يومياتي مع قاطع الشهي زين الاتات الذهبي

[عزيزه النفس]

انا مجربتها قبل لا احمل وحيييل فادتني ومن خامس يوم تلاحظين الفرق شوي

وبعد ماحملت تركتهم والحمدالله ولدت بالسلامه واليوم بديت فيهم

 

[happy&single]

بنات حبوب زين الذهبية ترفع الضغط ديروا بالكم
ابدوا بالعلبه الخضرة اخف واذا ما ضعفتي جربي الاقوى ،، لا تبدين بالاقوى
وكثروا من الماي ترى يسببون امساك ،، واخذوا بعد فيتامينات من الصيدلية
لانه اهو يسد الشهية ويقل اكلج فجسمج يحتاج فيتامينات
بس اهم شي ديــــــــــــــــــروا بالكــــــــــم من الضغط
وان شاءالله تضعفون بصحه وسلامه​

 

[مطـــيــريهـ فـــوشيـــآ]

عزيزة النفس :: عيل بجربهم بس لما يخلصون الي عندي

هاابي :: مشكووره حبيبتي اوكي ببدي بالاخف بس انا مشكلتي المااي x
واصلا كل احبوب التخسيس لها مضاار :/
الله يعيين

SO3AD.Q8 ندااااااااااء وينج
شكلج خربطتي يالله اعترررررررررررفي لوووووووول

يالله بناات سي يووو اشوفكم باجر << اقص ايدي اذا احد موجود اصلااا لول

 

[ديم00]

السلام عليكم

انا اليوم بديت بحبوب زين الاتات

وهذا رقمهم اللي بحولي يوصلون لج 22662678

تسلميييييييييييييييييين مشكووره
بس شنو اي نوع ابدا فيه ؟

سووويت رياضه وشربت بطل ماي واااي قصب اشررب المااي ماحبه !!

عزيزة نفس حيااج حبيبتي معاانا

ياللله بناااااااااااااات نبييي تشجيييع
ان شاءالله مايجي العيد الا واحنا قاطين على الاقل 15 كيلوو عشاان نحرررر عذااالنااااااااااااااا :ggdw: :ggdw: :ggdw:

الله يسممع منج ان شاء الله

هااا بناات ماقلتولي نخلي يوم السبت لقياااس الوزن شراااايكم

امبييه ليش نااايمين جذي يالله نبي تشجييييييييييييييع

اوكي انا موافقه السبت الصبح نقيس ونحط اوزانا

بنات حبوب زين الذهبية ترفع الضغط ديروا بالكم
ابدوا بالعلبه الخضرة اخف واذا ما ضعفتي جربي الاقوى ،، لا تبدين بالاقوى
وكثروا من الماي ترى يسببون امساك ،، واخذوا بعد فيتامينات من الصيدلية
لانه اهو يسد الشهية ويقل اكلج فجسمج يحتاج فيتامينات
بس اهم شي ديــــــــــــــــــروا بالكــــــــــم من الضغط
وان شاءالله تضعفون بصحه وسلامه​

وييييييييييييييه انا خلقه عندي مشكله بالإمساك هالمره هم شي يمسك
ويييه

 

[miss_lymoona]

عاد جم سعر الحبوب

 

[الاخلاص]

شلونج سعاد شخبارج ياقلبي انا وزنىي 79 وطولي 161

هدفي الأول=65
حلمي=60

جربت هالحبوب من كثر مدح رفيجتي لهم بس سببولي التهاب بول حاد لاني ماشربت اي واجدددددددددددد انتبهي للماي كثري لو تقدرين تشربين تنكر ماي اشربي

 

[مطـــيــريهـ فـــوشيـــآ]

قوووه بنااات

توني راده من الكليه وريوقي عصير ليمون وصمونة حلوم :/
وشربت قلاصين ماي :/
والعشاء طالبه الحين من برجر كنج لووول اختي بتطلب وجبه وقلتلها تطلبلي سلطه << عفيه على الشاطره

وبسوي رياضه بعد شوووي !

الاخلاص حيااج الله معانا حبيبتي
ياللله بناات كل وحده اتقولناا يومياتها وشنوو سويتو اليووم

 

[مطـــيــريهـ فـــوشيـــآ]

امبيييه خررربطيت اكلت بطاط وسلطه :/

 

[الاخلاص]

ههههههههههههه ياربي شفينا مانمسك حلوجنا من الاكل هم انا خربطت لو اني قاعده بشقتىي ابرك سيرت على اهلي واكلت فطيرتين صغار وقطعة حلاااااا الاوريو ولييييييييييييييييييييه عز الله رديت هالكيلو الي نزل

 

[SO3AD.Q8]

سوري كنت نايمة عند ماماعودة بالمستشفى السموحة
المهم انا طبعا ما كليت شي غلط وماشية للحين صح !!
والحبوب سادة نفسي عدل والله مقزرتها اناناس وفواكه بس المشكلة ما قادرة اشرب ماي :0bee2e8d89:ماحب الماي يا جماعة :tomato2:


اوكي الوزن يوم السبت فديتكم


ونبي تشجيع عفية العيد ما بقاله شي امبييه الكرش الله لا يراويكم :dddds:

 

[SO3AD.Q8]

الاخلاص حلو زين ما بقالج شي قلبي


ششدي حيلج حبيبتي


هابي الخضر مادري عنهم شريتهم لاعت جبدي من لونهم لووووووول :0bee2e8d89:

