يوميـــات حـملة انــــــوثة طـــــــــاغية 2

[رقـة الاحسـآس]

هموس

ان شاءالله تيبين علامه حلوه
الله يوفقج يارب

 

[رقـة الاحسـآس]

البنات اللي يشاركون و هن مش من ضمن الحمله
بروحي محمومه ولا فيني حيل ارد
كل اللي بقوله
في حملات بتبدا هالفتره
خلكم منتبهين وفالقسم عشان تلحقون تشتركون فوحده منهم
والرجاء عدم الرد هنيه
المشاركه للعضوات فقط
والسموحه

 

[بحرينيه كشوخيه"]

هلوو بنوتات

سلامتج رقه

ملجه اخوي بإذن الله بعد شهر يارب توفقهم وتيسر أمورهم

هلفتره بسوي جدول عنايه مكثفه ولو أني بلمدرسه وهلون بس بضغط على روحي بلجانبين

إلي قلت بسويه جدول يديد وفيه من القبلي وهذا هو

كل يوم أغسل جسمي بصابونيتي ومفراكه بدي شوب

وأدهن جسمي بعد سبوح بكريم أنا مسويته عباره عن ليمون ثنتين وزبده شيا أربع قفشات وماي ورد ربع كوب وزبده الكاكو قفشتين

وشعري كل يوم وترك ماسك شالوفيرا وأغسله ببيبي جونسون

ويهي كل يوم أغسله بنتروجينا وماسك روبه مع حلبه وماي ورد من بنت سلطان كل يوم

وببتدي ريجيم يديد بإذن الله ومشي كل يوم نص ساعه

وجسمي كل أسبوع بسويله حمام مغربي وكل شهر حفاف بلواكس

وشعري كل شهر بقص أطرافه

وإن شاء الله أوصل للنتيجه إلي أبيها

توحيد لون بشرتي وإزاله سلولايت وتوقيف طيحان شعري وتخفيف شعر بجسمي وترطيب جسمي وإزاله القع والكلف ونمش والحرار من ويهي وصفاءه

وأهم شي مابترك لاصلاتي ولاقرآني ودراستي والله يعين

وشذونه الأربعاء بتروح قريبتي المغرب تبين شي من هناك فديتج

وبنات توصون بشي

 

[cba girl : )]

الله يوفقكم بنات

حملتكم تينن ياليتني اشتركت

 

[• JoJo •]

بنات ضيفوني معاكم بالحمله عفيه عفيه ادري جايه متاخر ورازه الوجه بس بالصدفه شفت حملتكم وودي اشترك معاكم <<زيادة عدد لووووول.. خاصتن فيها جوجو ولا يهونون الباقيين بس يحبي لها جوجو تعطي تشجيع للواحد انه يهتم بعمره شوي :$ وخلطاتها ولا اروع ..

لبى قلبك والله تسلمين حبيبتي :eh_s(7):


بس هذي قوانين الحملة ومضى عليها الحين شهرين

الحين فتحو حملات جديدة بالقسم اشتركي فيها واي مساعده او حاجه انا حاضرة لك ولا يهمك

 

[شذونه]

مجنونة غلاي دوم هالضحكه
والله اني انسانه كسووله لابعد حد والمشكله ماحد يرضا من خواتي يفركني
مع اني سويت لهن اغراء وقلت بسوي لكن خلطات >>> من لخلطاتي الفاشله
وبفرك لكن اجسامك بس رفضن مع ان عدد خواتي 5:eh_s(10):

ان شالله بدور جهاز كبير للجسم يسوي سنفررره ويريحني

هموووسه الله يوفقك يارب

بحرينيه فدية قلبك حبيبتي لود ودي اشيل كل عطارين المغرب واحطها بغرفتي:krkrkr:

