يوميات فتاه عصلاء! - شجعوا عن النحاسه:)

[عود جبريت]

السلام عليكم ورحمة الله وبركاته

اسمي : عود جبريت
العمر : 19 سنه
الطول : 158
الوزن : 41 - 45 اعلى شي

الهدف : مو رقم أبي شكل مايهمني جم راح يكون وزني عالميزان.. ابي اشوف شكلي وابي احبه
ابي اذا لبست بدله قاطه فيها بلغ وقدره يبين ابي انا احلي الملابس!

انا اضعف وحده بالعايله بس شكل جسمي حييييل حلو انا عاجبني والكل يقول
بس المشكله مو بتوزيع جسمي المشكله بالاكل اللي آكله ولايبين.. ليش يعني بفهم آانا؟!!!:d

شنو جربت عشان اوصل الهدف المذكور اعلاه :

اول شي جربته الصينيه : شقول شخلي طلع جمالي .. ملامحي برزت صرت انثى بعدين تركتها ورديت مثل ماكنت وعقب قالوا انها مو زينه وقلت اهم شي الصحه والله ستر اول مره الحمدلله

ثاني تجربه قاسيه : بودرة جيفيرال الككاو : خلصت كل المغلفات ولا حياة لمن تنادي!

ثالث تجربه : موسيقور.. مادري نمت وايد وماعجبني الوضع وهديتهم

رابع تجربه : حبوب الجنسينغ من الصيدليه كلها فيتامينات والحبه شكبرها : فادت شعري واظافري بس متن نوو

خامس تجربه : سيبروفيتا.. نمت اول الايام بس عادي كان عطله وماكو شغل وبدت الدوامات وصرت آكل بشكل مو طبيعي يعني اتغدا مرتين واتعشى مرتين و24 ساعه بلع بهالخرابيط وزدت 3 كيلو باسبوعين تقريبا

بعدين مليت منهم.. بسرعه يخلصون ومو دايما القاهم بالصيدليات!

الحين طالبه دوا ام مسفر.. كليته بأول العطله وبنتظام قلت ماكو لف ودوران التزم يعني التزم!!
اهيا 3 مرات مع قلاص حليب.. انا كنت اشربها بس عالريج الصبح
امبييييه اتينن طعمها حلوو عجبني وصرت اهبل بين شويه المتن بس كان شكلي حلوو

والحين الخلطه مقطوطه بالثلاجه ولامريت صوبها.. زهقت والله انا بسرعه امل

..... اكمل فيما بعد دخت الحين!
تـــابعوني وشجعوني بالعربي كسبوا اجر فيني​

 

[العجميه سبشل]

هلا حبابه


يلا انا اشجعج وانتي شجعيني


انا نفس الشي تقريبا جربت كل شي

بس مليت من الادويه والاعشاب والحليب

ابي اكل نفس خلق الله

انا مشكلتي مااشتهي الاكل

انا عمري 28
وزني 40
طولي 153
هدفي الاول 45 وبعدين نتفاهم شكثر ابي امتن

 

[عود جبريت]

رد : يوميات فتاه عصلاء! - شجعوا عن النحاسه

هلااا والله بأول مشجعه لي

وناااسه حدي مستناسه

يالله خلي عددنا يكثر وراح نشجع بعض وانا بكتب كل يوم شيصير معاي جوود نلقى حل ملييينااا ياناس

لي رجعه.. وان شاءالله ارجع بكيلو زياده

تــــابعوني ولاتنسوني

 

[Joy close]

رد : يوميات فتاه عصلاء! - شجعوا عن النحاسه

وعليك السلام والرحمه
ماشاءلله عليك دام شهيتك مفتوحه سوي تحليل يمكن فيك ديدان لاسمح الله وعقب العلاج راح يزيد وزنك ان شاءالله
انا حاليآ اجرب موسيقور صدق تنوم بشكل فضيع بس تفتح الشهيه انا ماشتهي كلش :eh_s(2):
يارب تسمن كل عصلا وتخليها تحلي ملابسها يارب ​

 

[عود جبريت]

رد : يوميات فتاه عصلاء! - شجعوا عن النحاسه

هلا بمشجعتي الثانيه

لا ياقلبي والله مسويه تحاليل شامله وتحليل غده والحمدلله سليمه

بس انا اعصاب يعني احرق اعصابي على اتفه شي ومعروف ان المتن مايصير الا بالراحه النفسيه والاسترخاء

شنسوي بعد هذي طبيعتي بحاول اغيرها وبقولكم عن نفسي اكثر عشان تفهمون معاناتي عدل مدل

فديييتكم;***

 

[حرم محمد باشا]

انا بعد المشجعه المادري جم خخخخ

لا وابشركم اضعف منكم .. لحد يحرجني ويقولي جم وزني !!

جربت كل شي .. كل اللي ذكرتيهم جربتهم بس انا نفسج امل بسرعه وما استمر على الشي فتره طويله

يقولون لازم وقت عشان يتعود الجسم ع الاكل والمتن

وانا الحمدلله سليمه بس مادري شسالفتي مليت ابي اشويه كيلوات مو طماعه كلش !!

