يماا يباا خلاص تكفوون ( رجعناااا )

[HaAaDoOol]

ابببببببببـ

 

[خميسيه]

بمستشفى مبارك
نوره : ساره يعني ادق
ساره : اي حبيبتي دقي وهالمره ما راح اخليج تروحين البيت تدقين هني جدامي ذيك المرا خرتيها بعد مابيج تخورينهااا هالمره

نوره تحضن ساا ره ححييل وتطلع تلفونها وتدق على فهد

بسيارة فهد
فهد كان توه واصل عند بيت اهل نوره
توه كان موصل ورقة طلاقهم
شاف رقم نوره واستغرب
شال التلفون ولا عطى نوره فرصه تتكلم : ورقة طلاقج يا نوره ووصلت لج بعد شتبين اكثر من جذي قطعتي قلبي ولعبتي فيني شتبين بعد يا نوره شتبين
نوره تسمع كلام فهد وساكته ودموعها بعيونهاا وكانت تتنفس بصعوبه
خنقتها العبره
فهد: الوووو
نوره يطيح التلفون من ايدها
ساره : نوره شفيج
نوره ودمعتها تنزل : طلقنيييي
ساره تحضن نوره
ونوره تبجي مثل الياهل

بالبحرين وتحديدا بمطار البحرين
حمد : عااد دير بالك عليهاا ما اوصيك رائد
رائد : افا عليك حمووود تررا بعيوني هاذي عين السيح
هنووف : حبيبي كله منك استعيلتنا وشوف بقى ساعتين على الطياره
رائد : كل ماا كنه امبجرين كل ما صار احسن بعدين اهلي ناطرينه هناك مابي اتأخر عليهم
هنوف: شكوو نتأخر عليهم راائد الطياره بموعدهاا
حمد : موو تدرين له سوابق رائد كله تتطير عنه الطياره
هنووف وحمد ورائد ظلوو يضحكون ويسولفوون بالمطار
رائد خلاص بيستقر اهوا وهنوف بالكويت وابوه اخذ له شقه على البحر من شقق التمليك

مرت الاياام والاشهر
ساره طلعت من المستشفى وانصدمت بتغير المفاجيء الي صار بأبوها وشلون تسنع
والتزم من بعد وفااة امهاا
ونوره بطنها بدى يوضح شوي قررت نوره انها ما تقول حق فهد انها حامل حبيت انها تخش عليه
فهد كان عايش بعذااب بدونهاا وكان حاس انه حياته جحيم ولما الحين ما يدري شنو السبب ورا الي سوته نوره
بدر هدى مفعول سحرها كان بادي يوضح عليه كان كل ما يقرب من ساره يحس بنغزه بقلبه
يحس بتعب وصداع مو طبيعي بس هالشي ما غير ولا خفف حبه حق ساره كاان يقول انه الي يصير لي هذا من الحب الزايد الي بقلبي لهاا

