يوميا @ سجلي حالتج النفسيه اهني@متزوجات حيااكم@

[Zinab BH]

افا تشبيهج حطمني شدوون شدعوة لوووول ترى معظم البحرينين هذا حالهم
ماتجوفينه يبي يهاجر اكا طالع لي بسالفة استراليا يبي يهاجر
بس ايام الازمة في البحرين قدم فيزا لستراليا ردوه خخخخ يستاهل
على قولته بيحاول مرة اخرى الصراحة انا تشجعت لفكرة الهجرة لان صج هني الوضع ماساة في تردي مستمر
الواحد يكرف هني عشان يقدر يوفر لنفسه مسكن وماكل كريم باالاحرى يوفر حقوقه
غير برا الحقوق موجودة بس يعيش يومه ويوفر لمستقبله ااخ ياقلبي لا تخليني اصيح
على فكرة احنا مستوانا المعيشي على المستوى البحريني ميسور ومن الطبقة الراقية شوي لووول
بس شنسوي الحمدالله على حلو القضاء و مره

 

[شادن33]

لا زنووووب بعد عمري لاتزعلين اتغشمرررر

خليج مكافحه في بلدج والله اهون من اي شي
وانشالله الله ايسر اموركم حبيبتي

 

[Zinab BH]

اي اهون يا شدوون عين عذاري تسقي البعيد وتخلي الجريب ربج اكرم واللطف بعبده
اذا رزقي و رزق ريلي برا البحرين مابنقول لا الحمدالله على كل حال
قلبتها دراما خليجية لوووول
تصدقين صار لي اسبوع افتر بهالقرطاسيات ادور لي دفتر حلو يفتح نفسيتي للجامعة مو محصلة
عقب الدوام بروح اخر مكان حصلت باخذ ماحصلت امري لله حق الدفاتر الحزرة
فيني هالحالة من يوم انا صغيرة المادة اللي دفترها حلو ادرس لها واحبها لووول الله يعين لا يبت اولاد واطلعو عليي بهسالفة ياويلي

تصدقين خاطري في محاشي حامض حدي مدي 0_o

 

[شادن33]

زنووووب وييييييه مبروووك حااامل ههههه

 

[شادن33]

عاد انا فيني لووووعه
وكاني برجع

ولايعه جبدي
وكله ابي انااااام


بس الحمدلله موحاااامل هههههه

 

[شادن33]

زنوووب لازم واحد من عيالج بيصير فيه هالطبع
انا بنتي العوده نفس تصرفاتي بالظبط وانا صغيره عاد اذا كان الطبع يبط جبدي اصرررخ عليها
ما ابي تسويه واخاف تعيد التاريخ ههههه

 

[Zinab BH]

وين حامل وفيني الدورة لوووول
خل يتطبعون مثلي وانا صغيرة حدي هادئة و اهبل على قولة اختي الكبيرة نصرخ عليج تروحين الزاوية بس الحين كبرت و تفرعنت لووول
اخذ بحقي مايصير بعد الطيب مايعيش بينهم لوول بس هالطبع مال الدفاتر فيني من قلب للحين تصدقين اخذ لي الدفاتر الصغار اللي يزعم مذكرة واااي
مخليته في بيت زوجي في حجرتنا عاد كنا زايرين الكويت و دشينا كانه اسمه دسمان مادري شنو
وشفت الدفاتر و ينيت عليهم خذيت واحد يهبل خليته في الحجرة
و خليته لي و لزوجي اذا واحد فينا زعلان او طفشان او مستانس يكتب فيه لثاني وهكذا
اطلع لي اي فكرة كله في سبيل الدفتر الجميل لووول

ذكرتيني في اختي الكبيرة بنتها الوسطية شريرة و كله تهذر مثل اختي يوم اهيا صغيرة
و صراخ بنتها الكبيرة على اخوانها الصغار مثل اختي اذا تصارخ تقول اضحكني ساعات احس انا موقفة عليهم
ذكرتيني في امي اذا تدعي على اخوي تقوله يعلك ولد مثلك بالظبط ويسوي فيك مثل ماتسوي فيني
يقولها لاااااااااااا واللي يعافيج لا ادعين هالدعوة كرهيني بس لا ادعينها يخاااف تطلع قروونه العيار

 

[شادن33]

هههههه
يحليلج زنووووب

لا انا بنتي اعرف شنو بتتصرف بالسانتي والمسطره نفسي جاكتها جاكتها هههه
يعني اذا تبي شي اعرف ان الحين بتطلبه او الحين بتعلق على شي حافظتهااا صم جنه انااا

وولدي ملوعه جبدها لما ادرسه اقوله وااااي انتي متى تكبر عاد بعد عمري يقول انزين شسوي عشان اكبر بسرعه وافكج ههههه

 

[شادن33]

ودعاوي امج مثل امي
اللي عيالها شياطين تدعي عليها يعلج ماتييبين غيره هههه عاد انا اقول اميييييين من قلب خخخخخ

 

[شادن33]

الحاله النفسيه
تحااااتي قموووورالمختفيه


وينهــــم احباب قلبي وينهـــم وينهم راحـــوا ولا ادري وينهــم
لا صــــوت يوصل لا صدى والهم في قلبـــــــي بدى وينهــــم
وينهـــــــــــــم احبــــــــــــاب قلبــــــــي وينهــــــــــــم


لعل وعسى نعرف اخبااارها هالمختفيه !!!!

