يوميا @ سجلي حالتج النفسيه اهني@متزوجات حيااكم@

[Patcholli]

مساء الخير

توني راده من الصالون صبغت شعري وقصيت قذله :|

وصبغت اظافري بعد واي احس كنت محكوره بقوطي بدون خدامه ماقدر اسوي ولاشي حق روحي
هاذي دشت من اهني وانا طرت عالصالون من اهني
ادري مفروض ماهدها اول يوم بس مادري ليش حسيت ان شي لازم اسويه
واي بس باقي الليزر الحين وارد انثى :|

احس صرت هياتم

 

[ام الدرر]

ام خزامى سلامات وسلامتها زوزو
ياختي اركدي كل هالحوادث بيوم واحد طيب وزعيهم ع الاسبوع


ما تغير شي
حبوبة كلنا بالهم شرق مثل ما يقولون
مالج الاتصبرين وتطنشين
تحترقين وتحترين وهو مو صوبج
تصدقين صار لي شهرين طالبة منه كهلربجي حق غرفة بناتي اللمبات مايشتغلون
امس يوم ذكرته عصب لاني قعدت اتحلطم نفسج لو حق الجاخور جان بنفس اليوم واحنا نقدم معروض (متعلمتها منه شغل الجيش )
تالي الليل قلت له ببروووود ولاتزعل ولا تحتر
مولازم يقعدون بالظلمه احسن واوفر كهربا
وده يكفخني



باتشو
حياتي
قرت عينج
وعسى الله يسخرها لج
يعطيج خيرها ويكفيج شرها

مبروووووك النيولوك
الليلة عيد الليله
الدنيا سعيد الليلة
تتهنين حبوبة ​

 

[&هند&]

مسااااااااااااااء الغلا


الحاله النفسيه داون مريضه وباقي لي 10 ايام واخلص نفاستي ولا خلصت شغلي


فديتكم شلونكم ؟؟؟؟


وبشرو عسى قمور دخلت ؟؟؟؟؟ وربي احاتيها

 

[امـ خــزامـى]

باتشووو مبرووك الله يكفيك شرها ويطعمك خيرها
وسوي مثل ماقالت شادن


ماتغير شي
حييبتي عاادي كل الرجال هيك خصوصا بالتأجيل

ام الدرر شدون الله يسلمكم

وايه والله كلها بيوم واحد
اصلا مادري وش فيني انوااع الرجه
جسمي كله ضرباات
مافي توازن نهائيا
ربي يعيني

وههههههه شادوون تهقين عينها

وينك دلع تعاللللي بمسح عتبة المتتدى اخذ من اثرك واغتسلبه خخخخخخ


حبيبتي عاد دلع

 

[امـ خــزامـى]

وايه نسيت تتهنين باتشو باللوك

هند
ماتشوفين شر ياقلبي
و١٠ يمديك تتجهزين

بس ضروري تسوين حمام مغربي هاليومين
وقبل ماتطلعين بعد سويه وسوي ليزر بيخليك تلقين لق

وتطلعين من الشر ياقلبي
وربي يهنيكم

 

[طالبة انجلش]

مساء الخير
الحاله النفسيه اني ساعات ندمانه تزوجت
اليوم زوجي معزوم على عرس وقوم وابخره واجهز له ملابسه وابخره وجواتيه عزكم الله ودلاقاته
ومستانسه اني اسوي له جذي
بس تدرون شنو جازاني جازاي بزفه تخيلوا كان يكلم عمي اللي اهو ابوه وعمي بالصاله واهو قريب عند الباب بيطلع مستعيل
شفت العرق بويهه قمت وامسح العرق
زفني وقالي |||خلاص ياختي ||| يطلع انا رحت لغرفتي ناداني حس بالذنب قالي تبين شي قلت لا
وكل افكر بالي سواه
مو اول مره وطااااف
فبل جم يوم انا بيت اهلي بايته وقلت له بسمع صوتك وقبلها دازه مسج من مسجات الحب
وقمت احاتيه مايرد قمت اتصل بعد مايرد
وبعدين الفير رد علي وتطمنت انه بخير ارتحت
الصبح اتصل فيني وقلت له انت شسويت فيني قعدت احاتيك قالي اس ولا كلمه
ابي اعرف اهو وين كان عايش ؟
شهالاسلوب غيرت من نفسي وصرت اتجرا معاه حتى بالفراش
وهو يقول انتي مريحتني ..
شنو اقول سكت .
وامس بالليل فزيت من الخوف مثل شي ربط لساني والله بنات وعند صلاة الفير