وذاك اليوم فبيت ام بدر صار كل الي احنا ناطرينه
ام بدر خطبت ساره حق بدر بدر و ابو ساره اتفقو على الملجه
واليوم الي اهوا
1_10_2009
اهوا يوم ملجتهم
كانت الملجه فبيت ام بدر بحكم انه ساره ما عندها اهل ولا عندها مكان تسوي الحفله فيه
صارت الملجه فبيتهم وكانت محفوفه ما عزمو فيها الا الاهل والقراب حيل منهم
بشقة ساره وبدر
فبيت ام بدر صار عكس الي كان صاير بملجة نوره
ساره قاعده على الكرسي والمصوره تصورهاا
كانت لابسه نفنوف بيج نااعم وفيه تطريز سماوي من تحت وعلى الصدر وداخل فيه شورافسكي كحلي
المصوره تصور وتذكر الله
المصوره : بسم الله مشالله والهي احلى عروسه ربنا يبارك ليك ويبعدك عن العين
ساره تنزل راسها وتستحي
نوره تدخل عليها وتمشي بصعوبه لانه بطنها كان حيل يعورهاا تقعد على اقرب كرسي جدامها وتفصخ جوتيهاا
كانت لابسه نفنوف وردي فاتح ووسيع من تحت من نفانيف الحوامل وفيه شغل بسيط عند الصدر
نوره: يعني انتوو ما قررتو تملجون الا وانا بالسابع جان نطرتوني اولد
ساره : حبيبتي والله وتقوم تبوس نوره
صوروو اهما الثنتين
طقت ام بدر الباب
ودخلت عليهم : ايي اقول انا منو الي مأخر ساره اعرف حركاتج يا نوره بسج تصوير
نوره :حرام عليج يمه والله كارهه التصوير انا وبطني هذا شوفي صايره جني بلونه
ساره تقوم وتبوس راس ام بدر
ام بدر : مشالله لا اله الا الله عليج يا ساره ملاك منزل من السماا
تعالي بقراا عليج وابخرج قبل لا تطلعين
نوره : ياا سلام وانا يوم ملجتي ولا حتى تفلتي علي بالغلط عن العين
ام بدر: انتي سكتي ولا اسمع لج حس
تمسح ام بدر على ساره وتبخرها وتقراا عليهااا تخلص قرايه
وتقوم : يله 5 دقايق حبيبتي وتدخلين بقول حق الديجي يحط غنيتتج
ساره تهز راسهاا وكانت حيل مستحيه
نوره تطالعهاا وتلمهااااا : فديتج ياا احلى جنه واللله
سااره تبوسهااا: وانا فديتج يا احلى حمااة
ساره عيونها بدت تدمع
نوره : افا افا ليش يا ساره
ساره : نوره ذكرت امي الله يرحمهاا لو كانت عايشه شلون بتكون وناستها اليوم فيني شلون كانت بتجهزني
نوره تطلع كلنكس وتمسح عين ساره شوي شووي :............ الله يرحمها اكيد ساره كانت بتفرح لو انها بينه ... مليقه لا يخترب مكياجج متشيحطه فيج جدام بنات خالتي قايلت لهم انج حلوه . لا تبجين ويسيح وتطلعين وانتي سعلوه بس عاد سكتي
كالعاده ساره ضحكت ونوره لمتهاا
نوره بطلت البااب والغنيه اشتغلت : الف الصلاة والسلام عليك يا حبيب الله محمد
الحريم ايببون تحت
نوره قبل لا تطلع باست ساره ولمتها
طلعت من الباب ونزلت تحت
ساره طلعت والمصوره جدامها تصورها
قلبهااا كان يدق بسرعه وكان يسرع مع كل دريه تنزلهاا من الدري كاانت تفكر بأشياء وايد من ضمن هالاشياء مر بالغلط على بالها رائد
راحت الضحكه من حلجهاا فجأه وسرحت قعدت تفكر باول اتصال بينهم ابتسمت ونزلت راسهاا
ردهاا للواقع صوت المصوره: يااا قمر ارفعي راسك
ساره رفعت راسهااا وشافت نوره ورا المصوره تأشر لها شفييج؟؟
ساره تهز
راسها قصدها ولا شي
الغنيه الي دخلت عليها كانت http://www.youtube.com/watch?v=nkS1jVWxx7E&feature=related
هاذي
الكل كان يذكر الله عليها كانت مثل القمر
قعدت على الكوشه وكانت حيل مرتبكه عيون الناس كلها عليها بس الابتسامه ما كنت تفارقهاا نوره مجابلتها تسنعهاا
وتسنع نفنوفهاا
براا البيت
بدر وفهد واقفين ومعاهم ابو ساره
بدر : فهوود تدخل معاي يعني تدخل مالي شغل فيك
فهد: بدر ماله دااعي
بدر:فهوود والله ازعل عليك وانت تدري زعلي جايد انا
بدر قنع فهد بس فهد كان خايف يشوف نوره ما يدري شنو بتكون ردة فعلها ولا كان يبي يجرحها وله يضاقيها بووجوده
بدر يدق تلفونه شاله : الووو ... يله اوكي
بدر : هاذي نوره تقول ندخل الحين
تغطت ساره بشاال ونوره قطت عليها شال اهيا بعد ولبست لفتها
دخل بدر عينه طاحت بعين ساره
ساره نزلت عينها وبدر ابتسم
قامت ساره باست راس ابوهاا وصل يمها بدر باسها على راسهاا
ومسك ايدها وضغط عليهاا حييييل كانه ياهل ومشتاق للعبته
ساره تطالعه وتنزل راسها
بدر يقرب من اذونهاا ويهمس لهاا : احبج يا احلى زوجه
ساره تبتسم وتقرب من اذونه : وانا اموت فيك
بدر يطالعهاا ما يدري شيسوي وده يحضنهاا
حطوو لهم هالغنيه وكانت حيل لايقه على الجوو الي اهما فيه
http://www.youtube.com/watch?v=VdO4o4hDP78&feature=related
لما كانوو بدر وساره مشغولين فبعضهم
طاحت عين نوره بعين فهد
نوره نزلت راسها
فهد سرح فيها ولاحظ بطنهاا وانصدم
نوره رفعت راسها وشافت فهد يطالع بطنها نزلت راسها واتذكرت انه فهد ما يدري عن حمالهاا شافته
فهد يكلمهاا من بعيد: متى ؟؟
نوره تدمع عينها وتنزل عن الكوشه وراحت عند الحمام تبجي
صوت من وراها : نوره
نوره ودموعها بعينها ولا لفت عليه : عيون نوره
فهد :ياا بعد كون فهد كله انتي ؟؟ متى يا نوره
نوره تبجي
فهد: وربي قاعده تقطعين قلبي يا نوره
نوره تمسح دموعها وتبلع ريجها وتتكلم بصعوبه : انا بالسابع
فهد : ليش ما قلتي لي ؟؟ ليش خشيتي عنييييي
نوره تتسند على الطوفه وتبجيي
فهد يبجي : نوره ليش خليتيني بروحي ؟؟؟ والله دنيتي ولا شي بدونج
نوره تمسح دموعها وتلف عليه : فهد لو اقول لك السبب وربي بتكرهني
فهد : جربيني نوره تكفين قولي ولا تخلين قلبي محترق جذي
نوره تقول له عن محمد وشلون كان مهددها انه يقول له
فهد : وليش ما قلتي لي من اول يا نوره
نوره : فهد خفت عليك تتضايق خفت انك تزععل خفت انك تكرهني
فهد : خفتي علي يا نوره من هالكلب من جذي خليتيني اطلقج
نوره تبجي : ايي
فهد : ياا كلبه يا مينونه تعاللي
ويفتح لهاا ايده
نوره تقرب منه ويحضنها فهد
واهوا حاضنهاا نوره تهمس بأذونه : انا حامل بولد
فهد : حلفيييي
نوره تهز راسهااا
فهد يرد يحضنهاااا