 

[Zinab BH]

يا حليلها بنتج يعني باجر بتصير شدون نمبر تو لووول يعني ضمنتي مستقبلج معاها
اما ولدج مسكين شمسوية فيه فقير الله تعقدينه بحياته ياخوفي يكبر و ياذيج اكثر لوول عاد انا ماحب الصبيان ذبحتي البنوتات
عندي بنت اختي ياربي عليها احبها اموت فيها غير عن الكل عمرها سنة ونص
قصييرة و توها تمشي عاد اهيا تركض بمشيتها مستعيلة و تحب الاكل لا اله الا الله
رفيجها اللي ياكلها اروح لها ابي اضمها تتباعد عني وتكفخني بس يصير عندي اكل تيي تركض لي وتتبسم لي وااي ابي بنية مثلها حدددي

على طاري قمور انا من زمان كنت اقرا الموضوع لين ماتطلقت واحس من عقب طلاقها اختفت
عسى المانع خير ان شاءالله بس مافهمت سالفتها مع طليقها شكان مسوي اللي حملت مرض منه

 

[شادن33]

اي والله زنوووب عسى الله بحفظها وعسى المانع خييير

 

[Zinab BH]

شدووون شنو غذاج اليوم
انا اليوم بهرب قبل مايخلص الدوام بساعة بروح اجوف لي دفتر جمييل
وغذاي محاشي اختي شرت لي وااااي ابي اروح البيت بسرعةةة

 

[شادن33]

بالعافيه زنوووب مطرح مايسري يمرررري

احنا غدانا كشرررري

عاد خدامتنا تقول كسرررري ههههه

 

[Zinab BH]

الاااااي احب الكشري ,, عاد لا يحوشج و تكسر لج المطبخ من كلمة كسري هنى وعااافية ياقلبي
المنجر مو راضي يمشي جان اشرد افففف

 

[ام الدرر]

السلام عليكم
الحالة النفسية
مش بطااااال

زنوبه حياتي
والله اذا فضيت شبكت ما اقدر استغني عن التجمع وسوالفكم
بس للظروف احكام
حياتي الغربة صعبة لا تستعيلون
كلنا في بداية حياتنا حاشتنا ضروف
وقلة مادة
بس الحمدلله السنين مشت وكبرنا وربينا عيالنا
وتيسرت امورنا
اهم شي حبي راحة البال والصحة


انوث
ياقلبي ماجورة
حطيه بزاويه وامحطيه لين يقول تووووووبه
انا حارني ودي افزع معاج
ماعليه قلبي الصبر
خليه يطلع اللي بقلبه لا تردين عليه
طنشيه هالايام ولا كانه موجود
لا تكلمينه ولا تردين عليه
حتى لو تطول السالفة
خلي نفسك طويل
حتى لو طول الموضوع
ولما يفتح النقاش وهو هادي
خيريه بين امرين اما انه يتعدل او الانفصال (طبعا مو صج بس تهديد )
او انك تهدين الوالد عليه يقرصه من اذنه
حياتي حران تفكرين بالطلاق توج
المشاكل وقتيه وطبع زوجج عرفتيه
مثل ما قدرتي تغيرينه اول
تقدرين باذن الله ترجعينه
عسى الله يهديه ويسخره لج
ويجمع ما بينكم ​

 

[ام الدرر]

هاردلك كويتيات
ومبروك الامارات
وان شالله الكاس
اماراتي ولا بحريني ​

 

[Zinab BH]

صباح الخير للحلوين
اليوم لتغيير العصيرات شريت لي عصير جوافة و الجوو بارد امشي و ريلي تتصافق في بعضها
مداومة بالجامة بس لابسة العباة طبعا ماكان فيني شدة ابدل من صبح الله مو قادرة برررد 0_o

ام الدرر شنقول غير الحمدالله على كل حال والله المستعان
اما عن الكاس شكله عراقي يااختج اهىء اهىء اهىء

النفسية اليوم مش ولا بد

 

[شادن33]

صباااح الانوار
النفسيه
مسترخيه توني راده من الجمعيه
وسويتلي مساج بزبده الشيا اممممم ريحتها حلوه

 

[شادن33]

زنووووب واذا فرضا صار شي واضطريتي تفصخين العبااااه
يافضيحتج فضيحاااااه بين العربان بجاااامه