 

[جنا الخليج]

رد : يوميات فتاه عصلاء! - شجعوا عن النحاسه

انا بعد وياااااااااااااكم شجعوني وشجهكم عالبلعه لوووووووووول

انا بعد اعلى وزن وصلتله 40
طولي 149
عمري 21

الهدف الاول : 45

وياااااااااااااارب تمتن كل عصلــــــــــــــــــــــــــــة

(( بصحه وعافيه )) اهم شي

 

[عود جبريت]

رد : رد: يوميات فتاه عصلاء! - شجعوا عن النحاسه

انا بعد المشجعه المادري جم خخخخ

لا وابشركم اضعف منكم .. لحد يحرجني ويقولي جم وزني !!

جربت كل شي .. كل اللي ذكرتيهم جربتهم بس انا نفسج امل بسرعه وما استمر على الشي فتره طويله

يقولون لازم وقت عشان يتعود الجسم ع الاكل والمتن

وانا الحمدلله سليمه بس مادري شسالفتي مليت ابي اشويه كيلوات مو طماعه كلش !!

هلا بمشجعتي المادري جم

حتى انا والله مو طماعه حتى ماقلت جم الرقم اللي ابي اوصله بس ابي يكون شكل جسمي مناسب
انا اماكن الانوثه احم اللي فيني الحمدلله بارزين بس باجي الجسم لااا عصله ماكو شي ولاحتى خدود :eh_s(14):

يااارب نمتن كلنا بصحه وعافيه ادعوا برمضان ماعلى ربي عسير

 

[عود جبريت]

رد : يوميات فتاه عصلاء! - شجعوا عن النحاسه

انا بعد وياااااااااااااكم شجعوني وشجهكم عالبلعه لوووووووووول

انا بعد اعلى وزن وصلتله 40
طولي 149
عمري 21

الهدف الاول : 45

وياااااااااااااارب تمتن كل عصلــــــــــــــــــــــــــــة

(( بصحه وعافيه )) اهم شي

وناسه صرنا وايد

كلنا تقريبا بحدود الاربعين طاحسين عند هالرقم نبي خمسين مايصير يعني

ان شاءالله توصلين هدفج ونوصل كلنا للي نبيه! محد حاس بمعاناتنا الا رب العالمين نكسر الخاطر والله

 

[عود جبريت]

رد : يوميات فتاه عصلاء! - شجعوا عن النحاسه

يالله خل اقولكم عن بعض من مواقفي اللي صارت بسبة العصقله اللي انا فيها :d

الله يسلمكم انا سبق وذكرت اني اضعف وحده بالعايله شباب وبنات كلهم امتن مني حتى اللي بالمتوسط شكلها اكبر مني

بما انه فيه وايد من بنات جيلي نفس طقتي حسيت انه عادي شنو يعني واذا عصله الكل جذي!

بس بعدين الناس قامت تحلو وكل البنات تغيروا اشوف فلانه اللي قبل تلوع الجبد جنه يايبينها من مكتب خدم صارت شزينها والكل ميت عليها واشوف علانه اللي كانت جلد على عظم الحين خدود وارداف وفخوذ وكل من يمدح فيها!!!!

ليش زين ليش انا غير ليش هذا حالي من انولدت للحين بدش العشرين وانا جسمي جسم ام 14 سنه!

اولا : الحمدلله على الصحه والعافيه دايما اقول اهم شي اني بصحتي وعافيتي اقدر امشي اقدر اركض مو ناقصني لاعين ولاخشم ولاحلج وحااامده ربي مليون مره على خلقه لي وماجحدت النعمه وعاجبني شكلي

بس النااااس ماترحم طنازه ورى طنازه جنه شي بكيفي! ما اقول الا الله يعين بس

عقبها قمت اجرب كل شي ابي اتغير.. ادري اني حلوه والكل يقول وراضيه بشكلي بس ابيه يبين اكثر النحافه مخليه ملامحي خايسه اوووف ابي جمالي يبين حرام والله

وانا كشخه وذوقي حلو بشهادة الجميع بس احس انه البدله الحلوه جسمي يخيسها!

والعروس ما اروحلها كلش ماحب احس هناك الحريم الكبار بيطالعوني بنظرات لانهم مايحبون البنت العصله! مالت عليهم

فيه ناس وايد تقدمولي بس انا ارفض مابي اتزوج وانا شكلي جذي!!! مابي ادبس الريال فيني

يارب امتن قولوا آمين
يارب ارزقني انا وخواتي العصلات بقوة الاراده.. ياااارب

لي رجعه..
تـــابعوني وشجعوني واذا فيه مجال سلفوني كيلوات

 

[جنا الخليج]

رد : يوميات فتاه عصلاء! - شجعوا عن النحاسه

لووووووووووول حياتي عود جبريت
افا عليج بنتابعج ونشجعج بس سلفه كيلواات مااكو لوووووووول

حياتي مايصير ترفضين اللي يتقدمولج !!

