يوميات اوركيـــد ( لزيادة الوزن ) يارب اسمن

[اوركيد.5]

بسم الله الرحمن الرحيم

يوميات اوركيد : انا فتحت الموضوع عشان اكثب فيه يومياتي لمدة شهر.!

تتضمن نظام لزيادة الوزن + خلطات + حبوب الخ

طبعاً انا وزني نحيف جداً جداً تحت المعدل الطبيعي = نحافه مرضيه ...!! :eh_s(4):

ملآحظه

لاتجيني وحده وتقول وش تبين بالسمنه خلك نحيفه احسن لك ..!

والا تبين اعطيك من الكيلوات اللي عندي :flower:

او غيرها من التعليقات اللي تعودنا نشوفها من السمينات في اي موضوع يخص النحيفات ..!

اذا انتي سمينه وتحسين انه وزنك مشكله فالنحيفه مثلك وزنها يعتبر مشكله

بالنسبه لها حتى تعليقات الناس تسمعها النحيفه مثل السمينه ..! :eh_s(4):

والنحافه تسبب فقر الدم والضعف العام وغيرها

وحتى الملابس ماتطلع حلوه عليك :eh_s(2):

طبعاً انا اتكلم عن النحافه المرضيه اللي مثلي يعني هههههههههه

على العموم جميعنا نبحث عن الوزن المثالي وهذا لن يتحقق الا بالاراده والاصرار :ggdw:

بالتووفيق للكل


يتبع

 

[اوركيد.5]

خلطات * خلطات

بسم الله

نبدأ بالخلطات اللي تزيد الوزن طبعاً كل وحده تختار الخلطه اللي تبيها ^_^

كل الخلطات منقووله

1) خلطة التمر العجيبه
المقادير
علبة تمر/مكسرات (كاجو.فستق .لوز.فول سوداني .‏)‏سمسم .
اخرجي النواه من التمر وضعيه في قدر وضعي عليه كاس حليب سايل وبارد او زبده واعجنيه ثم قومي بخلط المكسرات والسمسم في الخلاط وضعيها على التمر وخلطيها مع بعض حتى يذوب التمر
ثم قومي بتكوير التمر الى دواير وضعي دواير التمر في جوز الهند‏(‏ع حسب الرغبه يمنع الالتصاق فقط )ثم ضعيها في علبه (لازم العلبه يكون لها غطاء )
ملاحظه ***خمس مرات في اليوم كل مره خمس حبات يعني يطلع 20او 25حبه في اليوم
واشربي معها حلبه 3مرات في اليوم او حليب اللي تفضلينه
والله تلاحظين الفرق من اسبوعين وانا مجربه

2) خلطة الزبيب الاسود ( مفيده للبشره )

المقادير : زبيـــــــب أسود + حلبــــــــه

تجيبون الزبيب بعد ماتغسلونه وتنقعون مثلآ كوب زبيب في كوبين مويه عاديه

مو حاره ولا بارده وتخلونه 16 ساعه وبعدين تحطين الزبيب بالمويه المنقوع فيها

في الخلاط وأخلطوها كل مع بعض تسير مثل العصير حطي فوقها ملعقتين أكل حلبه

وكل يوم على الريق أشربي بياله شاي بس أنا كنت أشرب كوووووووووووووب

3)خلطة النوتيــــلآ
شكولاته نوتيلا
قشطة المراعي
مكسرات زي اللوز
عين الجمل
واي مكسرات تحبينها زي مثلا الكاجو
وتحطي مثلا ملعقتين نوتيلا واربع ملاعق قشطة
وهكذا وتجرشي الكسرات مو تطحنيها مرره يطلع طعمها بااايخ
وقبل ماتنامي خذي ملعقه اهم شي قبل النوم وممكن تاكليها بعد الغدا اي وقت
المهم انو انتي تاخذي ثلاث ملاعق في اليوم الواحد وراح تلاحظي بنفسك انك سمنتي بصحه وعافيه ان شاء الله

4) خلطة حلم من دون تفسير :eh_s(7):
حلاوة طحينيه بالمكسرات (علبة وحدة كبيرة)
كاس ونص مكسرات (جوز +لوز+كاجو)
طحنة حلبه (يعني تملين الطاحونه)
ملعقة ونص خميرة (حقت الاكل)

وتؤكل مع كاس لبن قبل النوم

5) خلطة تزيد 7 كيلو بالشهر

3 حبات موز كبيره + ثلاث كاسات حليب + ملعقتين حليب بودر + ملعة سكر + 10 حبات تمر + 20 حبة زبيب + 3 ملاعق عسل
وحطهم في الخلاط واشربها مرتين في اليوم
مرة على الريق ومره قبل ما تنام
يعني تسويها مرتين في اليوم مره على الريق ومره قبل ما تنام
مو تقسمهم على مرتين بدون غش
واذا استمريت عليها بإنتظام ممكن تزيدك 6 او 7 كيلو في الشهر :ggdw:

لازم تاكلين مع الخلطات لاتسوين نفس خطئي اعتمد على الخلطات واترك الاكل ..!!

