يومياتي لإنعاش وإحياء وتدليل الرشاقة (الشهر الأول)

[نور الشمس 75]

هلاوغلا توه مانور التجمع ولا هانوا باجي البنات والله بسمن اكثر ما احاتيج وماتشوفون شر يالغاليه حمد الله على سلامتكم واجر وعافيه

مساكين عيالج حبايبي عاد كلش مو ناقصين تخرع ..بس الحمد الله تطمنا عليج والله يعينج على الفتره اللي طافت ماعليه حبوبه كل شئ يلحق

عليه الواحد اهم شئ صحتكم .....وصاجه والله الحمد الله على العافيه وياربي يدومها علينا وعلى الكل يارب وننطر مراجعتج باجر انشاء الله

ولا لأ عاد تدرين آنا اول اسبوع نزلت عند الدكتور كيلوين قالي زين وهالاسبوع عطاني رجيم قاسي وقالي تحملي قلتله ميخالف اتحمل بس وزني واقف

مو راضي يتحرك ماادري شفيه ضايق خلقي توني بالبدايه ووقف الوزن شالسبب ما ادري ؟؟؟؟

الله يسلمج حبوبه

انتي الوزن معلق معاج وانا النت معلق معاي بدش صارلي يومين مو قادرة حده بطيئ

الوزن صج يوقف اسبوع ولا اسبوعين بعدها يزنل بسرعة لأنه ساعات تكون عندج طبقة دهون صعبة التكسير
فالجسم ياخذ وقت على ما يذوبها بس بعدها شوفي اشلون راح يكون النزول​

 

[نور الشمس 75]

مسا الخير والرشاقه للغير اشلونكم حبوبات شخباركم انا اليوم صارلى 9 ايام مبلشه رجيم ورياضه:s142::23_asmilies-com: وانشالله الله يتمم علي وبالنسبه حق الوزن ترى انا ما اوزن عشان ما اتحبط ويضيق خلقي ترى التفاؤل حلو حتى لو بجرامات قليله بس اهم شى الاستمراريه والتحدى والوصول للهدف مهما طالت المده ومايهم اذا تعثرتى ابعقبات مثل العزايم الحاله النفسيه والفرح اللي يخلونج تاكلين من غير ما تحسين تعلمى اشلون تحتفلين بالفشل لان ما بعد الفشل نجاح واتمنى انى اكون خفيفه عليكم:eh_s(22):

هلا والله ام عزيز صدقيني لو توزنين وتلقين نفسج نازله راح تستانسين وتنزلين زيادة راح يكون دافع لج

ويارب استمر واتحدى نفسي واوصل للي ابيه وانتوا معاي قولوا آمين​

 

[نور الشمس 75]

الحين انا بعلمكم عن يوم الجمعة وااااااااو كان إلتزام بالريجييم وحتى ما صار يهمني الأكل والحلويات واشوف الكاكاو صار عادي

يارب على طول جذي لأنه انا ما كان امبهدلني الا الكاكاو
يوم الجمعة رحت الممشى ومشيت 4,5 كيلو طبعا بالنسبة لي خوش انجاز اول مرة امشي هالمسافة بيوم واحد​

 

[نور الشمس 75]

انا بصراحه رحت يوم السبت للدكتور وكان:s142:
لما رحت اقيس وزني كان ضايق خلقي كنت احاتي اني مو نازله
لكن طلعت نازله كيلو ونص والحمدالله باقي لي كيلو واحد على الهدف الأول
يعني انا نزلت 10 كيلو من بلشت عند الدكتور
=
=
=
=
=
=

وطبعا انا من اطلع من الدكتور تكون الوجبة الفري
وقلت خل اونس روحي عشان باجي الأسبوع ما اكون محرومة
رحت معاي بنتي واختي للأفنيوز بعد ما طلعنا من الدكتور وتمشينا وتسوقنا
وتغديت بمطعم فرايدايز وصراحه الظاهر تعودت على الريجييم طلبت استيك
وقلت خل اروح احلي في
محل الشايع اللي توه مفتوح
اسمه
بنك بيري PINKBEREY

وخذيت ايس كريم بالشاي الأخضر مع الفواكه الطازجة

وبنتي مع اختي اطلبوا الطعم الأصلي مع الفواكه
بس ما عجبهم لأنه طعمه مثل الروب
بس انا ما كان امبين طعم الروب لأنه بالشاي الأخضر وهم عندهم بالرمان

