يومياتي مع تدريس عيالي تعالو نتناقش

[استعجلت الرحيل]

مرحباااااااااااااااااا




بنات انا تعبت من التدريس لاعت جبدي:j013:

بس اجي من الدوام نتغدا وعلى طول قعده ارضيه وواحد واحد فج الكتب ودرس :friends:

عاد تعالو اسمعو الصراخ والتكفخ :23_asmilies-com: والعفيسه:nocommint:

ابي اعرف انتو شلون تعاملكم مع عيالكم ومتى تبدون تدرسون الحلوين:sfg:

تعالو خلونا نستفيد من بعض:eh_s(20):

 

[رفيفه]

هلا ياقلبي
انا نفس حالتج ومفكره اني انومهم الظهر علي الاقل يرتاحون شوي بعدين نبلش تدريس بنفس وانشالله ارتاح علي هذي الطريقه
اتمني الكل يطرح طريقته بالتدريس

 

[استعجلت الرحيل]

رد : يومياتي مع تدريس عيالي تعالو نتناقش

لا مانصحج تنومينهم خليهم ودرسيهم صج تعب بس بعدها بترتاحين بالليل ينامون مبجر وانتي ترتاحين

 

[حلم الطفولة]

هذا موضوع مفيد لأمواج : http://q8yat.net/showthread.php?t=571095
طريقة تدريسي لعيالي الله يحفظهم تعالي يمكن تستفيدين

 

[اطياب طيبه.أم عبدالله]

انا من يدشون اسم الله عليهم
سيده يبدلون ويغسلون على السريع

السفره تكون جاهزه سيده انجب الغدا ويتغدون
وعلطول فراشهم لاني اكون قاعده وياهم من الخمس الفير واهم اقعدهم الساعه 6

ونقعد بالساعه 6 ومرات ابجر شوي نشرب القهوه واليهال سناك على السريع
وابلش اسالهم شنو سويتوا والابله شنو قالت الخخخخ

وبعدها نروح على الطاوله ونحط الكتب ونكتب الواجبات وكله باستخدام وسائل تحبيب الطفل بالكتابه
والوسائل التعليميه مثل اللوحه والمغناطيس والاحرف والارقام اللي تلصق

وبعدين عشا وساعه على ام بي سي 3 توم وجيري لازم وبعدها نوم

 

[استعجلت الرحيل]

رد : يومياتي مع تدريس عيالي تعالو نتناقش

وي متى يعني ينامون

لا انا ماافضل اني انوم عيالي الظهر كلش

 

[رووحي لغاليها]

رد : يومياتي مع تدريس عيالي تعالو نتناقش

صباح الخيرات

انا ما ايد انة ينام الظهر من الروضة ما انوما اذا نام تعبت منة بليل ماينام واسم الله علية الحين اولى ابتدائي اول مايجي احطلة غداة انا هالاسبوع ماخذة اجازة يعني رايقة ممعاة وبعدين اجيك على جنطتة ويبدي الواجبات بس ابية صياح وهواش شكلة بيكرة الدراسة السبة انا

الله يوفقهم

 

[استعجلت الرحيل]

رد : يومياتي مع تدريس عيالي تعالو نتناقش

انا ولدي الحين بثالثه بس من يوم كان بأولى مايحب الدراسه كلش يبي يلعب ويستعبط اما كتب اقلام لا وحيل تعبانه معاه لين الحين

اما بنتي لا الحمدلله علمتها الاحرف من الروضه والحين بفضل الله ماشيه بدراستها من احسن مايمكن

 

[omsaja]

