يوميا @ سجلي حالتج النفسيه اهني@متزوجات حيااكم@

[شادن33]

تعبــانه

سلاااامتج دلع

 

[شادن33]

الحاله النفسيه
اللهم لك الحمد اليوم أحسن

 

[Zinab BH]

ظهر الورد
شخباركم شخبار فطوركم جهزتو كل شي
انا اليوم مدري شفيني حدي مفرفشة هههههه
امس سويت في يمعة بيت ابوي كيكة لاول مرة في التاريخ اسمها فكتوريا و طلعت مظبوووطة
حتى ابوي الله يحفظه راعي السكري عجبته كنسلت على الحلويات الموجودة
و اليوم ان شاءالله في بيت عمي "ابو زوجي" بسوي جيز كيك
شادة حيلي اول الايام بس يزعم اسوي روحي اعرف اسوي بعدين اهوون
بس امس صج صج عيال اختي حسسوني ان انا في تلفزيون طبخ
كلهم متيمعين حواليني في المطبخ يجوفوني شلون اسويها و عاد انا مسويتهم المتذوق الرسمي و كل ساعة دور واحد
على اخر شي مساكين حملت لهم العصا بس بعد ما فجو عني يحليلهم مستانسين امهم مريحة في الصالة وانا متيمعين فوق راسي لكن حسسوني ان انا اسوي شي مهم خخخخخخ
الحين يبي لي اروح الجمعية اشتري اغراض الجيز كيك لان هني مافي و ماحب استخدم اغراض عمتي هههه بس ابو الشباب نااايم في ساابع نومة قاعد لي من صبح الله لابس ثياب الشغل و قعدني ان اهوا بيروح قلت له ووووين؟ يقول دوام قلت له اي دوام اليوم الجمعة خخخخخ كسر خاااطري واا عليا قال جذااااابة قلت له والله جوف التلفون بعد جافه الا صج الجمعة هههههه
و رد انسدح مرة ثانية و للحين في سابع نوومة
يلالاااااا قرقت عليكم وااايد خل اقوم الجمعية بعز هالشمس شسوووووي
دعواتكم ما اخرب مطبخ عمتي

 

[شادن33]

هههههه يحليلح يا زنوووب

بس صج كسر خاطري ريلج يحليله تعود ع الكرررررف ههههه الله يساعده

زنووووب أسهل شي سوي الترافلز بالاوريو سهله وسريعه امس امسوينهااا

الحين بحط مقاديرها

 

[شادن33]

المقاادير:
6حبات اوريو الي فيها 6 حبات
7 جلكسي
نص جبنه فيلادلفيا الصغيره
و بس

الطريقه:
خذي الاوريو و طحنييييه
بعدييين حطييه بصحن و ححطي الجبن عليييه
و عجنيه لمده 4 دقااايق تقرييبا لين ما يتماااسك
و بعدييين كوووورييه بس دوااير صغيره
و بعدييين خذي الجلكسي و سوي حمام مائي
و خذي الكوور و غمسي وحده وحده لين تخلصييين
و بعديين حطييه بالثلاجه من 4 -6 ساعاات

وو خذييه قهوووه و حطييييه معااااااااااااه و بالعااافيه



طحنا فيه انا وعيااالي هههههه

 

[امـ خــزامـى]

مساااللخير
كيفكم
وكيف الصيام معاكم

كلي دلع وبوبا ماتشوفون شر


وزنوب قولي وش يصير معك وصوري بالانستغرام
خليني اشوف ��


شدون يعطيك العافيه على هالوصفات


ام الدرر خلصي شغلك قبل العشر الاواخر


باقي الحلوات وش مسوين سولفوا لنا

 

[ام اريج 22]

مبارك عليكم الشهر حبوبات شخبار وحده وحده

 

[ام اريج 22]

اختي ملوكه عظم الله اجركم وجعله اخر الاحزان

 

[شادن33]

هلا ام أرووووج علينا وعليج يتبارك حبيبتي

النفسيه اللهم لك الحمد

 

[Zinab BH]

شدون شكلها الطريقة عجيبة بسويهاا بس اخلص امتحانات لان الاحد ابتدي امتحانات المنتصف :eh_s(2):
بس بسويها :ggdw:

ام خزوووم اكا سويتها و خلصت بعد هههه حطيتها في الانستغرام شكلها مغررررررررري جدا
و انتي بعد قعدتكم عجبني الدزاين اللي فيه و الحلا و القهوة حبيته مررررررررررة :eh_s(22):
بس تلفوني الله لا يبلاج من البارحة مخرف مادري شفيه الحين مو راضي يشحن جارج
صار حار مرة وحدة و الحين اشحنه جارج مو راضي
و الله اخس تلفون عرفه التاريخ z10 اكرررررررررره من قلللللللللللللللللب
لي نية ان اغييره هذا اذا مو الليلة رحت و شريت لي واحد ثاني لان يعل القلب :eh_s(4):

