يومياتي لمده 60 يوم ..

[طريق السعاده]

بسم الله هذا اول موضوع انا افتحه بقسم الدايت

انا بصراحه اعتمدت من 8 شهور تقريبا دايت تخفيف مع مشي وكان وزني ينزل تقريبا كيلوين او كيلو ونص بالاسبوع وصل وزني فيها لل 59وجااني فتره ثبات وزن تقريبا شهر والشهر الي بعده جبت العيد ونسيت الدايت خير شر رمضان بدخل ثالث شهر تخبيص وحاليا وزني صار 63 ومره متضايقه من الي جالسه اسويه ومو حابه استمر فالشيء بس كل ماحاولت ارجع اضعف وارجع اخبص:eh_s(16)::eh_s(11): واخرها اليوم كليت كل شيء مقلي وتعرفون اكل رمضان مغري :eh_s(16):ومليون صنف وكلها احبها :rgewrg:

المهم والاهم انا مستحيل استمر كذا ومستحيل اتقبل ارجع لوزني القديم وعالم السمنه الي تعبني كثيرر:bbbiu:
مستحيل اتنازل عن الدلع والرشاقه وحلمي فيها

مستحيل اتنازل عن خفه الجسم والثقه بالنفس الي جاتني مع النحف

مستحيل اتنازل عن كل احساس رائع حسيته

وهذا الموضوع حطيته عشان يكون عهد بيني وبين نفسي وموثق ومكتوب والتزام التزم فيه اني ارجع للحماس والاراده والتزم برجيم عشان ارجع للخمسينات واوصل للوزن المثالي 50 :yaaaaaarb:


طبعا المفروض البدايه في ال60 يوم تكون من 1 رمضان لكن هالثلاث ايام كنت اخفف شوي واخبص شوي

وفتحت الموضوع عشان اكمل بشكل جدي وبدون تخبيص :eh_s(15):

خصوصا ان اليوم عيد ميلادي ال25 وحابه ابدا بدايه سعيده وجديده واكون انسانه ثانيه هالسنه:eh_s(15):
​

 

[طريق السعاده]

بسم الله بدايتي اليوم ال57

مشيت قبل الفطور بساعه

30 دقيقه

فطوري الاول كان 3 تمرات + فنجان قهوه + كاس مويا

بعد الصلاه

فطوري الثاني كان صحن شوربه بعده سلطه بعده حبه سمبوسه بالفرن وحبه فطيره دائريه صغيره باللحم

 

[طريق السعاده]

الساعه 9 وربع اكلت نص شريحه اناناس

 

[طريق السعاده]

تكمله يومي ..

طبعا نزلت السوق فريييته فراره لمن طلعت روحي من الساعه 9 لين 2

طول هالفتره شربت بس مويا 0.6 لتر

وكليت 5 حبات شيبس

رجعت البيت تسحرت فول ونص حبه خبز عربي

وعن نفسي كليت ملعقه مكرونا بشاميل

الحمد لله يومي افضل بكثير من قبل

يارب يتمم علي واستمر

 

[طريق السعاده]

برنامجي لليوم ال 56

فطوري الاول كان
3 تمرات وفنجان قهوه عربيه وكاس ماي
بعد الصلاه
فطوري الثاني كان صحن سلطه ورز ابيض تقريبا 10 ملاعق و ايدام كوسا وفاصوليا وجزر

ع الساعه 12 كليت نص صحن ايدام بالملعقه

 

[طريق السعاده]

ع الساعه 1 ونص مشيت 30 دقيقه

ع الساعه 3 و20 دقيقه تسحرت

سحوري كان صامونه دهنتها جبن سائل بداخلها بيضه مفيوحه + خس

وشربت كوب عصير طبيعي

 

[طريق السعاده]

بسم الله
برنامجي لليوم ال 55

مشيت 20 دقيقه قبل الفطور
افطرت فطور اول 3 تمرات وفنجان قهوه وكاس ماي
فطوري الثاني بعد الصلاه طبعا
كان سلطه شوربه حبه سمبوسه بيض 6 ملاعق صينيه الشاورما

الساعه 3 كان سحوري

ايدام وشوي سلطه مع قطعه خبز عربي

 

[MayOumii~]

وناسة .. واااي انا ميتة ابي اوصل وزني ٥٥
طولي ١٦١ و وزني حاليا ٦٦ تقريبا
تصدقين اكره نفسي لمن احد يقولي متينة !! مع ان يكون حافز لي ان ارادتي تقوى واسوي رجيم واضعف
مشكلتي ان دمي نازل والفيتامينات نازلة وما اكل وايد وسمنتي يت من لمن كنت بالثانوي ):