اذا شهيتك معدومه عن الاكل خذي فاتح للشهيه:

سبروفينا - جيسنغ - ميسقور < اللي يناسبك

​

 

[اوركيد.5]

مشروبات تزيد الوزن

آلترا بروتين - بودرة سوستاجين - فورميلا قروث -الحلبه - عصير المنجا بالحليب

اكلات تزيد الوزن

المقليات - المعجنات - الكبسه - المعكرونه - البطاطس المقلي

البطاطس المسلوقه والبيض < ق1

واللي عندها اقتراحات تحطها هههه

بالنسبه لليوميات بحطها آخر اليوم ^_^

 

[Roty]

موفقه اوركيد شدي حيلج

بتابعج واشجعج

بس ما قلتي جم وزنج

 

[اوركيد.5]

^
انا وزني 51 وابي اوصل لـ 60 على الاقل

لاني طويله

ميرسي على التشجييع

 

[أبريلية]

موفقة اوركيييييد


يا الله الصبر بس..

يعني اللي بيكره طعم هالخلطات شو يعمل=(؟


اوركيد ناوية تحطي صور ولا مجرد سرد< وحدة تموت بالصور لووول



بالتوفيق عزيزتي

 

[ماني من الناس]

بالتوفيق اوركيد

بس انظم يومي راح اتفرغ للإنظمه الصحيه

 

[ro7e t7bek]

مشروبات تزيد الوزن

آلترا بروتين - بودرة سوستاجين - فورميلا قروث -الحلبه - عصير المنجا بالحليب

اكلات تزيد الوزن

المقليات - المعجنات - الكبسه - المعكرونه - البطاطس المقلي

البطاطس المسلوقه والبيض < ق1

واللي عندها اقتراحات تحطها هههه

بالنسبه لليوميات بحطها آخر اليوم ^_^

حبيبتي فورميلا قروث هذا شراب ؟ ومن وين احصله ؟؟



.

 

[اوركيد.5]

باااك

سوري على الانقطاع بس تعرضت لوعكة صحيه ):

خلتني انقطع عن النت ..!​

لكم وووحشه هههههه ق1​

 

[اوركيد.5]

موفقة اوركيييييد


يا الله الصبر بس..

يعني اللي بيكره طعم هالخلطات شو يعمل=(؟


اوركيد ناوية تحطي صور ولا مجرد سرد< وحدة تموت بالصور لووول



بالتوفيق عزيزتي

هلا حبيبتي

حتى انا مو كل الخلطات اتقبلها

اذا ماتحبينهم خذي ملعقه ملعقتين لاتكثرين

والا استخدمي فاتح للشهيه وخليك على الاكل العادي :eh_s(7):

بحاول اني احط صور ليش لا ..؟

مووفقه​

 

[اوركيد.5]

بالتوفيق اوركيد

بس انظم يومي راح اتفرغ للإنظمه الصحيه

هلا من من

ايه نظمي يومك وشاركينا

موفقه​

 

[اوركيد.5]

هذا هو الفورميلا قروث

للاسف مالقيته بالسوبر ماركت عندي يالرياض

هو موجود في مصر مدري اذا موجود بالكويت اولا ..؟! :eh_s(10):​

 

[اوركيد.5]

نظامي امس ههههه​

صحيت رحت للدوام ​

تغديت وفطرت على برجر دجاج مشوي + مشروب غازي​

خذيت سناك لآتيـــه + سفن ديز​

رجعت من الدوام ​

تعشيت معكرونه بالدجاج :eh_s(22):​

وشربت حلبه + خلطة التمر العجيبه اللي فووق ​

وذات سيت لليوم ​

بحاول انظم وقتي عشان ازيد الاكل​

لانه اكلي اكل قطاوه هههه :eh_s(4):​

قود لك للكل ​

 

[(( تعب قلبي ))]

اب اب

 

[اوركيد.5]

up
up

لي باك بكره ان شاء الله

ثانكس لكل من شجعني
​

 

[احآسيس هآدئه]

اب
بالتوفيق اوركيد

 

[اوركيد.5]

up

up

صباح الخيير على الكل

يارب نسمن هههههه :yaaaaaarb:

اليم صحيت وشربت حلبه + حليب حطيت معه انشور :eh_s(7):

لاني مااتقبل الحليب العادي :eh_s(16):

وباخذالحين فاتح للشهيه :eh_s(22):

باقي الفطور والغداء ..!!

لي بآك

:eh_s(8):​

 

["وسم"]

بالتوفيق

 

[اوركيد.5]

UP
UP

بــآك

يومياتي بالأمس

بسم الله

فطرت وتغديت همبرجر دجاج + بيسي

اهم شي اني ماتذكرت التصوير الا بعد مااكلت نص الهمبرجر هههههه

سناك سفن ديز + لاتيه

العشاء كبسة رز بخاري

قبل النوم كأس حلبه + خلطة التمر

وبس

اليوم بحاول اني اصور اكثر

وبحاول اروح للسوبر ماركت عشان اشتري

اشياء سعراته الحراريه عاليه ..! :ggdw:

قود لك للكل​

 

[M&Ms]

موفقة اوركيد شنو فاتح الشهية اللي خذيتيه