يوميـــــات مخطوبة

[خوش بنيه]

ألف ألف مبروووووووووووووووووك والله يهنيج إن شاء الله
<<<<<<<<<<< متابعه

 

[نظـــرات حـــائرة]

ناطرييييييييييينــــج

 

[نـــورة]

أول مشاركة

ومـتـابـعـه....

 

[ام مضاوي]

في انتظار البقيه

ومشالله حلو وصف الشقه

 

[L a w y e R]

اسمالله عليج

حدج زوغة وتيننين ماشالله

ألف مبروك حبيبتي والله يتمم عليكم يارب :***

 

[foofo]

الله بهنييييييييييج يااااااااارب
انا بعد وياااااااااهم ناطرتج *******

 

[eng.jacvara]

نوار قصتج وايد حلوة والله يبعد عنج شر العيون والحسد قولي إميييييين,,
ونفس ما قلتلج قبل مادري ليش لما قريت قصتج تنزل دموعي واحس إني بمكانج مع إني مو متزوجه بس شبه مخطوبه

 

[ام انس انا]

مشالله لا اله الا الله اسلوبج وايد حلو ويشوق :ggdw: الله يبارك فيكم ويبارك عليكم يارب ويتمم على خير
يلا ناطرين ردودج ترى تعبت ونا اقرى اليوم قريت كلشي من 1 لي الاخيرة ماطوفت شي
يعطيج العافية والله يهنيكم يارب ويهني الجميع قولوا امين ، خل اروح انام دايخه وناطرينج _03BA::bye22:

 

[غربــــة اِحساس]

نوار .. بارك الله لكِ وبارك عليكِ وجمع بينكما بخير

الله يهنيج ويوفقج ويبعد عنكم عيون الحساد ويديم جمعتكم على طاعته ويرزقكم الذرية الصالحه

كملى يا احلى عروس بالخليج : )

اي وشقتكم وصفها ماشاء الله روعة يارب تترسينها نونوااات : )

 

[الزين-الفاخر]

ماشاءالله قصتج روعه عسى الله يهنيج ويبعد عنج عين الحاسد يااااارب
إلي محلي القصه أسلوبج بالكتابه باستثناء البدليات بس شتسوين من حنت البنات مايمديج تراجعين شكتبتي
آنا قالتلي رفيجتي عن الموضوع وبيوم خلصته وبانتظار يومياتج

 

[مطيريه ماركه]

مبروووووك والله يتمم على خيـر

<< متابعه

 

[قلب راشد]

نوااره معطله شغلي عشاان اشووف اذا فيه جزء يديد

الحمدلله برجع أقراه بعد شوي ...

عسى الله يهنييييج ياااارب

 

[babya]

الله يهنيكم يارب وسخركم حق بعض :eh_s(6):

نااااطرينج كملي :ggdw:

 

[Bamya]

حييييييييييييل عجبني وصف الشقه حسيتها حلوة وفيها جو داااافي وكلاس بنفس الوقت

خصوصا صورة الثريا اللي حطيتيها وايد عجبتني وخلتني اتخيل وصفج للشقه كأنه صج ماشاء الله عليييها حماتج مبين ذوقها حلوووو وتعرف بالديكورات والتنسيق الداخلي

عليج بالعاااافيه حبيبتي

كملي ناطرينج لا تصيفين علينا

 

[سوسو82]

mabrooook alf alf mbrok:> 3asa allah yetmem 3alich wansteeena allah ywansech bil 3afya

 

[احترت اعبر]

متاااااااابعين والف مبروك

 

[تشتوشا]

الف مبروك حبيبتي الله اهنيج ويسعدج انشالله

 

[lawyer-GoMaR]

بعد قلبي نوار جزئين مره وحده ...حدي مستانسه

أم مضاوي المحقق كونان رقم 4 يناديج<< الي اهي انا..اقولج ماعتقد الاحداث من زمان لانلو تلاحظين موضة الهدوم يديده الليقنق مال هالايام والبوك الي شاريه لها جوزيف يؤبرني هم يديد انا كنت باخذه لاختي عيد ميلادها كان شهر 10 يعني ماصارله تقريبا 5 اشهر من نزل.. جيكي علي وانا ادقق بالتفاصيل ..

اورانجيا -قلب راشد >> انا انضميت معاكم للاب الي على طول شابك وينطر الجزء اليديد ..بس مو معقوله مومعقوله موووووووو معقوله يا خواتي العزيزات مالاحظتوا بالجزء الي كاتبته نوار ورا الملجه على طول يوم اول طلعه معاه ... ارد واقول موووووووووووووووووووووو معقوله مالاحظتوا الي انا لاحظته؟؟؟؟؟؟؟؟؟؟ معقوله ؟؟؟ هههههه

في شي وايد مهم نوار كتبته وما حست بعمرها ..أم مضاوي ينفعلج دام جكيتيها عشان تتأكدين

مع تحيات (كونان4)

 

[سوسو82]

nawar chenech online

yalla na6reeenich golilna sh9aaarسوسو82, النوار, ظبية الامارات+, سحيله_الحلوه, k8itya, adool70, سحائب الخير, nadooya, fajr-Q8, صج والله, banota

 

[النوار]

كان يوسف سهران عندنا او نمت متأخر .. دقت علي خالتي الساعه 10 الصبح
الو ..
هلا يمه
هلا خالتي
شلونج حبيبتي؟
الحمدلله بخير شلونج انتي خالتي ..
طيبه وبخير ..
نواره سامحيني قعدتج بس بيت حماي عازمينج ويانا اليوم او توهم قالولي او قلت اقولج بسرعه يمكن تبين تتجهزين
قلت لها انشاءلله خالتي مشكوره
بس اصحصح بكلمج ..
قالت لي اوكي حبيبتي ..
المهم دخلت غسلت او طلعت كلمتها
قالت لي مرت حماي اليوم بس كلمتني .. قالت لي خا ايوون يوسف او مرته وياكم عالغدا اليوم
قلت لها مو مشكله خالتي انشاءلله باجهز او بييكم ..
دقيت على يوسف قلت له
قال لي ليش يقولون بنفس اليوم
قلت له يمكن نسو .. توني يديده مو متعودين علي ..
قالي انزين انا بمرج بالبريك اوديج بيتنا قلت له اوكي .. باروح الصالون اللحين
قالي اوكي
المهم .. طلعت لامي كنت تعبانه او مالي خلق اروح الصالون ..
قالت لي امي ييبي اغراضج انا بسوي شعرج
او قعدت لها او سوته لي سيده
رفعته بوني تيل
او لبست توب ابيض يده 3 ارباع ..
او في خيط تحت الصدر
ومعاه لقنق
او لبست نعال ..
كنت حاطه بريلي فرنج منكير .. المهم
لبست ترجيه او دبلتي ..
او دقيت على يوسف قلت له انا جاهزه ..
عيني كانت حمره شوي كنت تعبانه ..
المهم عمه عنده ولدين او 4 بنات .. كلهم دارسين في مدارس امريكيا
او اصغر وحده اكبر مني بسنه .. او كلهم مو متزوجين
الثانيه كبر يوسف فرق بينهم يومين ..
المهم .. انا رحت بسرعه .. وانا بالسياره .. استوعبت اني لابسه كأني باروح الجامعه
ركبت السياره او مشى قلت له ملابسي تفشل
قالي شحلاتج
قلت له لا صج
قالي والله شحلوج ..
سكت او انا مو مرتاحه
المهم وصلنا خذينا خالتي والبنات ..
ورحنا ..
وصلنا كانت الساعه 2 او ربع ..
انا طول الوقت داير راسي
لا ملابسي عاجبتني و لا ييتي جذي عالسريع مادري شلون .. يدي خاليه
او كلشي شكله غلط
دخلنا عم يوسف كان واقف بروحه ينتظرنا
سلم علينا او سلامه وايد زين او قعد يمي انا او يوسف يسولف
الاولاد نزلو بعد او قعدو ..
بعد ربع ساعه او اكثر .. يات مرت العم ويا بنتين من بناتها
المهم وقفت سلمت عليهم او سلمو عادي او قعدو ..
المهم انا بروحي يايه مستنقصه من نفسي ولا وحده منهم قاعده وتطالعني من فوق لي تحت
وتسولف ويا يوسف ..
ومايتكلمون بالعربي كله بالانجليزي او يوسف يرد عليها بالعربي ..
انا صج مادرست بمدرسه امريكيه بس لغتي وايد زينه دايما اقرى او علمت نفسي بنفسي .. والجامعه بعد .. المهم انا كنت ساكته
يات قعدت يمي فطومه او قعدت تسولف وياي .. ..
..
المهم ..
