يومياتي مع رجيم د محمد ربيع 3 كييييييلووو بالاسبوع !! من تشاركني؟

[حياة ريلي]

هللللو يا كويتيات يا حلوات يا بطبوطااات هههههههههه
اليوم ببدي رجيم عطاني اياه الدكتور محمد ربيع الغني عن التعريييف
اتمنى انكم تشاركوني و نكتب يومياتنا عشان نمسك بعض عن التخربط :balo:
ما عندنا مانع اي احد يشارك حتى لو رجيم مختلف ..
معلوماتي الشخصية :
العمر : 25
الحالة الاجتماعية : متزوجة مافي بيبي
الطول : 178
الوزن : 77
الهدف : 62- 65 ( حسب الشكل )
النظام :
الافطار : كوب نسكافيه مع حليب خالي الدسم + 5 تمرات
الضحى : تفاحة خضراء
الغداء : - سمكة مشوية + سلطة
- نصف دجاجة مشوية + سلطة
- طبق فاصوليا خضراء + سلطة + روب
- 10 ربيانات مشوي + سلطة
المغرب : قهوة + 5 تمرات
العشاء : 3 شرائح اناناس فرش + 6 حبات عنب + 6 حبات فراولة + كيوية + حليب او روب او لبن
الوصايا :
المشي امام التفزيون يعني و انتي واقفة + تمارين معدة و خواصر ( هذه وصايا الدكتور بس انا اروح النادي:weight_lift::weight_lift
الماي اقل شي 6 قلاصات لان تحليلي اللي سواه مال الدهون و الماي بين ان جسمي ناشف :eh_s(2):
اكل الخضرة الورقية طول اليوم مع الخيار يعني حشاكم اصير صخلة امشي و اعلج
يالله الحين نبي مجموعة بنات يشاركون و يدشون يوميا اذا يقدرون و نشجع بعض.
سجلوا الوزن و الطول و الرجيم و راح نوزن كل اسبوع مرة
و اللي بتخربط بالعن خيرها:rgewrg:

 

[حياة ريلي]

اشدعوه مافي حتى تشجيع ؟

 

[سآق نملة]

موفقه يا قلبي ..

 

[حياة ريلي]

تسلمين يالغالية
اليوم تريقت مثل ما موجود و تغديت سمك فيليه اللي ينباع مثلج سويته بالفرن مع سلطة
و الحين بشرب قهوة عربية و باكل الرطب .. يم يم
اللي مسهل علي ان زوجي ماشي معاي على نفس النظام بس هو ريوقة سلطة فاكهة و حليب خالي الدسم بس الباقي نفسي.
هو ما يبيله كلش بس هو يبي يقط 5 كيلو عشان هو يشيل حديد و جسمة وايد ضخم من العضلات بس كلش مااااافي دهون حتى ويهه منصفط

 

[عليـاء]

الله يوفقج حبيبتي وتوصلين للي تبينه
بالنسبة للعشا كل ابوه عشا
ولا بس اختار شي واحد
والدايت روعة لو تستمرين عليه

 

[كراميلا مرة]

الله يوفقك وتوصلين للي تبين بصحه وعافيه

 

[نمله سيلانيه]

الله يجزاج لجنه والوزن الى تبينه


موفقه قلبي

 

[انصار]

انا مبلشه رجيم ربيع .. نزلت كيلوين ب 10 ايام لوول لانه لاعبه لعب بالرجيم سويته تخفيف مو رجيم

فمن يوم السبت ان شاء الله راح التزم بالرجيم عدل تقريبا نفس رجيمج

الله يوفقج وتنزلين بصحه وعافيه وانا معااااااااااج

 

[اهات الصمت]

انا بعدوياكم من باجر راح ابتدي

 

[عيون الوحش]

تكفيييييييييييييين شكله يونس هالريجيم

انا وياج وزني 65

وابي اوصل لي 56

بلييييييييييييز ابيج تلعنين خيري

كرهت جسمي والله بس ماقدر فيني احباط بطن بطن بطن جنووووووب سفطااات قرف

 

[ضعيفه وعصله]

الله يوفقج ياااارب

 

[حياة ريلي]

هي هي هي ضحكتيني يا عيون الوحش .. اجل نحط يومياتنا و اللي فيها خير تخربط !!
انا اليوم وزنت ووزني 73.7 يعني لله الحمد نازلة و اليوم لي خامس للحين ما راجعت الدكتور
اليوم تغديت سك و سلطة و المغرب 5 تمرات و قهوة عربية
تدرون يا بنات احاتي شغلة
اول لما كنت اراجع عند بدر سافرت تايلند و عطاني رجيم بس ما ناسب السفرة ونفس الشي لما رحت النمسا و كل ما اسافر ارجع منتفخة اقل شي كيلوين !!
و انا الاربعاء مسافرة تايلند مرة ثانية و بقولة اني مسافرة بس مابي يعطيني رجيم اتوهق فيه !! يعني انتي بالمطاعم لو بتاكلين سلطة و مشوي اييج المشوي نااااقع دهن والسلطة درسنج كلة مايونيز او سكر شسوي ؟
اشتنصحوني ؟ وانا نوعي اسبح و جذي فوايد ايوع ؟

 

[um jojo]

حلو الرجيم و شكله مو متعب لان فيه تمر و التمر يعطي بور .....

ودي اسويه بس مو الحين عقب العيد الوطني لاني بسافر و ابي اضعف حق السووق :eh_s(9):

و ايي انا وزني 63 و طولي 159 و ابي اصير 56 يعني تقريبا 7 كيلوا و الحين انا مسوية رجيم شوربة الساليري ماخذتها من وحده بالمنتدى و بوزن باجر لانه قالت ان اول 3 ايام اضعف 3 كيلوا _03BA:

 

[lovely_q8]

مشكوور حبيبتى عالموضوع جنج تدرى امس وزنت وانصدمت من وزنى ودى اسوى رجيم وزنى صار 68 وطولى 165 وابى يصير 50 ان شاء الله اقدر انزل وزنى ويصير الى ابى معنى مااحب الرجيم بس هالمرة بضغط على نفسى واسوى بس اختى جوجو بغيت اسالج شلون طريقة الشوربه الساليرى

 

[مس فاشن]

انا معاج يالله ودي ابلش
بس عندي سؤال انا قريت بالمنتدى اهو ممكن يعطي على الريوق 1 توست عادي ولا لا !!
وهالرجيم لمدة اشكثر ؟

 

[خوش بنيه]

حلو الرجيم بسويه معاكم

 

[خوش بنيه]

اشلونكم بنات مع الرجيم

 

[مس فاشن]

ها بنات وينكم بلشتوا ولا لا !!!!!!!!!!!!!

 

[نمله سيلانيه]

انا ببدي من بكره

تاريخ 2-3


يلا خل نبدي ياشابااات تكفون خل نكون ايد وحده ونشجع بعض

 

[نمله سيلانيه]

حياتي اكيد 3 بالاسبوع؟