يوميا @ سجلي حالتج النفسيه اهني@متزوجات حيااكم@

[Perfume]

صاجة حبيبتي
حتى لو كافية خيرج شرج
يتكلمون عنج ويعادونج
توي قريت موضوع وشفت رد كلي دلع عالجرح والله
في ناس ماينفع معاهم الا الطرق الملتوية
بس اللي مايعرف لهالطرق شيسوي !

 

[Perfume]

ان شالله يوم الاحد
بروح العمرة
محتاجة راحة نفسية

 

[Patcholli]

بيري انا ماكنت اعرف ارد الصراحه
واكتشفت ان هالشي غلط
مو شرط ارد رد جارح بس ارد بكل صراحه وحقانيه
ليش اخلي بقلبي وارد البيت اكل بروحي
لا غلط
بالعكس افضي الي بقلبي كله جدام الشخص الي مظايقني
عاد كيفه بيزعل ولا بيرضى
المهم ان كلمة الحق تنقال وبكل صراحه عشان حقج لا يضيع

 

[Patcholli]

حبيبتي بيري تروحين وتردين بالسلامه ان شاء الله والله يتقبل يارب

 

[Perfume]

الله يسلمج باتشو حبيبتي

 

[كليـ دلعـ]

بيري

والله بحياتي ماسويت طرق ملتويه ولااعرف لهاا

واحب الصراحه لوفيها دمااري احس من داخل اكون

مرتاااحه وراضيه ! يشهد علي الله

لكن وانا اقرا موضووع هالفقيره طرت ع بالي هالحركه

والطريقه الملتويه !

لان ساعاات يقوولون

ودااوها باللتي كانت هي الدااااؤووو

عرفتي!

والا انا والله ماجربت بس الظاهر بسوي

النيه السليمه ماوكلتنا عيش! كل خمال فيناا!

ماكو الا نتلووت! ​

 

[Patcholli]

لوووول كلي دلع الرياييل يبيلهم وحده عالحبلين
اتيننهم مره صريحه ومره غامضه
مره قطوه ومره ديناصوره
مايبيلهم وحده كتاب مفتوح وكلشي تقول
خليه يحتار ويستخف ومايعرفلج
خل اين <<< انتي لو اتقومين تخمدين وايد ابرك من هالنصايح
مووو

 

[كليـ دلعـ]

هههههههههه

تنامين هالحزه ! ش سالفه!


باتشوولي

اي خبري جهاد الرياييل بالحرب

وجهادنا احنا بمجابلهم خخخخخخ

الا اقوول

موجنه براا غيم ومطر وبردي!؟ والايترااواالي!؟​

 

[ام الدرر]

السلام عليكم
الحالة النفسية
هدووووووووء وريلاكس
الحمدلله

باتشولي
حبي مثل ما قالت ام زوز لا تشوفين اخبار ولا تفتحين روابط واتس اب
والله انا تصدقين اقول هالناس ليش مختبين وليش هالمسجات والخوف والاستنفار
طلع لاني عودت نفسي ما افتح روابط ولا اسمع اخبار او اشوف برامج سياسية
اقرا الجرايد واعرف الاخبار من التويتر من ناس ثقة واؤمن برجاحة عقلهم
وبس
والاهم الاتكال على الله بحسن تدبيره وتقديره للامة الاسلامية
ام الدوام والحموله
طناش جابلي شغلج وابتعدي عن قعداتهم واذا عندج وقت فراغ النت مايقصر افتري فيه ليما يخلص الدوام
وريلج نصيحه خليه جذيه ع الاقل باجر ان شالله مع العيال يتحمل المسؤولية وياج بالتربية ومجابل التدريس

