يوميات حملة {كيكات العيد} احلى عيد

[يعني كذا!]

حطيت على فيسي ماسك الزبادى والحلبه
بغسله وبحط كريم ايون تيلندى
ورموشي فازلين
وصنفرت يدى قبل انام ان شاء الله بحط خلطه عليها
والخطوط بحط زبده الكاكاو
وبث

 

[همبرغر]

شلونكم يا كيكات

وين الحماس


انا اليوم مافضيت كلش ضيوف وغيره وسويت عناية خفيفه
فرشت أسناني واستخدمت الغرغرة وعيوني كحل اثمد ويديني فيتامين سي وبردت أظافري وشفايفي عسل ورياضه خفيفه وماي وعصير فرش وقريت شوي من القرآن وبس

 

[همبرغر]

أي نسيت بعد فيسي غسلته بمقشر جونسون ورطبته بكريم جونسون




بنات أحس بعوارت اللي بالي بالكم من أولها بتسلط علي وتخرب علي اهئء

 

[همبرغر]

ونسيت أقولكم أقروا أذكار الصباح والمساء

حملتنا بدون زعل بارده وحملة جميلات العيد شفت جم وحده انسحبت وأهملت وأحنا مثلهم فأنا أقول لو تكلمون المشرفة ومسؤولة حملة جميلات العيد و تدمج الحملتين مع بعض وننضم للجميلات العيد أحلا لأن في جم وحدة بالقروبين نشيطات وأحلا لو ندمج شرااااايكم ؟

 

[#الخشف#]

اناا معاج همبرغرر لو تندمج افضل...

هذا اول يوم واحس القروب هااادي

 

[#الخشف#]

عنايتي اليوم،،

حطيت مقشر لجسمي

وتسبحت بشور جل من بودي شوب بالشاي وهالشور جل خاص للقضاء علئ الحبوب اللي تطلع بالجسم..

وجهي غسلته بصابونة الببايا

وبعد الحمام حطيت كريم فيد اوت لوجهي ورقبتي

كريم اكرتين حطيته للمناطق السمرا بجسمي لانه مقشر

باقي جسمي حطيتله زيت لوز مر وجلسرين

القدمين حطيتلهم فازلين مع دم الغزال شوي عشان تطلع ورديه

وبسس

اتمنئ القئ حماااس من الحمله

 

[فراولةksa]

غسلت من الزيوت بالصنفره والحين غسلت وجهي بالبابايا وحطيت الخلطه
وجسمي حطيت له خلطة الجليسوليد
ورطبت شفايفي

 

[فراولةksa]

بنات نبي بعد اسبوع ندخل في وقت معين وكل وحده تقول لاحظت تحسن ولا لا

 

[Dr.rooz]

السلام عليكم ، يعطيكم العافيه بنآت
شدوا همتكم نبي نتغير نبي نشاط و حيويه نبي كيكات صج صج
و الي م تصير نشيطه راح اعصب عليها >

أنا ب كمل معاكم إن شاء الله و شوي بنزل جدولي و باجر ب اذن الله ابدي اليوميات
و لي منكم طلب تكفون ادعولي الله يسهل قبولي ب الكليه الي ابيها

 

[فراولةksa]

آميييييييييين الله يحقق لك ماتتمنين يا روووووز وتكفين عن جد عصبي عليهم ما أدري وش فيهم البنات نايميييييين

 

[sverige]

سنفرت بالفرارله بعد ماضفت عليها اسكوربك اسد
بس كنت تعبانه كلللششششش
فمطولت راسا غسلت وطلعت وملحقت حتى اخلي زيت او كريم
وحاليا ارضع ابني وميته تعب

 

[Dr.rooz]

آميييييييييين الله يحقق لك ماتتمنين يا روووووز وتكفين عن جد عصبي عليهم ما أدري وش فيهم البنات نايميييييين

و لج ب المثل يآرب ، افا عليج أنا رديت عشان الي م تلتزمم ألحقها ب العصا إذا اسمحت لي طبعا اخيتي صمت العذاري :eh_s(22):

 

[فراولةksa]

مرحباً يا كيكات الحين حطيت مقشر ريتن على وجهي اخليه ساعه واغسله
وحطيت خلطة زيوت على جسمي

 

[يعني كذا!]

امم دهنت شغرى بدابر غسلته بشامبو وسدر
الرموش بحط فازلين بعد شويات
شقرت ارجولى واليد
رطبت جسمى كله

 

[#الخشف#]

حياج الله فوز بتنور الحمله بردتج..

