يوميا @ سجلي حالتج النفسيه اهني@متزوجات حيااكم@

[طالبة انجلش]

ماعرف متواضعه كل ماتذكر اللي سووه فيني
اظل ابجي واتذكر كل الاشييا الموزينه بحياتي

 

[Patcholli]

طالبة انقلش ليش تسوين بعمرج جذي حياتي انتي موزينلج لاتيبين النكد حق روحج

انتي تقولين الريال تغير ومستانسه معاه واهو حلف ان يبيج وشاريج

وانتي استانستي وقلتي نبي بعض

اشفيج الحين تبطلين مواضيع قديمه وذكريات حبيباتي عيشي يومج وسمتقبلج يمكن ريلج كان متظايقه من شغله معينه وكان يطلع الحره فيج والحين حاس بغلاتج وعرف قدرج

لاتنبشين بالماضي صدقيني ترى كلنا تمر علينا اوقات نشوف معامله غريبه من ازواجنا

انا زوجي ايام مرض امه الله يرحمها كان يغسل شراعي بدون سبب ويسفل فيني ووصلت لي مرحلة الطق اتخيلي ..!!

كان يطلع الحره والظغط النفسي كله فيني

وبعدين يعتذر بس هالشي الحين ماعاد موجود واعتذرلي مليون مره وانا لي اليوم لما يطري الموضوع اقوله مو ناسيه ولا راح اسامحك مع انه ما كررها بس ما اقعد اتذكر كليوم وابجي لا طاف حده الحمدلله كلشي تغير ومستقرين الحين بس الواحد لازم يعرف يرد اعتباره وانتي الحين فرصتج اتعززين مكانتج بقلب ريلج وتثبتين عمرج عنده مو تظيعين وقتج على ماضي استغلي الماضي عشان تنجحين بعلاقتج مو عشان توقفين عند نقطه معينه وتظلين حايسه فيها

حبيبتي انتي الحين لازم تعرفين نقط ضعف ريلج وتستغلينها طيعيني النكد مايفيدج والله خصوصا اذا السوالف قديمه حيل حيل حيل

 

[Amonito]

السلام عليكم يابنات

سجلوني معاكم

باتشولي انا معاج المره لازم تعيش لنفسها اولاً

الزم ماعلى الوحده راحتها النفسيه

انا ارفض الي توقف حياتها عشان زوجها !!! خير ان شاءالله؟؟؟؟

ماقول لاتقومين بواجباتج بلعكس حقوقه وواجباته سويها

ولاتقصرين بحقه بس مو بشكل اوفر لدرجه تدوسين على نفسج

عشانه ! ولما تحتاجين وقت لنفسج يقولج لا ويطنقر والغلط منج

انتي مدلعته !

باجر ان شاءالله راح اقولكم موقف عن رفيجتي كانت خدامه تحت ريوله

وهم ما بين بعينه

اسفه اشتطيت شوي ههههه

 

[وردة متفتحة]

طالبة إنقلش..

أنا أعتبر نفسي تزوجت واحد ثاني من بعد ما شيشت أخت زوجي على زوجي ..تغير من ست سنين رغم إنه أصلحنا اللي بيننا لكن إذا عصب خلاص عكس أول على طول يصير واحد ثاني..أول

مايقدر يتحمل زعلي...ودحين هو بس عادي يزعل وأنا لا غلط لمن أزعل..

قالت له من ضمن الكلام اللي قالت له :موإنت كنت تتكلم على عمي فلان إنه يتبع مرته إيش فيك صرت مثله..

هي حكت لي لمن طلبت مني السماح ..نتصافح وترجع تعملي موقف يثبت لي خلاص ماراح تتغير..تعرف تحلي لسانها وتمثل وأنا مسكينة أصدقها وترجع تصدمني فيها ..

بالطقاق فيها أهم شي زوجي ياااااااااارب يرجع أحسن من أول أملي في الله كبير..

سوت له غسيل مخ..

تصدقين مرة لمن عصب قلت له تعوذ من الشيطان قال ما أبغى .. كان الظهر وقتها..بدل ثيابه وخرج وأنا رحت أدور له من شارع لشارع وولدي معي ..طلعت دموعي دحين والله لمن تذكرت..إلى

آذن المغرب شفته وتطمنت ورجعت البيت..كان عمر ولدي ثلاثة سنين..حسبي الله عليها إن كانت هي السبب..لأنه بعد ماكلمته هي على طول تغير من هاذاك اليوم إلى اليوم ..