و النفسية اللهم لك الحمد و الشكر انتظر وقت الفطووور بفارغ الصبر
خلصت اليوم بعون الله الجزء الثامن من القران و يارب مايصير 15 الشهر الا انا خاتمته ياربي
ابي اختمه مرتين هالسنة لات اللعام ماختمته :eh_s(2)::eh_s(2):
و انتو يا بنات لأي جزء وصلتون في قرائة القران؟؟ :ggdw:

 

[ام الدرر]

السلام عليكم
الحالة النفسية
الحمدلله من قبل ومن بعد

كلي دلع
سلامات عسى ماشر


شدون
الحلو يشهي
المشكلة ماشية ع نظام غذائي
بعطي المقادير بنات يسوونها يوم اليمعه <<<فري اكل اللي ابيه

ام اريج
ياهلا ومرحبا

بيرفيوم - باتشولي
شلونكم حبيباتي

ام خزامى
الحمدلله طلعت السوق باليل معدومه عندي الا للضرورة
احب اتسوق نهارا برمضان

زنوب
ماشالله صرتي ست بيت​

 

[امـ خــزامـى]

هلا والله ام اريج كيفك ياعسل

زنووب ايه شفته يهببببببببببببببببل ماشاءالله اشتهيته
تسلم يدينك وبدايات قوييييييييييييييه
واصلي

وماشاءالله عليك همتك عاليه ربي يزيدك ويحقق مرادك ويثيبك
انا العام ماختمته جدااااا مقهوره
بس بااااااااااااااذن الله اختمه
هالجوال الكل يشتكي مننننننه زوجي اخذه يومين وطفا
على طوووووووول باعه


وياحبيلك اهم شي عجبتك قعدتنا والدزايين الرمضاني لبى قلبك

وام الدرر الله يسهل عليك ويمتعكم
سمعتي بنظاام مقاطعة الجبن
كاتبين تجاربهم الناس ويمدحوونه يقولون هرموناتنا ضبطت
وبعضهم نقصوا عليه مع انه مو رجيم


وبسالك كم تاخذين ثيروكسين ؟

 

[أميره بلا قصور]

تعبانه

 

[امـ خــزامـى]

مررررحبا


الحاله النفسيه
ماشي الحال

 

[غالية زمانها]

نفسيتي تعبانه من زوجي اللي متزوج علي
ماقول الا حسبي الله ونعم الوكيل

 

[ام الدرر]

السلام عليكم
الحالة النفسية
الحمدلله

ام خزامى
اول مرة اسمع الجبن يأثر بالهرمون
عاد انا مو ذاك الزود مع الجبن بالاسبوع مره اذا كان مخلوط بطبخه
والثيروكسين اخذ 50 حبة باليوم​

 

[ام الدرر]

باقي الصبايا كيفكون
شدون
ياتشولي
بيرفيوم
ملوكة
زنوب
طالبة انجلش

والغايبة من غير شر
نبض الخفوق

كلي دلع
طمنينا عليج
عسى ماشر​

 

[امـ خــزامـى]

غاليه ربي يفرج همك


ام الدرر نفس الحاله اخذ 50 حاليا

وبعد معلومة الاجببان جديده علي
يقولون الاجبان كلها كالسيوم
وكثرة الكالسيوم تمنع تفاعل الهرمونات وتهبطها وتحولها دهووون

ويتعارض الكالسيوم مع فيتامين دال

وضروري ناخذ مغنيسيوووم

كلاااااااام كثير حاول افهمه

انت ابحثي عن المغنيسيوم وممكن تفهمين وممكن لا








كلي دلع حبيبي طمنيني عليك

 

[كليـ دلعـ]

مسااء الخير

شلونكم بنات شلون الصيام معاكم


ام الدرر

تسال عنج العافيه ياقلبي

والله مادري صخنه ووهن بالجسم موقادره حتى ارفع ايدي

اسبوع كامل الحين صرت اشوا الله لايعيد الشر

شخبارج!؟!

​

 

[طالبة انجلش]

قوه بنات ً نفسيتي تعبانه حيل نزل غلي شئ لونه بني بس تكونون لقيت بقعه بملابسي الداخليه وخايفه وبأذن الله بروح لعياده بس عفيه وحده تطمني أن ماكوو شئ لونه بني أو احمر غامق