عنايتي اليوم

دابر املا علئ شعري نص ساعه

ليمون على وجهي ورقبتي نص ساعه

بعدها شور

استخدمت مقشر لللتفتيح والتبييض للجسم

وتالي غسلت بشور جل من بودي شوب بالشاي

وجهي ورقبتي صابونة ببايا

بعد الاستحمام:
دهنت ركبتي والاكواع باكرتين مقشر

وايديني واقدامي بكريم دبل وايت

وجهي ورقبتي فيد اوت ...

للحين احس نظامي خفيف..

ان شاء الله الايام الجايه بدورلي خلطات للتقشير للجسم والتفتيح..

 

[#الخشف#]

بنات فضلا ليس امرا ياريت اللي تكتب اسم كريم تكتب فايدة الكريم

مثلا بعنايتي كتبت كريم اكرتين مقشر...

عشان نقدر نستفيد من عناية بعض

وشكراااا...

 

[صمت العذاري]

و لج ب المثل يآرب ، افا عليج أنا رديت عشان الي م تلتزمم ألحقها ب العصا إذا اسمحت لي طبعا اخيتي صمت العذاري :eh_s(22):

هلا والله شلونك منوره الحمله طبعا مسموح لك الحمله حملتك
والله يوفقك ان شاء الله

 

[مـهـاآ]

مساء الخير

طبعا عشان الحلوه مشرفتني فعنايتي خفيفه

وجهي فير اند وايت / ماي ورد / تونيك غارنيه
ايدي غسلتها بصابونيه الزين ورطبتها بجرجنز
شفايفي لابيلو
تحت عيني رول غارنيه
طبعا العنايه الداخليه احاول اهتم واشرب اشياء دافيه

 

[Dr.rooz]

مساء الخير


صمت العذاري حبيبتي النور نورج <3

حياتي الخشف النور ب حضوركم <3


اولا شيء اهدافي ي كثرهآ بس عسآني احققهآآ

* الوجه :

- قاعد اعالج حب الشباب عند الدكتوره و بلتزم ب العلاج إن شاء الله ،
الهالات السوداء بستخدم لهآ شرايح الكيوي و البطاط و الخيار و الجاي كل يوم شيء و كريم بيبي فيس شاريته من التاجره bk جربته و الحمدلله مو منتهي هذا عجيب يعطي نظاره مو طبيعيه بس لاني اعالج بشرتي ف امي محذرتني م استعمل الا علاج الدكتوره و النضاره ماسكات راح اذكرها ب اليوميات و ع المزاج بحط زيت لوز و زيت جنين القمح و غسول ب علبه خلطت ربعها شامبو جونسون للأطفال و الباجي ماي و مرش ماي الورد و مرطب طبي من المستوصف خالطته مع ماي ورد و بسوي مكعبات البقدونس .

* الجسم :

اول شيء طلعت لي حساسيه فجاه بعالجها ب زيت مقري و سدر و شريت صابونيه مزيونه بجربها مع خلطه كريمات من تأليفي و سنفره مشمش و قبل كل شور احط اي نوع زيت و اسكينول و بيبي جونسون اويل حق الشور السريع .

* اليدين و الرجلين :

الرجلين فازلين و زبده الكاكاو و بديكير و منكير و عندي مقشر من بودي شوب و مره ب الاسبوع احط فازلين مع دم الغزال شويه عشان التوريد .

اليدين خلطه كريمات بتجربها عمتي فيني و خلطه كريمات من تأليفي و سنفره مشمش يوم و ترك .

* الشفايف :

تقشير ب زيت الزيتون و السكر و خلطت زيت زيتون و فازلين و دم الغزال و مرطب لابيلو .

* الاظافر :

خلطه الملاك و زيت زيتون و عصير ليمون .

* الشعر :

اسبوع حنه اسبوع سدر و يوم ب الاسبوع ماسك راح اذكره ب اليوميات و امبولات ايفا ب الصبار .

* المنطقه الحساسه :

زيت اللوز المر و زيت الجلسرين و مرطب بيبانثين و سودو .


* الدآيت :

ابي انزل 10 كيلو ابي اوصل ل 50 لاني قصيره حيل و بركب جهاز الجري ساعه يوميا .

العنايه الداخليه :

بكثر ماي بألتزم ب فيتاميناتي و بشرب عصاير فرش و اكل روب و جزر و خيار .


العنآيه الروحيه :

ب اختم القران ان شاء الله كل اسبوع + طول اليوم استغفار + صدقه و ذكر + راح أقرآ كتاب شاريته من فتره و م قريته ناويه ان شاء الله اني ألتزم عشان اتثقف أكثر .


و الله يوفقنآ ي رب و نححقق الي نتمنى <3

 

[Dr.rooz]

مشرفآتنآ العزيزآت

إذا ممكن تعطونآ تثبيت عشآن نتشجع أككثر و نتنآفس مع جميلات العيد $: