يوميا @ سجلي حالتج النفسيه اهني@متزوجات حيااكم@

[نـعـومـه]

ياربي على هالمنتدى كله يعلق

 

[امـ خــزامـى]

اهلين كلي كيفك وش مسووويه

طالبه الله يعدي هالشهور على خير
نفسي كنت مااشتهي الا رز ابيض وليمون وفلفل اخضر حار

وبعدين صرت اشتهي ليز خل وملح
واول مادخلت الشهر الرابع ابي بطييييييييييييييييييييييييييخ هسترت عليه

مااكل الا هو وحظي الحمدالله كان موسمه

بس بالخامس الدكتوره قالت خففي سكريات خلاص اخاف يجيك سكر حمل

ربي يهون ويتمم عليك


نعوومه ايه امس الفجر معللق رديت على موضوع الاجوديات لايدخلون وكتب كلام وانواع التفلسف
وشوي كلام قاسي
بس ماانرسل

قلت خيره

 

[شادن33]

حبايبي شلوووونكم
كلي دلع بعد عمري مشكووووره هههه
بنات لالله يخلينا لبعض خوات دنيا والله يجمعنا بالجنه

خواتي جربت العشر الاواخر يلا شدوا ألهمه وانسواااا ككككل شي


عشر ليـآلي الرحمـة مرن مسرعـآت ،
وعشر ليـآلي المغفرة هـآهن أتيآت ..
وتليهـن عشر ليـآل من النـآر مـ ع ـتقآت ،
يآرب آجعلني ومن آحبهم فيك ممن رحمتهـم
وغفرت لهم ومن النـآر آعتقتهـم ..


القاكم بعد العيد بإذن الله
احبكككككم بالله
استودعتكم بالله

 

[ملگه]

مرحبااا حبايبي
كيفكووم لي فتره مادخلت مشتاقه لكم
طالبه مبروك الحمل والله فرحت لگ حبيبتي ربي يتمم لگ علئ خير اصعب حمل برمضان الله يعينگ

 

[طالبة انجلش]

بنات مافصلت ولا شريت للعيد شي توقعون العربيد يفصلي ؟

 

[كليـ دلعـ]

هلا حبايبي

ام خووخه شلونج ياقلبي شلون زوووز الاذيه!؟

شخبارج

شدون ياقلبي انتي الله يهدينا ويهديج اي والله بنات شدوو

الهمه عادتن احنا بهالحزه بهالسووقه اعووذو بالله

بس بحاول هاليومين اليوم وبااجر اسويلي شي

يازين رمضان ولياليه ويااسرررعه توه داش امس تونا

نبارك ونتيمع ياااربي كلها من اعمارنا

الله يكتب لنا صلاح الحال

 

[ام الدرر]

السلام عليكم
الحالة النفسية
الحمدلله رمضان سبحان الله راحه نفسية وطمانينه
الله يتقبل منا ويعوده علينا

زنوب
الحمدلله على ماقدر
ان شالله تتخرجين وتبشرينا بالحمل حبوبة
احنا قرقعنا مبجر هالسنه عشان الشباب كانو ناوين يمشون للعمره ثاني اسبوع

ام خزامى
ياحبي لك

بيرفيوم
الله يعينج اكره الدوره بالعشر الاواخر

طالبة انجلش
عادي يفصلون حبيبتي
انا اروح كل جم يوم اشيك على قمصان للسفر لي ولبنتي
اشوف حريم يدشون يفصلون
والله يعينج ع النساة

ملوكة
هلا ومرحبا
شعلووووومج


كلي دلع
المنتدى يعلق وايد هالايام
وسبحان الله ماكو وقت
ان بالنهار اقعد اقضي شغلي بالسوق
وبالليل نفطر ونريح نص ساعه وعقب صلاة التراويح
ومن باجر صلاة القيام

شدون
اللهم امين
نسال الله ان يتقبل منا ومنكم ويجعلنا من عتقاء شهر رمضان​

 

[طالبة انجلش]

الحمدالله ريحتيني مشكوره ام الدرر وصج النساه لوعه بنات يوم كانت متاخره وقبل لا تتاخر الدوره طايحتله ليمون وبعد ماحملت اشتهيت الجوجه او الكوجه الاحمر ومخلل والحين كرهته واببي موالح والحين ابي ككاو وبعدها ابي فستق لا تشوفون اكل بهالفستق والقروضات يقولولي فيج بنيه والحمدالله بنوته ولد نعمه من ربي اهم شي سليم '' داشه من الفون طوفوا بدليات