ومريت بوتس ولقيت عندهم صابونه السولولايت شكلها عجيبه
بس استعملها راح احطلكم النتيجه وهم راح احط لكم صورتها
بس نطروا على شويه
ولما رديت البيت ما كليت شي لما ثاني يوم
والحين راح احط لكم ريجييم هالأسبوع
\
\
\
\
\
\
\
\

نزلوا بعد تحت​

 

[نور الشمس 75]

ياللا نبتدي
\
\
\
\
\
بسم الله

\
\
\
\
\
\



الإفطار :
1 توست + جبنه او لبنه + خيار وخس وطماطم

الضحى :
3 تمرات او حبة فاكهة

الظهر :
3 تمرات او حبة فاكهة

الغداء الساعة 4:
يوم 1 : ربع دجاجة او ما يعادلها من اللحم او السمك ( مشوي او مسلوق او بالفرن ) + سلطة
يوم 2 :شوربة + سلطة

(( راح يكون يوم 1 ويوم 2 وتردين تكررين ))

الساعة 7 :
1روب + 3تمرات أو حبة فاكهة

الساعة 8 :
1 حبة فاكهة (( هذا في حالة كنتي ميته من الجوع وتبين تاكلين شي ))​

 

[روحي تحب]

مبروووووك:nbvppw::nbvppw: النزول يالغاليه و الحمد الله الفال لباجي الكيلوات

 

[نور الشمس 75]

مبروووووك:nbvppw::nbvppw: النزول يالغاليه و الحمد الله الفال لباجي الكيلوات

الله يبارك فيج واجمعين ان شاء الله كلنا نوصل للوزن اللي نبيه​

 

[نور الشمس 75]

هااااااااااااااي سمبتيكات المستقبل

رجعنا بعد ما كنا مو قادرين اندش بسبب تطوير الموقع الله يجزيهم خير ويعطيهم العافية على احسن موقع بالنت كله:aha:


انا بقولكم من يوم الأحد شنو سويت

طبعا التزام صارم بالريجييم ورحت الممشى ومشيت تقريبا 2,5 كيلو
ويوم الأثنين ملتزمه حدي بصراحه وبس ما رحت الممشى ما قدرت عشان عيالي عندهم امتحانات

ويوم الثلاثاء صراحه كان خوش تحدي بالنسبة لي مع التزامي بالريجييم لما رحت الممشى بصراحه
ما تتوقعون اني قدرت امشي 5 كيلو صج كان شي مهم بالنسبة لي اني امشي هالمسافة وقاعد افكر:gr4uu: اني انا اقدر
اتحدى نفسي واسوي اللي ودي فيه واكون رشيقه بسرعة وازيد من الرياضة اللي اسويها عشان اوصل هدفي
بس انا ويني من زمان ذبحني الكسل بس لا كسل بعد اليوم:ada:

وتدرون بعد شي مهم والل قمت انسى اني آكل يعني المفروض غداي لساعة اربع
وامس واليوم ما تغديت إلا بعد المغرب والعشاء امس كان الساعة 8 بس طبعا الفاكهة اللي آخر شي موجودة بالجدول
ما كليتها لأني مو جوعانه

واليوم تعشيت تقريبا الساعة 6 ولما الحين مو مشتهية اكل حتى مو حاسه اني لازم اكل
فما راح اكل شي لما باجر الريوق
ولعبت شويه في الأوربتراك وبرد العب مرة ثانية بعد شوية

واليوم انا كنت مستأذنه من الدوام عشان اروح موعدي في مركز الزهير الطبي عشان اشيل بالليزر
وهذي ثاني جلسة لي وطبعا جسم كامل يعني كل شي وكل شعرة بجسمي شلتها
بس والله يا بنات يا حلو النعومه والنظافة واحسن شي انج عارفة راح تفتكين من الشيرة

وبالنسبة للصابونه اللي شريتها من بوتس صج كانت حلوه حق السولولايت
ودي ادور صورها بالنت واحطها لكم
واذا ما حصلتهم شسوي بعد بروحي لكم علي في تحميل الصور للنت

بس واله حلوه ومفعولها بنفس الوقت تحسين بشرتج تغيرت وملمس فخوذج مثلا صار غيير

بس ان شاء الله القى الصورة واحطها

بروح ادورها​

 

[النجمة الماسية]

