يوميات تجمع قروب مرضى الذيبة الحمراء (مدموج )

[راس غليص]

رد: يوميات تجمع غروب مرضى الذيبة الحمراء

بالاضافة الي اني راجعت ملفي الصحي المدرسي من كنت صغيرة لقيت اوراق تحاليل بول عزج الله تؤكد التهاب يمكن لها تاثير لكن اياني المرض فجاة دون مقدمات والهاشمي يقول اللي يجي فجاة نرجعة الى السحر او المس او العين

 

[نور وضي القمر]

رد: يوميات تجمع غروب مرضى الذيبة الحمراء

الهاشمي اللي بالامارات

تري امسكته شرطه دبي ويقولون عنه ما عنده شهاد ولا شي وانه نصاب وحطوه علي الاخبار واذا رحتي عياده اهو مو موجود بس الحريم اهم اللي يعطونج الادويه

 

[نور وضي القمر]

رد: يوميات تجمع غروب مرضى الذيبة الحمراء

العين ممكن لان انا المرض جاني بعد عرسي بسنه

 

[نور وضي القمر]

رد: يوميات تجمع غروب مرضى الذيبة الحمراء

اللي يمدحونه صج الشافعي اللي بالبحرين وعنده اعشاب حق الدم والذيبه وما تلقيت عنده حجز اله بعد 6 اواكثر

 

[نور وضي القمر]

رد: يوميات تجمع غروب مرضى الذيبة الحمراء

انتي جم كان عمرج يوم اكتشفتي المرض ؟؟؟؟

 

[نور وضي القمر]

رد: يوميات تجمع غروب مرضى الذيبة الحمراء

تراجعين وين انتي وعند اي دكتور ؟؟؟؟

 

[نور وضي القمر]

رد: يوميات تجمع غروب مرضى الذيبة الحمراء

وووووووووووووينج ؟؟؟؟؟

 

[راس غليص]

رد: مرض الذئبة الحمراء

مشكورة حياتي سهام انا اعرف حالة اتركت العلاج وظلت علي العسل وسافرت الي اماكن طبيعية فيها هواء نقي وتحسنت حالتها وايد لكن بعد فترة انتكست بدرجة كبيرة لحد الغسيل الكلة وطلقها ريلها والحين مسكينة بين الحياة والموت تنطر متبرع على وجه السرعة والا لن تعيش الله يشافيها ويشافينا عشان جذي اخاف اغامر وسمعت بعد واحدة كانت تاخذ العلاج وراجعت عند دكاترة نفسيين والطب البديل وتحسنت وتركت العلاج ثم انتكست الحالة بشكل كبير وانا ما اقدر اغامر حتى بالحجامة سمعت فيها تشريط ودم وانا اخاف يلتهب الجرح وغيرة من الاشياء لذلك انا جبانه في هذه الاشياء وما احب اغامر وافضلي اتم على الطبي رغم المضاعفات مستقبلا

 

[راس غليص]

رد: مرض الذئبة الحمراء

اما العسل بالحبة السوداء جربت خبير الاعشاب اول امرضي خالد الطيب وبعدين امل الانصاري بس ما تابعت والهاشمي الحين انا اسمع القران يوميا البقرة وقراة صفحتين من المصحف وراء كل صلاة وعلى الله بالاضافة اسمع رقية السحر والعين والامراض العضوية والله المعين

 

[راس غليص]

رد: يوميات تجمع غروب مرضى الذيبة الحمراء

كنت اكتب لللاخت سهام بخانة مرض الذيبة الموضوع اللي نزلته سابقا عذريني بدا معاي من خمس سنوات والحين انا عمري 38 سنه واراجع عند دكتور كابور بالاميري وكنت اتابع عند اديبة الحرز بعيادتها الخاصة بفيصل التخصصي لكنها سكرت عياتها

 

[راس غليص]

رد: يوميات تجمع غروب مرضى الذيبة الحمراء

اما الهاشمي انا قاعدة اسمع الاشرطة بالسماعات اللي عطانياها بين فترة واخرى اما الشافعي والله سمعت عنه عن 3 تجارب 2 يابت نتيجة فعالة جدا لكن مو حالات ذيبة حمراء لكن حالات مختلفة وواحدة ما حست بتغيير

 

[راس غليص]

رد: يوميات تجمع غروب مرضى الذيبة الحمراء

انا الحين ممنوعة من الحمل والولادة من ضرب بالكلة وانا اخاف اجرب اي شيء غير طبي لانه شفت حالات تدهورت من الطب البديل وما ادري لكن احس افضل علاج القران ثم تنسين المرض ولا تحاتينه وتعيشين حياتج طبيعى واهم شيء تبتعدين عن العصبية والحرات وانا والعصبية ربع والحرات اخوان لاني بطبيعتي احب كل شيء مضبوط على حسب الاصول بكل شيء واذا بديت اي عمل لابد اني انجزه وباتقان وسرعة اي حارة وهو اللي يزيد المرض