أول ما ييون بناتي من المدرسه يبدلون ثيابهم ويغسلون ويتغدون ويقعدون عالتلفزيون شوي عقب صلاة العصر أبلش معاهم الكبيره ب3 اسم الله عليها فطينه تحب تخلص بسرعه عشان تلعب لأن انومهم امبجر اما الصغيره ب2 تعل قلبي والله إني اصير ارهابيه معاها ما تتصورون اشلون طق وصراخ وأسب وأشتم آآآآآآآآآآآآآآآآآآآخ الله يهديها مع إنها ذكيه الله يحفظها انصدمت من درجاتها العام بس عليها مزااااااااااج مو طبييعي لي اشتهت تدرس ماشاء الله عليها طياره وإذا مالها خلق اشكره تقولي مالي خلق أدرس ومن أخليها تكون بقمة نشاطها ومرحها ولعبها وحزة الدراسه بس نعسانه وبتبجي وراسها يعورها
بصراااااااااااااحه أريييييييد حلا

 

[استعجلت الرحيل]

رد : يومياتي مع تدريس عيالي تعالو نتناقش

وييييييي الله يعينج ويعينه

 

[غلاي عزوزي]

احس نومة الظهر تاخذ وقت وايد من النوم متي عيل ينامون اذا اشبعو نوم من العصر وتعالي قعدي وعوار راس

انا ذابحني السهر فارد اتغدا وانام واكشت بولدي بعد عمري لاقعدت الا اهو شبع لعب ودايخ غصب بالهواش يحل الواجب وينام

غلطتي طبعا


سياستي الي راح امشي عليها
نتغدا نحل الواجبات اهم شي يروح يلعبله شوي علي ما ارتاح عقبها دراسه شامله واسويله الجدول وسلامتكم عشا ونوم
طبعا ولدي مايعترف بالنوم اهم شي اللعب لازم يلعب ليمن ينهد حيله وانا بالغصب ادخله فراشه



المواجيب بالغصب اطلع واهو مو نايم واحاتيه طلعات انحرمنا منها بسبت عيالنا
الله يعين

 

[ام خالد 78]

سلااااااااااااام

انا ولدي بثالثه ابتدائي اول مايجي يتغدى ويطالع التلفزيووووووووووون وبعدين امسكه واقعد انا وياه بغرفه بروحنا ومفتاح الباب فوق الكبت عشان ماينحاش ونقعد نذاكر واذا خلصنا اخليه يلعب شوي ويطالع التلفزيون وبعدين يتعشى وينام

 

[برونزيه شقرا]

رد : يومياتي مع تدريس عيالي تعالو نتناقش

نفس الروتين والموال
نرجع من المدارس نتغدا وعلى طول افتح شنطهم انا اسم الله عليهم 4مراحل تعليميه روضه طبعا هذا طاف اخليه يلعب طول الوقت و2ابتدائي و 3ابتدائي وسادس
واقعد حلي واكتب كتبي وحل وسطر ولصق ليييييييييين أذان المغرب الا انه وايراتي افصلت لووووووول عاد اخليهم يروحون الحوش على مااخلص العشا ويدخلون من الحوش على طول عشا وعقبها سباحه ونووووووووووووووووووووووووووووووووووووم
لنبدا يوم جديد

 

[بنت الوفا]

رد : يومياتي مع تدريس عيالي تعالو نتناقش

أنا الله يعيني نفسيتي اصفاااار عيالي صراخ ولزم اصرراخ عليهم واطقهم وخاصة ولدي اللي ب٣ مجنيني ماايعرف شي مايعرف يقر ويكره المدرسه وبنات الصغار حوسه يحسون كتب وأقلام عيالي لي رجعه

 

[بنت الوفا]

رد : يومياتي مع تدريس عيالي تعالو نتناقش

أنا الله يعيني نفسيتي اصفاااار عيالي صراخ ولزم اصرراخ عليهم واطقهم وخاصة ولدي اللي ب3 مجنيني ماايعرف شي مايعرف يقر ويكره المدرسه وبنات الصغار حوسه يحسون كتب وأقلام عيالي لي رجعه

 

[ام طمبحله]

رد : يومياتي مع تدريس عيالي تعالو نتناقش

نتغدا والكبار ينامون شوي ساعه مو اكثر ويقابلون دراستهم وتاركه لهم حرية تنسيق وقتهم المهم لهم لغاية 11 وعقبها نقفل اللي ما خلص يتحمل اللي بيحصله

اما آنا استلم الصغيرة ما اخليها تنام الظهر ادرسها واعطيها ككاو وعصير اتطقطق فيه واحفظها ونحضر حق باجر
وعقبها لازم تلعب شوي حركه والعاب تنشطها
واخليها تطالع شوي سبيس تون لمدة نص ساعه وخلالها احط عشاها
وعقبها تصلي وتنام على الساعه 8 لازم هي تكون بسابع نومه

 

[حنونه بطبعها]

ولدي بسابع يتعب بسرعه من الكتابه يبي يكتب شويه ويرتاح يقول تعبت (انا كملت عنه الواجب اليوم )
يياريت تفيدوني شلون اقسم وقته خصوصا وعنده مدرس خصوصي كل يوم الساعه 4

 

[om al ghaleen]

بسم الله "

عيالي بسم الله عليهم كلهم تأسيس فصج اتعب معآهم بس يبيلهم طوله بال
يقعدون من النوم 5ونص الصبح لأنه مدارسهم مو بمنطقتنا وينامون الساعه 8


بعد مايردون من المدراس يبدلون ويغسلون ونتغدا كلنا .. وآخليهم على راحتهم لي الساعه 5 ونص العصر
ونبتدي قعده الجد اسكر التلفزيون واعطي البلاي حق ولدي الصغير علشان يلهي عنهم ومرات اخليه يحفظ الاحرف يسهل علي لانه السنه اليايه آولى ابتدائي ..

ولدي الكبير يحل واجباته بروحه وانا اتباعه اما بناتي لا ادرسهم واساعدهم بالواجبات .. "
كل ساعه ونص اخليهم يطامرون شويه لول يعني فرصه اللي بيشرب ماي واللي بيحك راسه

ماتصير الساعه 7 ونص الا خالصين اسويلهم عشا خفيف ويغسلون اسنانهم واخليهم يقروٌن المعوذات
وينامون الله يحفظهم .. هذا النظام من العام ماشيه عليه ومرتاحه وايد حتى مرات اطلع ومرات اقعد اسوي لهم وسائل وبطاقات واجهز دفاترهم ..,,

 

[كويتية منسية]

السلام عليكم خواتي العزيزات
أنا حوستي حوسة
بناتي الله يحفظهم
وحدة بأولى روضة وحدة 3 ابتدائي ووحدة 4 ابتدائي ووحدة بسادس
ماعندي خدامة وكل شي على راسي
أوديهم المدرسة كلهم ما عدا اللي بسادس تروح بالباص وأروح الدوام وأرجع آخذ بنتي اللي بالروضة وأرجع البيت أطبخ ليما يطلعون ابتدائي أروخ آخذهم يبدلون ويصلون وننطر أبونا يرجع من الدوام علشان نتغدى وبعدها أغسل المواعين وأشغل الغسالة
ما عندي نوم قبل الدراسة ممنوع
ونبدأ وحدة واحدة بالدراسة لأني ما أقدر كلهم مع بعض أصير مينونه وأفقد أعصابي
طبعا اللي 3 واللي 4 بناتي الله يحفظهم متعاونين معاي لكن الله يحفظها اللي بسادس عسره وغصب تدرس وتقعد تحوس وتتمشى ليما يصير الليل واهيه ما خلصت وأكثر واحدة أعصب عليها

بس الحمد لله ما تخلص المدارس الا وانا طالعة روحي
والحلو ان بناتي كل سنة امتياز ما شاء الله عليهم​

 

[استعجلت الرحيل]

رد : يومياتي مع تدريس عيالي تعالو نتناقش

واي الله يعينج ياعمري على الحوسه بس الخدامه ضروريه للي عندها مدارس

انا تعبت كرهت فترة الظهر والسبه التدريس الله يعينه ويوفق العيال يارب