 

[Zinab BH]

صباح الخير يا حلوااااات و بتبدي العشر الاواخر من الليلة ضمنو اسمي بين ادعيتكم
يا بنات انا يقهروني المتفلسفات في الحياة يحسسوني ان الحياة زوجية حرب ضارية
توني اجوف ردود البنات في موضوع وحدة زوجها يبيه تساعده كلهم وقفو لها لا تقطين له ولا فلس ومادري شنو
شدعوة بعبع خل يصفوون النية مع هالريال ترى مثل ماكل الحريم مو مثل بعض ترى الريايل مو مثل بعض شهالامة التعبانة
حتى لو الوحدة زينة مع ريلها شينونها معاه اعوذ بالله من هالصنف بس

 

[الملكة فيكتوريا]

صباااحووو



نفسيتي تماام لله الحمد سعيده ^^

ومرتاحه الله لا يغير علينا

بس مضايقتني الغازاات لاصرت قاعده عادي ماجني فيني شي

ولا صرت منسدحه بق بق بق بق ببطني

واناا فيني قولوون وادري منه مهما شرب بهالشااي الاعشاب

 

[Zinab BH]

فكتوريا جوفي لج دوا في الصيدلية عن الغازات او ابتعدي عن الاكل اللي يسبب لج غازات ابطنج و الله يشفيج

 

[Zinab BH]

انا بتدأت تطلع الافلام في بيت حمولتي لان كملت بالعربي سنة بالظبط و قامت الافلام تصير خخخ
كما يعلم البعض ان انا مو ساكنة على طول في بيت حمولتي لان ماعندي غير حجرة بلا حمام
عاد صار لي من بداية رمضان انا في بيتنا بس اروح يوم الجمعة بيت حمولتي اتفطر وياهم
و عاد هالجمعة مارحت صايرة ما اطب بحكم حجرتي في بيت حمولتي ورا حديقتهم المحترمة و الخدامة افتحت الدريشة و ادخلت لي وزغتين مو وحدة بعد داخل الحجرة
مادري وين تطفرو عاد انا حلفت ماادخل الحجرة الا لما ينشالون يمى اخااف ميتة
اوصخ و اكره حشرات على وجه الارض نجاسة شلون اقعد بمكان جذي عاد عمتي تتحلطم عليي انا حقرتها وطنشتها مو متعودة اعيش في الوصاخة كخ
و قبل جم يوم ادور السوس مال الايسكريم و سوس البيتزا في ثلاجتي بالغرفة مااجوفهم اسال عمتي عندكم قالت لا ماافتح ثلاجتهم الا اهي فيها
و البارحة ريلي رد بيتهم مادخل الا العائلة الكريمة داخلين الغرفة لا استاذان ولاشي امبسطين يطالعون التلفزيون وانا اجوف من قبل ملابس غريبة في الغرفة اسال زوجي هذولا مو ثيابي كانهم ثياب خواتك او امك قال مادري يمكن الشغالة جايبتهم
اهوا يدري ان انا ادري اهما يدخلون وانا مو موجودة عاد اليوم الصبح متصل معصب الف وقال لي ان داخلين الغرفة متعبثين فيها مالي استقرار ولاشي و كله كوم والحمام المشترك كوم ثاني
جته حالة نفسية و صراخ انا شكو مادري قاعدة في بيت ابوي معززة مكرمة حجرتي و حمام و صالتي بروحي اهوا ايي وياي قلت له قايلة لك تعال اسكن وياي انت مو راضي قال البيت مو بيتي مااخذ راحتي احس روحي ثقيل
و امي مو راضية اطلع من البيت تقول مافي روحي و ردي معاه سافري نامي تعالو سكني هني بس مااطلعون برا البيت مسكينة تستوحش
الحالة النفسية اللهم يا كافي مادري شسوي قاعدة اجاري هالريال و اكا قاعدين يدور وياي شقق بنتاجر على ان احس ماله داعي لان كلها 7 شهور و بنسافر اهوا محصل بعثة ماستر سنتين وانا بروح معاه
يعني نقضيها في بيت اهلي احسن بس اهو مو راضي مادري شسوي و امي مو راضية اطلع مادري شسوووي

