يوميا @ سجلي حالتج النفسيه اهني@متزوجات حيااكم@

[Zinab BH]

صباح النور شادن واخيرا في وحدة صاحية بدري اللهم لك الحمد

 

[شادن33]

هلا زنووووب

 

[شادن33]

زنوووب ليش اليوم مو مجابله الهنوووود ههههه

 

[شادن33]

زنووووب شنو هالتحلطم الصبااااحي >>>>> ياباي شو بتحكي ههههههه

 

[شادن33]

زنوووووب الله يهداج المرقدوش يم بيتكم وتشكووون السمنه انتي وبعلج ههههه

كل يوم دردعي منه انتي وريلج وبتصعفووووون

انتوا يمكن تاكلون بالليل وجبه كبيره >>>> اكله اللحووووم شكلكم ههههه

 

[Zinab BH]

ومن قالج مو مجابلتهم اكا مجابلتهم وهواش على المكيف خبرج اهما والبرد تضاد
سويت لهم عذاب نفسي و جسدي مشغلته لهم لووول

 

[Zinab BH]

وانتي الصاجة يا شدون اكلنا كله بالليل بسبب هالشغل الودر وانا الاسبوع الياي ابتدي جامعة
ماتغذا في البيت الا الجمعة والسبت و الريوق سريع سريع ماللحق اكل لي لقمة
صج المرقدوش يضعف؟ انا معدتي ماقدر على شي حار و المرقدوش حار
سمعت عن شاي البوياجي زين ينزل الكليوات سمعتي عنه؟

 

[شادن33]

اي زنوووب المرقدوش يضعف وبعد اللي ماتحمل تحمل لووووول
جذي سامعه

 

[شادن33]

بعدين انتي مومتينه وايد يمكن ليش انج قصيره يبين
عيل انا اول حمل لي وزني 55 ثاني حمل 63 وثالث حمل ضعفت هد حيلي الحمال
واخر حمل صار سبعين بس مايبين علي مرتب جسمي ليش اني اطول منج اشويه

 

[Zinab BH]

لا يبة مابي احمل الحين ينهد حيلي ابي اخلص جامعة بالاول مافيني شدة
وابي مكان يستوي
والله خاطري في بنوتة صغيرة
بس الحال مايساعد الله كريم
بس جفتي وانتي حامل وزنج 55 انا بدون حمال وزني 59 قهررر
من كثر مايحنون عليي ضعفي ضعفي يتني معدتي وصرت مااطيق اكل عدل
على ان خالتي تقول لي خلج جذي شسوي فيج ولدي وانتي بعصاقيلج لوووول
بس لان اختي اللي تزوجت قبلي ماتغير جسمها ضعيفة بس انا تغير
فانا الصغيرة واللي عقبها تغير جسمها واهيا لا فملعوزيني عدل
حتى ريلي يقول بس كرشج خل يروح الباقي خليهم على مااهم شسوي بالعظامى
بس العالم الباقي يلوعون جبدي واهما يقولون لي متنااانة وعييي خاطري اصيح
شسوي بروحي احب اكل احب اكل احبببببببب اكل :'(

 

[شادن33]

زنوووب يقصون عليج يمكن حلو عند ريلج

وصح اشتغلي على الكرش وخلي الباقي ماهو عليه

لان الكرش اذا ماسيطرتي عليها وانتي قبل الحمال وتتدبل عقب >>>> تخوفج هههه

انا وايد اهتم بالكرش ما اكل المعجنات واللي فيها خميره وايد يادوب ا وخلي يسمن كل شي فيني الا الكرش

 

[manoooram]

صبااااااااااااح ومسااااااااااااء
الخير


سوري هاليومين وااااااااايد مشغوله وما قدرت أشبك على راحتي
شلوووووووووووووونكم
عسااااااااااكم بخير بنات

 

[manoooram]

four butterfly
الله يتمم على ريلج اون شتلله يداوم على الصلاة بالمسجد

بنات والله مشتاقتلكم حيل

نفسيتي الحمدالله مرتاحة
وأهم شي ان مرتاحه لله الحمد
مع السنة اليديده ابتديت بنظام يديد بحياتي وان شالله بعتمده

 

[Zinab BH]

