يوميا @ سجلي حالتج النفسيه اهني@متزوجات حيااكم@

[شادن33]

اقول دلع شحطين مع حشوه المحشي كوسا
اليوم سويناها بس حسيتها ناقصه شي

 

[كليـ دلعـ]

طماط

فلفل

عيش مصري منقع



بصل مفروم ناعم

وثوم

شوي كزبرا

والشبت مفرومة


بهارات مشكله




وبالهنااااائي والشفاااء


لاافا عليج شدون اضحك معاج كل يوم نزلي موضوع

 

[شادن33]

السلام عليكم
شلوووونكم
بيااااات شتوي شكلكم

النفسيه
اللهم لك الحمد

 

[شادن33]

طماط

فلفل

عيش مصري منقع



بصل مفروم ناعم

وثوم

شوي كزبرا

والشبت مفرومة


بهارات مشكله




وبالهنااااائي والشفاااء


لاافا عليج شدون اضحك معاج كل يوم نزلي موضوع

اي دلع حطينا كل هذا بس الثوووووم جنه نسينا واللومي الاسود

 

[امـ خــزامـى]

هههههههههههههههههه شادن وكلي دلع بدعتووووووووا
كانكم سبيكه ورقيه

 

[شادن33]

هلا ام خزوووووووم

 

[Four butterfly]

اليوم مستانسة لأن زوجي راح صلّى بالمسجد

ربي يتمم عليه ياااااااااااارب :yaaaaaarb::yaaaaaarb:

 

[Patcholli]

دايخه حدي ويايينلي خدم بارت تايم وقاعده مجابلتهم

واي كل ما اسوي استخاره على خدامه اتظايق واحسها موزينه
مادري هالشي من الاستخاره ولا صار شي نفسي فيني اني كارهه كل الخدم

تعبت مابي خدامه وبنفس الوقت مكروفه بين الدوام والبيت والريل والطباخ والطلعه والمشاوير

شسوي بنات شنو تنصحوني

 

[ام الدرر]

السلام عليكم
الحالة النفسية
الحمدلله الذي بحمده تدوم النعم


كلي دلع
شدون
الله يسلمكم الشر ماييكم ان شالله​

 

[شادن33]

اليوم مستانسة لأن زوجي راح صلّى بالمسجد

ربي يتمم عليه ياااااااااااارب :yaaaaaarb::yaaaaaarb:

انشالله دووم حبيبتي

 

[شادن33]

دايخه حدي ويايينلي خدم بارت تايم وقاعده مجابلتهم

واي كل ما اسوي استخاره على خدامه اتظايق واحسها موزينه
مادري هالشي من الاستخاره ولا صار شي نفسي فيني اني كارهه كل الخدم

تعبت مابي خدامه وبنفس الوقت مكروفه بين الدوام والبيت والريل والطباخ والطلعه والمشاوير

شسوي بنات شنو تنصحوني

ياماما ليش هالشقى روحي قدمي على خدامه وتكون اشويه كبيره لا اتييبين وحده صغيره

 

[شادن33]

السلام عليكم
الحالة النفسية
الحمدلله الذي بحمده تدوم النعم


كلي دلع
شدون
الله يسلمكم الشر ماييكم ان شالله​

تسلمين ام الدرر
اصلا انا أتفاعل لما اشوف نكج ياحلوج

 

[شادن33]

بروح اسوي جااااي حق بعلي العزيز اخاف يصاااارخ طرزاااان

 

[ام الدرر]

باتشولي حياتي
انا كتبت لج مرة والظاهر ماقريتي ردي
حبوبة
الخدم فيهم الشين وفيهم الزين
بس انتي خوافه ووسواسيه عشان جذيه
تخافين تغامرين تيبين خدامه وتطلع موزينه وتردين تتمرمين
علاجج بايدج
الهون ابرك مايكون ياقلبي
ريحي نفسيتج وبالج ترتاحين
لازم عندج خدامة
خاصة انج وااايد دقيقة بشغلج
بس حاولي تخففين من الضغط النفسي عليج وعليها
قلنا لج انتي بريحاتج من غير شر مع زوجج
قلبة الشقة والتنظيف شبه اليومي خففيه حتى الخدامة تطفش اذا تكرر
وحطي في بالج ان حتى لو الخدامة طلعت مو زينه
عادي ياقلبي الفلوس اللي يابتها تييب غيرها
الخسارة بالعمر وكل شي يتعوض وله حل
ترا الضغط النفسي وكثرة التفكير بشغل البيت والتنظيف والترتيب يكبرج بعدين تصيرين جيكرة :d
ياعمري عيشي حياتج وخلي اهتماماتج بكل شي على قده لا تعطين الامور اكبر من حجمها
عسى الله يريح بالج ويسخر لج خلقه وعبيده​

 

[Four butterfly]

والله الخدم في زمنّا هذا شر لا بد منه للأسف

خاصه مع الوظيفة والإلتزامات العائلية وطلبات الزوج الي ما تخلص

 

