يومياتي للوزن المثالي

[شقاوه وحلاوه]

السلام عليكم ورحمه الله وبركاته .,.
إشلووونكمـ كويتيات ؟؟

بدايتن أشكر القائميــن علي هذا القص الاكثر من رائع :eh_s(17):
واتمني من كل قلبي اي وحده شاركت بهالقسم ان توصل للوزن اللي تتمناهـ بصحه وعافيه :yaaaaaarb:

بدايه ابي اعرفكم علي طبيعه جسمي اممممممممم طبيعت جسمي صعبه تزيد وزن وانا مو من النوع اللي يحب ياكل ..

ملجت وقرب عرسي قررت اهتم شوي بوزني والحمد لله وصلت لي وزن 64 وانا طولي 160
بس كان روعه ... تغير الحيان والمسؤوليات الجديده وربي رزقني بولدين رديت ضعفت ...

والحين ابي اعيش شوي لنفسي مو كل شي لبيتي وعيالي انا بعد نفسي لها حق علي
وخاطري ارد مثل وزني القديم اما الحين فـ وزني 54 يعني يبيلي 10 كيلو علي خير ان شاء الله ...

ونزلت هالموضوع عشان اكون ملتزمه بهالشي امام نفسي وامامكم ...

راح يكون برنامجي كالتالي :
1_ وجبه الريوق 2 بيض ونوتيلا وتوست وحليب مع خلطه ام مسفر عالساعه 8:30
2_ سناك كاكاو بطاط عصير
3_ الغدا طبعا بما اني عايشه عند حموله فالغدا عليهم الموجود
4_ فاكهه موز او تفاح بعد الغدا
5_حليب مع خلطه ام مسفر الساعه 4
6_ مكسرات وبسكويت عصير بطاط بفك الساعه 6
7_ عشا عيش ودجاج يوميا الساعه 9
8_ قبل النوم قلاص حليب مع خلطه ام مسفر

وان شاء الله راح تكون يومياتي بالصور اذا الله كتب

لا تنسوني من صالح دعائكم :

الله يوفقج يا شقاوه وحلاوه في الوصول للوزن اللي تبينه :yaaaaaarb:

 

[Madrideya ~]

بالعكس وزنج حلو وتمام شلج بالمتن .. عموماً برااحتج والله بوفقج =)

 

[شقاوه وحلاوه]

اهلين مدريديا ...
حبيبتي من ذوقج ., بس انا مافيني عرض عساس جذي ما يبين وزني علي ... :eh_s(7):

 

[شقاوه وحلاوه]

قمت اليوم سويت لي ريوق نوتيلا وتوست و3 بيضات وحليب مع خلطه ام مسفر
اول ما حطيت ريوقي هذا ولدي قاعد من النوم ووراه زوجي اكلوا بيضاتي :krkrkr:
قزرتها بالنوتيلا

بعدها بشوي طلعت لي عصير وسنيكر وبطاط قلت لولدي تبي قال لي لا
بطلت العصير خذاه بطلت الكاكاو خذاه بس زين سمح لي بالبطاط :eh_s(4):

وقت الغذا هو نام عشان جذي قدرت اتغدا الحمد لله :yaaaaaarb: ( عيش دجاج ومرق )

بعدها نمت قعدت طلعت سنتر بوينت تعشيت بقيصر برياني دجاج بدون عضم رديت البيت تعشيت مره ثانيه بيضه وشويه بطاط وكرات لحم

ونمت وتوني قاعده من النوم ... البدايه مو قويه بس بنعوضها ان شاء الله

 

[حبي للابد]

شقاوه وحلاوه

انتي مشاركه بحملتي للشعر

و انا ابي اشاركج بزياده الوزن لاني ضعيفه هههههههه

اذا اوكي بلغيني برساله خاصه عشان ما اتفشل ههههههههه

 

[شقاوه وحلاوه]

ههههههههه
حياج الله يا الغاليه علي الاقل القي احد يشجعني من الصوبين هههههههه
لا اشدعة لا فشيله ولا شي كلنا هني خوات وهذي السااعه المباااااركه
حياااااااج قلبي :eh_s(17):

 

[شقاوه وحلاوه]

اليوم الصبح ( قصدي امس بما ان نومي متلخبط )
الساعه 9 صباحا اخذت نوتيلا وبيض و ..... كرات لحم :krkrkr: شسوي اشتهيتها
وبعدها طقطقا بطاط عصير كاكاو ( بس اليوم محد اخذ اكلي مثل امس هههههه )

