يورو ديزني عاجل

[um_yoyo]

بنات
ناويه اروح انشالله يورو ديزني باريس منو راحت وشنو رايها و جم يوم يكفي و التكلفه التقريبيه جم ... و بس :gathering:

 

[روحي تحب]

ام يويو حبيبتي رديت عليج على الخاص ماكنت ادري منزله موضوع

 

[Zeshtoo]

بنات
ناويه اروح انشالله يورو ديزني باريس منو راحت وشنو رايها و جم يوم يكفي و التكلفه التقريبيه جم ... و بس :gathering:

اي والله نفس السؤال يريت الخبيرات يفيد ونا

 

[opera]

عندي واحد معاي بالدوام كان رايح اسبوع اهو ومرته شهر عسل يعني .. حده مستانس ويقول كفايه اسبوع واهو كان ساكن بفندق مو داخل لا برا يعني قريب يقول يركب ميترو 5 دقايق يكون واصل يورو ديزني بس عاد ما سألته جم كلفته


ورفيجتي رايحه وسكنت بالفندق الي داخله بس تقول حدها 3 ايام

 

[fat]

حدها 3 أيام لاتكثرين وفي فندق في دزني والتذكرة مدتها 3 ايام هذا الي اعرفة ويا ليت البنات يساعدونج

 

[kuwaitia--uk]

قـــــــــــــــوة بنات انا العام رحتلها بس قعدت يوميين يوم الالعاب ويوم الاستديوهات

 

[ام مهودي]

واي تهبل حدهاا انا حسافه بس رحت يوم واحد وطبعا ما يكفي 3 ايام زين ولمن تبين تروحين تاخذين تذكره اخذيها حق 3 ايام عشان كل يوم ادشبن الالعاب يبييلج يوم بس حق المحلات اللي داخل عجييبين وفناتق واشياء تهبل
بالنسبه حق جم تكلف تذكرة الدخول 30 دينار للشخص والخرابيط اللي شريهم من داخل طلعو علي 300 دينار مع اني ما شريت وايد اشياء كلها تناتيش
وبالنسبه حق الفنادق مادري جم بس اتوقع غاليين وفي يم ديزني اوت ليت يبعد عنها 10 دقايق بالقطار روحيله حلو

 

[cawcaw]

شهر 3 كنت هناك قعدت 5 ايام بفندق نيويورك (داخل الدزني) وايد حلو بصراحه..بسنه 2005 رحت هناك 3 ايام وسكنت بالموفمبك (بره الدزني)
برايي عندي فندق نيويورك احلى واجرب للدزني وطلع علينا ارخص.. طبعا شامل الريوق وتذاكر الدزني بس مادري بصراحه عن الاسعار بالصيف شلون راح تكون..
اهو فعلا 3 ايام تكفي بس لاتكون ويك اند لان راح يكون زحمه وماتستانسون بالالعاب..
وبالمرتين الي رحت فيهم فرنسا سكنت بالدزني ونروح لنا يوم لباريس من الصبح لي الليل نتمشى ونرجع.. عندي جو الدزني احلى من العاصمه وهم بعد سمعت ان الفنادق داخل باريس اغلى من الدزني,, ف شوفي شنو الي يريحج وسفره ممتعه يارب

 

[الحب الخالد]

اهيا ماراح يكفيها يوم واحد اولا زحمه وثانيا الالعاب والعروض وايد فاحسن شي يومين
بالنسبه للفنادق ما ادري ما سكنت فيهم والتذاكر احنا 4 اشخاص تقريبا دفعنا 120 دينار بس حق الالعاب والاستديو وحق يوم واحد
والمحلات اللي فيها حلوه بس وايد غاليه ترى ديري بالج وهم بعد الاكل اشوي غالي
بس استانسي لا تخلين بخاطرج شي وحاولي تروحين يوم عادي مو بالويك اند

 

[أم عزيـز]

بصراحه احلى شي في فرنسا يورو ديزني انا قعدت فيها 3 ايام وحس ما خلصتها بس تره حدها 4 ايام مو اكثر
وناسه والعاب وايد ما تخلص ومطاعم وبصراحه ما اذكر جم كلفت لأن هالكلام من 4 سنين و أكثر

 

[Pissy Missy]

انا رحت بسنة 2006

وقعدت بفندق تبع الmovenpick

اسمه dream castle

حلو ونظيف وهادي وفيه باص كل نص ساعه يودي ديزني لاند

ما أذكر جم كلفتنا بس كنا انا وريلي بس

وحدها 4 ايام مو اكثر

 

[al5aldee]

يعطيج العافية يعني دخلت دزني اليوم الواحد 30 دينار؟ وبغيت اسال عن الاوت لت حلو يسوه اروووحله؟

 

[احلى بنت بالدنيا]

انشاء الله بنروح اليورو ديزني هالسنة .. ياريت تعطونا معلومات بعد

 

[بنت بن فهد]

انا بروح ان شاء الله ديزنى
بس تونى اشوف التاريخ يصادف للاسف الويك اند من 9ال 13/7 يعنى
نوصل الخميس والجمعه والسبت والاحد
فمعناته نروح ان شاء الله الديزنى يوم الجمعه
انزين الاستديو اشلون عليه ما اتوقع نقدر نروحله يوم الخميس اللى هو يوم الوصول اخاف نكون تعبانين

ما ادرى بنات اشرايكم ؟؟؟؟

وانا راح اسكن ان شاء فندق dream castle ما ادرى اشرايكم فيه وهو بعيد عن الاوت لت ولا لا ؟

 

[مرت حمد]

هلا و الله ام يويو حبيبتي انا توني راجعه من يورو دزني باريس الصراحه الاسعار وايد ارتفعت عن اول
بالنسبه للسكن سكنا في يورو دزني هوتل واهو اقرب فندق من الفنادق الموجوده بدزني 5 ايام كلفتنا تقريبا 3300 يورو بس السكن ومع دخول المدينه اوكي
المصاريف اللي داخل من مشتروات اليهال والاكل تقريبا 3000 يورو الصراحه الاكل غالي مو ذاك الزود اذا بطل الماي بروحه 2.5 يورو و حسبيها

نسيت اقولج احنا 3 اكبار و 3 يهال
موفقه ان شاءالله

 

[kuwaitiaaa]

وااااااي شدعوه جذي أسعارهم
غاليه
أنا شكلي بروحي يورو ديزني من باريس ماراح أحجز هناك

 

[دفي قلبي وحنيني]

حبيبتي
انا رحت فرنسا 2008
كنت ساكنه بشانز
ورحنا يوم لدزني
خذينا التذاكر من الشانز مكتب سياحي اسعااااااره حلووووه
شوفي انا بنسبه لي كفانى يوم انا وزوجي بس
اذا معاج عيالج اخذيلج يومين كافى عليها
تســــــــــــــتاااهل العنوه انا اكثر شىء استانست عليه دزنى استيديوو
الالعاب اللى بستيديوهات
وتعشينا في بلانت هوليود

 

[دفي قلبي وحنيني]

اذا تبين نصيحتى كـــــــــــــــــــــــــــااااااافي يومين عن خاطركم بس

 

[girla]

انا رحتلها مو ذاك الزود اورلاندو بفلوريدا وايد وايد احلى
زحمه ودور على الإلعاب تنطرين ساعه ساعه ونص وحررررررررررررررررررررر
ماتسوى العنوه فرق بين اللي بأمريكا وبين اللي بفرنسا

 

[نونيا]

بعد بناات نبي معلومات عنها بليييز