يــمج الشهآده سلآحج.. زين انها لقت لهآ رجآل>> دشوآ

[عالمي المجنون]

الشهادة اضمن طبعا

اما الزوج ما تضمنينه

أنا انخطبت باخر كورس لي بالجامعة

و الحمدالله تخرجت و تزوجت و توظفت

والحين معتمدة ع نفسي ماديا اما ريلي للأسف بالاسم بس

يعني مو كل ريال تضمنين انه زين فالاحسن تضمنين شهادتج

 

[وهج الحب]

السلام:
ابوي الله يرحمة ما كان يغصب احد على شئ ..وانا كان عندي مفهوم لازم اخلص دراستي وبعدين لو لي نصيب اتزوج باتزوج وما كان مهم عندي اكبر والا اصغر كنت احب العلم والدراسة مش عشان ضمان مستقبل والا غيرة لاء كنت امووت على اني اتعلم وانا يالله طلعوني من الجامعة حتى بالصيف كنت اخذ مواد من تخصصات ثانية اختياري ..اخذ فارسي اخذ تاريخ قديم وهكذا ..
اما اخواتي كان عادي عندهم كانوا يريدون يتزوجون ..
انا تزوجت بعد ما خلصت ..واخواتي 2 كملوا الدراسة الجامعية بعد الزواج بس طولوا شوي ..2 خلصوا الثانوية وتزوجوا لانهم ما يبون يكملون الجامعة ..بس واحدة منهم تحسفت وكملت بعد زواجها ..
وفي كل الحالات عادي يعني لا الشهادة سلاح ولا غيرة كلهم يشتغلون وكلهم معاشاتهم عالية ..
وانا بعد سنوات استقلت وجلست بالبيت بسبب كثرت سفر زوجي ولازم اكون معاه وبسبب اني لم القى نفسي بعملي ..

 

[Strawberry]

انا وحده مو هامتني الشهاده لانه انا مابي شي غير انه اتزوج وايب عيال بس مابي شي ثاني بالدنيا حتى لو اقعد بالبيت راضيه

 

[noona90]

عاد نحنا غير اهلنا يزوجونا من 15 سنه دام العريس ابن حلال يزوجوا
وهيني كملت الثانويه وانا عند زوجي والان عندي 3 اطفال مااقدر اخليهم واروح جامعة لهيت فيهم وفي مسؤلياتي بالبيت
بس وربي الدراسه لسه في خاطري ونفسي اكمل
منتظره بس يكبروا ويروحوا المدارس عشان ادرس انا

وبالنسبه لاراي انا مع انو البنت تكمل وتتزوج يعني تتزوج بس تشترط على زوجها الدراسه لانو الواحد مابيعرف الدنيا شو مخبياله لازم البنت يكون معها شهاده
وبث
يعطيك العافيه قلبوو:eh_s(15):

 

[&جامعيه&]

امى عادى تقول لو يالج نصيبج وانتى تدرسين وريال زين انزوجج بس ابوى مادرى !! حتى امى تساله يقول كلشى بوقته !!
بس بالنسبه لى انا عادى اتزوج بس اناجل موضوع اليهال لى بعد التخرج بعدين لان يبلهم مسؤؤليه شوى

 

[قـہۈه فـرنسيـہ™]

صرآآآحه الــ 2 مهمين ... صحيح ان الشهاده سسسلآح وتسعى لها كل بنت . . . لكن هذآ ما يمنع الزوآآج !

أنا قاعده عند أهلي البنت ما تتزوج إلا لما تتخرج ---------->من الجامعه طبعا ...

وكلنا بعد ما تخرجنا تزوجنا ماعدآ 1 ملجت وهي بالجامعه تدرس للحين ....





بس الزواج بعد التخررررج ...





..............................

وعلى سسسالفة زين لقت لها رجال ....
بيت عن بيت يفرق وعايله عن عايله تفرررق ....وغير هذآآ لا تنسين النصيب له دور ....

يااا ما بناااااااااات مزايين وشهااادات ولا أحد طق بابهم ...والعككككس بعد


ماله شغغغل ...بالعكس الرجال الحين يدور عالبنت المتوووظفه المتخرجه