:stars: السلام عليكم يا احلى كويتيات وبالاخص الرشيقة نور الشمس:stars:
كتير فرحت عشانك والاهم انك تكملي التحدي للاخر عشان نباركلك بانجاز هاي المهمة الصعبة
ويا ريت تعتبريني صديقة الك يا نور الشمس انتي وكل عضوات المنتدى لاني عضوة جديدة:gathering:
انا بصراحة كنت بدور بالنت على نظام الدكتور المبدع بدر نصر الله لانو كنت بتابع يوميات الصحفية منار صبري معاه
بمجلة اليقظة , وكنت اشتري العدد كل اسبوع لحتى اجا الاسبوع الاخير ونزلت فيه الصحفية 25 كيلو بس عنجد برافو عليها:ggdw::ggdw::ggdw:
عشان هيك قررت من اسبوع بس اطبق الروجيم الخاص فيكي
وبالفعل نزلت عليه 3 كيلو وللعلم انا وزني 98 وكانت هاي احلى هدية الي هالاسبوع:jbdwjbd:
رح اضل اتابع تطوراتك ويارب تضعفي وانتي باتم الصحة والعافية:yaaaaaarb::yaaaaaarb:
وانا عنجد متفائلة كتير اني اطبقه لاني مليت من النصاحة وتعبت عنجد
سلامي لكل الكويتيات المبدعات
وبالتوفيق يااحلى نور

 

[النجمة الماسية]

على فكرة حبيت اسألك بالنسبة للشوربات الي تستخدميها شو نوعيتها

ويصير نستخدم شوربة الماجي

 

[ام عزيز 4]

:bye22::tek:مبرووك حبيبتى نوور النزوول وانشالله الفال لنا انا حبيت اقوولكم اشصار معاى وزنى ثابت الحمدلله ما صعد بالرغم من الغش في ال رجيم اليوم رحت تمشيت ابمجمع البيرق ودخلت بووتس وشريت حبوب تريم فاست هوديا وراح اجربهم واقوولكم نتايجها باذن الله نراكم قريبا بااااااااااااااااااي

 

[النجمة الماسية]

:ggdw::eh_s(15)::eh_s(15):ومبروك الك انتي كمان اختي ام عزيز
وبتمنى انك توصلين للوزن اللي تبينه
:yaaaaaarb:
على فكرة نور طولت الغيبة يا ترى متى نسمع اخبارها:080402ask_prv:

 

[sunshine22]

على فكرة حبيت اسألك بالنسبة للشوربات الي تستخدميها شو نوعيتها

ويصير نستخدم شوربة الماجي

ماجي دسمه

كنور أحلــــــــــــى

 

[مصريه جديده]

ويييييييييييينك يانور انا مو مسويه ريجيم بس متابعه يومياااتك حييييييييييييل عندى ليكى بعض الاسئله بليز ماتتاخرى علينا انا عايزه اشترى الاوربت تراك بس فيه منه انواع كتيره فى الغالى والرخيص وانا مادرى عنهم بس اشوفهم كتير فى الوسيط بيبدا السعر من 35دينار ياريت تفيدينى وخبرينا عن ازاله الشعر بالليزر هذه ايشلون؟؟؟سمعت انهم يستخمون ابر ويحتاج جلسات كتيير لا وبعد يرد الشعر يظهر مره تانيه يعنى بتحتاجى تزيلى الشعر اكتر من مره ياريت تفيدينى الكلام ده صحيييييح؟؟؟؟؟؟احكيلنا عن تجربتك مع الليزر

 

[حوسه ذهبيه]

الله يوفقج با نور وانا كنت نفسج
ورديتها من العمليه طبعا والحين برد للريجيم بس المشكله اني ما لي خلق اتشرط واقول اليوم مشوي ويطلع مجبوس دجاج يم يم
بس والله مو زود على العيش انا
مشكلتي معجنات وتوست
وخبز مع اني ما اكل وايد منها هم جسمي يخزنها
اله يعين الكل و ارد للرشاقه والله اني ولهت عليها
مشتهيه اشوف جسمي بدون دهون
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه يا زينها هالكلمه بدوووووون دهوووون
هههههه سي يو بنات الهدف الاول 85 خلال اسبوع
ويا رب انجح

 

[مصريه جديده]

وينك يانوووور ليش ماتردى؟؟؟؟ان شالله يكون المانع خييييير