يوميـــــات مخطوبة

[bnt_7waa]

متابعه..

 

[Bamya]

نواااار يننتي الريااال شوي شوي عليه كسر خاطري والله

متااااااااااااااابعه وبقوة

لا تطولين علينا قلبي

 

[LoOoLoOo-23]

لا يوقف لا يوقف لا يوقف لا يوقف
جكجكجكجكجكجكجكجكجك
:ggdw: :ggdw: :ggdw: :ggdw:

 

[قلب راشد]

متاااابعه

 

[بنوته ادرايه]

قوة نوارة
يعطيج العافية على المذكرات وايد حلوة الله يوفقكم ان شا الله و يسعدكم:yaaaaaarb:
سؤال انت بحرينية أو امج كويتية؟

اليوم كتبت نفس السؤال ورديت حدفته

لاني ابي اكتشف اكثر في اشياء قاعد استنتجها!!_03BA:

بس ابي اقرا اكثر من اليوميات:eh_s(6):

موفقه ان شاء الله يانوار

 

[قلب راشد]

اي والله موفقه ياارب

 

[^noonaa^]

الله يوفقج ان شاءالله ويهنيج



ومتااااااابعه.....

 

[كرندارو]

نواره حبيبتي شلونج ياالله لا تطولين علينا
ايوااا نواره عاااشت نواااااره

 

[طفلة العشرين]

ننطرج

وايد مستانسين عليج و على سوالفج

 

[جنتي^و^ناري]

ووووناااسة القصة أقرا وانا الكشرة من هني لي هني

قاعده أتخيل القصة

ماشاء الله تبارك الرحمن اسلوبج حلو

الله يتمم عليج

 

[احترت اعبر]

وااااااااااااااااااااااايد القصه روعه وانتي اتيننين عسى الله اوفقج ويحميج من العين وناطرين باجي الاحداث
الله يتمم عليج انشالله

 

[غربــــة اِحساس]

انا اطالبج تعالجيني من ادمان اليوميات : )

موفقة..

كملي كملي وعلى رااااااااااااااااااحتج

 

[omnona]

انا اطالبج تعالجيني من ادمان اليوميات : )

موفقة..

كملي كملي وعلى رااااااااااااااااااحتج

loooooooool ana methlahaaaaaaaaaaaaaaaaaaaaaa :eh_s(6):

 

[النوار]

قعدت الصبح .. مريت رفيجتي او رحنا المارينا .. شريت جم شي حق الرياضه ..
او رحنا الجم .. قعدنا تقريبا ساعتين .. دقيت على اختي قلت لها برنامجنا بالليل قالت لي اوكي ..
خلصنا من الرياضه .. سبحنا هناك مره وحده او رحنا الصالون .. سويت اضافري او شعري او رجعنا البيت ..
قعدت مع امي .. او سولفت وياها شوي او يا ابوي تغدينا او دخلت ريحت شوي ..
اليوم الجو وايد بارد ..
جهزت بدلتي اللي بطلع فيها بالليل قلت حق الخدامه تكويها او تبخرها او طلعت للجامعه ..
اول ماخلصت من الجامعه رجعت البيت .. او لبست ..
بدلتي كانت تشبه هالبدله

