يوميا @ سجلي حالتج النفسيه اهني@متزوجات حيااكم@

[شادن33]

شيووووخ لان يدري انج تمووووتين عليه جذي يتصرف !!!

خلي حبج باعتدال وانا اختج وخير الامور الوسط وخصوصا مع الأزواج

دنيتي عورتي عيني بالأصفر وماعرفت أقرى شي

 

[شيوخه @]

دائم ادعي أني اصحى من النوم ألقى عمري ما احبه ادري حدي رومانسية وهذا اللي يخرب حياتي شسوي اذبح روحي وافتك من هالشعووووور

 

[شادن33]

شيووووخ ماقلنا لاتحبينه بس لا اتبينين حبج على الطالعة والنازله يمل يزهق

عطيه جرعات مؤ كله دفعه وحده يشوف نفسه عليج ولا يقدر حبج

حلو انج اتفاجئينه مرات بكلمه احبك او واحشني اوادزين له صوره فيها شعر بس موعلى طول ما يشتاااااااق

سوي عمرج لاهيه بشي بوجوده اعتني بنفسج اقري كتاب سولفي معاه سوالف حلوه او عن شي قريته في الكتاب راح يستانس على هالتغير

انا ريلي يوم يشوفني أقرى كتاب يستااااانس على هههههه

 

[شادن33]

شيوووخ اعرف وحده تمووووت على ريلها وريلها عارف ان ماراح تعيش بدونه صار كل يوم يقولها بتزوج وبتزوج المره تعبت ويالها الضغط والحساسيه

وقلق ليش كككككل هذا عشان الحب التعلق الزااااااايد واخرتها الريال ولا درا عن صحتج يبي وحده صاحيه وقويه ونشيطه

فياريت تنتبهين على نفسج عطيه حقوقه والمعامله ألزيته وخليها على ربح ربج يجملج بعيونه

 

[Zinab BH]

صباح الخير في القايلة لووول
شخباركم شمسوين عساكم طيبين شخبار بعولتكم اللي مشيبين شعارتكم و شعاراتي بعد

ام الزوز عاد انا ماحب سالفة الغيرة و المقارنة بين الاخوات نصيب و مافي احد كامل يعني محد مرتاح عشان تكون في غيرة الله يهونها بس

شووخة حبيبتي ريلج حقريه انقطعي عنه الريال ماحب الحنة و الزنة و الرومنسية الزايدة دائماً اقول اللي شخصيتها قوية زوجها يتعلق فيها
سووي لج كيان حياة مستقلة حقريه هالفترة خل يلحق وراج مو موقفة حياتج عشانه لا تقولين ماتقدرين بلى تقدرين وتقدرين وقولي لنفسج انا اقدر لا تحطمين روحج بروحج جذي ترى اتملين وتتلف اعصابج واهو مو داري عنج


شدووون شسويتي وية شعرج ؟؟ جفت هندية في الشركة محنية شعرها وتذكرتج عاد اهيا مرقع
شعر اسود و شعر احمر مادري بني شسالفة مادري لوول

 

[شادن33]

هههههههه شبهتيني بالهنديه مالومج دوامج كله هنووووود الله يصبرج علي قرقتهم

اسكتي قبل كنت محنيه شعري وبعدين صبغته عشان ريلي برجع من السفر قبلها بيوم مع ويهي بسويله استقبال حلو

انزين عاد قلب شعري من فوق برغندي وتحت بني من الحنه !!!!

وكنت كلي ثقه كاشخه ولابسه وفاااااله الشعر <<< عيني قويه موووو

وطبعا من كثر الشوق والوله ريلي ما لاحظ الا ثاني يوم ههههه

ولا كنت مع ويهي اترزز تحت الاضاءه يعني اللون البرتقااالي يعور العين جني باكستانيه كااااشخه خخخخخخ

واعليه شسوي الريال بالع العافيه وساااكت ههههه

عشان جذي اسأل عن الحنه خاااايفه خخخخ

 

[شيوخه @]

بنات نسيت ماقلته لكم أنا اللحين عند أمي نفاس يعني من صالحي أظن لان بثقل عليه وشجع نفسي صراحه جا الوقت اللي أغير طبعي شوي معاه يمكن صج أنا مغرقته حب وهذا الغلط تدرون شسويت اول شئ حذفت الواتس اب عشان اجبر نفسي أوقف شوي عنه ببعد يعني وهاذي السالفة من امس وكان مايدق أبدا والصبح دق علي يسأل عن إخباري بس ماجاب طاري الواتس

 

[شيوخه @]

ياعمري انتوا عالردود والله أنكم خووووش خوات فديتكم حسيتوا فيني عاد أنا كلش ما اشكي كلششششش لوحق أمي وخواتي

 

[امـ خــزامـى]

^
حبيبتي لازم تتعودين وتتاقلمين ان مو كل شي تستخدمينه يعني خلاص ملكتيه وتبينه يصير مثل ماتبين

ولاتتعلقين باي احد غير ربك

وزوجك تراه طبيعي جدا الغلط فيك تبينه بيرفكت وولا غلطه وهذا شي مستحيييييييييييييييل

يوم شافك انه اكبر اهتماماتك وبس تبينه يشوفك وتجلسين معه صار يتغلى

وتعلمي هالقاعده الحقيه ينحاش عنك ابتعدي عنه وانشغلي يلااااحقك

انشغلي باي شي وداائما ححسسيه انك مشغوله وماعندك وقت

بعد النفاس لاتصبغين شعرك وتغيرين بشكلك وشخصيتك هي هي
لا غلط اول شي غيري اسلوبك واطباااعك وخليك غامضه صدقيني بيركض وراك يبي يكتشفك
الرجل تجذبه المرأه الغامضه