بس لاتنسين وصيها بزيت لاركان اشوف علييه مدح وهنا غالي هناك ارخص

والله يوفق اخوك ويتمم عليه بخير
ويرزقنا

استاذه رقه سلاامتك حبيبتي ماتشوفين شرر في عدوينك

جوجو دام الوالده قالت لا لا
والله يشفييك عن قرريب يارب

 

[مزيونــــة مطير]

ههههههههههههههههههههههههاي شذونة انا مثل وضعك ليتك اختي عشان تفركيني وافركك
ظهورنا متجبصة من الخلايا الميتة :bbbiu:
انا امس
فرشت سنوني بمعجون المفضل لدي سنسوداين مع بكربوووونات الصوديوم
وغسلت وجهي بهالصابونة ماعندي غيرها مع اني ماني مقتنعة فيها اللمباد
وبعدين رشيت وجهي بتونك اللى مسويتة عبارة عن منقوع قشور البرتقال والليمون
وبعدها دهنت وجهي بخلطة تبع مزيونة وشقرا لوشن البياض والدلال
وشفايف بخلطة العسل مع الفازلين مع الحمرة السحرية مع شوي سايل الجلسرين
وعلى العصر
دهنت وجهي وجسمي كله بخلطــــــــة انال عبارة عن 2اقراص فوار فتامين سي + ليمون +زيت اللوز + جوسوليد
لي تقريبا 3 ايام الى الان مالاحظت شي لزم اكمل على الاقل اسبوع
وشعري دهنتة بخلطة الزيوت السبعة
وتسبحت بخلطة الصابونية بعد من انال وحتى وجهي
وشعري بشامبو الاحمر القديم
وبعدها حطيت ماسك على جسمي تبع ماي الورد تستحق الثقة لسيلوليت وتشققات وغيرها عشان البرد ماقدرت اقعد بالحمام عزكم االله خلتها بس خمس دقايق وتسبحت بالماء بس
ورشيت على جسمي مخلوط اللوز المر مع الماء الورد
وتدهنت زين فية
والمنطقة الحساسة غسول كيرف مع كريم سودو
ووجهي قبل النوم دوكين مع افالون اكتشفت انه بظلام يكون نتايجة روعة
ودهنت رجولي يالفازلين الوردي ويديني بعد
ولبشت جوارب قطنية
ودهنت رموشي بخلطة حيادر
وكحلتها بالاثمد
وبس
اشكركم جميعا على السوال وعلى الافكار اللى قدمتوها لي من جد ماقصرتو وان شاء الله ابدى من جديد وراح اكثف العناية بخلطات جديدة
جاء قي يالي اليوم احط خلطة شسالفة لان فيها كركم فهو مادة فعاله في التبيض
اشكركم جميعا واخص رقة الاحساس :eh_s(7):
وجوجو:eh_s(7):

 

[رقـة الاحسـآس]

يعطيكم العافيه بناات
انا باذن الله ناويه اكمل ع نفس اغراضي اللي كانت عندي و نفس جدولي
واذا غيرت اي شي بذكره هني ان شاءالله
حاليا ما اقدر اطلب من مريومه < موقفه طلبات الخليج
فبستغل هالشي باني اخلص اللي عندي لين اطلب و يوصلن ان شاءالله اللي عندي يكون خلص


هاليومين دوره و زجام يعني ما شي عنايه
مجرد نظافه عاديه
واشرب اشيا دافيه

امس دخت مرتين وعقب قلت خلاص بروح العياده
قلت للدكتوره عطيني اجازه مرضيه
قالت عادي ما فيج شي الا دوره وزجام
انقهررت
قلت لها انا تعبانه
وما طاعت
اونه مشددين ع الاجازات المرضيه< تستهبل ع اخلاقي امور المستشفى كلها اعرفها من سوء حظها يعني
شكلها ما تتعب من الدوره ما تحس ههه
واقولها دوخت مرتين
تقولي اها
انزين ضغطج الحين اوك < تتحراني اجذب @@