 

[صمت الليل]

رد: يوميات تجمع غروب مرضى الذيبة الحمراء

اي
ما تشوف شر

قولي لها خليها تجي تشارك معانا ونسولف عالمرض وتسجل معانا بالمنتدي علشان تاخذ فكره عن المرض

وصراحه المرض الحمدلله له علاج

الله يبشرج بالخير ياااارب ويجعله في ميزان حسناتج ياارب العالمين يااارب ياكريم ,,,, والله أنا أتابع الموضوع من الصبح

لأن صاير لها سنه مزوجه والأمل بالإنجاب اعدموه الأطباء وا عليه أرحمها و ودي أساعدها وأجمع معلومات بس اقنع فيها

وبإذن الله راح تدخل وتشارك وياكم وبنفسيه أفضل وأحلى يااارب أنا من يومين كنت في الطوارء في المستشفى معاها بسبب ألم المفاصل وحرارتهم بزياااده وعطوها مسكن وخلوها تحت الملاحظه وطلعنا ,,,,,


يارب تشافيهم يااارب

 

[راس غليص]

رد: يوميات تجمع غروب مرضى الذيبة الحمراء

وينج انا اليوم يمكن اروح السوق ارفه عن نفسي ونسيت اقول انا اذازعلت او تضايجت احس دواء لي السوق والمشترى حتي لو ما البسهم واحيانا يظلون باكياسهم شهور وسنة وسنتين بالاضافة الي النت

 

[راس غليص]

رد: يوميات تجمع غروب مرضى الذيبة الحمراء

يا صمت الليل من تقصدين

 

[راس غليص]

رد: يوميات تجمع غروب مرضى الذيبة الحمراء

وبعدين عن الحمال انا شفت واحدة اثناء اخذ الجرعات تاخذ جرعات ثم سلسبت وهم تحمل يمكن 3 او 4 عادي حسب الحالة والعمر والحالة النفسية شرط ما تكون موسوسة مثلي او عصبية وطمنيها المرض علاجه عن تجربة اراحة الحالة النفسية ويا ليت تقولين عن حالتها واعراضها

 

[راس غليص]

رد: يوميات تجمع غروب مرضى الذيبة الحمراء

يا نور ويا صمت اشفيكم صمتوا

 

[صمت الليل]

رد: يوميات تجمع غروب مرضى الذيبة الحمراء

يا صمت الليل من تقصدين

يا عمري أنا أتكلم عن بنت خااالتي مصابه بهذا المرض وتحديدا بعد العرس مباااااااااااااااااااااااااااشره طاحت فجأة وقالوا الأطباء أنها الذيبه الحمرا وما صدقت أحصل هذا الموضوع وطبيعة الأدويه والمراكز ,,,,,, بصراحه من سنه وهي متبهدله حييييييل لأن أعراض سلبيه كثيره تطلع مثل صداع وألم مزمن في الرأس الجهة اليسرى بالذات أكثر حالات التشنج والألم في المفاصل اللي تبدأ في الركب وبعدين ليما تحت الأظافر في الأيدي ,,,, أنا قريت اللي كتبتوه عن مراجعاتكم في السعوديه وحابه أنصحها تزورهم والأصعب أن فرصة الإنجاب معدوووووومه ونفسيتها وايد تعبانه الله يشافيكم يااارب ويشافيها

 

[راس غليص]

رد: يوميات تجمع غروب مرضى الذيبة الحمراء

نورونا

 

[راس غليص]

رد: يوميات تجمع غروب مرضى الذيبة الحمراء

هذه نفس اعراض اي ذيبة واحنا كلنا مرينا فيها حتى اني اسال بالمستشفى اثناء الجرعات او المراجعات الدورية المهم ان الانسان يتقبل المرض راح يخفف عنه وايد وراح يتقبل اي عرض والله قبل اقول ليش انا ولو قالوا الدكاترة شيء جديد او حسيت باي الام ابكي ولا ازال على خفيف وهذا يضيع علينا الاجر من الله سبحانه وتعالى اما الحين العكس عشان يوصل الاجر اقول انا لله وانا اليه راجعون ولا حول ولا قوة الا بالله العلي العظييم والله يا اختي من رمضان التزمت بصلاة الفجر حاضر واقعد انطرها حسيت احساس غريب بان الله وايد قريب مني