يومياتي مع كبسولات سوبر سليم

[brit.circus]

قوه بناات​

شلونكم فديتكم ​

بقولكم انشاالله تقدرون اتقولون يومياتي مع كبسولات سوبر سليم​

اتينن هالكبسولات واايد حلوه ​

حتى قوطيها شجعني ​

هذي شكلها

انا مو متينه ولا ضعيفه بس صايره اكل وايد انا اقولكم وزني تقريبا 61 وطولي 161 ​

حلوين الرقمين صح​

بس انا بضعف عشان ماتعب امي اخليها اتحوس معاي عشان اشتري لبس​

واخر شي ماشتري خخخ كلا خلاجين بالسوق هالايام​

المهم ​

هذي ثاني يوم حقي ​

اول يوم حسيت بالعطش وايد بس كنت اكل كاي انسانه ​

ثاني يوم واهوا اليوم ​

ماحسيت باليوع كللللش والله بس وايد عطشانه لازم على طول اشرب ماي ​

يعني اليوم غداي وعشاي مع بعض..بيتزا وحده وكليت نص اصبع جبن وماكملتها ​

وحتى امي اليوم اتقولي جنج ضعفانه مشالله منتبهه حافظتني بس انا مالاحظت لي الحين​

بس بقولكم من الحين انا وحده ماعندي ميزان​

ماحب اوزن اعتمد عاللي جدامي و ملابسي ونسبه اكلي​

لان لوشفت انشالله نص كيلو نازله فعرفي ان ماراح اكمل وباكل خخخ​

انا بسرعه انزل بس لاشوف كيك حلاو ككاو نفيش هذا الي يخربني ​

بس عاد بنات مو يعني اللي تاخذ حبوب ماتاكل خخخ ​

الريوق اهم شي وانا بحاول كل يوم اتريق​

لان الريوق اهوا الشي الاساسي اللي يخلي الوحده مايكبر شكلها بسرعه ويحافظ على بشرتها​

:eh_s(22):​

عاد نطرووني وتابعوني كل يوم تقريبا بحط شي اذا صار معاي شي يديد​

دعواتكم ​

 

[Kirsten storms]

يلا شدي حيييييلج وان شاءالله تضعفين

هههههه انا جرربت شاي بايوجي مت مت عطشش حسيت جفاف بلساني

لمن شرررربت 6 قلاصات ماي راح

بس الحمدالله وزني حلووووووووو 64

بس احاول اخفف

:**​

 

[too7a_q8]

لاشوف كيك حلاو ككاو نفيش << وااااااي حتى انا لا اشوف هالاشياء اصير كلش مااشوف اللي جدامي
بس بغيت اسالج من وين هالكبسولات ؟؟

 

[brit.circus]

يلا شدي حيييييلج وان شاءالله تضعفين

هههههه انا جرربت شاي بايوجي مت مت عطشش حسيت جفاف بلساني

لمن شرررربت 6 قلاصات ماي راح

بس الحمدالله وزني حلووووووووو 64

بس احاول اخفف


:**​

لووول فديتج بعد قلبي

انا وزني 60لي 61 تقريبا على طولي ضعيفه بس مو ذاك الضعف بس والله زهقت هههههههه

ابي اضعف اكثر عشان امي ماتزفني

بس الجاي ماحبه فاخاف يكون هذا نفس طعمه وماكمله عشان جذي خذيت الحبوب

فديتج تسلمين على الرد

لاشوف كيك حلاو ككاو نفيش << وااااااي حتى انا لا اشوف هالاشياء اصير كلش مااشوف اللي جدامي
بس بغيت اسالج من وين هالكبسولات ؟؟

هههههههههههههه حددددددده

ولا انا ليش اخذ الحبوب

حبيبتي من التاجره فجر الكويت

هذا بلوقها لو حابه اتشوفين الانواع عندها

http://www.fajeralkuwait.blogspot.com/

انا ماجربت الا اللي قاعده اقول عنه

 

[brit.circus]

شلونكم بنات

هذا ثالث يوم حقي

لي الحين ماتغديت

اللي اتقول اتييب الكئابه وو اتدوخ وو اتعب وو اتخرب الويه واتييب لواع الجبد

ماشفت اي شي من هذا

الحمدالله بشرتي متحسنه يامن الكريمات يا من الحبوب

وبالعكس حاسه بنشاط ومستانسه ودي اطلع لوووول

قاعده احس بعطش خفيف وو مو يوعانه كلش

كل مره هالحزه كتاكيت بطني يوصوصون

وماحسيت كارهه الاكل في وايد اسمع من البنات جذي

عادي انسانه طبيعيه بس جني مسويه رجيم

ونطروني باجر

 

[brit.circus]

اليوم تغديت نص بيتزا >>> مادري شفيني على البيتزا لووول

وشربتلي عصير برتقالي

العشا لااازم يطلبون بشوف شنو باكل معاهم

خخخخ

بس احس بعطش ماحس بيوع :$

 

[الباسمه]

بالتوفييييق انا اخاف من الصين اتوقع هذي صينيه صح؟؟​

 