طلعوووا من صوب الحمام ساره تشوف نوره وفهد وتبتسم
تنغز بدر ووتساسره : مو قلت لك خله يدخل معااك وصدقني بيرجعون ما صدقتني
بدر يبتسم لها: فديتج وفديت تفكيرج
خلصت الحفله وساره ما كانت مخططه تطلع مع بدر بعد الملجه كانت تبيه يكون معاها ويشوف كشتها له
فهد خلاص بيرجع حق نوره وردت له الروح الييوم
اما نوره فا كانت طايره من الفرحه
صعدو ساره وبدر الغرفه
بدر: توه ما نور المكاان يا حيااتي
ساره تنزل راسهاا
بدر يمسكهاا ويسحبها لي
غرفة النوم
ساره تقعد على السرير بدر يفصخ بشته وصكر الباب



هدى كانت ناطره اتصال بدر على احر من الجمر
بس شكله السحر ما اخذ مفعوله والي اكد لها هالشي خبر ملجته الي انصدمت فيه
كانت رافضه تشيل بدر من بالها خصوصا لما عرفت انه ساره الي بتصير مرته
راحت حق امها تبجي
امها : شوو بكيي ؟؟
هدى : خطفتووو مأصوفت الرأبه
ام هدى : مين هياا ؟؟
هدى : هي نفسهاا الي طفشت رائد من البلاد
ام هدى : والله لعملوووو عمل اسرع من عملهاا لخليه يركض وراكي
وبالفعل راحت حق واحد وعطاها عمل عطته حق هدى بس هالمراا العمل لاازم يشربه بدر
نروح حق مريم
بعد ما رفضت انه سالم يطلقها اسكنوو بشقة فهد ونوره فوق فبيت اهلها
واليوم اهوا اول يوم سالم يشوفها من بعد كل الي صار
اليوم اول يوم يجتمعون اهما الثنين بالحلال
كلنا ندري مريم شكثر كانت تحب سالم
بس الي ما ندري عنه سبب الي صار بهاليوم
يوم الخميس نفس يوم ملجة بدر وساره
1\10\2009
دخل سالم الشقه وبيده جنطه صغيره كان فيها هدومه
مريم كانت قاعده على القنفه الي بالصاله
تطالع التلفزيون
مر عليها مروم الكرام سلم عليها
قط جنطته صوبها
وقعد يفتر يطالع الشقه
خلص ورد قعد يمها على القنفه
سالم : والله حلوه الشقه …. لما كنتي تقولين لي انه اهلج عندهم خير ماكنتي تجذبين
حط ايده وراا ظهرهاا وقربها من عنده
مريم وخرت ايده ودزته: لاا تجيسنييي
سالم : هااا مو انتي الي قلتي حق اهلج تبيني … تعالي قربيييي
مريم : قلت لك وخر عني
سالم معصب : موو بكيفج انتي مرتي الحين
ويمسكهاااااا بالغصب ويحضنهااا
مريم تحااول توخره موو قاادره
يمسكهاا ويسحبها لي غرفة النووم يصكر الليت وسوا الي سواه معاها
مريم ما كانت مستانسه واصلن ماا كانت طايقه سالم
خلص سالم منها قام تسبح واهيا ظلت منسدحه بالفراش وتبجي
تغمض عينها وتذكر ساره والي صار معاها وترد تغمض عينها وتمر عليها صورة وليد تصكر عينها مره ثانيه وتتذكر اليوم الي اغتصبها فيه
خلص سالم الشور ماله ودخل الغرفه يبدل هدومه
سمعهاا تبجي وقعد يضحك قرب من الفراش ورفع راسهااا : سلم قلبها البيبي عوورتج؟ لا لا لاا تقولين عورتج حراام مسكينه ههههههههههههههههه .. دني بناام
مريم تقووم من الفراش وسالم ينسدح ويمسك تلفونه يلعب فيه
راحت مريم المطبخ طلعت قلاص وصبت فيه مااي
طلعت حبوبها من الكبت وخذتهم
واهيا تاخذهم شافت السجاجين محطوطه داخل الحافظه مالتهم حطت قلاص الماي على الطاوله وشالت وحده من السجاجين وقامت تطالعهاا
قربتهاا من ايدهاا وغمضت عينهااا
توهاا بتشق ايدهاا جان تسمع صوت سالم يكح بالغرفه
بطلت عينها رفعت راسهاا وراحت غرفة النوم
بطلت الباب ووقفت عنده
سالم انتبه انها بطلته لف عليهااا
جان يشوف السجينه بيدهاا
سالم : مريم شبتسوين بالسجينه
مريم :انت انسان حيوان وما عندك قلب
سالم خايف : مريم حبيبتي قطي السجينه … قطي السجينه
مريم قاامت تبجي وتصرخ : انت خربت حيااتي انت ضيعت مستقبلييييي
لاازم تمووت لازم تموووت مو انا الي اممووووت انت الي تمووووت مووو انااااا
قربت منه
سالم تووه بيقووم جاان تطعنه بايده
ساالم يصرخ : ايييييييي ايدييييي اهههههههههههه الحقنيييي عميييي
مريم ترد تطعنه : مووووووت موووووووووت
ابو فهد وام فهد كاانو قاعدين بالصاله وسمعووا صراخه
ابو فهد ركض شقتهم بطل الباب
شااف مريم فوق سالم وبيدها سجينه وسالم تحتها وما يتحرك
ام فهد شاافت المنظر جان تطيح جداام الباب ابووو فهد قعد يصرخ : مرييييييم
تم يحاول يوخرها عن سالم دناهاا عنه وقامت ترفسه بريولها طاحت بالارض وابو فهد ماسكهاا
مريم تلف على ابوهااا : يباااا خلني لازم يموووت يبااااا تكفى خلنييييي لاازم اذبحه يباااااااا …. يباا ليش تمسكني اهوااا ضيع مستقبليييي الله يخليك يباااا خلنيييييي …. خلــــــــــــــنيييييييييييييييي
ابوووو فهد يسمعهاا ويبجي يشيل السجينه من ايدهاااا ويحذفها على الارض
فهد كان توه داخل البيت من بعد الملجه سمع صوت صراخهم ورركض فوق
دخل شاف المنظر وانصدم صحى امه واتصل على الاسعاف عشان يشيلون سالم
الاسعااف يت بسرعه شالت سالم وودته االمستشفى
حركت الاسعاف من صوب ووقفت الدوريه عند البيت
نزلووو منها شرطيين
طقوو الجرس افتحت لهم ام فهد الباب
مريم كانت قاعده تحت بالصاله يم ابو فهد وهدومهاا وايدهااا كلهم دم ساالم
ابو فهد حاضنهاا و يحاول يكلمها
يكلمها بس مريم ما ترد عليه
ام فهد تكلم الشرطه : شتبون فبنتي اخذوني انا بدالهاا
الشرطي : ما يصير يا خالتيي لو سمحت يبي البنت
ام فهد تمسك ايده وتبجي وتصرخ اقعدت على الارض : تكفى اخذني بدلها خل بنيتي
ابوووس ريلك خلهااا تكفىىى
مريم تسمع صوت امهاا قامت من على القنفه وقفت عند الباب
ومدت ايدهاا حق الشرطي حطوو بيدها الكلبجاات
ام فهد تقضب ريل الشرطي : ولي يسلمك خل بنتييي الله يخليكم خلووهااا
ابو فهد يقووم حق ام فهد ويوخرها عن الشرطي
الشرطه يطلعون ويركبوون مريم الدوريه
ام فهد تحاول تلحقهم تطق عليهم الدريشه : خلوووهااااا خلووو بنتييييييي
ابوووو فهد يسحبهاااا ويحضنهاا ويبجي
ام فهد تصرخ : ياابو فهد خلهم يرجعوووووون بنتييييي خل ياخذونييي اناااا يابووو فهد ااااااااااااااااه ياااااا مريم رجع ليييي بنتي يااابوو فهد
ابو فهد يدخلهاا البيت ويصكر البااب
فهد كان مع سالم بالمستشفى والخبر الحلو انه سالم ما ماات
بس طعناتها له خلته ينشل قطعت له اربطته
ريله الثنتين ما يتحركوون ووحده من ايدينه
اماا مريم فاا كان مصيرها انها ترجع الطب النفسي مرا ثانيه