شدون شسوي فيهم والله انا اتاثر بالكلام المشكلة و ريلي سوسة بالوزن انا عادي اتفجر اهو لا
انا احس بعد جذي ان بس الكرش ,, بس من طلع لي كرش ماعاد دخل خاطري بعملية شفط
بس امي محلفتني بالقران ومابتكلمني وبتسوي لي فلم هندي وبتعلم ابوي
و سوت لي دراما تركية فما افكر بس الكرش صعبة تروح
وانا مع المعجنات مو ذاك الزود بس الغازات توني موقفتها
بس المشكلة اللي حواليج اذا قامو يحنون فوق راسج قمت اللبس في بيت ابوي وسيع
عشان يسكتون عني
المشكلة اختي الكبيرة كانت 45 وزنها الحين اهيا اللي تفجرت تقول مابيج تصيرين مثلي
بس اهيا مشاءالله حملت ولدت وعندها اربع كتاكيت الله يحفظهم بحفظه
امي تقول لي حلو مرتوي جسمج تعجبني الوالدة بس خواتي قرد في ويهي لازم تعليق
لا واختي اللي اكبر مني تطبخ تطبخ وتعال انا اجرب وتعالي اكلي وياي اهيا تاكل ماتمتن تقهر :'(
واذا محد اكل من طباخها تزعل اذبح روحي؟
لكن لن استسلم لن ايأس سأخلص جسمي من الكرشة و انزل وزني قبل ماتدهور حالتي لوول

 

[Zinab BH]

مانوراما وينج حبيبتي وين ارضج من سماج محد ابد شدعوة بعينا في السوق

 

[شادن33]

هلا مانووو حبيبتي تشتاقلج العااافيه

 

[شادن33]

اي زنوب عليج بالكرش اقصفيهااااا ههههه
وتعالي عندي قبل خلطه مالت الزنجبيل والفلفل الابيض صج صج تسفط البطن صفااااط
بس انا هديتها يتني التهابات منها بس مومتاكده منها ولا لاء
انتي جربيها والله واااايد حلوه تشيل الهوا من البطن

 

[طيبة83]

هلا بنات

بستشيركم في شي

ريلي ساعات يحرق جبدي

احس هل ايام يعاملني بفتور

مثلا انا ساكنه عند حمولتي شقتي عباره عن ملحق في الحديقه

اهو ع طول داخل بيت اهله يرجع من الدوام غرفته وثيابه تحت يبدل يتغدا واذا يبيني انا اروح له غرفته وفي اليل يطلع ويرجع فوق شقتنا الفجر ومرات ينام تحت عند اهله

انا ادق احاتي ما يرد علي الصبح يقولي كنت اطالع التلفزيون ونمت اشتبين اسوي

حتى اذا اتصل له او اطرشه مسجات غزل ما يرد او يرد عقب خمسين سنه

ونفس الشي اذا ابي اطلع مكان اوو ابي شي منه يحرررني لما يسويه

بس خل يدقون ربعه يقولون له البر ولا الكراج ولا سيايير ينقز من مكانه ويروح لهم



اهو صار اكثر وقته تحت لان عندنا بنت صغيره وشقتنا كانها ستديو غرفه نوم وصالة مفتوح ع بعض
فبعد ما ولدت خذ اغراضه تحت يقول عشان ما ازعج البيبي ومن هذيج الايام بدا الفتور يزيد ويزيد مع ان بنتي الحين عمرها سنة وسبع شهور

وامكانياتنا ما تسمح لنا نطلع بيت بروحنا

 

[شادن33]

^^^^^^
شوفي طيوووب اولا انتوا غلطانين لما تباعدوا بحجه البنوته وازعاجه غلط لا تعيدينها بولاداتج الثانيه

اللي عليج انج تحاولين اتيرينه صوبج ولاااازم ينام عندكم وماينام تحت لو شنو

طلعيله اي سبب يقنعه قوليله اخاااف انام بروحي او ساعات اتيلي دوخه بالليل واخاف بروحي تعال نام عندنا ........

المهم يقتنع واذا على ازعاج الياهل رتبي نومها عدل

وخصصي زاويه صغيره لسريرها بس اتكون بعيده عنكم وبنفس الوقت تسمعينها اذا بجت

 

[عناقيد الغنج]

انا زهقانه

ومابي انزل لحمولتي اسمع التشكي والتشره اللي ماله معنا واللي شايله نفسها واللي تقعد ومرات يطنشون اذا انا قاعده بالصاله