[_zahra]

عطيج العافيه وان شالله من المتابعين

 

[afola]

اي بليز قوليلنا شلونها

انا طالبتها اليوم ببدي فيها

صج يقولون ينزل دهن وانتي بكرامة

؟؟ صج او لا

 

[brit.circus]

لا انا ماخاف من كل الحبوب الصينيه

في اشياء زينه وايد وانا اقرا بالانقليزي بالترجمه بالمواقع قبل لا اخد

حبوب عندي احسن من جاي وقهوه لان بالاساس ماشربهم فماراح اكملهم قلت ماكو الا هالحبوب شكله زين



اي حبيبتي ينزل دهن وصج مرتاحه مع الحبوب

 

[أحلى عيون]

بالتوفيق اختي


ينقل الي قسم اليوميات

 

[brit.circus]

هذا اليوم اللي مادري اي يوم خخخخ

يمكن رابع خامس

الحمدالله مايعت كلش

بس انا غصبت نفسي شوي اكلي جم افندي

مابي ويهي يخترب يصير يخرع

لي الحين اكو تحسنات

صرت اكل شوي شوي جنه على راحتي

ماقدر استعيل بالاكل لاني مو يوعانه خخخخ

 

[brit.circus]

قوه بنات شلونكم

مقصره بهالموضوع هالجم يوم

كنت تعبانه وايد

الحين بقولكم كل شي مع الايام اللي طافت





يوم اليمعه

يوم عزيمه ابيت يدتي

وطبعا اصناف الاكل اي شي ايي ابالج موجود مشالله

ورق عنب كوسه عيش مع دياي و معكرونيه وتوست الدياي وو غير المشروبات والفواكه والسلطات

عاد انا اكل يدتي اموت عليه اي شي من ايدها اينن

انا من نوعي اخذ من كل صنف شويه واكله كله

هالمره لا ماقدرت خخخخ

لو شبعت اكمل المهم اذوق كل شي

بس هاليمعه كانت غير

كل مايحطولي شي ماقدر اكله وصج اخر شي قمت من هالصفره

والورق عنب طااااااافني

يدتي مسويته حقي

حطيته بصحن وخليته حق عشاي



بنفس اليوم

العشى ....

عيال خالتي كانوا معاي فطلبتلهم

برقر كنق وانا عاد ماحبه حيل

احنا فتره قاطعين عنا والحمدالله صحتنا احسن من اول

طلبتلي وجبه طفل

ماكليت الا حبتين بطاط وقرمه صمون والببسي بس شربت شوي وقمت

والحمدالله

هذا يومي اليمعه ...!!

 

[brit.circus]

يوم الاحد ....

اليوم قمت متاخر من عادتني

من السهر ولما نمت مشالله كل شوي اقوم

كليت الحبه وقعدت ساعه ماحسيت بيوع

بس بنات لازم ماااااااااااااااااااااااااااااااي

انا مرات مالي خلق لان البطول خلصوا

ماقدر رايحه ويايه على قلاص :s خخخخ

فماقمت اشرب مثل اول

المهم

اعشق الفراوله بشكل مو طبيعي

ترستلي بطاسه صغيرونه

غسلتها نظفتها وقطيتها من راسها

بس ماكليت الا 6 حبات

من متى ؟؟؟؟

انا خبري اكل اكثر كااااك

الحمدالله

النتايج حلوه *_^






بنات اللي حابه اتقول قصتها تتفضل

الموضوع مفتوح للكل

ماشوف فيه اقبال ولا مشاركات

 

[فجر_الكويت]

صباااح الخير حياتي حابه اشكررج من كل قلبي علا طرح تجربتج مع سوبر سليم ما قصرتي يا الغاليه

 

[brit.circus]

العفووو حياتي ماقصرتي على مرورج بموضوعي

منوره

 

[brit.circus]

قووووووه بنات

صارلي فتره ماحطيت شي بهالموضوع

حبيت اقولكم اني خلصت الحبوب

وبصراحه رووعه

حسيت اني ضعفت ولو شريت علبه ثانيه بتكون النتايج احلى اكيد

والحمدالله مافيه اي اثار سلبيه مرت علي وانا اخذها

 

[ورده اوراد]

مرحبا كم كليوا نزلتي

 

[brit.circus]

مادري ياحياتي

بس بصراحه اقولج الحين قاعده اجرب يابوجي الحبوب اذا مو غلطانه باسمه

بس ارتحت حق سوبر سليم اكثر بوايد


اذا بتعرفين لو انا صج ضعفانه ولا لا

كنت شاريه احزام قبل لا استخدم الحبوب

حده عاجبني بس اصغير لان مو من الكويت القياسات تختلف وقلت لازم اخذه لو ضعفت راح اقدر البسه

والحين ابشرج اقدر البسه بعد ماخلصت حبوب سوبر سليم

اتمنى افدتج ولو شوي كافي مالها اعراض ولابتحسين بعوار وتعب ودوخه

 

[brit.circus]

سبحان الله وبحمده سبحان الله العظيم