زوجة أخوها الجديدة اللي لها أربع سنين تغلط وعايشة حياتها وماسوت لها مثل اللي سوته فيني..ما تتجرأ تكلمها ولا تكلم زوجها..حتى كلامهم تنقله لزوجها تقوله اخواتك وأخوانك عملوا

وتعاملها بكل إحترام..

قلبتي علي المواجع الله يسامحك طالبة إنجلش.. ست سنين وأنا أعاني..تعبت..نفسي أنسى ..نفسى أنسى ولكن بعد فترة أتذكر وتنفتح جروح ..آآآه.. الله ينتقم منها إن كانت هي السبب آمين يارب آمين
رغم كل هذا أقول وعسى أن تكرهوا شيئا وهو خير لكم..يمكن إذا ماكانت كلمته هي يمكن كان صار شي أكبر من هذا لا قدر الله لأني كنت قاسية معاه بسبب الضغوط من أهله اللي عايشة معاهم..الله ييسر لنا الخير يارب
يارب

 

[وردة متفتحة]

صباح الصباح واللي جاي أحسن من اللي راح
بإذن الله

 

[وردة متفتحة]

هلاااااااااااااا فيك معانا
Amotino

هلاااا فيك وردة في باقتنا المتميزة في هذا التجمع ياعسل<<< عسل ولا وردة حددي لوووووووووووووووووووووووول

 

[وردة متفتحة]

صحيح كلامك Amotino والحمدلله بديت أفوق لنفسي ..هم عايشين حياتهم بالطول والعرض..مو لازم نكون مثلهم بالضبط لكن مايمنع إننا نعيش جونا ونسعد ونستمتع وإحنا نأدي واجبانا المنزلية والتربوية والزوجية +الإهتمام بالنفس وممارسة الهوايات بدون إفراط ولا تفريط..طبعا الحرمة مو زي الرجال حر طليق عايش بالطول والعرض الحرمة مربوطة بعيالها لكن مايمنع هذا إنها تستقطع وقت خاص ليها تستمتع فيه بما شاءت مو تدفن نفسها وهي لسه عايشة..جزاهم الله خير باتشو ومتواضعة وأم خزامى وعوني وفتحوا عيوني

 

[وردة متفتحة]

طالبة إنجلش إنتبهي لنفسك وإستمتعي بحياتك بكل شي فيها حتى أكلك حتى شربة الموية حتى صلاتك لربك..ألم يقل الرسول صلى الله عليه وسلمأرحنا بها يابلال)
الحمدلله إحنا متعافيين نمشي ونتحرك ونطبخ متعافين الحمدلله..شوفي أخواننا في سوريا الله يفرج كربهم ويهلك بشار آمين..

إنتبهي لنفسك لا يجيك إكتئاب لا قدر الله ..عيشي حياتك وعيشي يومك الوحدة مننا ماتدري كم راح تعيش في هذي الدنيا..

 

[وردة متفتحة]

بيري الله يعينج مع ان اليوم ويك اند حق الراحه بس شتسوين حاولي تنامين مبجر اليوم وتريحين انا الويك اند مهم عندي ارتاااح نفسيا وجسديا عشان اداوم نشيطه اذا مارتحت بالويك اند مستحيل انظبط بالدوام يا ما اقدر اداوم يا اداوم على تعب واعصاب

بيري هاذا اللي راح يصير حبيبتي والله الواحد شماخذ من هالدنيا ..!! ولااااااااااااااااااااااااااااااااااااااشي غير اعماله

اهم شي عندي رضا ربي وراحتي

والله ماقولج قبل يعني كنت عايشه بجحيم بس كنت عايشه عشان راحة الغير على حساب راحتي الحين لا

متى ما ابي اطبخ اطبخ متى ما تعبانه المطاعم مو قايله شي قبل لا كنت اجبر روحي واطبخ اقول حرام الحين محد حرام غيري

وحتى الطلعه كنت احرم روحي من يمعات صديقاتي اذا اهو بالبيت الحين لا .. ياما هدني وطلع ..مافيها شي لو طلعت

ياما سهرت عشانه واهو بس يرجع يقعد خمس دقايق وينام وانا سهرانه ومعذبه روحي حق خمس دقايق ماتسوى

ياما كان يعطيني وكنت اقول لا عشان مابي اكلف عليه ..!! ليش والله انا اولى من غيري يشتريلي ويحطلي ماراح اقول لا من اليوم ورايح ولا راح اجامل ..

انا الي كنت ماشيه غلط مو اهو السبب انا السبب

وسلامتكم وايد تحلطمت هاليومين

انا بعد شوي بروح مجمع دسمان في الوان اسمه فليكس ماركر وايد حلوين شكلهم الوان شينيه و التلوين مالهم جنه زيتي ..

