يقولي والله اتزوج وانا والله لاتطلق ؟؟

[جـــواهر]

يطفرج

 

[Tom ♥ Jerry]

.


وه 30 مره وحـده .. :| شنو هاذا قوليله حرآم عليك الكثآفه السكآنيه !
حبيبتي يبه صدقيني يتغشمر معآج ..

و اذا صارت صج بعدين يصير خير ..
الحين شباب هالآيآم بيت وآحد و يالله مستحملين و يشيلون و يحطون !
صدقيني يتغشمر ..


(=

 

[ليمونه حلوه]

بس حجى يبى يطفرج

 

[om.7madiiin]

رد : يقولي والله اتزوج وانا والله لاتطلق ؟؟

اللي يقوول ما يسوي
خيولي طااااااااااف
ريلي كل يوم هالموضوع اطفرني فييييه
يقوولي صرتي بطة
لالا لازم أتزوج
انا تبي اخطبلك
لووول
طاااااف حقري

 

[اختكم بالله]

حبيبتي لا اتضايقين

صدقيني اذا انشالله صار عندج 2 او 3 عيال بمل من التعب وصيحتهم واللويه والازعاج

بقول خلاص مابي 30 ومابي اتزوج وحده كاااااااااااااااااااافي


ادعي ربج ولاتفتحين معاه اي موضوع زواج صدقيني ينسى

الله يوفقكم

 

[مرت علي]

رد : رد: يقولي والله اتزوج وانا والله لاتطلق ؟؟

يا بنت الحلال الله يحيينا لبعد سنتين انتي ركزي بحملج الحين والله يهون عليج بالسلامه ولكل حادث حديث الله يسخر لج ولنا وللمسلمات

 

[غدووور الكويت]

رد : يقولي والله اتزوج وانا والله لاتطلق ؟؟

الله لا يفرقكم

 

[سوسو العصلة]

الله يعينج ياااااارب


ويهديييييييييييييه ويخلي لج يااااارب

ومايشووووف غيرج ياااارب ولايتزوج وانتي عبي الخانات الفاضيه اللي عنده ولاتروح لبيت اهلج واااايد ومدري شقووولج بس الله يعينج

 

[سفيره الهم]

اقول تراها بربره زايده ما عنده سالفه
وظروفه الماديه صعبه بعد وهو ليلحين ما جوله عيال اجل باجر لاجوله شنو بسوي

لا تحطين ببالج ترى يبي يرفع ضغطج وبس ياحبهم لهالسوالف يبي يشوفوف غلاهم

بس على فكره ردج غلط المفروض تردين ببرود وتقولين عساه مبارك وسعيد بس لا خليتك ابيك تدعيلي انا وولدك بالتوفيق ما ابي منك شي ثاني ههههههههههههههههههه راح يحتر

وقوليله انا اذا جاني نصيبي عقبك ترى بقط ولدك عليك عشان اعيش حياتي ههههههههههههه والله ليحتر وما يعيدلج السالفه

 

[ام جودي الحلوه]

رد : يقولي والله اتزوج وانا والله لاتطلق ؟؟

اختي انا اقول حاولي ما تعطين للموضوع اي اهميه اذا تكلم بالموضوع طنشي او قولي يالله عساك عالقوه بكره اذا زادت عليه مصاريف الحياه تلقين مايبي الا الفكه وراح يتذكر كلامه ويحس انه كان سخيف في تفكيره وراح تطلعله اشياء تنسيه الزواج واذاحسيتي انه قهرك قولي الله يخلي الحكومه ماخلت علينا قاصر اتطلق واخذ نص المعاش ومعاش السايق والخادمه ونص البيت بعد

 

[لمسه حزن]

رد : يقولي والله اتزوج وانا والله لاتطلق ؟؟

حبيبتي

تطمني زوجج حاب يوصلج رساله

شوفي اذا الفكرة دشت بالي تقدرين ترديني ؟؟؟

اكيد في شي زوجج محتاجه منج او في سلبيات

بدرت منج مضايقته يبي تعيدين النظر

فيها و تغيرينها ..

بس هذا كل الموضوع

ولله يوفقكم

يعني مثل ما قالج تقدرين ترديني انتي كنتي تقدرين

تقولين له اي اقدر لانك زوجي ودنيتي و انا افهمك

واعرف ان فراقي مو سهل عليك ..

