يومياتي نحو جسم رشيق اللي بتشاركني حياها

[om.5doja]

السلام عليكم


عليج بالف عافيه نونو


انا ريوقي كان جبن ويه خيار وطماط وخسة وزيتون ويه نص خبزه سمره


وغداي كان لحم مشوي ويه سلطه


وبإذن الله عشاي اناناس او روب


ومن باجر بإذن الله ببلش مشي اول 3 ايام من ربع الى نص ساعه يوميا

وان شاءالله كل 4 ايام بزيد مدة المشي لين اوصل الى الساعتين

والله يوفقنا يارب

 

[نونو الدبدوبه]

أنا بعد أم خدوج شكلي بأمشي عالسير بالبيت نص ساعه هالأسبوع والأسبوع الجاي ساعه لأن موضوع النادي تأجل لظروف_تغديت 2همبرجر مع خيار وجزر وربع رغيف

 

[نونو الدبدوبه]

ألحين قاعده أشرب شاي أخضر
ماقلتي كم وزنك أم خدوج؟!!_
أنا100ومتحمسه على الأسبوع الجاي أكون تحتها

 

[om.5doja]

عليج بالعافيه نونو حبيبتي

انا وزني امس قسته 102.9 والله يسهل يارب

ان شاءالله الاسبوع الياي تكونين تحت ال 100 ياااارب وان شاءالله انا انزل هال 2 كيلو هالاسبوع يارب

والله يضعفنا يارب على عافيه

 

[شيخة الغراشيب]

ربي يوفقكم يارب بس دخلت ادعي لكم وعقبال ماسوي انا اللي قمت
ابدا مانتظم بصراحه

 

[نونو الدبدوبه]

امس تعشيت توست باللبنه مع كاس حليب
والحين اول ماصحيت شربت ماء دافي بليمون وراح افطر 5تمرات وكاس حليب
وبعدها بشرب شاي اخضر
وبتغدا تبوله ولحم مشوي
بس بامشي نص ساعه قبل الغداء

 

[om.5doja]

عليج بالف عافيه نونو حبيبتي وان شاءالله الله يقوي ارادتج كل يوم اكثر من قبله اللهم امين

شيخه الغراشيب حبيبتي تسلمين ياقلبي والله يضعفنا جميعا على عافيه ياااارب وقوي ارادتنا قولي امين

تغديت نص صدر ديايه مشوي ويه روب


والحين قاعده اكل اناناس

والله يسهل يارب

 

[om MaRyooM]

قوة بنات


انا بديت رجيم من اسبوعين . .لأن من عقب ماولدت وزني نزوله بطيييييييييييئ .. والحين مشتركة بدايت كير لأن مليت صراحة
وقاعدة امشي كل جم يوم نص ساعة

وانشاله توصلون للوزن الللي تبونه

بس اهم شي الرياظة والمشي ..

انا احب اسوي احيانا رياظة بالبيت واتبع الاشرطة .. اذا تبون في عضوة معانا عندها اشرطة رياظة تينننن لسندي كراوفورد وكيم كارديشان اسمها (العمة فاتو)
وهذي الويب سايت
http://dvdorder.piczo.com/workout?cr=7

حبيت افيدكم

 

[&دلوعة القمر&]

اناودي انضم معاكم
وزني 103,9
طولي167,5
بديت برجيم المطوع اليوم وان شاالله من بكره بكتب يومياتي
وان شاالله نضعف كلنا بصحه وعافيه

 

[نونو الدبدوبه]

حياك الله نور عيوني عيالي
شدي حيلك معانا
أنا أمس خربطت شوي بالعشا
بس اليوم صايمه وبأمشي قبل الفطور45دقيقه

 

[نونو الدبدوبه]

صباح الخير
وينك ام خدوج ونور يالله شدوا حيلكم مابقى شي على الميزان
انا امس كنت صايمه افطرت تبوله وشوربه وربع خبزه
وبعدها اكلت قطعة حلا بعدين شربت شاي اخضر
وبس

 

[نونو الدبدوبه]

اليوم افطرت توست مع بيضه مفيوحه مع جبن سلايس وكاس حليب

 

[نونو الدبدوبه]

تغديت شابوره ونسكافيه وبعدها بأشرب شاي اخضر وبامشي لي ساعه الاربع

 

[&دلوعة القمر&]

مرحبا نونو
ماشاالله استمري
انا جاتني الدوره يوم الاثنين وان شاالله يوم الاحد ابدي