 

[Perfume]

حبيبتي زنووب
طيعي ريلج لانه حتى لو اقنعتيه ووافق
مثل ما قالج ما راح ياخذ راحته

 

[طالبة انجلش]

سلامً شلونكم
حالتي صخونه والنساه موتتني بالفراش والريل راح يجلطني حرقت التلفون والوااتس عليه مايردمو فاضي بدوانيه بيتهم عطاني 70 دينار روحي اشتري للعيد وهذا اول عيد وياه اقوله زيدني يقولل ماعندي بنات علايه وبدله وجوتي وانتوا بكرامه واكسسوار وجنطه ب٧٠ اوك صج بدون بس خيييير ر ابي بس ٢٠ وحتى مايكفون كنت احن برمضان ودني اشتري دراريع ناس تييكم اكبر طاف لا تقرلون ماعنده تجيه رسايل من البنك بانه اخذ مبلغ ومره طحت على ورقه باسمه بايداع ٣٠٠٠ ويوم وداني لاهلي شرى سياره ويبي يشتري فوقها شراكه ويا اخوه ولد عمه بالسيارات بيع وشرا وانا مستخسر فيني ٢٠ بخيل منساع بجيت عند ابوي وشكيت له اخته تغلط علي وماخليت شي ' عادي لا يزيدني بس اقعد عند اهلي لما يصرف علي مثل البشر والمصيبه اعوضج بعيد الاضحى مدري ضامنين عمرناً والله بجيت من قلب منساع اتصل بعد ماحرقت الواتس عليه يكلمني ودموعي بعيني من القهر يفتح الواتس يقرا رسايلي وياخذ فتره ويرد تعبت من هالريال والله تعبت

 

[تولة مسك030]

ljqhhhhhhhhhhhhhhhhhhhhhhhhhhhhhhd[i

 

[Zinab BH]

الا من مجيب الحبايب محد شكلكم تعبانين و حوووسة مع اواخر الشهر
انا تصدقون للحين في الجامعة خخخخخ مالت على هالدوام الخرافي

 

[Perfume]

اهلين حبيباتي
باركولي بناااات
باجر راح ابدي اول يوم دواااااااام
والمفاجأة راح اشتغل مع ريلي بمكان واحد

 

[ام الدرر]

السلام عليكم
الحالة التفسيه
الحمدلله

زنوب
مشاكل الحموله ماتخلص
الزين ان زوجج ياخذ حقه مايسكت
اذا طلعتو من غرفتكم ليش ما تقفلونها


طالبة
زين سويتي قلتي للوالد
عالاقل يغسل شراعه شوي


بيرفيوم
ع البركة حبيبتي
مادري احس صعبة انتي وياه بمكان واحد
الله يتمم عليكم ويوفقج حبوبة

 

[Perfume]

وعليكم السلام ام الدرر
الله يبارك فيج حبيبتي
مثل ما قلتي انا اشوفها صعبة بعد :/
احسه بيقعد يراقبني ويرصد تحركاتي لووول
بس شسوي فرصة اشتغل مليت من البييت

 

[Zinab BH]

ام الدرر اه و ألف اه يزعم تتقفل ساعات بس اللي عنده مفتاح سبير شسوي و يزعم الخدامة تدخل و تنظفها
و ام زوجي منفسة عليي هالايام لان صايرة ما اطب عندهم
دوام لي 2 الظهر و دوامي مال الجامعة من عقب الفطور لي 11 وربع الليل وين يمديني واهما مايقعدون من رقادهم الا 5 العصر
شكو تنفس عليي مادري كلش مالي خلق سوالف انا و صايرة تحن علينا و تقط نغزات ان لازم احمل واهما يستانسون اقول حق ريلي شكو احمل وانا ادرس اهما يستانسون فيه ساعة وانا يزيد الضغط عليي الف اعنبوه ماصارت ستة اشهر اللي بنطرها على التخرج
وااي واااي واااي مو قااادرة صج قعدة بيت الابو تشرح النفس

بروفيوم عالبركة حبيبتي الله يعطيج خيرها و يكفيج شرها احس فن تشتغلين مع ريلج لوووول على ان احس مع الايام تصير الافلام البوليسية و التحريات عند الريايل و يحطون البال عليج لانج مرت فلان