مرت الاياام ونوره ولدت ويابت احلى ولد وسمته ركان ومر شهر زياده
وساره حملت
هدى السوسه كانت تحاول توصل حق بدر باي طريقه عشان بس تحط له بأكله وشربه السحر
ذيك اليوم نطرت عند الباب لما الخدامه تطلع تقط الزباله طقت لها هرن
ركبتها معاها السياره
واتفقت معاها على انها تحط السحر بأكل وشرب بدر كل يوم وعطتها 120 دينار
نزلت من السياره وبيدها الجيس
دخلت المطبخ وكانت تسوي ريوق حق ساره وبدر
حطت لهم بالعصير والبيض ششوي من الي عطتهم هدى
وشالت الصينيه ودتها فوق لهم
طقت الباب بطلته ساره
ساره شالت الصينيه عنها : مشكوره حبيبتي
صكرت ساره الباب وحطت الاكل بالصاله وراحت غرفة النوم
خذت كلنكس ولفته وقربت من اذوون بدر
وتحطه داخل ااذونه بدر يحك اذونه تضحك ساره
وترد تحطه باذونه
بدر حس فيهااا جاان يسحب ايدهاااا ويبووسهاا
ساره : هههههههههههههه جكيتني
بدر : يسحبهااا ويبووسهاا
سااره تقعد فوقه وتلمه : يله قووم حبيبي تريق معااي
بدر : من عيووني روح بدر انتي
يقووم بدر يغسل ويبدل ويروح الصاله
قعدت ساره توكله بايدها ومع كل لقمه بوووسه
وكانووو حيل مستانسين
بدر : الحمد لله . الله لا يحرمني منج حبيبتي
ساره : ولا يحرمني منك يا روحي
بدر : يله انا بروح الدوام اشووف وين ولدي خل ابوسه
ساره تقوم توقف وبدر يبوس بطنهااا : دير بالك على امك هااا ما اوصيك عليهاا
سااره تضحك وتحضن بدر
هدى رجعت
البيت وكانت حيل
مستانسه حست انهاا فازت بمعركه وخصمها كان ساره
بدر واهوا بالطريج للدوام قعد يفكر بهدى ما يدري ليش فجاه يت على باله
شال التلفون بدون لا يفكر ودق عليهاا
هدىى شافت رقمه اول مره واحقرته
بدر حس انه لازم الحين يكلمهاا
رد دق مره ثانيه
هدى : الووووو
بدر : الوووووو
وبدى بدر يخوون ساره
ساره كانت حاسه بتغير بدر المفاجيء عليهااا طلع من البيت ذاك اليوم شكل ورجع شكل ثاني