[امـ خــزامـى]

اللي زوجها صلى بالمسجد ماشاءالله ربي يتمم علييييييييييييه
وعقبال لزوجي يااااااااااااااااااااااااااااااااااااااااااااااااااااااااااااااااااااااااااااااااااااااااااارب

اما باتشولي حرام عليك ارحمي نفسك ترى مو زين عليك هالتعب والوسواس

ضروري تخففين شوي من هالنظافه الزايده والله تذكريني بامي
كانت تبي كل شي بمكانه والتنظيف اعوذ بالله دقققققققققققققيق
الخدامات ماتقعد عندنا على طول اضراب مايتحملون
وامي من التوتر والعصبيه جاها سكررررررررررر
وتعبت نفسيتها وتعبتنا معاها

بس بعد فترررررررره طويله من المعاناة عرفت انها كانت على غلط وجابت الامراض لنفسها
وضيعت حياتها بالصراخ والعصبيه على شي مايسوى


انتبهي حبيبتي وتغااااااااااافلي الزوم احذفيه من عيونك وحياتك والله التدقيق على كل شي يمرض
كل يوم رتبي ومسحي واكنسي الاماكن اللي تستعملونها
ويوم بالاسبوع نظفي البيت كامل من غسيل ملابس وترتيب وتعزيل

الله يككوون بعونك

 

[امـ خــزامـى]

ونسيت اقول نفسيتي
اليوم مرررررهقه بس غيرت جو سهرت عند اختي وكان فيه امي وخواتي مجتمعين

ومارجعت للبيت الا متااااااخره ومرهقه لاني ماتعودت اتااخر عن البيت ومسكينه بنتي تعبتها فيهانوم
وماتعرف تنام الا بسريرها ووتوترت

 

[وردة وطني]

فني ��ـٍْـــٌومŦϊ₥έنٍُــٓـّـِـ ��

 

[شادن33]

صباااح الخييير

النفسيه


اللهُمّ لك الحمد كما ينبغيّ لِـ جلال وُجهك
وعظيم سلطانكّ ♥

 

[Zinab BH]

صباح الخير صبايا
يعني كل يوم محد يقعد يهذر بهالمنتدى من الصبح غيري على اساس مداومة
يعني كلكم عطالية الاااااي كم اعشق النوم في الصباح اهىء اهىء
كل يوم ادعي على الشركة من الصبح خخخخ
النفسية مش ولا بد والسبب شيخ الشباب قاهرني قاهرني قاهرني
يصبر عليي والله بسويله عذاب مايجوف رقعة ويهي ثلاث ايام ابتداء من اليوم
عيل انا من تزوجت زدت 6 كيلو واهو زاد بعد 6 قررنا نسوي رجيم مع بعض
طلعت له رجيم دشتي يتبعه وانا بقلل اكل بس ماقدر على رجيم لان فيني المعدة
وماقدر على نظام الرجيم فقلت له كل ليلة بنروح نمشي لمدة ساعة
وقام غافلني وسجل لي في نادي قهرررررررني قلت له هييييين يصير خير
بطلع امشي بروحي قال بمشي معاج بعد قلت له لا بترد من النادي و الدوام تعبان ومابتمشي معاي
وصراحة انا خوافة يم بيتهم كله جلاب الليل خخخخ و يم بيت ابوي مابخليني ابوي اطلع بروحي امشي
واصلا اهو بيبرطم ومابيخليني امشي بروحي ادري افففف
على فكرة انا مو دبة ولا اهو بس احنا معقدين روحنا واللي حوالينا خصوصي خواتي
على ان طولي 155 و وزني 59 بس لان كان وزني 50 و في زواجي كان 53
الحين جسمي اووكيه بس بنسبة لهم متينة كله يحنون علي ويقولون تفجرتي و نفسيتي تعبت منهم
واهو مثل الشي و وايد يوسوس على سالفة الوزن خاطري اكسر الميزان
في اليوم يوزن خمس ست مرات يااربي
ادري هذرت وايد بس مقتهرة عليه الله يحفظه
" اللي بتقول لي السالفة ماتسوى تهدين البيت ثلاث ايام "
ترى انا و زوجي على ماتستوي شقتي في بيت حمولتي يا ننام في بيتهم بحجرته يا في بيتنا في حجرتي واكثر شي بيتنا لان اريح لي لان قسمي بروحي ,, يعني بين البيتين لين الله يفرجها علينا بس مستانسة على هالوضع لووول

و باتشولي لا تصيرين دقيقة وايد بعدين تصيرين مثل المسلسل الاجنبي مونك
يبي لج اي خدامة و جربيها ماعجبتج رديها وهكذا علميها على شغلج و صيري شديدة معاها شوي
لان ماينعطون ويه و صيري رحيمة معاها و على الله لا تذبحين روحج و ريحي روحج