واذا هذا اول بيبي شي طبيعي بتنشغلين عنه


الله يوفقك ويسخرلك والمسلمين

 

[شيوخه @]

حبيبتي انتي لا هذا ثالث بيبي بس انا أصغر منه بسبع سنوات وأنا قعدة امي متعوده عالحب وكنت أتخيل الزواج شئ وطلع شي ثاني مااقول اهو موزين لا يمكن واجد بنات يتمنون جذي زوج يوديني ويسفرني ومطاعم وكل شي بس حب وكلام وغشمره مااااااكو واذا عصب اففففف يغثثثث حده يعني انا مابي شي زود بس ابي المعدل الطبيعي سؤال وضحك لو مره بالشهررر كله ماكووووو صامت صامت ع طووول واحتتر إذا لعب مع عياله أقوله بلعب معاكم خلني اضحك يقول ليييش دادا انتي

 

[امـ خــزامـى]

هههههههههه الله يوفقكم ويسخركم لبعض

الرومانسيه الزايده ترى تضاايق مثل ماالصمت الزايد

خير الامور اوسطها

حاولي تكسرين الصمت اللي عايش فيه زوجك تقربي له شوفي اهتماماته وتكلمي عنها
اسأليه عن شغله واصحابه ويومه كيف مر عليه

ترى الحرمه هي دائما اللي تفتح الحواارات مو الزوج

 

[Zinab BH]

صباح الخيرات بنوتات

شدوووون شمهببة في عمرج شهالصبغة الباكستانية الهندية لووول
ان حطيتي حنة فوق هالصبغة بصير لج عصير كوكتيل ثلاثة اللوان برتقالي و احمر و بني تدرج اللوان مسوية
نطري عليه شوي و روحي صالون صبغيه عندهم لون موحد غربل الله بليسج على هالخلطة خرعتي الريال مسكين لووول

انا عيد ميلادي الاسبوع الياي و ابي اروح اقص شعري اغيير اللوك وابي اصبغ شعري
بس الصبغة للحين مانزلت شفيه شعري يملل الصبغة توها بادية تتحرك من مكانها على ان انا صابغته في عيد الاضحى
ومابي اشيل الصبغة واصبغه مرة ثانية اخاف على شعري يعتدم و خاطري اغيير اللون الاشقر الى بني اففف هم
و هالمرة بقصه قصير لاعت جبدي من الشعر الطويل
عاد متحمسة ابي اجوف ريلي شبسوي و شنو الهدية قاعدة احووس في الاغراض و الادراج مااجوف شي
تخيلوو ما شرى لي هدية وااا غبرتي 0_o
عاد اول عيد ميلاد لي بينا بس مااجوف اي بوادر ريلي اعماله كله بالخفاء
مثل سالفة السفرة يقول لي برزي شنطتج ليلة باجر مسافرين
وااي على برودة القلب و الاعصاب اللي عنده

 

[ام الدرر]

السلام عليكم
الحالة النفسية
الحمدلله

ام زوز
خمول الغدة في البداية كنت ادور علاج نبوي وطبيعي وتازمت نفسيتي لانها صج تاثر وتسوي اكتئاب
اما الحين بعد 5 سنوات الحمدلله تاقلمت وتحسن الهرمون وارتاحت النفسية والفضل والمنه للرب العالمين


طالبة انجلس
الله يهديه ويسخره لج

شدون
سلامات حبوبة
وانا سمعت الصبغ يكثر الشيب مو الحنه
والدليل شيباتي سنين ما اعرف الحنه ودايم اصبغ والشيب في تكاثر

زنوب
حبيبتي طنشي زوج اختج عشان علاقتج باختج
مو كفو تناقشينه وتزعلين اختج

باقي النفوسات ش خباركم​

 

[طالبة انجلش]

السلام عليكم بنات
شلونكم ؟
حايسه شوي عندي امتحانين

والخميس والثلاثاء باذن الله
حالتي الحمدالله
وزوججي حيل ندمان على اللي سواه وقلت له عطني فتره انسى اللي سويته

ادعولي بالتوفيق بامتحاناتي

وشدون وباتشولي وام خزامى وملكه وام الدرر
مشكوورين على كل شي ,

 

[ملگه]

مرحبا صبايا كيفووم
طالبه حبيبتي لاتشكرينا ولوو حنا خوات

 

[ملگه]

الحاله النفسيه تعبانه كله افكر
بجدتي الله يشفيها

 

[ملگه]

أريد عِشقاً لآ يَعرفُ الهُروبْ * "~
لآ يَرتَديْ الغِيابْ ولآ يَمنحُ عَينآيَ الدّمُوع


.. .. .. .
وقتها سيكون

.. .. .

لآ إعتِدآلْ فِيْ [ جُرعَآتِ ] حُبكّ !!


. . سأتنآولك . . * حَتىّ آلِـِـمَوتْ

 

[ملگه]

بنات متضايقه حدي
ودي اصييييح

 

[ملگه]

أبيـك{ جنبـي }كل ماضآق صـدري
وأبيـك{ فرحي }لاقست سـود الأيآام

وقـل للـي مـاآيــدري وخلــيه يـــدري
إنك بعيـــني{ تسهرالليل }وتنـــــــآام

 

[ملگه]

علمتني الحياة أن الإبتسامة الصادقة أفضل من الكلام الجميل وأن الصمت الطويل أفضل من الكلام المعسول وأن النقد البناء أفضل من المدح الهدام