@@يوميات حلاتي غير وشيوخه الحلوه وحبايبهم بفترة النفاس حياكم الله شاركوناااااااا@@ا

[عيون عجميه]

اهلين عبث طفلة وناعمة

 

[Coffee-Girl]

ناعمة العووووووووووووووووود حبيبتي ولهت عليييييييييييييييييج وينج من زمان ما دخلتي التجمع والله لج وحشه

 

[ناعمه العود]

يعطيج العافيه

 

[عبث طفله]

مادري ماما سوته لي ..
سوي سيرج وتحصلين طريقته ..


اهلين عيون

سوي حمام مغربي لاتجي صوب بطنج وظهرج من تحت اخاف مو زيييييين باجر ينفتح الخياط لاسمح الله والمغربي معروف قوي تفريكهم

والاحسن لاتسوين خليه بعد جم شهر

 

[ناعمه العود]

فيهلا عيون عجميه
وكو شخبارج والله المنتدى دايما يعلق

 

[عيون عجميه]

عبث تخيلي من عقب عمليتي ما تسبحت الا مرة وحدة
لان الجرح التهب ومنعني من السبوح
قبل امس كان عندي موعد وقلت دكتور مو حاله ابي اتسبح
قال اوكي
اطلع الاربعاء واشيل خيوط عمليتي الاربعاء
اجر انشاء الله بالحمل تعبت والولادة مت وحييت

 

[عيون عجميه]

ناعمة دقيت على صيدلية الجابرية ويقول الدكتور فيه تحاميل تضيق
اسمها فولد سنج ب12 دينار

 

[عيون عجميه]

عبث ابي فمصان حلوة وغريبة وين القاهم

 

[عبث طفله]

عيون بقولج شي بس ابيج تدعييييييييييييييييييييييييييييييلي


حطي على جرحج هالخلطه .. قفشتين عسل قفشتين ام الكركم تلقينها عند الحواج وقفشه زيت زيتون وحطيها على النار وحركيها لين تمتزج مع بعض وحطيها بعلبه لابرد امسحي على جرحج اربع مرات باليوم وبالليلقبل لاتنامين حطي ميبو وفوقه خواجوا ..

امي قبل والدة قيصري وسوت هالطريقه وماشاء الله خلال اسبوع التئم الجرح وتقدر تتحرك .. انا جربت الخلطه مالت العسل مع خياطي من تحت والله ماشاء الله ما اجذب عليج قدرت اقعد من سادس يوم قبل ما قدر اقعد على جرحي اموت لاقعدت بس افرك من الالم ..

وان شاء الله اجر ياقلبي .. سوي هالطريقه وادعيييييلي

 

[عبث طفله]

والله انا طلبت من ماريمار معانا بالمنتدى حلو شغلها بس غويلي شوي .. وفيه موقع توني طايحه عليه http://www.ranastore.com/ دشيه عجييييييييييييييييييييييييييييب
تخيلي شفتي القمصان اللي برنا ستور والله العظيم شريت نفسهم من النقره غاليات انقهرت قلت ياليتني شفت الموقع اول والله نص السعر تخيييييييلي

 

[ناعمه العود]

البيتادين تضيق زينه حيل تهون الصوت لالي طلع هوا ابي اتبخر بقشره بصله مع بخور

 

[ماسة الاسلام]

قوه بنات

كيفكن

قلبت عشتوا أبي ادلع نفس لبنانيات عشان افتح نفس ابو الشباب:wqedqw:

ما ظنيت بيشوف الكرشه بتنسد نفسه

بنات امس ما جاني عوار مو طبيعي ضربني بجنبي بغيت امووت منه

وشسوي عفيه على الهوا احس هوا يطلع مني مع اني مو والده طبيعي

 

[أنشودة المطر]

هلا بناااااات شلونكم كلكم ؟؟؟؟؟؟؟؟؟؟؟؟
وحشتوني والله وايد وايد
بس لأني انصدمت في حياة مابعد الولادة وغرقت مع ولدي في بحر ماله نهاية ماقدرت حتى أدش أسولف معاكم
أصلا مو قادرة حتى أحك راسي وماني مستوعبة شلون كل هالنسوان صاروا أمهات وتحملوا كل هالتعب والسهر والمسئولية
الله ياجرنا وياجركم يارب



طبعاً الإنجاز الأعظم بالنسبة لي كان اني أنا (أكبر خوافة من الولادة في التاريخ) قدرت اني أجتاز هالتجربة وأولد طبيعي!!!
ماتخيلت يجي يوم وأقدر أقول اني ولدت وجربت الولادة :eh_s(1):
طبعاً استخدمت ابرة الظهر اللي أقل ماينقال عنها انها روووووعة وررررررحمة وعجييييييبة
بس مع ذلك كانت ولادتي متعبة لأن ابرة الظهر ماتنعطى الا لما توصلين 4 سم وأنا قعدت أطلق من الساعة 7 بالليل الى ثاني يوم الساعة 10 الصبح عشان أوصل 4سم ... وكان الطلق عذااااب وقوي والله ..وبين كل طلقة والثانية دقيقتين بس! ماتصورت ان الألم بيكون جذي وأنا توني 4 ... وقعدت أتخيل لو اني واصلة 5 و6 و 7 ..... و 10سم شلون بيكون الألم لولا الابرة؟؟؟؟؟؟؟؟؟؟ وعقب الابرة الحلوة قعدت أطلق بدون ألم من 10 الصبح لحد 8 بالليل لما شرّف ولدي حبوبي بفضل الله

المهم ان الولادة تمت على خير ولله الحمد وطلع ولدي بس مشفوط لأني ماقدرت أدفع وايد ، ومع اني خذت ابرة الظهر بس بعد كرهت الولادة وحدي متخرعة وأفكر شلون بكرر هالتجربة


المهم بنات عندي أسئلة الله يخليكم جاوبوني عليها لأني هبلة ومحتاسة

أولاً ولدي وهو نايم تجيه حالات أنا أتخيلها مثل الطلق لأنه يكون نايم بس كل خمس أو عشر دقايق يقعد يتلوى ويتعصر وبعدين يطخ وينام وهكذا ... هذا شنو معناته؟ غازات ومغص ؟؟ زين عطيته ماي غريب بس لازال يعاني ومادري شسوي له كاسر خاطري

ثاني شي بنات الخيوط مالت الجرح تحت المفروض تطيح من نفسها بس أنا الحين قريب أكمل 3 أسابيع والخيوط للحين موجودة... عادي هالشي؟ مالي خلق أروح الدكتورة وتتعبث فيهم

ثالث حاجة ليش الرضاعة تعووووور جذي وايد كنت متخيلتها شي حلو بس اطلعت عذاب ومسمية ولدي الله يحفظه "الفك المفترس" والله صرت اخاف منه لا جا يرضع يعووورني ومنتف حلماتي

رابع شي هل انتوا تلتزمون بموعد مابعد الولادة اللي المفروض نروحه في الاسبوع السادس لاني سمعت ان لازم تسوي الدكتورة فحص مع بوز البطة وتاخذ مسحة وانا عمري ماجربت البطة بس خايفة ومالي خلق شبعت عوار وفحص وتوسعة في ولادتي وعشان جذي ابيكم تشجعوني اطنش وانحاش من الفحص :ggdw:

وخامس شي والأخير ... بنات عندي سواد في بطني ورقبتي ومنطقة الخطر .. طبعا كله سواد الحمال وماني عارفة هل بروحه بيروح؟؟ وشكثر ياخذ عادة عشان يروح؟ والا لازم أسوي وأحط أشياء؟؟ عطوني نصايح بليز :eh_s(1):


أدري وايد هذرت وغثيتكم وهذا كله لأني غرقانة مع ولدي وقاعدة أكتب اللي أقدر عليه مستغلة انه نايم نومة مؤقتة وماراح تطول طبعاً


ان شاءالله أرجع لكم لما تنتظم حياتي وأسترجع نفسي لأني أحس اني ضيعتها !!!!!!!!

 

[ناعمه العود]

حمدالله على سلامتج وماتشوفين شر ومبروك ماجاج

 

[ماسة الاسلام]

اهلين انشوده شلونج

مبروووووووووووك الف مبرووووووووك

عاد حدج خوافه يوم كنت تسولفين بالتجمع

وكل الي الاسئله الي ذكرتها ما عندي خبره لاني والده قيصري

ان شاء الله باقي البنات يفيدونج

بس السواد اقضي عليه الحين بالخلطات وسنفره والذي منه

وتطلعين من الشر ان شاء الله

 

[ماسة الاسلام]

ناعمه شلونج

انتي قاعده

متى تطلعين من الاربعين

وجهزتي ولا للحين

 

[ماسة الاسلام]

بنات استغفر الله احس طالعه من المله:krkrkr:

مافي صلاة

متى اطهر زهقت

 

[أنشودة المطر]

حمدالله على سلامتج وماتشوفين شر ومبروك ماجاج

هلا والله ناعمة الله يبارك فيج ويسلمج
وحمدالله على سلامتج انتي بعد ومبروك ماياج حبيبتي
عاد ماقلتي لنا انطباعج عن الولادة دام بجرية مثلي .. قصدي كنا بجريات :eh_s(6):

 

[أنشودة المطر]

اهلين انشوده شلونج

مبروووووووووووك الف مبرووووووووك

عاد حدج خوافه يوم كنت تسولفين بالتجمع

وكل الي الاسئله الي ذكرتها ما عندي خبره لاني والده قيصري

ان شاء الله باقي البنات يفيدونج

بس السواد اقضي عليه الحين بالخلطات وسنفره والذي منه

وتطلعين من الشر ان شاء الله

هلا حبيبتي ماسة
ربي يسلمج ويخليج ويبارك فيج

حمدالله على قومتج بالسلامة وربي يعوضج كل خير يالغالية ويرزقج الذرية الطيبة الصالحة ياااااارب
الله يجعله كله أجر وصلاح لج ن شاءالله

وأنا اي والله صدقيني محد صاده رعب وهوس الولادة كثري في تاريخ البشرية ماتتخيلين شكثرررر
عشان جذي مو مستوعبة اني سويتها وولدت حالي حال العالم

يله الحمدلله على كل شي واحنا النسوان هذا قدرنا اللي مامنه مفررررر

مشكورة على الرد حبيبتي ويارب ولادتج الياية تكون طبيعية وسهالات عشان يصير عندج خبرة
,, وهذاني أنطر البنوتات يعطوني وصفات وخلطات

 

[أنشودة المطر]

يله أنا حفلتي ابتدت

أشوفكم على خير كلكم

وسلامي للكل بدون استثناء