يومياتنا مع الهيئة العامة لشئوون ذوي الإعاقة

[دانة الدنيا@]

السلام عليكم
بنات انا ولدي عنده اعاقه شديده دائمه بس انا ماراجعتهم من سويت البطاقه سنة 2008
واللحين براجعهم لان بسوي تخفيف عمل شلون الطريقه وشنو الطلبات

 

[بيه ويه]

السلام عليكم
خواتي شنو الصحه تعطي اميه زياده ع المعاش اباء المعاقيين

 

[الصابرة المحتسبة]

ام احمد النا نفس الحالة مادقوا

دانة الدنيا وعليكم السلام: انتوا جددتوا الشهادة؟؟؟ لازم شهادة الاعاقة 2011

بيه وعليكم السلام والله ما ادري بالضبط بس راجعوا مكان العمل (وزارة الصحة)

 

[مباركيه]

السلام عليكم ...

شلونكم عساكم بخير ... اليوم راجعت الهيئة وسألت على طلبي اللي قدمته بخصوص الويل جير

وعطوني موعد يوم 11/ 4/ 2012يوم الاربعاء ان شاء الله

غلشان أجربه ...ان شاء الله يناسبني وأستلمه

 

[الصابرة المحتسبة]

الحمدلله وان شاءالله يطلع مناسب لج

الله يسهل امرج

 

[@شمس الضحى@]

السلام عليكم ...

شلونكم عساكم بخير ... اليوم راجعت الهيئة وسألت على طلبي اللي قدمته بخصوص الويل جير

وعطوني موعد يوم 11/ 4/ 2012يوم الاربعاء ان شاء الله

غلشان أجربه ...ان شاء الله يناسبني وأستلمه

ان شاااءالله يناسبج
وتستلمينه وانتي بصحه وعافيه:yaaaaaarb:

 

[مباركيه]

بعد عمري ما قصرتوا يالغوالي

 

[مباركيه]

السلام عليكم

الحمد الله اليوم كان عندي موعد تجربة الويل جير

وما شاء الله جابوه بنفس المواصفات اللي طلبتها

وان شاء الله باجر أستلمه .

 

[الصابرة المحتسبة]

وعليكم السلام


الحمدلله وماشاءالله تبارك الرحمن


وعلى نياتكم ترزقون

 

[مباركيه]

:yaaaaaarb:الحمد الله استلمت الكرسي

 

[الصابرة المحتسبة]

الحمدلله وبالمبارك بالشيخة

 

[مباركيه]

الله يبارك فيج يالغالية ...والله يسهل على الجميع مثل ما سهل لي سبحانه

 

[الصابرة المحتسبة]

اللهم آمين

 

[ضحية زمن]

السلام عليكم
حبيت اسأل عن معاملة الكويتي من الام الكويتيه اش صار عليها
وبغيت اسأل عن مكان المجلس الأعلى للمعاقين بالضبط

 

[مباركيه]

حياج الله ضحية زمن

سؤالج الاول سامحيني ما اعرف عنه شي ان شاء الله الصابره تقدر تفيدج

وسؤالج الثناي مكان الهيئة في الشعب البحري

 

[الصابرة المحتسبة]

وعليكم السلام

هلا اختي نعم يعامل معاملة الكويتي

وجزاها الله خير اختنا ام احمد جاوبت على سؤالج الثاني.

الشعب البحري مقابل قصر الشيخ دعيج الصباح.

 

[كلي فخر]

السلام عليكم

يعطيكم العافية بنات

بغيت اسال امس اخوي طلع حق ابوي شهادة اعاقة وعندة اعاقة حركية شديدة ودائمه

طلبو منه عشان يطلع هوية اعاقة ولوحة مرورية طلبات بس اللي بعرفة

من وين اييب كتاب عدم ايواء من الرعاية الاجتماعية اي صوب واي منطقة ؟؟؟؟؟
واستمرارية الزواج اي مكان بالعدل باي منطقة ؟؟؟؟

وشكرا لكم حبيباتي وجزاكم الله الف خير

 

[الصابرة المحتسبة]

هلا اختي

كتاب الايواء من الصليبخات دور الرعاية.

واستمرارية الزواج من مجمع المحاكم في الرقعي وعندهم فرع في جابر العلي بالاحمدي

 

[الصابرة المحتسبة]

السلام عليكم

الهيئة قامت بصرف الكوبونات للبامبرز وانتو بكرامة .

 

[ام نوونه]

السلام عليكم
مو جنا غيروا بدل الكوبونات بيزون ٣٠ دير عالراتب ؟؟
احنا قدمنا عالبامبرز من شهر ٤ لي الحين مانزل شي