ونفس الشي انت بعد ..

وبيراجع نفسه بالي قاله لج

 

[مدام زيزو]

رد : يقولي والله اتزوج وانا والله لاتطلق ؟؟

يطفرج بس

 

[عنيده يا زمن]

انا ريلي كل يوم يقول بتزوج قبل كنت احمق وازعل اما اللحين اذا قالها قلت روح ما تشوف شر تتهنا فيك واقعد ادعي جدامه يا رب ترزقه باللي تشيب راسه وتجره مثل الخروف عاد هني يهون ويقولي لا تكفين لين قطع السيره ما عاد يجيبه اهو تلقينه بحرج بس انت لا حمقت قوليله لا انت لي بروحي محد يشاركني فيك وااذا ما نفع سوي طريقتي

 

[صغيرة على الحب]

لما هادية بهالامور و ل تحرين نفسج

اولا ريلج صريح و يتكلم بويهج مو من وراج بالخش و الدس و هذا شي زين فيه مثل ماقلو البنات خوفج من الساكت

ثاني شي لما يتكلم و يحاول ينرفزج خليج ريلاكس مسكي اعصابج و رتبي كلامج معاه

الحين لما بحاول اكلمج و يندم على اللي قاله و ما يسويها ردي طبيعي ول ا تحسسينه بالذنب

و لو كلمج و قالج صج ناوي قوليله كلمتين لو ناوي تتزوج من صج رخصني عشان كل واحد يشوف دربه

و شوفي ردة فعله

بس لا سمح الله لو تزوج انصحج انج ما تضلين بذمته لانه هالشي بتعبج حيل الشريجة تحر لو هي بالقبر

ما ادري هذا رايي و المرة مستحيل تتقبل وحدة تشاركها بزوجها لو شنو

الله يوفقج حبيبتي و يهديلج زوجج و يصلحه ان شاء الله

 

[NauGhty nuRse]

يتغشمر معاااااااااااج
وانتي حساسه زياده لانج حااااااااااااامل والله يتمم عليج

 

[بنت.المطيري]

ادب النسا بالنسا ووالبل بالعصا
شكله وااحد من ربع نصحه بهالنصيحه ودام ماديته تعبانه يمكن مايقدر يتزوج بس بيخرعج عشان تحوفينه !

 

[ام يوسف الكويت]

الظاهر علباله اذا تزوج الثانيه بياخذ قرض الزواج 8000 !!


ويمكن قصده بيعبي الخانات يقصد الزواج ال 2 و ال3 وال4
يعني مو شرط يكون تقصير منج بس جذي اثبات رجوله .. شوفي عاد منو وازه من ربعه
بس دام قالج بعد سنتين لا تتهاوشين وياه مصيره بيطخ

 

[سارووونه22]

انا مع فوفو كلامها كله صح

 

[Miss World89]

رد : يقولي والله اتزوج وانا والله لاتطلق ؟؟

اعرف وحده زوجها قالها نفس كلام زوجك وكمان بجديه بضبط نفس سالفتك وقالت حطلق قال بكيفك تبغي تتطلقي اطلقك تبغي تصيري على ذمتي كمان حخليك......والله يتمم عليها الحين نسى الموضوع بس شكلو قال كذا يبغى يطفشها\\واذا قالك كذا مره ثانيه لاتبيني انو ضايق صدرك قولي ايوا عادي وخلي عيالك عندك كمان...عشان ادورلي عريس ويوافق على طول لما اقول العيال عند ابوهم<<هيا قالتلو كذا صار يدور براسو الكلمه يقولها مالك قلب تقولي بخلي العيال عندك ^___^ الله يسخره لك يارب وانتي جد لاتتزعلي كل شويا عدي الاامور الصغيره ياسكر

 

[يعني أني]

رد : يقولي والله اتزوج وانا والله لاتطلق ؟؟

من كثر مايحبج قاعد يغثج

عفوا

ترى شباب الكويت مايعرفون يعبرون عن حبهم يامال الصلاح

اذا حبج يغثج ويستانس اذا غثج ويحس انج تحبينه

والله عجبي