ويوم قلت له ان سمع خطوه بالغرفه ومثل احد غمض عيوني بس مو احد غمض غمضوا بروحهم
يتطنز علي قدام اخوه الصبح
يوم قام حماي قلت قسم بالله ان قلت السالفه هذي لاحد ان ماراح اكلمك

الحمدالله

ليش الريايل بعضهم جذي

 

[&هند&]

طالبة انقلش >>>> والله حريتيني رياجيل هالوقت مو مال تدلعينهم بس عطيه حقه واخذي حقج منه بس مو مال دلع لاحظة من تدلعينهم شافو نفسهم علينا



ام الخزامى تسلمين والشر ما يجيج


باتشوووو الف مبررووووووووووووك الخدامه والله يعطيج خيرها وكافيج شرها وتهنين باللوك الجديد >>> الفال لي اغير لوكي بعد كم يوم

 

[Patcholli]

حياتي هندوه بعد قلبي الحمدالله عالسلامه عمري
مبروك مايااااااااااااااكم يتربى بعزج يااااااااااااااااااااارب:*************
شخبارج شعلومج عساج بخير ؟؟

 

[Patcholli]

حياتي ام الدرر بويه نبيج اللهم امين يااااااااااارب تطلع زينه وتبرد جبدي وتظل معاي ليما اصير عيوزه


ام خزامي حبيبتي الله يبارك فيج :***

 

[ام الدرر]

السلام عليكم
الحالة النفسية
وزني قاعد يزيد
وحايشني تانيب ضمير بس هم آكل
اخاف ارد كل اللي نزلته
ودي ارد للدايت بس المشكلة بالمشي الجو وهالايام امتحانات ما كو مجال كلش



هنودة حياتي شخبارج
سلامات حبيبتي
اشغالج الحين كل شي شغل الصالونات بالبيت
ماعندج الاروحة السوق حق تجهيز
لا تحاتين سهالات ان شالله


طالبة انجلش
لا تخلين الموضوع بدون مناقشه
قولي له
انت زوجي وابوي واخوي
والله العالم اني مقدرة كل اللي تسويه (امدحيه حتى لو فيه تقصير المهم تنفخينه شوي )
ويشهد ربي اني احبك وما ابي يجي مني اي تقصير
بس احيان تصدمني او اخاف من ردة فعلك اذا كنت بسوي شي
اخاف يضايقك او يزعلك
يعني فضفضي بس مع مدح ودلع
عسى الله يهديه ويسخره لج


باتشو حياتي
عساها باب خير لج ان شالله
وتعمر عندج
انا المسعدة توصل الاحد لا حس ولا خبر
العادة تدز مسجات
الله يعين عسى ترجع مالي خلق ادور واطلب ​

 

[shyoooma]

السلام عليكم ..
شلونكم شخباركم ..

انا من زمان عن منتدى كويتيات ..
اول شي لانه ما عنده لاب و ثاني شي مع التكنولوجيا الي هابه هالايام ما خلت الواحد يقعد على الاب و يتفرغ حق المنتدى بس ان شاء الله بين كل فتره ة فتره بدش ة ادردش معاكم واطلع ..

انا تعمتد ادش هالقسم لانه حيل بحاجه افضفض و اشوف سوالفكم يمكن تهون على مشكلتي ..
انا متزوجه صارلي سنه و بدش بالثانيه و كنت حامل و طيحت و ليما الحين ما حملت ياربي يرزقني ان شاء الله .. وانا في مشاكل حاليا مع زوجي بس ربج يحلها ..

طالبة انجلش >> الله يصبرج و يهديلج زوجج
ام درر كلامج ريحني بس هم ماكو فايده معاهم ما يقدرون هالحجي ..