انتي شدراج في ريايييل وااااااااايد يحبون الضعف وعندهم احلى انا خواتي كلللللللهم ضعاف وتزوجوا واذا متنت اختي ريلها يقولها وييييييع لا تمتنين ما احب المتن يحب جسمها يقولها نفس اجسام الامريكان رشااقه

بس مو لدرجه العظام !! لا بس الرشاقه حلوووه احنا نبي بس جم كيلوو يوصلنا للرشاقه

واذا تقولين اللي عمرهم على 14 شكلهم اكبر منج ؟؟

انا والله اختي كاهيا قاعده يمي عمرها 12 اسمالله عليها وامتن و اطول مني
الحمدلله اهم شي الصحه والعافيه

ويالله كل وحده تكتب لنا نظامها وشنو قاعده تبلع
لووووول

 

[عود جبريت]

رد : يوميات فتاه عصلاء! - شجعوا عن النحاسه

اي ادري انه فيه رياييل يحبون الرشاقه بس مادري احس بطيح على واحد يحب المتينه وانا بنت ما احب التعليقات حدي حساسه حيل حيل بس ما ابين

اوووف انا اليوم نفسيتي صفر مع انه بالعاده بلعه حدي..

اليوم تفطرت تمر وقهوه وسمبوسه دياي لذيييذه وعصير برتقال عقبها شربت شوربه شويه بس ومعكرونيه كثرت منها

وبعد شوي بسويلي حليب وبحط خلطة ام مسفر احس هالخلطه بتنقذني مادري ليش.. يااارب حط الفايده فيها قولوا آمييين

يالله انتوا قولوا خنشهي بعض

 

[جنا الخليج]

رد : يوميات فتاه عصلاء! - شجعوا عن النحاسه

اميييييييييين

انا تفطرت وبعده العسل وحبوب اللقاح واللبن

الحين باخذلي حبه سيبروفيتا مع حليب الصويا بالككاو

عوود جبريت الخلطه شلونها ؟؟ وشنو محتوياتها ؟؟

بالعافيه عليج الاكل

 

[عود جبريت]

رد : يوميات فتاه عصلاء! - شجعوا عن النحاسه

الخلطه الله يسلمج وايد زينه كلها مكسرات اتينن طعمها حلوو وام مسفر تعرف امي وتحبها

شريتها منها بـ20 دينار طبعا عقب مابحثت عنها وقريت تجارب البنات وشفت بعيني ناس متنوا منها شريتها وتوكلت على الله

تشربينها 3 مرات باليوم.. بس انا من العيز اشربها مره عالريج الصبح عجيييييبه تمتن بس مو تفخ لا متن من الحليب والمكسرات تبين بالويه صحه

والحين رمضان احس ماكو وقت اشربها لانه اتفطر وعقبها اطلع سيده وما ارد الا دايخه مالي خلق اسوي شي وفجأه حاطين السحور

اليوم لقيت وقت وبسويها حرام اظلم نفسي جذي لازم اجتهد شوي عالاقل!

وسبروفيتا عندي بس مادري متردده اكلها مره ثانيه.. شرايج اكلها معاج؟!

 

[جنا الخليج]

رد : يوميات فتاه عصلاء! - شجعوا عن النحاسه

اي اكليها معاي واااايد زينه

انا اكلها تفتح الشهيه بشكل مو طبيعي

وياااااااارب نمتن يا عوود

 

[عود جبريت]

رد : يوميات فتاه عصلاء! - شجعوا عن النحاسه

آميييين يا جنااا

يالله الحين باكل لقيمات وفطاير وعصير

يمكن قبل السحور بساعه اكل حبة سبروفيتا

يالله الباجي شجعوا او ادعوا لناا

 

[جنا الخليج]

رد : يوميات فتاه عصلاء! - شجعوا عن النحاسه

بالعافيه عليييييييج عوود

عاد القيمات والفطااير تمتن واااايد

اي اخذيها قبل الاكل

وين الباجي؟؟

 

[**روان**]

حتى انا
حتتتتتى انا عصاقل !
طولي 158 و وزني بالكثير 45 و خرده :|
ابي ازيد 5 كيلو فقط لا غير و ماني قادره ازيده :23_asmilies-com:

 

[جنا الخليج]

رد : يوميات فتاه عصلاء! - شجعوا عن النحاسه

روان ان شاء الله تزيدين 5 سهالات

انا احس اول 5 كيلوات سهله بس بعدين الوزن يثبت

بس مو بكيييفه لازم نزيده غصب لووول

خليج معانا تشجعينا ونشجعج

 

[بنت ال q8]

قوة شلونكم يا بطات>>تشجيع..
اول شيء..~
العمر:17
الوزن:45
الطول:160
طبعا انا كل اللي ذكرتيهم جربتهم..ماا خليت شيء ما جربته€..
وانا من فترة رحت عند دكتور تغذيه وعطاني فيتامينات واهو اللحين ماخذ اجازه وان شاء الله في الزياره الثانيه بيعطيني فاتح شهيه والله كريم وان شاء الله امتن..​