سالم من بعد الي صار له تقريبا صاار انسان احسن وتغير 180 درجه
واول شي ياا على باله انه يبري ذمته عند رائد ويقول له الصج عن ساره
سمع من ربعهم انه رائد رد الديره خذاا عنوانه ورقم تلفونه اليدد من ربعه ودق عليه
رائد كان يسوق السيااره لما دق التلفون
شاف الرقم واستغرب : الوووو
سالم : سلام عليكم
رائئد : عليكم السلام هلا سالم
سالم : هلا فيك رائد ... ادري انت مستغرب من هالاتصال بس انا عندي معاك جم كلمه بقولها وبس
رائد: قول اسمعك
سالم قال له عن كل شي وعن تخطيطه مع مريم
رائد كان يسمع وعيونه تدمع
سالم : وبس انا كنت دااق ابري ذمتي
راائد يمسح دموعه بس ما قدر يسكت صرخ على سالم : وتوك تتحجى يا سالم .............. ليش توك تتحجى
صكر التلفووون وقعد يطق على السكااان
صفط على جنب ورجع رااسه ورااا سنده على الكشن : اااااااه ياا ساره

مرت7اشهر من حمل ساره يعني اهيا الحين بالشهر الثامن
بدر مهملهااا وكل يوم يهملها اكثر من الثااني
ذيك اليوم الخدامه كا عادتهااا خلصت الغدا بطلت الجيس بتحط من السحر وله الجيس خالي
ما كان عندها أي طريقه تتواصل مع هدى تقولها هالشي

بعماره من عمارات السالميه
بالدور الخامس
بدر كان قاعد وهدى قاعده يمه وحاضنته
هدى : بدر
بدر : حيات بدر انتي
هدى : متى بتتزوجني
بدر : خل تولد الي بالبيت عندي وبتزوجج
هدى: صج حبيبي
بدر : أي صج

ساره كانت حيل متضايقه وما تدري حق منو تشكي قررت انها تروح حق نوره
و تكلمهاا
راحت حق شقة نوره
والي ما قلته انه نوره سكنت بدور بجنوب السره اهيا وفهد من بعد الي سوته مريم ما قدر فهد يقعد بشقته
طلعت ساره وراحت عند نوره
دخلت الشقه وقعدت تلعب مع ولد نوره شوي
نوره كانت حاسه انه ساره فيها شي
نوره : تكلمي قولي شفيج
ساره : مافيني شي نوره
نوره : لا تخشين عني انا اعرفج ساروه
ساره : نوره مادري شقول لج .,,, بدر وايد متغير علي ما يقعد معاي ولا يجيسني ولا يقرب مني
نوره : سالتيه شفيك متغير
ساره : أي سالته عصب علي وزفني وقال انتي تتخيلن
نوره : مادري والله ساروه
ساره؛: نوره تبين اولجاقولج شي نوروه اشك انه بدر يخووني
نوره : بدررر لا مستحييل
ساره : انا كنت اقول مستحيل بس تلفونه على طول بأذونه ومن ايي عنده يصكره ولا يرضى اقرب من تلفونه ولا اجيسه وذيك المرااا سمعت صوت وحده واهوا يتكلم
نوره : سارو متأكده
ساره : والله نوره
نوره : خلاص بخلي فهد يكلمه
ساره مو قادره تمسك نفسها وقامت تبجي :
نوره مشتاقتله والله ما اشووفه ولا اكلمه ما يرد الا بالليل ويناام
نوره : خلاص حبيبتي بخلي فهد يكلمه يشوف شسالفته وانتي وينج من اول شي ليش ما تكلمتي
ساره تمسح دموعها : خفت اكون صج اتخيل وله تاثير الحمال فيني
نوره : حبيبتي خلاص دام الساللفه وصلت عندي بلعن خير خيره افا عليج يله شدي حيلج باجر عيد الحب اكيد بيكون مفاجأج بهديه مني منااك بتراضيج

ساره استانس شوي من كلام نوره ردت البيت انطرت بدر يرد ما رد نامت
وقعدت ما لقته يمهاا كان رايح الدواام غسلت وبدلت راحت المستشفى كان عندها موعد طبيب
دخلت العياده حطت جنطتها على جنب ومسكت لها مجله سمعت صوت مو غريب عليها لفت ويهاا وعلى يسارها كان
رائد : هنوف حبيبتي قلت لج نروح رويال حياة احسن
هنوف : لا يا قلبي هذا ارخص واحسن رفيجتي قالت لي عنه
ساره وقفت ويت بتطلع قبل لا يشوفهاا
وقبل لا تطلع نادت اسمها السكرتيره:مدام
ساره الدكتور جاهز تفضلي
ساره لفت ويها وشافت رائد عينها طاحت بعينه
لفت ويها بسرعه وطلعت بره العياده
رائد قام من كرسيه ولحقها: ساره سااره
ساره ركبت الاصنصير وتصكر قبل لا يلحق عليها رائد
نزل الدري بسرعه
وقف الاصنصير بالدور الاول نزلت ساره من الاصنصير وقامت وركبت الاصنصير الي ينزلها بالعماره من وراا
رائد ضل ناطر تحت ينطرها ننزل
بالاصنصير تبطل الاصنصير وله خالي رائد قعد يتلفت ولمحهاا بسيارة السايق ركض لهاا حاول يلحقهااا
رائد يصرخ : سااره . سااره
ساره تسمعه وتحط ايدها على حلجهاااا
ساره بعد ما شافت رائد مع مرته حست انه اهيا لازم ما ترد عليه (( خله يعيش حياته مثل ما انا عشت حياتي )
قبل لا ترجع البيت مرت السوق وشرت لها قميص نوم عشان تكشخ فيه اليوم حق رائد شرت شموع وبلونات وورد عشان تزين فيهم الغرفه
دخلت البيت سلمت على خالتها وسولفت معاها شوي جان تصعد غرفتها زينتهاا وتفخت البلونات ونثرت الورد على كبر الغرفه وصفت الشموع على اسم بدر ونثرت الورد حوالينه على شكل قلب حب
تسبحت ويت لها الكوافيره سوت شعرها وحطت لها مكياج
ساره لبست قميص نومها وقعدت تنطر بدر يرجع صارت الساعه 12 وبدر ما رجع ولا حتى دق قامت تحاتيه دقت عليه

تلفون بدر يرن يشوفه ويحطه سايلنت
هدى : مين
بدر :: ساره
هدى : يبعت لها حميييي
بدر : هدى لا تقولين جذي عنها
هدى مستغربه بدر اول مره يسكتهااا
ساره ترد تدق وبدر يحطه صامت : اخاف فيها شي خل اروح لها هدى هاذي خامس مره تدق
هدى عصبت حست انه بدر رد يحن على ساره
: مو اول مره تدق خمس مراات اهيا كل يوم تدق شفيك اليوم بدر
بدر : مافيني شي هدى احس اني تعباااان وراسي يعورني
هدى : طيب خلاص انا بخلي عوار راسك الحين يروح اطلع برا الغرفه ولما اقولك ادخل ادخل
بدر : اوكي
بدر طلع برا الغرفه
اول ما طلع هدى شافت التلفون على الطاوله
مسكته دقت على ساره
وردته على الطاوله
هدى تطل على التلفون وتصرخ : بدر حبيبي لااا تدخل
بدر : يله هدى طولتي
هدى : اوكي عد لي الثلاثه وادخل
بدر : وااحد اثنييييين ثللاااثه ادخل ؟؟؟
ساره قاعد تسمع حاطه ايدهاا على حلجهاا وتشهق وتبجيييي
هدى : ادخل حبيبي
دخل بدر هدى كانت لابسه نفنوف اسود ضيج وعاري شوي : واااو شحلاتج
دخل وطفى الليت حضن هدى ولاحظ ليت تلفونه مبطل دز هدى بسرعه وراح حق تلفونه شافه وله ساره على الخط : الووووو الوووووو
سااره تبجي وتصرخ : يالوصخ ............. يالخاااين
وصكرت التلفون بويهه
بدره يقضب هدى : انتي ليش سويتي جذييي مينونه انتي
هدى : أي خلها تروح بستين داهيا خلااص
بدر : هاذي مرتي شفيج انتي

دزها وطلع ركب سيارته وراح البيت
ساره بالشقه خربت كل الي مسويته وقعدت تبجي سمعت صوت سيارته تحت دخلت الغرفه وقفلت عليها البااب
بدر
صعد بسرعه شقته
بطل الباب قعد يصوت : سااره سااره
ساره منسدحه بالسرير متلحفه وتبجي
بدر يحاول يبطل باب غرفة النوم يلاقيه مقفوول يطق الباااب : سااره بطلي البااااب
ساره ساكته ما ترد عليه بس تبجي
بدر : اقولج بطلي البااب ........
بدر تعب من كثر ما يطق الباب : ساره بتبطلينه وله اكسر ه الحيين
ساره ما ترد عليييه وتبجي
بدر يصرررخ : بطليييييييييييييييييييييييييييييه
وخر عن البااب وقعد يدزه بجتفه لما كسرااا سااره قامت من الفرااش وصرخت : وخرررر عني
بدر : ساره سمعيني
ساره تبجي : سمعت كل شي بالتلفون انا مااابي اسمع بعد
بدر يقضبها من ايدهاا سااره توخر ايدها وتبجي : وخر عني يالوصخ وخرررررررررررررررر
بدر عصب عليها مسكها من شعرها وعطاها طرااق : جاااااااااااااب
سااره انصدمت من الي سواه بدر حطت ايدها على خدها وقعدت تطالع بدر
لفت عنه بطلت الكبت لبست نفنوف
وبدر يحاول يكلمها : ساره انا اسف ... ساره ردي علي
ساره تبطل الكبت وتطلع لها جنطه بدل يطق الكبت ويصرخ: ردييي عليييي
ساره تلف وتروح الصاله وتشيل جنطت ايدهاا ولا ردت عليه
بدر : ساره تكفين سامحيني ساره ابووس ايدج
يمسك ايد ساره ويبوسهااا ساره تسحب ايدهااا تبطل باب الشقه وتزل الدري واهيا تنزل
حست بعوار فبطنهاا مسكت بطنهااا وقعدت تتألم
بدر لاحقها على الدري : سااره وين رايحه
ساره شالت تلفونها ودقت على ابوها
ابو ساره : الوووو
ساره : يباا انت بالشقه ؟؟
ابو ساره : ايي يابوج شفيج فيج شي
ساره يباا انزل لي تحت اول ما تنزل دق علي رنه
وصكرت التلفون
بدر : ماراح اخليج تروحين
ساره : ليش ما تخليني روح كمل سهرتك مع حبيبتك رووح
بطلت الباب ساره وطلعت وبدر وراهاا : سااره والله احبج
سااره تبجيييي وتصرخ :جذاااااااااااااب ما تحبني الي يحب ما يخووون
بدر : ساره والله مادري شفيني والله قصبن علي خنتج والله ما احبهاا احبج انتيي
ساره شاافت ابوها نازل من العمااره راحت له تبجي ولمته
بدر لحقهااا
ابو ساره مسكه : لي هدت انا برجعها لك بدر ادخل البيت ساره عندي وكاهي بينك وبينها شارع
بدر : عمي بس اناا ..
ابو ساره قاطعه : خلاص لي هدت بترجع
ابو ساره شال جنطت ساره مسك بنته ومشى راح عند الاصنصير رعصه
ساره مشت جان توقف : يبااااااا بطنيييييي مو قادره اتحمل العوااار
ابوو ساره : شفييج يباااا
ساره : ماادري يباا بطنييييي اااااااااااااه
ابو ساره : امشي اوديج المستشفى
يااب ابوو ساره السيااره حق سااره وساعدهاا تركب السيااره
طوول الطريج ساره تصرخ ومااكاانت قادره تتحمل العواار
وصلوو المستشفىى الا الماي نازل وخلاص واصله حدها معنها بالشهر ال8
خذوها السستراات ودخلوها غرفة العمليات يا الدكتور وسال ابوو ساره عن زوجها
ابو ساره اتصل على بدر : الوو بدر بسرعه تعال لي المستشفى ساره بتولد
بدر ركب سيارته وراح حق بو ساره المستشفى
بدر : عمي وينهااا
بو ساره : بغرفة العمليااات بس حيل تعبانه
بدر دق على نوره ودق على امه يوو المستشفى وقعدو ينطروون
مرت 6 ساعاات طلع الدكتوور
بدر : ها دكتور بشر
الدكتور الجنين الحمد لله بخير ... بس مادري شقول لك اخوي اذكر الله وترحم عليها مرتك عطتك عمرهااا
بدر : شنو دكتووور انا زوجتي سااره تأكد الله يخلييك
الدكتور : ترحم عليهاا
بدر يبجيي : لا دكتووور اكيد غلطاااان دكتوووور ساره مافيها شي بس يابهاا عمي عشان توولد
عمي قوول لهممم انه ساره ما فيها شي
بووو ساره ماسك غترته ويبجي
ونوره لامه امهاااا وقاعده على الارض وتبجيي وتصرخ
بدر يبجي : نوره لا تبجييين قومي مو ساره الدكتور غلطاان
السستر تطلع من العمليات ويتبطل البااب بدر يركض داخل
ويروح عند فرااش سااره : سااااااره قوومي قومي صاار عندنا بنت يا سااره .... ساره مو وقته تتغشمرين قوميي بنتنا ناطرتج
يهزهااااا ويصرخ:قومممممميييييييييي
الدكتوور ايي يمسكه بدر يحضن سااره :اااااااااه يا ساااره اااااااه ماااابييي بنتنااا بس انتي قومي قومييييي
يوخرونه عن ساره ويغطونها
الدكتوور يطلعه براا الغرفه ويتصكر الباب وراهم بدر يحاول يبطله : سااااااره سااااااااااااااااااااااااااااااااارااااااااااااااااااااااااااااه

ساره توفت بس قبل لا تموت خلت وراهاا قطعه منها
خلت لنا (( ساره ))
بعد ما توفت ساره نوره خذت بنتها وربتها مع ولدهاا ويابت بنت وسمتهاا ساره
رائد وهنوف ظلووو مع بعض بس ذكرى ساره محفور بقلب رائد
واول بنت يت له هم سماهاا ساره تفهمت هنوف الوضع ورضت بهالشي
مريم طلعت من الطب النفسي وسالم تنازل عن كل حقووقه و
لما الحين يحاول انه يردها
وليد تزوج الدكتوره سناء وصار عندهم 3 اولاد وبنت
محمد توفى بحادث سيكل
اما هدى تزوجت من رجل اعمال كويتي كبير علشان تورثه ولما توفه ما لقت من بعده الا الديون
وبالاخر بدر

بدر ظل طوول حياته متحسف على الي سواه وظل يلوم نفسه على وفاة ساره عزل نفسه عن الناس
وظل عايش بروحه بشقته فبيت امه ما شال هدوم ساره من مكانها ولا حركهم
بتظل ساره بقبله وريحتها حوالينه
​

اتمنى اعجبتكم بروايتي ولوو سمحتو بنااات كل وحده تحط رايها بالروايه والاغلاط الي فيها