 

[Patcholli]

ام الدرر الله يسمع منج يااااااااااااااارب :*********************************

 

[Four butterfly]

نفسيتي مخليتني أردد اللهم آجرني في مصيبتي وإخلفني خيرّا منها

لا حول ولا قوة الا بالله

 

[Patcholli]

حبيبتي والله بترفلاي اللهم امين الله يسهل امورج ويوفقج يارب ويبعد عنج كل شر وكل سوء

 

[نبض آلخفوق]

شلونكم شخباركم اشتقت لكم حبايبي

 

[أم فـرح الحلوه]

باتشولي مبروك الخدامه والله يعطيج خيرها ويكفيج شرها


باتشولي قريت لج بواحد من المواضيع برد قلبي<<< دابله جبدي صاخبه الموضوع وردج ونسني


طالبه انجلش عادي هذيله الرياجيل وما جاج شي زين اذا ما انزفيتي قدام اهله والرياجيل كلهم عاهات الحين


ام درر حاولي تشرببن دارسين يسد الشهيه ويحرق ولا تتعشين ومالومج الجو كلش مو مال مشي وامتحانات والعيال لازم مجابل


حي الله نبض الخفوق وينج مختفيه

 

[طالبة انجلش]

مساء الخير
الحاله النفسيه اني ساعات ندمانه تزوجت
اليوم زوجي معزوم على عرس وقوم وابخره واجهز له ملابسه وابخره وجواتيه عزكم الله ودلاقاته
ومستانسه اني اسوي له جذي
بس تدرون شنو جازاني جازاي بزفه تخيلوا كان يكلم عمي اللي اهو ابوه وعمي بالصاله واهو قريب عند الباب بيطلع مستعيل
شفت العرق بويهه قمت وامسح العرق
زفني وقالي |||خلاص ياختي ||| يطلع انا رحت لغرفتي ناداني حس بالذنب قالي تبين شي قلت لا
وكل افكر بالي سواه
مو اول مره وطااااف
فبل جم يوم انا بيت اهلي بايته وقلت له بسمع صوتك وقبلها دازه مسج من مسجات الحب
وقمت احاتيه مايرد قمت اتصل بعد مايرد
وبعدين الفير رد علي وتطمنت انه بخير ارتحت
الصبح اتصل فيني وقلت له انت شسويت فيني قعدت احاتيك قالي اس ولا كلمه
ابي اعرف اهو وين كان عايش ؟
شهالاسلوب غيرت من نفسي وصرت اتجرا معاه حتى بالفراش
وهو يقول انتي مريحتني ..
شنو اقول سكت .
وامس بالليل فزيت من الخوف مثل شي ربط لساني والله بنات وعند صلاة الفير

ويوم قلت له ان سمع خطوه بالغرفه ومثل احد غمض عيوني بس مو احد غمض غمضوا بروحهم
يتطنز علي قدام اخوه الصبح
يوم قام حماي قلت قسم بالله ان قلت السالفه هذي لاحد ان ماراح اكلمك

الحمدالله

ليش الريايل بعضهم جذي

لا الحمدالله قال انه مو قاصد وانا الزفه صارت بويهج
وان بس كان معصب من عمي
وتاسف بعد الحمدالله
الله يهديهم ياارب .

 

[طالبة انجلش]

لا بنات قالي انتي مستعيله وانا قاصد ومتنرفو من ابوه اللي اهو عمي
وباسني بعد براسي
يارب يحنن قلبه علي

حبايبي انتوا ولكل اللي ردوا

 

[امـ خــزامـى]

ام الدرر نفس الحاله وزني من بعد رمضان متغير وسااامنه
ومكتئببببببببببه من جسمي استغفرالله
ودي انقص 5 كيلوو
وان شاءالله بكرى اول يوم بالتخفيف والرجيم
وياااارب مااخربط

طالبة انجلش
عاادي حبيبتي السنه الاولى دائما تكووون كثيرة الخلافات
وتصير البنت حسااااااااااااسه
بس بعدين تتأقلمين مع طبعه

 

[طالبة انجلش]

يبا زين انه اعتذر