انجبرت اروح اليوم و ادخل ع الدكتور فالمستشفى و اخذ اجازه < زين اني اشتغل فمستشفى ههه
سوتلي لفه طويله
وربي مقهوره منها
مااحب الدكاتره اللي يعاملونج بهالاسلوب

 

[misuki-girl]

مزيونه حج مبرور وذنب مغفور
جوجو او رقه الله يشفيكم حبيباتي
شذونه حتى انا زهقت من سنفرة جسمي بس لازم استمر فيها خاصة بالشتا
بالنسبة حق عنايتي تغيرت بالصبح استخدم لوشن (فازلين) او بالليل كريمات الجسم الثانيه
شريت فرشه حق الجسم او قناع من همالايا هيربز او شكله شذي :

جربته امس والنتجيه حلوه راح استخدمه كل نهاية الاسبوع او راح اقولكم النتيجه بعد جم استخدام

نتايج عنايتي:
الحمدالله جسمي و وجهي ما نشف (لاني دايما ارطبها)
شعري صار شوي انعم من قبل
بس الاثار ذابحتني بس ماراح استسلم

 

[• JoJo •]

^^


رقوقة

اكررررررره النحاسه اللي كذا يرفعون الضغط والله

المشكلة جاية تعبانه ومبين التعب عليك وفوق هذا دوخه وتقول مو لازم اجازة .. لازم اموت يعني عشان تعطين @@ ؟

بس زين خذيتيها

 

[رقـة الاحسـآس]

ميسوكي

ان شاءالله بتروح الاثار
هذي يبالها صبر بس استمري و فالج البشره الصافيه ان شاءالله
و هملايا ماركه زينه و ان شاءالله يناسبج قناعهم

جوجو

ماعرف مرات احس بعض الحريم فيهن حقد
اليوم الكل يقولي ليش مداومه الويه اصفر و مب قادره اشل عمري
وين لي خلق ايلس ع كرسي 8 ساعات و اجابل مرضى بعد

 

[رقـة الاحسـآس]

بنات شدو حيلكم
العيد و خلص
ابا همه و نشااط
ابا عنايه حلووووووه
نبا اجسام تجنن
بشرات صاااااافيه
لون متوحد
شعور تلمع ورويانه

يلا بنات تحمسو و خلو عنكم الكسل
مهما كنتي بزي تقدرين تعتنين و تطلعين بنتيجه حلووه

ما نظمن تخلص الحمله و نجتمع كلنا فحمله وحده مره ثانيه
خلونا نستفيد من كل يوم مع بعض
ونستفيد من الحمله صح

ابا نتايج صاروخيه
كيفكم دبرو عماركم لوووووووول

 

[• JoJo •]

بنات


افكر استخدم خلطة داهية مطير حق الركب شرايكم ؟؟ طبعاً من غير ديرموفيت الاخضر

بأستخدم كريم فيوسيدين واليكا اخف كريمات الحساسية


عطوني نصايحكم

بس كريم بين شنو صناعته الاصلي ؟؟

 

[مزيونــــة مطير]

misuki-girl la مشكورة ياقلبي والله يعطيك الف عاااافية على السؤال
يالله اليوم كنت متحمسة حيللللللللل للخلطة شسالفة وكنت على العصر ناوية احطة بس ييجونا ضيوف قمت و بدلت الخلطة بخلطة انال تبع اقراص سي الفوارة
وتدهنت بلوشنات كثيرة اول شي استخدمت لوشن الشد من نيفيا فيه احد جربة يابنات ؟؟؟ هذي صورتة

فقط حطيتة على مناطق اللى يبيلها شد الساق مع الافخاذ و الارداف

والبطن مع الخصر حطيت كريم التخسيس من roc
وبعدين عملت مساج عشان تتشربة البشرة بسرعة

