شكراااا لكل الي ردوا على ما قصرتوا
كويتيه سبشل
كيف طريقتج في استعمال البيكنق صودا لجسمج؟
************
وبنات انا اشوفكم مخلين البيكنق شي اساسي في تنظيف اسنانكم ؟؟؟؟؟؟؟
ترااااه خطر
هو الوحده تستخدمه بس لفتره
بسيطه وتقطعه
اما الي تستخدمه بشكل يومي عشان تبيض اسنانها فانا اقول لها ترى بتعدمين اسنانج
لانه يحك يحك لين ما يشيل المينا .. المينا هالطبقه الي تحمي الاسنان وتعطيها لمعه
ولما تنشال تصير مكشوفه وحااافه فتعلق فيها الاطعمه وتصبغ وترد اسوء من قبل فالصفار والتصبغات
غير انها بتصير حساسيه
لا تجنون على اعماركم وتالي تشكون الحال وتتهمون الشغله الفلانيه
ترى الغلط فيكم
انا ما احب هالسوالف ابد بس اعتنى وكل اخواتي كذا
لدرجه اني اشوفهم مقصرات في انفسهم بس هو مب تقصير بس هذا الصح لان كل شي نسويه تكون له اثار جانبيه
وانا اضطريت اتجرء واحط البيكنق صودا قبل شهرين ع اسناني عشان كانت عندي مناسبه قلت ابرك من الليزر
لان بستخدمه بس بحذر
استخدمه بس حول 3 مرات لا وبعد متفرقات لين ما شفت انه شال البلاك .. البلاك هذا الطبقه الوسخه الي تتراكم ع الاسنان ولما تجين تلمسين اسنانج بلسانج تحسين ان في حبيبات صغيره
زين البيكنق صودا شالها ولما شالها هنا اوقف استعماله لان لو اتم استخدمه اكثر بييدا يشيل المينا
فالغرض منه انه يشيل اول طبقه وهي الطبقه الي عباره عن تراكمات الطعام
وبعدها تيجي طبقه المينا وهنا الخطر
فانا صرت بس استخدمه عشان اشيل البلاك
وترد اسناني نظاف ومصقولات وعلى هذا الحال
خلوا عنكم تبيض
التفريش مرتين فاليوم هو الي يبيض الاسنان واحلى معجونين ينظفون ويبيضون جربتهم هم: سنسوداين للاسنان الحساسه ومبيض في نفس الوقت لونه ذهبي
ومعجون كرست الي فيه حبيبات تقشير بس صرت ما القاه هذا يقشر الاسنان فينظفها من القلب بس كنا نقطعه كل فتره والثانيه لان قلت كثر الحك يرقق ويخلي الاسنان حساسه
وكويتيه سبشل انتي كيف تستخدمين غسولات وكريمات غير طبيه !!!!! حتى نوفا ؟؟؟
الي تعالج بشرتها لاااازم ما تستخدم الا كل شي طبي
لان البشره تكون حساسه ويبالها مراعاه
الا وين دكتورتج عنج ترى عصتب ابا اكسر راسها
المفروض تعطيج ارشادات وتكتبلج على غسول طبي وكريم وواقي
انا قبل سنه كنت في منتدى ثاني وفتحت قروبين عن الروكتان
وكلنا دكاترتنا كانوا يعطونا غسول سيتافل للبشره الحساسه >> كلنا اجمعوا دكاترتنا على سيتافل ك مرطب وك غسول واحنا من بلدان مختلفه المنتدى الي كنت فيه كان منتدى سعودي قلت اقول عشان لا تحسبون ان بس دكاترتنا الي لهم توجه واحد
اول مره كتبت لي الدكتوره كريم من بيوديرما للبشره الحساسه والجافه لان الروكتان يجففف
بس غريت الدكتوره ورحت لمستشفى ثاني
طعنه غدر اولا اقول سلامتج ما تشوفين شر
بس قريت انها بعد اخذت روكتان الا انها بعد تنقع بشرتها حبوب !!! وفوق هذا تحط فازلين لها !!!!!!!
واااي يا قلبي ترى اشوف اغلااااط كثيره تسونها سواء فالحمله ولا في قسم البشره بعدهم عالمره هلي حتى ما اعرفها
انا ناويه اطلع موضع كاااااااامل عن الروكتان لان له حسبه وله علووم مب بلع وانتهينا
بس مشكلتي اني ابغا اثبت عالنتايج الي و صلت لها وبعدها ابنزل موضوع وانا توني مخلصه الكورس بعد ما يخلص هالشهر بيكون كملت 5 اشهر وانا ابنزل موضوعي بعد حول 8 اشهر
لكن شكلي بنجلط وانا اشوفكم وبنزله
طعنه غدر يا انها ما التزمت بالكورس يا ان دكتورتها كانت بلا ضمير
ولا بشرتها الي من النوع تحتاج كورس ثاني
**
الا تعالوا المعجون الاحمر قصدكم ب معجون كول قيت؟
***
والي تحط مسك ولا بخاخ معطر للمنطقه الحساسه لتكون تحطه عليها مباشره ؟؟ تراه خطيررر
اذا اللوشنات المعطره مب زين نرطب بها هالمنطقه
يكفي تغسلونها بالغسولات المخصصه لهمنطقه وبس
ولما ترطبونها رطبوها بزيوت ولا كريم طبي
الا وحده كتبت ان سودو مضر وفيه مدري شو
انا كنت متخوفه منه بس اذكر تميت اسال دكتوره لين ما ماتت مني
قالت ده عباره عن زنك وبودره تلك وزيت
متخافيش
ونا استخدمه اليوم الي اشيل المنطقه القميله بالموس .. بس
و وحده قالت انها تخاف من البيكنق صودا
اوكي ترى حتى انا من النوع الي ما اسخى على عمري
وما استخدمته الا بعد ما تطمنــــــــــــــــت
لان البيكنق صودا اصلا يدخل فالمعجنات فاذا مسموح نحطه على اكلنا كيف بيكون مضر لبشراتنا ؟؟!!!!!
عادي ما منه خوف
وحتى كنت بعتمده ه كمزيل لرائحه العرق لكن كرهت ريحته مع العرق تقول ثياب بتصدي
ولانه حار اذا طول عالبشره
وتراه امن واحسن من المزيلات الي تنباع
حتى دكتوره اجنبيه فاليوتوب توصي به بس قلت فوق ليش وقفته
واذا تبون فيديوهات عن كل الي اتكلم عنه بحطه لكم لان مسيفتها في مفضلتي هناك عاليوتوب
المهم وصل المزيون توه اول واحد اخذته من الجمعيه بس انتهت مده صلاحيته فاخذت لي واحد الحين من البقاله لما شفته ضحكت لان قعدت انبه الهندي ان ابا بيكنق صـــــــــــــــــــــودا مب بيكنق بـــــــــــــــودر خفت يخربط
طلعت شركه فوستر كلاركس تنجته اختي قالت زمان كانت امي تستخدمه فالطبخ
يلا ان شاء الله يفيدني بس حاليا موقفه عنايه زايده عشان الحساسيه الي طلعت لي
هنا كل الصور
اول كريم عاليسار هذا حبيب قلبي
اختي طلعت لها حساسيه لانها مجنونه نظافه ولا ترطب جسمها فعطاها الدكتور هالكريم
ولانها مجنونه نظافه ما حبت تستخدمه وخاصتا ان ثقيل
وانا كنت في فتره الروكتان
اخذته
وحبييييييييييييييييييييته من القلب
مرطب طبي يستخدم للوجه وللجسم وحتى كلمت الدكتوره عنه
رهييييب حتى عالج لي مشكله بشرتي ان انا بشرتي من يومها تقشررررررررر لانها مختلطه فلما احط بودره ولا فونديشن ولا بي بي كريم
اتعب نفسيا لان القشور تبييييين
لكن معاااه ارتحتتتتتتتتتتت يرطب من القلب
والقشور تختفي 99%
ولو ارطب يوما بتختفي كامل بس ما ارطب
Lipo base
وانا لحد هاليوم وانا ماسكه على غسول سيتافل للبشره الحساسه ومرطب ليبو بيز
لانهم عادي اي و حده تقدر تستخدمه وتعتمده طول عمرها
ااااامن
وهالواقي الي كتبته لي الدكتوره ايام الروكتان قالت لي تبينه ملون ولا عادي قلت هاتي العادي
من زين الملونات
ولاازم الوحده وخاصتا لما تعالج بشرتها تاخذ لها واقي سن بلوك مب سن سكرين
لان البلوك يمنع البشره تمتص الاشعه
لكن السكرين يسمح لها تمتص الاشعه
وهذا الاجانب يحبونه عشان ياخذون لهم طفحه سمار
فالوحده اثناء العلاج لازم تركز ان الي ماخذته مكتوب عليه سن بــــــــــــــــلوك
بعد في كمن شغله كنت ابتكلم عنها بس تعبت بعدين برد لكم ان شاء الله
( الوجهه الرقبه))