انا بادية من اول رمضان تقريبا كان وزني ٦٧ وصار تقريبا ٦٦
امشي نص ساعه بعد السحور واساسا ما اتسحر بس اشرب جاي و بشتري اعشاب اليوم واشربها بدل الجاي
ان شاء الله ما يوصل العيد الا داشه الخمسين و انتي توصلين حق الوزن الي تبينه

 

[طريق السعاده]

وناسة .. واااي انا ميتة ابي اوصل وزني ٥٥
طولي ١٦١ و وزني حاليا ٦٦ تقريبا
تصدقين اكره نفسي لمن احد يقولي متينة !! مع ان يكون حافز لي ان ارادتي تقوى واسوي رجيم واضعف
مشكلتي ان دمي نازل والفيتامينات نازلة وما اكل وايد وسمنتي يت من لمن كنت بالثانوي ):

انا بادية من اول رمضان تقريبا كان وزني ٦٧ وصار تقريبا ٦٦
امشي نص ساعه بعد السحور واساسا ما اتسحر بس اشرب جاي و بشتري اعشاب اليوم واشربها بدل الجاي
ان شاء الله ما يوصل العيد الا داشه الخمسين و انتي توصلين حق الوزن الي تبينه

وزنك قريب من المثالي بس حلو لو بتوصلين 55 بيطلع جسمك خيال :eh_s(15):
شدي حيلك ونوريني بيومياتك يارب ييسر لي ولك ان شاء الله

وصااادقه اكره نفسي لما احد يقول متنانه واصير احرق بنفسي من داخل واحيننا اعصب خخخ لان كل شخص يشوف نفسه بالمرايه ويدري بس احيننا هالكلام يحمسنا عشان نتحرك
لا لااازم تهتمين بصحتك دمك بذات وترا الفيتامينات تاثر انا بعد فيتاميناتي مو شي ومفروض اروح احلل بس بستخدم فيتامين دال من عندي لان الدكتور اصلن معطيني المحلول ذا وقايل لي اخذه بس انا مهمله من هالناحيه رغم ان فيتامين دال نقصه يسبب السمنه ..لكن نصيحه لاتتركين واهتمي

انا بصراحه اتسحر لكن بحاول اصير نفسك اتسحر شاي اخضر او اي شيء خفيف وبس :eh_s(10):


يارب يسمع منك ويوم العيد نفرح بالوزن الي بغيناه :yaaaaaarb:

 

[طريق السعاده]

بسم الله برنامجي اليوم ال 54

فطوري الاول كان
3 تمرات وفنجان قهوه وماي
فطوري الثاني كان
صحن شوربه خضار وحبه سمبوسه مشويه بالفرن
ع الساعه 12 ونص كنت حيل جوعانه وبرا البيت شربت عصير سيزر مشكل ربع العلبه وكليت كم حبه شيبس وحبه بسكويت
ع الساعه 1 كليت 3 ملاعق مكرونا مسلوقه وحطيت فوقها شوي صوص طماطم
ع الساعه 3 ونص تسحرت ساندوتش دهنته جبن والحشو بيضه مفيوحه وسلطه

وبس

طبعا بعد شوي رح امشي باذن الله اقل شيء 30 دقيقه


غداً اجمل ..
​

 

[طريق السعاده]

بسم الله برنامجي لليوم ال 53

مشيت قبل الفطور 25 دقيقه

فطوري الاول كان

3 تمرات وماي

بعد الصلاه فطوري الثاني كان

شوي شوربه خضار وصحن سلطه و صحن خضار بالباشاميل

ع الساعه 12 كليت صحن خضار ثاني ونتفت كيكه امي مصلحتها نص قطعه

ماتسحرت حسيت نفسي شبعانه واكتفيت بالماي

 

[طريق السعاده]

بسم الله برنامجي لليوم ال 52

فطوري الاول كان
3 تمرات وكاس ماي
فطوري الثاني اخرته شوي خليته ع 8 ونص وكان
صحن جريش وحبه سمبوسه بالفرن

ع الساعه 12 ونص كليت صحن جريش ثاني :/ وصحن كريمه كراميل

ع الساعه 3 ونص تسحرت شريحتين توست دهنتهم جبن + بيضه مفيوحه + خس وطماط

وبس

الجمعه رح اعتبره يوم مفتوح بما اني طالعه شاليه واكيد بخبص ف رح اعتبره مفتوح واحاول امسك يدي قد ماقدر

 

[طريق السعاده]

بسم الله
برنامجي لليوم السبت يومي ال 51

فطوري الاول كان

3 حبات رطب وقهوه وماي

فطوري الثاني ع الساعه 8 ونص

صحن من صينيه الارز بالقشطه وكاس فيمتو
وحبه سمبوسه بالفرن


ع الساعه 12 ونص كليت قطعتين صغيره حلى بالنوتيلا وقهوه

ع الساعه 3 وربع تسحرت صامونه بيض مسلوق وخيار وخس ..