وتغديت ونمت

بس قعدت رديت اكلت عيش لحم

والحين طقطقه جبن ونوتيلا وبيض وبعد شوي بطاط وعصير

** احس مو حيل نظامي بس ان شاء الله مع حبي للابد بتشجع اكثر

 

[شقاوه وحلاوه]

حبي للابد
جم وزنج وجم الوزن الللي بتوصلين له ؟
وشنو نظامج ؟

 

[حبي للابد]

وزني ٤٧

و الهدف : ٥٥

الهدف الثاني : ٥٨

نظامي كل شهر اجيب ماجله لي بروحي كلها اكلات فيها سعرات حراريه عاليه

و انظم يومي باليوم ٤ سناكات
مع وجبتين دسمتين

 

[حبي للابد]

وزني ٤٧

الهدف ٥٥

الهدف الثاني : ٥٨

نظامي كل شهر اجيب لي ماجله لي بروحي اكلات فيها سعرات حراريه عاليه

 

[حبي للابد]

معلق عندي سوووري

 

[حبي للابد]

حالياً قاعده اكل بريد يمييي

 

[حبي للابد]

يوووه معلق عندي

 

[حبي للابد]

سناك

طبعاً فطاير لوزين سعرتها الحراريه عاليه

الفطيره الوحده فيها ٢٢٨ سعره حراريه

 

[حبي للابد]

وييييينج يا شقاوه

موضوعج اكلته هههههههههه

سناك

 

[شقاوه وحلاوه]

عليج بالعافيه
والله خوووش مشجعه ويني عنج من زمان هههههههههه

اليوم مالي خلق اطبخ شي فطلبت شوفي الطلب اللي طلبته بس ( فول حمص مقالي )
والحمد لله

حبي احس ان شكلي زايد وزني بس بالميزان هذا الوزن ما تغير

وحاليا قاعده اشرب عصير كوكتيل طازج .. وانطر الغدا

 

[حبي للابد]

بالعافيه حبي

انتي زدتي اكلج و غيرتي نظامج عشان جذي تحسين انج زايده

بس الميزان ما يجذب هههههههههههههه

اضغطي علا نفسج و زيدي اكلج في شكثر اكلات تمتن

شوي راح اصورلج اكلاتي

و سناكاتي

و خلطاتي

انطريني قلبووووو

 

[شقاوه وحلاوه]

وااااو عندج خلطات يا خطير يا رايق

انا وقت الغدا ما تغديت اخذت حليب بخلطه ام مسفر

ونمت بس قعدت رحنا تعشينا برا بيدزا وودجز وسلطه

وبعد شوي بطقطق

 

[حبي للابد]

هااااااي

شلووونج شقاوه وحلاوه

اي اكيد في خلطات لازم عشان نمتن

مو من كثرهم عاد خخخخ ما عندي الا خلطه وحده و هي عباره عن :

عسل قصب السكر + قفشتين حلبه مطحونه + مقادير متساويه كل من : ( سمسم + جوز هند + لوز مجروش + فستق مطحون )

طعمها حاااالي بسبه العسل بس اذا شربتي وراها حليب دافي ماراح تحسين بطعمها

و الحلبه ضاع طعمها مع الخلطه

و طبعاً نظامي كل يوم قفشتين من هالخلطه مع او بدون ( حليب دافي )

و الحين بوريج الاكلات اللي دايم اشتريها كل ما اروح للجمعيه

كيك فليك + كيك جالكسي بالفانيلا

اخليهم سناك العصر او الليل اذا كنت سهرانه

و الصوره هاذي مثل ما انتي شايفه احب اكل النفيش بالعسل لا صرت قاعده عالاب او لما اشوف التي في

و معمول التمر مرات مع القهوه و مرات اخليه سناك

و جواهر جالكسي احب اخليه بصالتي عشان كل ما شفته اكلت منه ( للتشجيع )

و شعر بنات احبببببببببه اكله بأي وقت

و حبيب قلبي الكوكيز دايماً معي ههههههههههه

و امووووت في كب كيك المطاحن يمييييي

و كرواسان بالكاكاو اكلها العصر كسناك

هاذي اكلاتي المفضله غير الككاويات مثل بونتي و سنيكرس و تويكس

اي صح نسيت اصور فطاير لوزين بالجبن احبها مع عصير منجا

و بسكوت دايجستف و اوريو

ثلاجتي ما تخلو من هالاكلات

قرقرت والا عادي لوووووول

و هاذي انا

ههههههههه

 

[شقاوه وحلاوه]

لا بالعكس استفدت منج والله ... وقاعده افكر اغير نظامي واضيف الخلطه مالتج

هي جاهزه ولا انتي تسوينها حبي ؟

توني قاعده من النوم وقاعده اسوي بيض ونوتيلا