مع تنوره واكسسوارات ذهبيه
وحطيت كحل .. فوق عيني او مسكره او حمره حمرا
شعري كنت مسويته مكسر شوي بالفير ..
دق علي قلت له شوي او اطلع ..
كنا بنروح ماكي اللي بالمارينا ..
المهم رحت حق اختي جاهزه ..
او طلعنا .. المهم وصلنا المطعم ..
اهوا كان ناطرنا برى
نزلنا من السياره اهوا يا بنص الدري او مد يده لاختي اول شي .. سلم عليها او بعدين لي ..
اول مره يسلم علي ..
مسك يدي مده او حسيت اني حراااااااانه مع انه برودة البحر تطق فينا .. بس صج
مادري شلون كان المهم صعدنا او دخلنا المطبخ .. لا اختي وقفت تسلم على ربعها .. قالت روحو اييكم
المهم جدمنا او قعدنا بطاوله ..
من ويه ربع اختي حسيتها مواعدتهم .. تبي تخلينا على راحتنا
المهم يات قعدت شوي .. قالت انا باكل معاهم ..
اهوا قال لها مو مشكله ..
او قعدنا انا او اهوا بالطاوله بروحنا او اهيا ورانا بكذا طاوله ..
قالي واخيرا
قلت له شنو
قالي شفتج جذي ..
شحلوج بدلتج وايد حلوه ..
قلت له مشكور ..
قالي تعرفين شنو حلو عليج
قلت له شلون يعني مافهمت؟
قالي كله تلبسين الالوان اللي تناسبج
قلت له بالعكس انا وايد انوع .. ماعندي مشكله مع اي لون
قالي انا شفتج مره ابيض او مره وردي واللحين كريمي ..
قلت له بالصدفه ..
قالي انا متأكد كلشي حلو عليج ..
قلت له عيونك الحلوه
اهوا اول مره بعد اشوفه بدون غتره ..
كان لابس جينز او قميص اسود جمه طويل ..
او شعره حلوو ..

قالي وين خاطرج تسافرين شهر العسل؟
قلت له براحتك
وانا بقلبي خاطري بامريكا بس استحي اقول
قال لي شوفي .. انتي تدرين عن سالفة الدراسه او امريكا وايد حلوه .. او دراستي مايبيلها دوام على طول بعدين الولايه اللي بنسكن فيها وايد حلوه او كلشي يمها
فمن رايي .. نروح اوروبا انشوفها
سألته .. متى دراستك تبلش؟
بعد 6 اشهر انتي بتكونين خلصتي؟
لا بيكون باقيلي اخر كورس ..
نضبط نسافر بين الكورسيين .. بعدين نرجع انا اجدم ارتب لج او تييني اهناك
سكت
حلو؟
اي مو مشكله
شفيج؟
مافيني شي .. تصدق دايما كان ودي اتزوج واحد او اسافر معاه بس اللحين يوم صار الصج او الله رزقني خفت..
نوار ..
هلا
لاتحاتين شي وانا معاج والله ماباخليج تملين .. اللي تبينه بيصير تبين تدرسين او حتى تشتغلين .. انا مستعد باللي تبينه ..
انشاءلله الله يسوي لنا اللي فيه الخير ..
انزين .. متى اجازتج حق الزواج؟
بعد يبيلها وقت
شكثر يعني؟
شهرين بعد الملجه ..
انزين انتي ليش ماتبينا نملج بسرعه
يوسف .. السرعه مو زينه
اتحسين مابنتفق؟
مااحس بالعكس والله حاسه عكس هالشي .. لكن انت ماتعرفني ولا تعرف اطباعي .. شلون بس على طول نملج
لا احنا اهل ولاشي .. مانعرف حق بعض نهائياً ... صعبه .. او بعدين لو ملجنا بتصعب الامور اكثر
رد اهوا : انا ماراح اضغط عليج او انتي اللي يريحج تسوينه .. انا وايد مرتاح لج او احس من حياتكم او بيتكم او اهلج ..
او طريقة كلامج او تصرفاتج .. نفسنا ماتفرقون عنا بشي هالشي بيخلينا نتأقلم
انتي فكري .. او اذا تحاتين الحفله .. انا اقدر اوديج لين لندن لو مالقيتي فستان او تجهيزات الحفله مايبيلها وقت وايد
انت ريال ماتعرف بلوية هالسوالف
صدقيني هونيها وتهون ..
انزين .. احنا ماتناقشنا ولا مره بسالفة السكن ..
قلت له .. شفيه؟
قالي ماتبين تعرفين وين بنسكن؟
قلت له اللحين انت تقول بنسافر .. وين نسكن بعد؟
عندنا شهرين بالديره .. او بعدين مردنا بنرجع بالاجازات .. يبيلنا مكان نقعد فيه ..
انا شقتي جاهزة اب بيت ابوي .. بس للحين مااثثتها .
ابيج تأثثينها على ذوقج ..
انشاءلله ..
نواره خل نملج
يالحنان ..
ابيج والله ابيــــــج
بالعدال لايسمعونك الناس
خل يسمعون بسوي نفس الافلام بوقف او بقول ابيــــــــــــــــهــــــــــــــــــا
ياربي شكلك مايطيح عليه
شقصدج مايطيح عليه خفيف؟
هههههه لا ماقلت
امبله ادري انا بروحي مستغرب ماادري شصايدني .. وايد مرتاح او مستانس او اهلي كلهم مستانسين
ابتسمت
.. رد يسولف .. امي تبي تعزمج على المخيم
بسرعه خيمتو ..
اي امي تحب البر .. ولا تخيم إلا باخر الدنيا .. تقول عشان احس انه بعيد ..
هههههه يحليلها .. قالت بتكلم امج تبييكم يوم الخميس
انشاءلله
بس عاد بتضيعون انا بايي اخذكم
هههههه انشاءلله
عيل العزم اوروبا
وين باوروبا ودك؟
انا ودي بامريكا خاطري اوريج الاماكن اللي رحتها بس عشان نغير او بعدين نروح امريكا
مو مشكله ..
شرايج انتي وين تبين؟
انا احب جينيف ..
رايحه بالشتى؟
لا بالصيف ..
انا مارحت .. بس والله انتي لو تروحين امريكا صج بتستانسين عليها
رايحه امريكا الصيف اللي طاف
صج؟؟ وانا من مساعه حنه وين رحتو ..
رحنا فلوريدا ..
زين عيل هالمره كالفورنيا
بس لازم نروح ميامي لكروز
اختي راحت هالرحله بشهر العسل
اي واااااايد حلوه
انشاءلله اذا الله كتب .. نروح كروز ميامي .. او من كالفورنيا نروح هاواي
انشاءلله
انزين .. انتي تبين جينيف انا ابي لندن ..بعد؟
ايطاليا ماشفتها
ايطاليا تينن .. انشاءلله بنروح بعد؟
بس كفايه ..
ليش؟
نبي نقعد مع اهلنا قبل لنسافر
اي صح .. خلاص انشاءلله
انزين يالله تأخر الوقت .. الساعه 10
متى تبين نطلع حق الاثاث ..
بنتفق باجر
ليش باجر؟ الليله بالتلفون ..