ثم حطيت لوشن البياض من مزيونة وشقرا
وحطيت عقبة كريم التبيض من المرز
هذي صورتة

معليش يابنات الغلب الصورة من النت اجيبها لان جوالي البلاتوث مدري وش فيه مايشتغل

وبعدين عملت الرياضة لخصر الموخرة

ودهنت رجولي ويديني بالفازلين اللوردي
وبس

رقة والله ودنا بزين ونعدل شوي برنامجنا ونزيد اشياء بس البرررررررررررررد والدوووووووووووووووام
مابيرحمش
وش السوات ؟؟؟
هههههههههههههههههههههههه

 

[رقـة الاحسـآس]

جوجو

والله خلطه داهيه تحممممس
وايني حماس عليها بس الخوف يردني ساعات
ما عندي فكره عن بين اي صناعه الاصلي بس اعتقد بيكون عليه الختم عشان تتاكدين انه اصلي


مزيونه

كريم نيفيا
جربته بنت خالتي على ايديها و رجليها القدم يعني و ع حق زوجها للقدم بعد
نفعها لاثار النعال عزج الله
استخدام بعيد كل البعد عن الشي اللي مسواي حقه هههههههههه
من يومها استخدمه احيانا بين كريمات الترطيب لايدي فقط

وعن الدوامات و البرد خلو عنكم الكسسسسسل
دايم فكرو
في حريم يشتغلون وعندهم بيت و عيال و طبخ ونفخ وتكشخ و مجابل ريل وفوق ها ما تهمل نفسها
عيب نحن ما عندنا حد غير انفسنا لووووووووول

 

[رقـة الاحسـآس]

صح مزيونه
كريم بالمرز اول مره اشوفه
انتي توج باديه فيه؟ و الا من قبل؟
اذا من قبل تنصحين فيه؟
هو كيف قوامه ثقيل و الا خفيف سهل تتشربه البشره؟

 

[• JoJo •]

^^

اي رقوقة حيييييييييييل تحمس صراحه وبنفس الوقت اخاف تجيني وساويس

بس الصدق مليت زهقققققققققققت

 

[بحرينيه كشوخيه"]

شخباركم بنات مادري ليش أحسني ثقيله عليكم محد يتفاعل معاي إله شذونه

المهم مالكم بطويله

أمس تسبحت بصابونيه طلع وصخ من جسمي لا أعلم من أين

وحطيت روبه وحلبه وماي ورد على ويهي

غسلت شعري ببيبي جونسون

وكرمت جسمي بزبده شيا كل جسمي ورقبتي فير أند لفلي

الصبح غسلت ويهي بلايفبوي وأسناني سنسوداين وصليت ورحت الدوام

الظهر ولاشي العصر ولاشي

الحين توي متفرغه بدرس عندي إمتحان بكره وبسبح قبلها عشان أكون فرش بصابونيه وسنفرت يدي بسنفرتي توي من شوي

وبغسل ويهي بنيتروجينا وبدرس وبنام

والله يوفق الجميع

وإذا حاسين أني ثقيه عليكم ممكن اطلع من الحمله بدون تردد إذا هشي يزعجكم

 

[مزيونــــة مطير]

والله يارقة حنا نهتم وماعلينا قاصر لكن ساعات مو دايم تجي لنا حالت كسل لكن اذا شفت لي صور بنات يفتحون النفس او قريت عن خلطة عليها مدح على طول اسويها وابدا اهتم من جديد يعني يبيلنا دافع عشان نقوم ونهتم

عن الكريم انا من زماااان شاريته واستخدمي له خفيف ايام وايام اطنش
حلو وماهو ثقيل وتتشربه البشرة بسرعـــــــــــــــــــــة
وانا احطة بعد الكريم تبع مزيونة
وبس

 

[مزيونــــة مطير]

بحرينية كشخة لا والله مانتي ثقلة ولا شي
الا انتي الداخلة وحنا الطاااالين
افا عليك ليش تحسستي
منااا حنااا خوات وكلنا اجتمعنا عشان هدف اسال الله ان يتمم النتايج على خير و الله لا يفرقنا