يهمج راي الاخرين فيج ولا لا؟؟

[sugar & spice]

c'est la vie حبيبتي مشكوره واايد على ردج واستفدت من كلامج بصراحه..حوراء جملتج بحطها في بالي وعاشقه ذكرى مشكوووره عالنصيحه..اشكر الجميع

 

[alb7ranya17]

غير زوجي محد يهمني رايه فيني ولا عني

 

[تنآهيد ..~]

أكيد تهمني نظرة الناس لي ورايهم بس اللي يغثني طريقة إنتقادهم جنها وحده من أهلج ماحب اللي ينتقدني غير أهلــي ~

 

[tolay]

يهمني شوي

شي طبيعي الانسان يهمه راي الناس اللي تشوفه وتقعد معاه

 

[بوران]

كل واحد لازم يهتم في رايي الناس

لانه هالشي اهوه اللي يخلين نرد عن الخطأ

يعني لو ما يهمنا رايي الناس جان ما كشخنا

و لو رايي الناس مو مهم جان الكل ساء ادبه و تصرفاته

يعني رايي الغير فينا اهوه اللي يخلينا نطور من نفسنا

بس في ناس تهتم لراي غيرها لدرجة انها تضر نفسها

مثال اللي يحط على نفسه ديون علشان يشتري اغلى الماركات بس علشان الناس تقول عنه كشخة هذا ضر نفسه و بهالحالة ماراح يفيده راي

الناس


و اللي يهمني رايهم اهم امي و ابوي و زوجي و خواتي الله يخليهم لي لانهم يبون لي الخير و رايهم فيني من باب النصيحة حقي

بس بالاخير رايي و قناعتي الشخصية بنفسي تكون اهم

 

[ام رتاج 30]

انا اقولج حبيبتي يهمني راي الناس بلبسي او بشكلي
لكن مايهمني رايهم بشخصيتي لان هذي انا يا انهم يحبوني مثل ماانا والا بكيفهم

 

[اميره بعزوتي]

اي احب اسمع رايهم فيني بس بالاخير مايهمني ولا يقدم او ياخر فيني شي

 

[sugar & spice]

اشكر مروركم

 

[روح مغليهآ]

مايهموني كلش المهم انا راضيه عن نفسي واذا بتدورين رضا الناس بتتعبين

 

[om_dodo]

مو وايد يهمنى ... تقبلى مرورى

 

[دلع الجبلان]

ماأحذ براي الناس كلش ولا يهمني ولسبب واحد ان انعدمت الثقه والمصداقيه بين الناس بكل شئ

وطول ماانا مقتنعه بنفسي واكون ماخالفت ديني ولا اهلي ولا مجتمعي ولا تعديت علي اي حر يه لاي كان ماايهمني شئ

 

[حلوة مووت]

في الشي اللي انا مقتنعة فية و واثقة مايهمني راي احد
بس لو شغلة انا شاكه فيها وابي مشورة او نصيحة يهمني راي اللي اثق فيهم بس

 

[ملآمح يوسفيه]

اهم شي راآآي بعدين راي الاخير





​

 

[o-2ansa candy-o]

مو كل الناس يهمني رايهم

 

[• قلبه نصيبي •]

تبين الصج مايهمني كلام الناس !
عندي ثقه بنفسي

 

[sweet dashttya]

ترى اهم شي الثقه بالنفس والقناعة كنز لايفني

ونصيحتي اذا مشيتي على كلام الناس ورآيهم

راح تتعبين وانا كنت مثلج كله اتأثر وللحين

بس بصراحة الحين ما عاد يهمني رآي الناس فيني

مدام انا مقتنعه بالشي الي قاعدة اسويه وان بهالشي

ما تعديت على الاخرين او ما طلعت عن الدين ولا عن عاداتنا وتقاليدنا

يعني مثلا لبسي محترم وما فيه شي واذا سمعت كلام رفيجاتي يقولون لي

والله التنورة الي لابستها مو حلوووة عليج راح اتعب نفسيا واحس كل ما البس شي

ما يناسبني ومو حلوو

ليش اسوي بنفسي جذي اهم شي البس شي الي يريحني

وما يهمني احد ​

 

[na3mh]

كنت اهتم وايد زمان .. لكن بعد ماتوظفت صرت اهتم برايي عن نفسي اكثر .. يمكن نضجت مادري

بس صراحه اتييني اوقات اهتم وااااايد بكلامهم لكن انقهر منروحي ليش اهتم برايهم ..

لكن يمكن تربيتي جذيه ..

يعطيج العافية

 

[لاتينيـه]

اول كنت اهتم وآيد وآآي لو تقول لي وحده هالشي مو حلو او مآ ينآسبج يصير
فيني احبآط اسبوع اذآ مو اشهر بعد
والله يآ بنآت صج
بعدين لآ عرفت وفهمت
وان ممكن يكونون محترين فيقطون كلآم سلبي او يمكن مو صج مآ يكون فيج
القصد منه بس يضآيقونج

بس الحين
خل يتحجون مني لبآجر
عآدي ولآ همني احد

انتي بتعيشين حق روحج مو لهم
قآلو مآ قآلو كيفهم
لآ يهمج الآ رآيج بروحج
ورآي النآس القرآب منج
ورآي ريلج

وغيره طنشي عشآن تعيشين

 

[لاتينيـه]

يعطييج العآفيه خوش موضوع :tek: