صباحكم ورد
يومي امس تغديت عيش اسمر مع ربع صدر دياية وسلطة وبليل اكلت عندي بيت امي مرق باميا مع قطعة عنونة لحم و3 قفاش عيش مشخول وفلفل اخضر بارد ،، بصراحة مااقاوم اكل امي وايد احبة بس قلت لازم العب رياضة واحرقة وهم عشان لا احس بالحرمان وهذي كمية صغيرة حيل .. لعبت بجهاز الغزال مدة 20 دقيقة بصراحة يتعب حيل بس قلت ميخالف هذا عشان العيش الي اكلته مرتين ..
وبليل ع الساعه 12 حسيت يجووع بطلت الثلاجة ولا روب فيتال بنكه المانجو والخوج كان اخر يوم له وينتهي صلاحيته ف اكلته مع انه كان باااارد والحين بلاعيمي تعورني .. ضاق خلقي كان ودي اكل بسكوته او شي واسد جوعي وانا بس قلت حرام اقطة ،، فيني هالطبع البايخ
اشتري وايد واكودهم بالثلاجة وانساهم بس اول يومين اكلهم وبعدين امل وانساه لحد ما ينتهي واقطة
استغفر الله العظيم ..
والحين بشرب حليب دافي مع هيل
وباكل رقائق العسل حبة وحدة من ارض الطبيعه وعندي نفس الروب مال امس بس بنكهه الفرواله والكريمة رح اخلية سناك او اكله بليل المهم اني لازم اقضي علية اليوم عشان اخر يوم له وينتهي ههههههههههههه
وبشرب شاي اخضر وبس ..
التكملة غذاً بعون الله
اي صج اليوم ودي اكثف الرياضة عشان احرق الي خبصته هاليومين .. وهم علشان الجسم يتعود ع الحركة وبسوي لو 20 دقيقة ترى ينفع ويسوي شغل ..
وقريت معلومة انه الي يسوي رياضة او يمشي
يتم مفعول الحرق عندة لي ثاني يوم وحتى واهو قاعد ع التي في جسمة يحرق بروحه لانه اشتغل عندة عملية الايض الي اهي تسوي معدل حرق دهون عالي
فـــ استانسووا يا رشيقات المستقبل يا سمبتيكات ولا تيأسون رح نحقق هدفنا ورح نبارك ل بعض نزول هالشحوم المكدسة .. خلونا نكشخ بالعيد ونبهر الكل بطلتنا الجديدة ..
ربي يوفقنا كلنا يارب .. واي شي يديد بقولكم عنه ..
زعفوره في هالنوعين بعد اذا حابة تغيرين وانا عن نفسي جربت الاحمر الي مع حب وقمح وبصراحه يشبع وهش ولذيذ حيل
http://www.nogogo.cn/media/images/fit/400x400/1340006345.jpg
