يهني راايج يابدوية ولا يهينون حبيباتي الحضر

[franshiska]

ذوقكم مو مهم المهم ذوق اخوكم
واشفيها اذا معاه بالدوام ؟؟
وخلاص تركوا عنكم سوالف فخذ وكتف وطحال ومادري شنو
الطب والرسول عليه الصلاة والسلام يحذر من زواج الأقارب وانتوا ليلحين الولد ما ياخذ الا بنات عمه

 

[مولاي الفرج]

تعبنا من سالفه تقاليد واعراف وخوف زايد

النبي صلى الله عليه وآله قال الاخلاق والدين ماقال حسب ونسب

انتو محاسبين على اي اثنين انحرمو من الحلال بسبه هالسوالف

وحتى البنيه اللي تنحرم عشان دراسه ولا صغيرة ولا اعذار بايخه واهي بداخلها لها رغبه بهالشي​

 

[لحظآتَ]

صباح الخير
البدو الحين بالعكس من ناحيه الزواج تفتحوا شوي
ماعادوا مثل قبل
والدليل اغلب القبايل قامت تختلط وتناسب بعضهااا بشكل كبييير
خلاص كل بيت مليان كوم بنات .. ويبون يمشون بناتهم العالم
ماراح تنفعهم سوالف فخذ وعايله ومدري شنو

/

انا بدويه
وعن نفسي انا الاخت العوده
واي نعم اكيد بوافق ان شاء الله ماراح اوقف بطريق اخوي
طالما انه واثق ان البنت اخلاق وخووش وحده ..

 

[أغلى أمنياته]

بالعكس مافيها شي اذا البت محترمه شالمانع//
​

 

[وردة-الكويت]

انا بدويه وعادي اذا اخوي طلب مني هطلب تالي القرار قراره وهذي حياته واهو الي بيعيشها بلعكس اروح واخذ رقم اهلها

ونسال عنهم ونخطبهم

 

[فله]

اي والله عادي وأبرك الساعات معاه بالدوام يعني عارف أخلاقها ومعجب فيها والله يوفقه فكنا من بليتوني وقصيتم علي ههههههه

 

[M!Ss LoOLy]

آيه عآدي الله يوفقهم ويسهـل آمورهـم ...

 

[ST SMILE‏JU]

ثانكس حبيباتي
وان شاء الله راح اراويها الردود اهي مسكينه خايفة وايد اقولها يمكن مو مثل اهلج بس لا مو مقتنعه تبي رايكم فديتكم
اب اب اب

 

[المرتاحة]

انا بعرف انتوا ليش تعقدون الامور؟!!!!

اذا البنت زينه و اخلاقها زينه و اخوج عارف اخلاقها ومافيها عيب ليش تعترضون؟!!!

 

[بعدك طيـب]

اسال عنها اذا اوكي واي نوت

 

[مطنـوخهـ]

دام عاجبته اكيد عارف اخلاقها وملاحظها بالدوام ليش امنعه احسن من ازوجه وحده على اختياري وتصير مشاكل ويقول كله منج انتي اللي زوجتيني عالاقل لا صارت مشكله مع اللي هو يبيها انتي تقولين هذا اختيارك ومالنا شغل صح او لا

 

[الأماكن]

اي عادي مافيها شي دام يبيها بالحلال ،،،، اروح و اكلمها و اخذ رقمها و اكلمها واخذ رقم اهلها واخلي امي تكلم اهلها وان شاء الله خير ومالها شغل بسالفة حضر و بدو ،،،،و عسى الله يوفق الجميع 

 

[ST SMILE‏JU]

المرتاحه
اهي ماقالت جذي الا من طبع اهلها المتحجر لان اهلها مايخطون وحده الا على ذوقهم وهي خايفه لايكون طبعهم مثل اهلها
الله يكتب لها الخير معورة قليبي
وثانكس بنات

 

[I HAVE DREAMS]

بالعكس اذا من نفس القبيلة عيل هانت ومو شرط من نفس الفخذ عاد جذي صراحة تصعبون على روحكم

وبالنسبة للبنية بالعكس راح اارتاح لان اخوي بهالشكل مقتنع فيها وعاجبته لان مو شرط اللي تعجبنا تعجبة

فهني نص الصعوبة بالاختيار طاحت يبقى انشوفها ونشوف اهلها اذا البنت باين عليها راكدة وامها وخواتها منطقهم حلو

وسألنا عن اهلها ومافيهم الا كل خير خلاص بعد الله يوفق ومو شرط القريبة واللي من نفس الاهل تكون خوش وحدة لخوي

 

[بنت.المطيري]

ماتوقع اخوي يبيها الا اذا اهي محترمه صج هالشي خالصين منه لكن المشكله الثانيه واللي وايد مستحين يقولونها


لازم نرجع للعرف وكل عايله لها قوانينها ( اصيله مو اصيله ناخذ منهم ماناخذ منهم ،، وهكذا)

اذا اخوي رقله ومايعرف مصلحته ويركض ورا قلبه وبياخذ وحده يطق فيها العادات والتقاليد بالطوف لا والله ماخطبله واوقف بويهه

اما اذا البنت استوفت الشرطين

عاد نروح نسئل عن امها بالذات شلون لان البنت غالبا علا امها

وسمعة اهلهم بشكل عام وان شالله فيهم الخير

بعدها بنركض نخطبها له باذن الله


*

 

[ST SMILE‏JU]

^^
نفس قبيلتج >>>>>>>>>>>>>>>> هههههههه فضحتها
اوما سالفه اصيل وما اصيل انا شدراني اللي اعرفه انه مافيها عرج

 

[al-musk]

طبعا مافيها شي واذا عالشغل بعدين تغير دوامها .. بس مدام عاجبته ليش ماتسووله الي يبي الحياة تنعاش مرة وحده فليش الانسان مايعيشها باختياره وكيفه ؟!

 

[ST SMILE‏JU]

الله يجمع مابينهم ويتمم لهم على خير يارب
وان شاء الله الخيرة في زواجهم من بعض عن قريب العاجل >>>>>>>>>>> محرصتني اكتبة

 

[انصاريه قمره]

ما فيها شي بيتزوج بالحلال وبعدين اهو ريال واهو يتخذ قراره الحين البنت تتزوج بمزاجها ترفض اللي تبيه وتوافق على اللي تبيه شلون الرجل

 

[HaYoOoMa]

اي عااادي شالمشكله هههههههههههه

امي تقول لاخوي الكبير اللي تبيها ويحبها قلببك باخذها لك ولاينكسر قلب وليدي بس هاا تكون خووش وحده وناس سنعيين

واهم شي تعجبني انا ههههههههههههه والله بصير خوش حماة لها انشالله @@ بس خل تدير بالها على اخوي حبيبي :$