انشاءلله ..
يالله مشينا
يالله ..
وصلنا عند السياره
او توصيات او مادري ليش مد ايده سلم علي هههههههه
ومشينا ..
واحنا بالدرب دق
بمشي وراكم للبيت الوقت متأخر
قلت له اوكي ..
او سكرته
وصلنا البيت .. قعدنا ويا امي .. او دخلت داري بدلت او غسلت او دقيت عليه
نواره ..
هلا
واااااااااااااااااااااااااااااااااااايد استانست وياج اليوم والله واااااايد
وانا بعد
صج استانستي
اي والله .. ماقصرت
بعد عمري .. شحلاتج كنتي ..
او استانس لما تتكلمين او ماتطالعيني .. مستحيه بعد عمري ..
هههههههههه لا عادي
اي انا هم اقول عادي ..
انزين يالله نام وراك دوام
بنام بس قوليلي قبل .. متى نأثث ؟
باجر بنتفق ..
تعبانه؟
اي والله تعبانه ..
خلاص كلميني الصبح اول ماتقعدين
انشاءلله .. تصبح على خير
وانتي من اهله ..
بااي ..

 

[قلب راشد]

الله انا اول وحده تقرا القصه ونااااسه

 

[قلب راشد]

وااااااااااااااااااااااي عذاااب هالجزء رووووووووووووووووووعه

زين خفيتي عليه شوي

يالله كملي ..... طمااعه

 

[~MANARY~]

ههههه يا حلوج , حدج ثقيله معاه

زين تسوين كلج سنع ماشالله عليج



بانتظار التكمله​

 

[قلب راشد]

واااااي ونااااسه

تحطييم هالجزء
:ggdw::ggdw::ggdw::ggdw:

والله وااااااايد حلووووو

 

[amooon82]

الله يوفقكم ويستر عليكم يااارب ويحميكم من الحسد

 

[قلب راشد]

آآآآآآآآآآآآآآآآآآآآمين

وحده مطيحه بالموضووع