حذفتهم بالجنطة قلت ابلش الذهبي


عزيزة خلج معانا عفية وقوليلي شكثر قطيتي عليهم اول مرة ؟؟


ملوكة بسج تخربطين :dddds:


مسليمونة انا خذيتهم من لبنان بالكويت تقريبا 24

 

[SO3AD.Q8]

امبيه من اليوم مااكلت الا بفك << شخباري ههههه
والحين طايحتله اناناس

حسافة ظهري يعورني جان رحت سيتي سنتر وخذيته فرش


المهم ماي للحين ماكملت قلاص على بعضه من امس
امبيه بنات عاد انا اكثر شي اصرفه الماي
وايد ابجي ههههههههههه

 

[الاخلاص]

سعاد حبيبتي نصيحه ترا لايصير نفسي صابي التهاب بوول حاد بسبة هالحبوب لاني ماحب الماي او بالاحرى ى ى انسااه وماحس بالعطش نهائي استغفر الله مدري شبلانىي حتى زوجي منهبل منىي يقول انتي غريبه عجيبه ضد الماي ماحس بالعطش صكيت هالبعارين لوول

 

[الاخلاص]

شنو رجيمج شنو تاكلين ؟ في يوم اوف عندج او وجبه اوف؟

 

[مطـــيــريهـ فـــوشيـــآ]

بااااك
سويت نص رياضه :/

so3ad ماتشوووف شر الماما ان شاءالله اجر وعافيه

الاخلااص لا انا حاااارمه نفسي من العزايم والحفلاات لانه عارفه مااكو رجيم جدام الاكل انسطل وانسا نفسي :/

 

[SO3AD.Q8]

امبيه اخلاص انا اكره ماعلي الماي

والله الدولكة كاهي يمي كل شوي اقول بشرب بس ماكو ما اقدر


والله ابجي من هالعيب اللي فيني


بعد عمري ملوكة الشر ماييج شنو رياضتج حبيبتي ؟؟

انا عندي الجاري


اقول انتو متنكم من وين يعني اي منطقة اكثر مركز المتن عندكم ؟؟


عن نفسي الكرش مالت على الكرش


تدرون حاسة فبداية ترهل !!

معناها اني بادية اضعف انا دايما جذي يصير معاي :/×

 

[SO3AD.Q8]

السلام عليكم
وصباح الخير


توني قاعدة الساعة 8 الصبح


خذيت قلاص ماي وبلعت الكبسولة


بطلت جهاوي معزومة على العشا من ناس احبهم


معناها ماراح اتغدا اليوم



بعد شوي بسوييلي صمونة زعتر وقلاص جاي وخيارة


اقترحو علي حق العشا يمكن قيصر يمكن مو اكيد بس يارب مايكون قيصر وع ماحب اكلهم


المهم انطر اقتراحات شنو اتعشى !!!..؟؟


وينكم بنوتات ما بقا شي على السبت

 

[مطـــيــريهـ فـــوشيـــآ]

قوووه بناات

اليوم كالعااده قايمه متأخر حتى مااطلعت ,,,وعلى الريوق اكلي كان جبن وجاي وخبز!
والعشاء ماادري شنو جنه خربطت :/
so3ad اي والله حتى انا ماحب الماي عاد دكتوري الي قبل يقولي لازم تشربين اقل شي 8 اقلااصات ولا ماافي فايده رجيميج !!
انا قاعده احاول كثر مااقدر اشررب
والرياضه انا مأحب شي اسمه رياضه << امانه انتي شتحبيين لول
رياضتي الرقص والدرج انزل واصعد مليون مره يعني نووو اصانصير

وحتى الاجهزه الرياضه ماافي اكثر من ابوي وامي يشتروون اجهزه وكااهي مكوده يسمعون حسج لوووول



واليوم الخميس يعني بااجي يومين يالله شدووو حيلكمممممممممممم
وقوووووولوو يومياااتكم وينكمممممممممممم ماااكو الا انا و so3ad الرشيقاااااااااااااااااات نياهاهاهاها

 

[الاخلاص]

قووووه ملوكه شلونج ياقلبي شخبارج شسويتي اليوم
انا فجيت ريجي بقهوه نسكافيه مع سكر دايت بعدين حبتين زين الاتات وبعدها 3 اكواب ماي تعقدت وبعدين طلعت السوق رحت ايكو شريت جوتي رياضه كان سعره 69 صار 19 مو صج السعر لووول علشان بمشي على الجهاز باجر انشاء الله وعقب 4 ساعات اكلت 7 تمرات وحليب خالي الدسم والحين جوعاااااااااااااااااااانه شسوي لاني ملتزمه برجيم التمر والحليب

 

[مطـــيــريهـ فـــوشيـــآ]

اهليييين انا تمامووو على العال
انتي شلوونج؟
وزيييييييييين سويتي ماعليه تحمليييييييييي كلها فتره وتعدي والله ملينااااااااااا من الاكل لي متى
كل ماتحسين بجووع شربي مااااي او اكلي فاكهه

وسالفة الجووتي مووووو صج جان قلتيلهم لاتفتحون محلكم الا بوقت التنزيلات احسن ودقوو علي لووووووووول
امبيييه شوووفي الغش صج تجاااره :/