أنا كمان كنت مثلكبالضبط تقريبا..لا وتصدقين كنت أكتفي بتكرار الملابس في الزواجات وأقول حرام ماأبغى أكلف عليه ..مرة أخت زوجي وحدة ثانية مو الشريرة لوووووووووول المهم تقولي إشتريلك فستان مسكينة بكلام وبلهجة محترمة وأختها الشريرة قالت لي كمان لكن بلهجة محترمة وأنا لا حرام ما أبغى أكلف عليه..وهوملابسه ماركات ماشاء الله ..إذا كان مامعاه مايخالف بمد رجولي على قد لحافي لكن معاه ماشاءالله وأنا اللي مستكثرته على نفسي..لكن الحمدلله تغيرت من هذي الناحية قبل ما أدخل هذا التجمع الحمدلله

 

[انت حب حياتي]

صباح الخير يا حلوين ... كيفكم اليوم ...


انا اليوم رايقه وحابه اعيش اللحظة ....وانتو ؟


عم اشوف هالرجال بكل مكان عاملين فيها قصص وفاكرين لو بعد عنك حياتك رح تخرب مو عارف انو الحياة فيه وبلاه ماشيه ... الرجال ينقهر ويموت لو شاف المرة تطنشه تسوي له كل شي بس بدون ما توقف حياتها على زعله وتقلب مزاجه ... تعيش عمرها الي لو راح ما رح يرجع ولو لا سمح الله مرضت رح يتركها ويدور على غيرها ... لذا لا تخلو حد احب الكم من نفسكم حبوها بتحبو اللي حواليكم ولا انتو شو رايكم

 

[وردة متفتحة]

رايك عجبني ويعجبني وأعجبت به حبيبة ألبي

 

[انت حب حياتي]

رايك عجبني ويعجبني وأعجبت به حبيبة ألبي

حبيبتي والله حابه احكيه الكلام هذا حق نفسي وحقكم لانو جد احس انو احنا نظلم انفسنا ونضيع احلى اوقات العمر علي شي ما يسوى

 

[وردة متفتحة]

إيوة حب حياتي هذا المطلوب والغرض من تجمعنا إننا نصير يد وحدة وكل أخت توعي أختها للصح

 

[نرجس 2]

مسا الخير
كيفكم صبايا
اعجبني المووضع راح برجع ان شاء الله

 

[Patcholli]

اي والله حب حياتي ترى العمر يروح مايرجع

وماتسوى على الوحده يحوشها ظغط ولا سكر ولا انهيار عصبي ولا يتلبسها يني بسبب البجي والقهر

بس ما الوم بعض الحريم اللي يكونون محكورين وبنفس الوقت محرومين من كلشي مثلا ارفيجتي ريلها موريها الويل تقولي باتشو شسوي حتى سياره مانعني اسوق حتى نت مانعني احط بتلفوني حتى كتب ومجلات ممنوع اشتري والتلفزيون شايل القنوات الحلوه ومخليلها القنوات الملله والاخبار وبس تقول زهقت زهقت

كسرت خاطري وطبعا ممنوع اتزور احد واحد يزورها

مدفووووووووووووووووووووووونه بالحياة والله تقطع القلب

 

[Patcholli]

مساء الورد نرجس

تنورينا وتشرفينا بالقروب الله يزيد ويبارك بالعضوات يااااااااااااااااااااااااااارب

 

[Patcholli]

بس احلى شي ان موضوعي من تاريخ 10 الشهر ليلحين مانزل ههههههههههههههههههههههههه امبيه مووو صج

 

[Perfume]

اهلين بالحلوات
باتشو حطي موضوعج هني احسن لووول

 

[وردة متفتحة]

اهلين بالحلوات
باتشو حطي موضوعج هني احسن لووول

والله شغلة مالها داعي إنو يأخروا نزول المواضيع ليه كدة إذا المشرفات مو متفرغات يغيروهم أو يزيدوا مشرفات وإنتهت المشكلة..
طيب مين فيكم تعرف صاحبة منتدى كويتيات تكلمها يمكن مو عارفة

 

[Patcholli]

بيري اصلا مسيت عن شنو كان لوول اشوه كاكانت مصيبه او مشكله كان موضوع فرفوشي


ورده انا اليوم كتبت موضوع بقسم الشكاوي

وجان زين كل وحده تكتب عشان يخسون ويتحركون شوي


والله هالمنادي كان من اقوى المنتديات قبل انزل الموضوع بيوم واحد اربعين مشاركه

الحين ماااكو احد

حرام لازم يشوفون حل ! الناس ملت من المواضيع المكرره!