlaza
ألف شكر لطيبج بالكلام وتوضيحج لرأيج
وعدل كلامج احنا بالنهايه خوات بالمنتدى مهما اختلفنا بالرأي
فديتها الحلوة :eh_s(7):

 

[manoooram]

بسم الله الرحمن الرحيم
طبعا اولا اشكر الاخت العزيزة manooram على هالموضوع اللي لازم نشوف له حل
الموضوع ممتاز وتسلم الايادي اللي اكتبت الموضوع والاسلوب المميز في طرحه
مشكله الخدامه والله مشكله يعني الحين الناس صار اعتمادها على الخدم بالهبل صاير لايطاق
وصار الموضوع تحدي ان انا عندي خدامه او 2 يعني مره كنت طالعه والله العظيم ماقص عليكم وحده عندها 4 اطفال وكل واحد منهم معاه خدامته وكل وحده ماسكه جنطه على صوره الطفل شنو يعني وين وصلنا يعني لهدرجه مالج خلق ولا واحد منهم
زين منها الخدامه تنظف البيت ولا تلبس وتريق وتغدي اليهال زين مادرسهم بعد
ليش جذي صاروا اعتمادهم على هالخدم يعني بعد مالها خلق تييب قلاص ماي تنادي الخدامة تييب لها والمطبخ يمها
الصراحه الموضوع وطويل ومااله حل
ويعطيكم العافيه وماقصرتوا

الشكر لج يا قلبي حيل فرحتني مشاركتج
وهذا نتائج ابداع خواتي بالقروب ما قصروا ان شالله بتوصيل الموضوع لكم
فعلا الخدم موضوع شائك الحديث عنه يطول ولا يصل لنقطة انتهاء
نلقى بعض من الأسر باعتقادهم ان الخادمه لاتستحق لحظة راحه ولا عيل ليش يت تشتغل من الاساس
نسوا انها بشر مثلهم لها طاقه محدوده
صار اعتمادهم عليها بكل شي حتى اتفه الامور *

 

[انثى الكويت]

خوووووش موضوع

انا ماحب الي يطقون الخدامه ولا يسبونها لانها بشر حتى لو ديانتها تختلف عني

وفعلا افضل المراه اهيا الي تعطيها الاوامر والريال يظل بعيد لهيبته

وانا دايما اعطي خدامتي معاشها اول باول بس اهيا تقولي خشيه عندج

ولا تعطون الخدم ويييه فعلا بس طلبي منها الطلب ولا تسولفون لان ما ينعطون ويه بعد خبرتي

وانا شخصيا من فتره شريت لخدامتي حق اعيالها ملابس كلفوني 30 دينار بس شنو طارت من الفرحه

وناويه مجرد بس اخلص اجازه الامومه مالتي قبلها اروح اشتري لها مره ثانيه عشان اامن بنتي عندها وتداريها

واذا نومتها متاخر اقعدها 10 الصبح ترتاح



ووايد حجي يخص الخدم

بس مع كل هذا ماحبهم لان بعد سوالفهم صرت اخاف منهم يغدرون فيني
بجاريمهم ولا السحوره ولا ممكن تاذي اعيالي باي شي لو بطراق بيحرق قلبي عليهم





فرساله للامهات المهملات بتربيه اعيالهم وقاطتهم عالخدامه تشربهم وتوكلهم وتنومهم

عيل انتي شتسوييين بس تفرخين وتجابلينها
واخر شي ليش اليهال متعلقين فيها ويحبونها
لانها اهيا امهم وانتي ديكور فقطططططط

موظفات كلنا موظفات اخليها تقضبهم الصبح ومجرد مارد انا اجابلهم واهيا تجابل شغل البيت


والله لا تخلون اعيالكم يشمون حضنهم انتو بتتخسفون
اهيا مردها لترد ديرتها وانتو الي تاكلونها


وهاذي نصيحه مني لكم شالمشكله لو انتي حابلتي ووكلتي بنتج وبدلتي لها

عالاقل نامي عالمخده وانتي ضامنه مو مقصره معاهم وريلج بيكون ملاحظ هالشي وبتكبرين بعينه

 

[شندوخه]

موضوع اكثر من رائع
بارك الله فيج واسال الله ان يجعله في ميزان حسناتج
نصائح وكلام مفيد جدا للتعامل مع الخدم