@@يوميات حلاتي غير وشيوخه الحلوه وحبايبهم بفترة النفاس حياكم الله شاركوناااااااا@@ا

[italeya]

بعد عمري يا زماني .. عيل بروح اسكرها اللحيـــن وبروح اشفط صدري ..

i will back soon

 

[سعادتي برضى ربي]

قووه بنااات شخباركم

شيوخه شلونج طمنيني عنج

بنات شلونكم شمسوووين

بسألكم انا وايد اشرب عصير برتقال وفي حريم يقولون مو زيين عيل شنسوي نبي شي مفييد ؟؟؟

 

[أمواج البحر]

انا ضايعه اكثر منج
بجريه و ما عندنا احد سيزريان من قبل


بس صار لي يومين اكل قبوط تخيلي قام ينزل علي !!
بس هم جرح بطني قام يفرز ماي

هلا ديفا .... شنو انتي ماتاكلين قبوط؟؟؟

اكلي قبوط و عصيده و مرقوق وهالسوالف ... لااازم تاكلين عشان ينزل الدم اللي برحمج تكرمين

انا هالشغلات كلها اكلها بس ما احط فيها رشاد وهالسوالف

حلاتي ... قصدي عن الادويه واللهوم مايصير اخذها الحين ؟؟؟

ما ادري اذا الحين يأثر على الجرح والا لأ

زيونه ... انا الحين صارلي تقريبا 3 اسابيع والده

 

[أمواج البحر]

حلاتي ابي البرناج اللي عندج شلون طريقته

واهو كريمات والا شنو بالضبط؟

خلونا نقشع ونصلح ما افسده الدهر

 

[أمواج البحر]

تعااالي ديفا توني استوعب .... شلون جرحج يفرز ماي؟؟؟

ما التأم لي الحين ؟؟؟ والا شنووو؟؟

متبطل والا بس يقرز ماي؟؟؟

ضيقتي خلقي ديفووو

 

[أمواج البحر]

سعادتي ... انا خابره عصير البرتقال مو زين للرحم بالنفاس!

 

[نور البدر]

بنات سوري على السؤال بس شنو سيزريان؟؟؟؟؟؟؟؟؟؟؟؟؟؟

 

[zain q8]

نور البدر يعني عمليه مو طبيعي ولاده

 

[أمواج البحر]

نور البدر .. سيزيريان يعني عمليه قيصريه ^_^

سوري بس لاني تعودت دايم اقول سيزيريان ^_^

 

[دلوعة بنتي]

سلااااااااااااااااام بنات

اخيرا انضميتلكم

الحمدلله ولدت بتاريخ 9-10

 

[شيخة الحلوة]

هلا حبيباتي


امي تقول لا تحطين زيت على جسمج لانه حاار عالجسم


يا عسا رب يكفيكم شر اللي اللي فيني ولا تشوفينه ولااحد يشوفه بالدنيا

صج صج العافية نعمة من رب العالمين

والله خايفه على منيتي لا تصير فيها الحساسية



ومشكورين كللللللللللللكم اللي دعيتولي ووصيتوني اقرا واغسل واذكر الله

عساني ماانحرم منكم حبيباتي

 

[شيخة الحلوة]

هلا هلا هلا

دلوعه

الحمدلله عالسلامة ياقلبي
ومبروك ما يبتي


والله كش ينبي لما قريت ردج


عسا ربي يجعله من الذرية الصالحة يارب

 

[دلوعة بنتي]

هلا هلا هلا

دلوعه

الحمدلله عالسلامة ياقلبي
ومبروك ما يبتي


والله كش ينبي لما قريت ردج


عسا ربي يجعله من الذرية الصالحة يارب

الله يسلمج حبيبتي ويخليج

وشالاخبار اللي سمعناها ؟؟ حبيبتي ماتستاهلين .. الله يشافيج وماتشوفين شر يارب

 

[أمواج البحر]

دلوووووووووووووعه .... الف الف الف الف الحمدلله عالسلامه و مبروك ماياااااااااااج

ها شلون الولاده عسى ما تعبتي؟

شيوخه ... ما تشوفين شر و حيلج بماي زمزم خلي امج تقرا عليه و شربيه و غسلي جسمج فيه

ولا تحاتين ان شاء الله بنتج ماعليها شر بس انتي لا ترضعينها الحين

وعلى فكره الحساسيه اللي بجسمج من اللهوم و الحسو و هالسوالف

صارت حاره على جسمج

اجر و عافيه يارب

 

[lolo6688]

اهليييييييين دلوعه
تكفين قوليلي قصتج
انتي نفسي بجرج مايالج الطلق صح ؟
هالمره شنو شصار
يالج الطلق ؟
وله حطولج طلق صناعي
وشصار بالضبط قوليلي
انا الحين باقيلي اسبوع على موعدي ومو مفتوحه وله شي ؟
انتي كنتي مفتوحه ؟

 

[lolo6688]

امواج طهرتي ولدج ؟

وين تنصحيني ؟
واي من الحين احاتيه بعد عمري
امي تقولي طهريه اول يوم لمن يطلع انتي شرايج
تقول عشان لمن تاخذينه البيت الا اهو طاخ من البجي

 

[دلوعة بنتي]

امواج الله يسلمج يارب حبيبتي

لولو حبيبتي الفال لج يارب الله يسهل عليج وتولدين بالسلامة وترتاحين

 

[حلاتي غير]

شلونكم بنات شخباركم
حلاتي وايطاليه البيبي انتشل ديرو بالكم ترا ينزل على الصدر

هلا زمان ايه والله ادري بينزل بالصدر بس شسوي ويه هالصبيان طايحين فيها بوس الله يهداهم والحين انا احطلها البخاخ

 

[حلاتي غير]

اهلا يا زماني ..