ام زوزو
ان اللي يغثني بزوجي الله يهديه
البرود المو طبيعي اتصور يتوزع ع البشر ويفيض في كل شي مو بس شغل البيت
حتى ردة فعله للامور بطيئه وكلامه بالقطارة
واذا تناقشت وياه بمشكلة بيننا او موضوع
يلف وبدور ويطلع برا الموصوع ياويلييييي فيه عرج مصاروه
اذكر تقولي اختي الكبيرة اول ماتزوجنا احمدي ربج انه بارد لاني كنت عصبية وحاره ومافيني صبر
تقول لو هو نفسج جان كل يوم متطاققين
وفيه طبع يعصب على اقل شي
مثلا امس بنتي بالمتوسط عندها اختبار رياضيات وتحتاج الة حاسبة
جهزت الة اخوها من الليل
اخوها بالثانوي قعد الصبح عنده اختبار كيميا اخذ الالة اللي عنده مع انه عنده اله بس يقول هذيك خاصة بالجبر (قعدنا شهر ندورها من محل لي محل )
ماتنفع
المهم قعدنا ندور الة ثانية الصبح ما حصلنا هو نايم وقعد على صوتي التفتيش بالادراج
ولما درى على طول قام ولبس
وطلع يدور لها
الحمدلله حصل ووصلها لنا عندباب المدرسة
بس طبعا النفسية x طول اليوم
الحمدلله تعودت على طبعه واعرف دواه اطنش لما يطيح اللي براسه ويرضى بروحه
يووووه ام زوز
غيض من فيض على قولتهم


اما ابو زوز
انا اهدد اذا ما سوا الشغل انا اتصل ع العمال واخليهم يجون اذا شي يحتاج تصليح
و احيان ينفع واحيان لا
مالنا غير الصبر حبيبتي​

 

[ام الدرر]

كلي دلع
وين الدلاااااااااااااااااااااااااغ​

 

[Perfume]

معاج حق كلي دلع
طول عمرنا سيده ماكو فااايدة

ام الدرر ضحكتيني على سالفة القطارة
انا ريلي ماكو تفاعل
يعني انا اذا صار شي تبين ردة فعلي
اما اهو لاااا ماعنده ردة فعل

 

[لوولوو_88]

حالتي النفسيه مخي متنح و ولهانه على ريلي و لايعه جبدي من الروتين و هامله نفسي معنه المفروض العكس بس شسوي زحمه و تفكيييير و ارق &#55357;&#56869; و سلامتكم

 

[كليـ دلعـ]

ام الدرر

افاااا حاجيتيهم كلهم ونسيتيني افاااا والله افااا

خلاص زعلت وماكو دلااغ!>>>>> ارقع لعمري

ليذكرتيني معاهم مره ثانيه يصيير خير!


صاجه اختج العصبيه لاازم تاخذ باااارد عشان ترتاح

يامعوده خلي كلامه بالقطاره شلج بعوار الراس!

وسالفه اللف والدوران عندنا وعندج خييير!

خخخخخخخخخخخخ طبع متاصل فيهم!

برفيووم

ويقولون كيدنا عظيم ع شنو ع مادري !

​

 

[((shoOoshoOo))]

حدي مستانسه

تو سويت برياني لحم وكنت خايفه مايضبط بس طلع وااااايد حلووووو

 

[Perfume]

بالعافية شوشو

 

[((shoOoshoOo))]

يعافيج خيتوووووو

 

[امـ خــزامـى]

مرحباااا

اووف
امس كله احاول ادخل مااقدرت !!!

ولهت عليكم




كلي دلع مااوصلني شي!!!


الحاله النفسيه الحمدالله

 

[كليـ دلعـ]

وووواااااااااااااااي وااااااااااااااااي وااااااااااااااي

٣ ايام احاول ادش المنتدا مايدخلني ! امبيييه

امبييييه ليش جذي!!!

لاوكاتبين صيانه تستمر دقاائق حااسوونا ٣ ايام

كلش موقادره ادش قطعياااا الحين حاولت وفج معاي

يما فرحتي لاتوصف وين البنات!؟!

 

[شادن33]

السلام عليكم

وااااي اليوم حاسه أني منحوووووسه من صج !!!

كل شي اسويه بنيه زينه يفهمه ريلي غلططططط شنووو المشكله وأين تكمن !!!

مع أني بديت يومي بالاستغفاااار

الا بنات الخس يمتن !!!

 

[شادن33]

ام الدرر سالفه الاله الحاسبه جم تصير عندنا مع أني مشتريه على عددهم بس ايام الامتحانات تختفي !!!