 

[طريق السعاده]

بسم الله
برنامجي لليوم ال 50

فطوري الاول كان
3 حبات رطب + قهوه + حبتين قطايف بالفرن لكن عليها شيره :/
فطوري الثاني كان
ورق عنب حبتين وملفوف حبتين بطاطس بالفرن مع خبز ونقت دجاج مقلي :/ + كاس فيمتو

سحوري كان فول + ربع خبزه


اليوم خبصت كثير بحاول باذن الله امسك يدي اكثر ومرح اكرر هالغلطه

 

[طريق السعاده]

برنامجي لليوم ال 49

فطوري الاول كان
3 حبات رطب + 2 كاس ماء
فطوري الثاني كان
اخرته شوي ع الساعه 8 كليت شوي سلطه وربع قطعه خبز مع ايدام خضار وكليت حبه مطبق
ع الساعه 10 تقهويت قهوه عربيه مع حبه حلى القلاش وحبه قطايف بالفرن مو مقليه

سحوري كان
حبه موزه + ماء 3 كاسات

نزلت السوق وشريت اغراض طلعت حلوه بس يبيلي انحف شوي عشان تطلع اوكيي وعشان كذا رح اصلح نظام قاسي شوي لين تاريخ سفرتي

تقريبا لين يوم 25

يعني 13 يوم بيكون نظامي رجيم التمر

الله يصبرني لازم لازم انحف وباذن الله رح اقدر اتحمل

 

[ليليان ..]

بسم الله بدايتي اليوم ال57

مشيت قبل الفطور بساعه

30 دقيقه

فطوري الاول كان 3 تمرات + فنجان قهوه + كاس مويا

بعد الصلاه

فطوري الثاني كان صحن شوربه بعده سلطه بعده حبه سمبوسه بالفرن وحبه فطيره دائريه صغيره باللحم

هل النظام هذا ساعدك بتنزيل وزنك ؟ :/
أحسه ثقيل شوي !!!
وكم ملعقه من الشوربه تحطين ؟

 

[طريق السعاده]

هل النظام هذا ساعدك بتنزيل وزنك ؟ :/
أحسه ثقيل شوي !!!
وكم ملعقه من الشوربه تحطين ؟

مايصلح ماتاكلين شيء بالعكس انا ماشيه اوكي واحس نزلت ترا بس لان مستعجله ابي كم كيلو تطير قبل اسافر ف قعد احاول اقلل اكثر

صح ماوزنت للحين بس باذن الله تخلص دورتي واوزن واشوف وين وصلت

الشوربه مره جميله للجسم وماتسمن ترا خصوصا ان كلها ي شوفان او شوربه خضار

الشوربه الي فيها كريمه بعدي عنها قد ماتقدرين

والكميه انا احطها بصحن الشوربه العادي تقريبا 3 ارباع الصحن

 

[طريق السعاده]

برنامجي اليوم ال 48

فطوري الاول 3 تمرات وكاستين ماي
فطوري الثاني صحن شوربه شوفان + حبه سبرنق رول مو مقليه ع الصاج مسويتها

الدوره جتني قبل المغرب ب ربع ساعه واضطريت اكل شيء لان حسيت بالجوع صراحه

بصير ادخل الشوربه

كان ودي اوزن بس عشان الدوره توها جايتني يبيلي اصبر وبعد ماتخلص اوزن

 

[طريق السعاده]

برنامجي لليوم 47

فطرت 3 تمرات ماي
بعد الاذان فطوري الثاني
صحن سلطه ونتفه من صدرالدجاج وحبه ورق عنب

ع الساعه 12 كليت حبه جبنيه وحبه ورق عنب

وبس

برنامجي لليوم 46
الفطورالاول 3 حبات رطب وماي
الفطور الثاني
صحن شوربه شوفان + صحن سلطه + حبتين سبرنق رول مو مقليه طبعا

ع الساعه 1 كليت حبه سبرنق رول ثانيه وحبه ورق عنب
ع الساعه 4 الفجر كليت صامونه بيض مفيوح وجبن

وبس

هذي يومياتي امس واليووم


الحمد لله صح اني ماحرمت نفسي بس احس جسمي خف وراضيه باي نزول انزله المهم انزل شوي لو كيلوين نعمه بالنسبه لي

ودي اوزن بس عشان الدوره عندي خايفه يطلع عندي زيادات وانصدم خخخ

يلا باذن الله احقق الي ابي باسرع وينزل وزني بصحه وعافيه يارب

 

[Maria ~]

استمري و إن شاء الله يا رب ينزل وزنج و توصلين للهدف اللي في بالج