يوميات البنوتات فى مركز ستروبري

[فطومه]

شلونكم حبيبات قلبى.بصراحه حبيت اعرض لكم يوم بيومه شغل البنات الحلوين فى مركز ستروبرى خاصة فى دوره الرسم والاشغال اليدويه الممتده خلال الصيف ان شاء الله

اول يوم : اخذنا درس فى الرسم ويحلاتهم وهم يرسمون بالالوان كل وحده لها فكره ولها خط فى الرسم

ثانى يوم: اشتغلنا اكسسوارات بعد قلبى كل بنوته سوت لها طقم عباره عن عقد واسوار وترجيه البسوهم فى نفس الوقت

ثالث يوم:اخذنا رسم على الزجاج وطبعا لانهمم اطفال وايدهم صعب التحكم فيها يبنا لهم رسومات خاصه محدده وخالصه ماعليهم الا انهم يلونون

رابع يوم: اشتغلنا مع حبيبات قلبى ديكوباج وكام يوم مميز وحلو

خامس يوم :هاليوم كان مميز لان الفكره مميزه وهى عباهر عن تزيين الاكياس الخاصه بالهديا طبعا كل وحده تبى على

ذوقها وفعلا تم هالشى وحطينا كروت مع الاكياس وككل بنت كتبت التعليق اللى تحبه

خلال الدوره يتم توزيع الهدايا على البنوتات.........كذلك ماننسى فتره البريك لازم ياخذون السناك


ان شاء الله عجبكم شغلنا واى استفسار احنا موجودين.......هدفنا التميز ورعاية هالبنوات خلال فتره الصيف


وراح اكمل معاكم باقى ايام الدوره يوم بيومه

 

[عهد الامل]

ماشاءالله تبارك الرحمن الله يعطيهم الف عافيةويوفقكم ان شاءالله


ومتابعة لكل نشاطاتكم

 

[فطومه]

تسلمين حبيبة قلبى وانا بعد متابعه مواضيعج الحلوه

 

[عهد الامل]

متابعة
وفي انتظار باقي ابدعاتكم


والله يسلمك من كل شر حبيبتي

 

[chocolat]

الله يوفقكم و ان شاء الله يمكن اشرك بناتي معاكم بس يخلصون ناديهم

 

[فطومه]

حياج الله وفعلا البنات مستمتعين بالرسم والاشغال وبنفس الوقت قاعد يستفيدون وينمون مهاراتهم

 

[بــدويه]

خوووش مركزز حبووبـه ..

عســآكم ع القووه ..

 

[مسك حياتي]

اسم الله عليهم فنانات المستقبل و دي اكون معاهم متفرجه لان لو اشتغلت بينهم شكلي يضحك خخخخخخخ

 

[lollipops]

يعطيكم الف عافيه
الصراحه عيالنا محتاجين مثل هالمراكز لتنميه مهاراتهم وابداعاتهم
ما قصررتوا

وبغيت اسال عن دوره صناعه الشموع
شلون طريقتها
ممكن تقولين عنها باالتفصيل لان ودي اشترك فيها

 

[سدرة العشاق]

يا حياتي ابلة فطومه والله اشتقنالج
الصراحه بناتي استانسوا منج وايد
ومشتاقيلج وايد وايد
والصراحه كانت خوش دورو استفادوا منها وايد
بناتي اللي مصورتهم دانه وشيوخه

 

[سدرة العشاق]

بس حبيت اسأل اذا انا حابه اني اخذ دورة في الاكسسوارات بس
اشلون

 

[فطومه]

بعد قلبى اشكركم على مروركم ........وردوكم اللى تشرح الصدر

واللى تحب تشرك بناتها راح يكونون قى القلب قبل العين...........

ياسدرة العشاق بعد قلبى انا اللى اشتقت لهم ليش ماقمتى تيبينهم حصتين ماشفتهم ومثل ماقلت لج باقى لكم اربع حصص فى اى وقت يقدرون يحضرون........
سلمى لى على دندونه وشيوخه انا اللى ولهت عليهم الله يحفظهم

اما بالنسبه لدورة الاكسسوارات دوره خاصه مافى عندنا لكن راح نعيد دوره الخمسه فى واحد اللى تتعلمين فيها خمس فنون فى دوره وحده ومنها الاكسسوارات

بالنسبه لدوره تصنيع الشموع بصراحه انا التقيت بالمدربه اللى تعطى الدوره صراحه حبيبه اما شغلها تبارك الرحمن بصراحه وبدون مبالغه
اللى يشوفه مايقول شغل ايد كأنه جاهز عينى عليها بارده الاشكال حلوه وغريبه .......خاصة للى يحبون يصنعون علشان يبيعون راح يستفيدون
وممكن للى يحب يزين بيته بهالشموع شكلهم روعه.......ان شاء الله ابلغ ام ضارى تعرض الصور


استودكم الله حبيبات قلبى

 

[ابداع مصممة]

يسلموووو

 

[AngeL-q8a]

واااااااااااااااااو
يسلموووووووو

 

[lollipops]

اب اب اب

نبي صور دوره الشمووع علشان اتشجع واشترك
لان خاطري فيها

 

[نوور الليالي]

والله خوش انشطة



بس انا حابة ادخل بناتي شي في تأسيس بالدراسة


مثل انجليزي وعربي ورياضيات​

 

[x.swar]

موفقين حبوبة ..
شغل حلو ومتعوب عليه ..
انا نفسج ادرس البنات اشغال فنية بالصيف ..
حياج الله..

 

[أحلى الجياكر]

وايد يونّس
مشكورة على الموضوع

 

[فطومه]

كل من مرنى ورد على موضوعى الف شكر كلامكم يشجع .....وبعدين وين نودى هالبنات بهالصيف الحار

وخاصة ان الوحده منا تخاف على بناتها ماتأمن بأى مكان ........على الاقل وبدون مجامله هالمركز صاحبته كويتيه وبنت البلد
أأمن وحتى المدربات كلهم بنات الديره شوى الواحد يتطمن لانزل هالبنات وخلاهم...

.اما التدريس بصراحه انا بالنسبه لى
ادرس بناتى فى البيت ماحب اوديهم معاهد يدرسون شوى الواحد وده ان هاليهال يرتاحون ومخهم شوى يرتاح من لوية

التدريس كل جم يوم انا ادرسهم على الرهاة علشان مايتعقدون بروح التدريس صار متعب



يوم الرسم

فى انتظار ردودكم

 

[AFRoDiT]

ناااايس ..

موفقين و منها لأعلى إن شاء الله