عسى ربي يعافي اعيالنا .. انا امي اتقول فججته امس يوم اتبدل له والظاهر انتشل .. الله يستر عليه يارب

حلآلآتي عسى ربي يعافي اعيالج يارب ،

بنات انا بيتنا حر حر حر لاني مانعتهم من السنترال فبسأل !! انا ما احب لبس ملفع واغطي اذوني وراسي فهذا عادي او لا

انا كلش ما البس ملفع قليل البس ونادر كله مفرعه وهمن ابي اعرف انا ما ينزل وياي دم كلش بس اول يومين بعدين

صار قليل وويوم ينزل ويوم لا واللحين صار لي 3 ايام ما ينزل الا قليل جدااااااا اقل من الدوره بوايد هالشي عادي ؟؟

وجسمي يعرق هالشي من صالحي او لا ؟؟؟

انا اكل اداوي وحريصه على دويات النفاس ..

اسإلتي وايد ادري !! بعد ابي شي يفتح المنطقه اللي خبركم شنو !! ابي شييييييييييييييييييييييييييييييييييييييي عجيب ومجرب مابي

شوفي العرق زين للنفاس ويسحبلج ماي الجسم والملفع نصيحه لبسيه ل10 او15 يوم والله انا يوم يتلي الدهانه زفتني قالتلي لازم ملفع راسج كله هوا والدم ماينزل عادي انا وقف بالمره والحين يروح ويرد

 

[دلوعة بنتي]

لولو حبيبتي الله يسلمج انا من دخلت شهري ودكتورتي قالتلي امشي وكثري جماع واكلي رطب وايد وشربي زعفران وكنت اسوي بنصيحتها وطبعا مثل ما انتي عارفة كملت 39 اسبوع و3 ايام وماشفت اي بوادر ولادة .. رحتلها يوم الخميس الصبح وريلي قالها انه بيسافر وعنده دراسة ومايقدر يطول اكثر من اسبوع.. جان تقول الحين افحصها بس ها ابيج تساعديني وتتحملين لان بوسعج فحصتني وكنت مفتوحة بس 1 سم واهي وسعت لي 2 ونص سم وقالتلي عنق الرحم لين وانشالله راح يفتح بسرعة .. المهم قالتلي شنو عندج اليوم قلتلها قص مهر حماي كان الخميس بالليل قالت خلاص عيل شربي بطل خروع بعد ماتخلصون من مشواركم عالساعة 11 وامشي ساعة واذا في مجال خل يصير جماع ونامي الساعة 12 والفير بييج عوار قوي تعالي المستشفى.. قلتلها اوكي

وطلعت من عندها وكان الصبح الساعة 10 مريت الحمعية وشريتلي اناناسة وكلتها وبعدين شربت قلاص ماي زعفران ونقعتلي كف مريم واكلت تمر وايد وقلت حق ريلي بنام الحين ولاتقعدوني حق غدا وحاولت اني انام طبعا ماقدرت وقعدت اقرا سورة مريم وبعدين شغلتها بتلفوني ونمت .. قمت المغرب صليت وتبخرت بقشر بصل من تحت .. لووول وبعدين تسبحت وبدلت ملابسي ورحنا العزيمة وكان معاي عوار خفيف وايد خفيف لانها موسعتني .. وانا بالعزيمة شافتني عمة زوجي قالت شكلج موصلة واليوم بتولدين واذا تبين تعالي ادهن بطنج وانشالله الليلة تولدين .. طبعا ماصدقت انها اقترحت علي لان انا سامعة بناتها كلا يمدحون ايد امهم انها خفيفة ومن تدهنهم يولدون .. رحتلها ودهنتني وقرت ايات واهي تدهن وقالت روحي البيت تسبحي ونامي..
طلعت من عندها الساعة 11 ورحت البيت شربت خروع بطل كامل وحاولت انام ماقدرت لين الساعة 3 بدا معاي مغص واسهال وتكرمين كل شوي حمام .. وعقب الساعة 3 ونص بدا معاي عوار الطلق .. بس مو وايد قوي يعني كنت اقدر استحمل بس نزل علي دم تكرمين فقلت حق ريلي خلاص ودني ماحب اجازف وانطر .. ورحت المستشفى فحصتني مالت الطواريء وقالت عادي اوسعج اذا في مجال قلتلها اوكي فحصت ولا اطلع 3 ونص ووسعتني لي 4 ونص وقالت يالله ماما سوي اوراقج دخووول .. وناسة انا ماصدقت وريلي يقول الحمدلله والشكر قالولج ولادة ماقالوا ولدتي لووول .. المهم دخلت الولادة وزاد العوار من الخرعة طبعا.. وحطولي حقنة شرجية واففففففففف اول مرة اجربها عذاب ركضت عالحمام قعدت فيه ربع ساعة وطلعت ويزيد العوار .. وتيي تفحصني بعدين قالت 5 وببط جيس الماي بطو جيس الماي والطلق زاد اكثر واكثر .. وانا انفتح طبعا بس الدكتورة قالت الحين بحط طلق صناعي شوي عشان يسرع ولادتج وحطتلي الطلق بالدرب وزااااد العوار وطبعا فرق بين الطبيعي والصناعي بس همن الحمدلله عالاقل بس اخر شي حطولي طلق صناعي اهون شوي وولدت بالسلامة الصبح وشفت ولدي ونمت .. وطبعا صج حسيت باللي يقولون طلق الولد حامي يعني ورا بعض مو نفس البنت .. بس هم رحمة ان كلشي يصير بسرعة مو مثل البنت كل شي بطيييييييييء

وبس الحمدلله الحين الدور عليج ويارب تكون ولادتج بطلق طبيعي وسهالااااااااااات يارب