ماااا احلل أي بنت تنقل الروايه وتشيل اسمي منهاا



By:
r.al5amees

 

[koky 7yati]

يسرني اني اول وحده اقرا البارت ويعطيج العافيه ماقصرتي ياحياتي وسوري صج قصرت معاج لاني ماكنت احط ردود واتفاعل معاج من اول شي والله ناطرتها من اول مانرلتيه قبل واهيا ببالي وقطعت عن المنتدي فتره ويوم شفتها استانست ومشكوره ع طرحج الراقي واسلوبج الارقى فديتج والله يوفقج انشالله ، عندي سوالين ( القصه حقيقيه ١٠٠٪ والا شنو / انتي اي وحده بالقصه او اذا ماكنتي واحده من الشخصيات شنو يصيرون لج ومشكوره حياتي

 

[koky 7yati]

يسرني اني اول وحده اقرا البارت ويعطيج العافيه ماقصرتي ياحياتي وسوري صج قصرت معاج لاني ماكنت احط ردود واتفاعل معاج من اول شي والله ناطرتها من اول مانرلتيه قبل واهيا ببالي وقطعت عن المنتدي فتره ويوم شفتها استانست ومشكوره ع طرحج الراقي واسلوبج الارقى فديتج والله يوفقج انشالله ، عندي سوالين ( القصه حقيقيه 100٪ والا شنو / انتي اي وحده بالقصه او اذا ماكنتي واحده من الشخصيات شنو يصيرون لج ومشكوره حياتي

 

[رنـوـؤـودة]

عجيييييييييبه بس مابغيت ساروه تموت اهي اهي ...... صج صج تههههبل الروايه ​

 

[خميسيه]

يسرني اني اول وحده اقرا البارت ويعطيج العافيه ماقصرتي ياحياتي وسوري صج قصرت معاج لاني ماكنت احط ردود واتفاعل معاج من اول شي والله ناطرتها من اول مانرلتيه قبل واهيا ببالي وقطعت عن المنتدي فتره ويوم شفتها استانست ومشكوره ع طرحج الراقي واسلوبج الارقى فديتج والله يوفقج انشالله ، عندي سوالين ( القصه حقيقيه 100٪ والا شنو / انتي اي وحده بالقصه او اذا ماكنتي واحده من الشخصيات شنو يصيرون لج ومشكوره حياتي

حبيبتي االروايه 70% نقول حقيقيه وتسملين على مرورج

عجيييييييييبه بس مابغيت ساروه تموت اهي اهي ...... صج صج تههههبل الروايه ​

تسلميييين حبيبتي ما قصرتي على مرورج

 

[جفاكـ ضيع غلآكـ]

يعطططيـج العاافيــةة خميسيــةة حبيبتي ع الروـآيـهه الرووووعــه .. صج الرواااية ابداااع ~*
مشكووورهـ حبيبتي ..

تعليقي .. ـاححم ـاحححم :-
سسسـآلممم : زين تسووووي فيــهه مريم الصرأأحةة،!
ابو سآرهـ : امممم موو مصصدقة انه تعدل خخخخ
سآرةة : حرـام .. لـا تعليـــــق
نوره : ونآسسسة ردت ل فههـد ..
هدى : جان زيــــن اللي صآر ب محمد يصيـــر فيهههـآ >٣
رائد : الله يوفقه مع هنؤف =]

ثاانــ ك ــسسس مرهـ ٢

 

[لياليـ]

تؤتؤتؤ الروايه تبجي ياليتها ماماتت
الصراحه الروايه وايد حلوه او فريده من نوعها
يعطيج العافيه
اتقبلي مروري

 

[خميسيه]

ثنكس على مروركم كلكم حبيباتي ........... بليزز بنات لحد يقرى الروايه ويطلع بدون لايعطيني رايه بصراحه ابي شنو عيوبهااا وشنو الاحداث الي خلتكم تبجون

 

[ღرحت فيهاღ]

يعطييج العافية ايقلبي واااي ساره عورت قلببي بجييت بجييي وبدر هم ماينلام تأثير السحر بعد شنو وويتنق يو في روايات ثانية قلبي

 

[Ms.MrMr]

عور قلبي حيييل خاصة يعني واهيا زعلانة توفت قلبي حيل عورني عليها

والحمدالله ردت فهد لـ نورة احلى اثنين .. الله يوفق رائد مع هنووف وهدى حقيرة والله

جد ابدااع الرواية قصة سارة و بدر حقيقية مو ؟؟؟؟؟

 

[ابي قطوة ميوووو]

اخيييييييييييييييه
شسااااالفتكم يالكاااتبااات هالجم يوووم نهاايااتكم كلهاااا حزيييييييينه
هدددددى حقييييييييرة
وساارة الله يرحمها
ماني قادرة اعلق! :'(

 

[بلووونه]

تسلم أيدج حياتي على هالرواية الحلوة.

 

[Shasawi]

لاااااااااااااااااااا مااااااااااااكنت متوقعه هالنهااايه ليششششششش(((((((((((((((((

 

[خميسيه]

اب اب

 

[ღرحت فيهاღ]

اب اب اب اب اب اب اب اب اب اب اب اب اب اب اب اب

 

[خميسيه]

Up up

 

[A7laa kuwaitia]

متابعه يديده
تقبلي مرووري

والى الامام

 

[خميسيه]

Up
up
up
uppp