قالو حياكم على الغدا .. سألت بدور عن البنات اللي باقي قالولهم بيون عقب الغدا
المهم قعدنا عالطاوله ..
انا كنت واقفه يم خالتي .. ناداني عم يوسف قالي تعالي قعدي يمي ..
فصرت على يمينه او يمي بدور او مجابلتني زوجته او يمها بنتها او خالتي يم بدور او يوسف مجابل عمه
قعد يسألني عن ابوي .. او يسولف لي .. او يوسف ولا حتى يات عينه علي ..
المهم بعد الغدا ياتني البنت اللي كانت تخزني او قالت لي بالانجليزي .. Do you want desert?
قلت لها
No thanks im full
قالت لي كيفج!! انا ابتسمت او بدور قعدت تطالعها
طبعا يوسف بعالم ثاني
وياهم سوالف او ضحك او نزلو البنات الباقي .. سلمو علي او قعدو بعيد صوب يوسف
خالتي كانت تسولف ويا مرت حماها
او عم يوسف راح يريح
فطومه قاعده يم يوسف ..
المهم بدور قامت او قعدت يمي
قالت شخبارج
قلت لها اوكي
او ويهي كلش عادي
انا موقادره اشرح بالضبط الوضع شلون كان .. بس اهما كانو قاعدين نفس الدائره او وحده منهم ماعطتني ظهرها
المهم بدور لاحظت او تمت قاعده يمي تسولف وياي
امي دقت علي قعدت اكلمها برى ..
قالت لي مستانسه قلت لها اي عادي
عاد اهيا عرفت حق صوتي
بيتهم مو بعيد من بيتنا قالت لي تبين نييج؟
قلت لها اي
قلت حق بدور خالتي عندها ناس او يبوني
دزيت مسج حق يوسف ..
قلت له "لاتبين اني ماقلت لك كأنه احنا متفقين انى بمشي .. امي اللحين بتيي تاخذني لانه خالتي تبيني عندها ناس بقولك اللحين انا ماشيه قولي اوكي" المهم قرى المسج او يا يمي
قالي شفيج
قلت له مافيني شي بس احسن كأني قايلت لك لأنه امي كلمتني تبيني او بتمرني اللحين
دقي عليها قوليلها انا بييبج اللحين
قلت له ماله داعي اهيا اللحين بالدرب
شلون بتدل؟
بيت رفيجتها يم بيتهم
عمري انا اوصلج بيت رفيجتج قوليلها
كلمها شوف بتقولك انها بالدرب
دق على امي قالت له امي انا برى
المهم سلمت عليهم او خالتي والبنات ياو يسلمون على امي
او اهما البنات حتى كلمة مجامله تو الناس قعدي ماقالو
بالضبط نفس ماقلت لكم .. غير اللي سألتني عن الحلاوه محد كلمني ..
المهم ياتني بدور عند الباب قالت لي نوار مافيج شي اكيد؟
قلت لها مافيني شي ..
قالت لي ترى انا ادري هذيلا ماعندهم سنع
قلت لها لا والله ماقصرو
او ركبت السياره مع امي او يوسف يطالعني او ساكت
امي قالت لي شفيج؟
قلت لها مافيني شي خل نروح بيت خالتي
قالت لي تحجي
قلت لها ملل قعدتهم
انزين مجامله قعدتي اكيد مابيطولون
تمللت يمه .. او تعبانه مانمت او قاعده متصلبه او ملابسي مو عاجبتني
قالت لي كبتج متروس
مافكرت يمه
يوسف دق طقيته سايلنت
او وصلنا بيت خالتي ..
دقت خالتي ..
رديت عليها ..
قالت لي يالله شوي قعدي عند خالتج او بنيي ناخذج
قلت لها لا خالتي والله تعبانه بقعد شوي عن خاطر خالتي او بروح البيت انام
ماكو نوم يالله .. ساعتين بالكثير او بنييج انا ويا يوسف او نروح جوكليت بار تشربين شي يصحصحج
ضحكت او قلت لها بكلمج خالتي
قعدت شوي تعدلت نفسيتي رجع يوسف دق ..
قالي انا ياييج بالطريج
قلت وين خالتي
قالي بنروح ناخذها بعدين
قلت له انا اييكم بعدين
قالي قلت لج انا جريب او سكر التلفون
المهم يه او دق الجرس طلعت له الخدامه دخلته
سلم على خالتي او قالي يالله بنتأخر
ركبت السياره وانا ساااااكته
قالي بقول لج شي
قلت له شنو؟
قالي حبيبتي والله انا اسف
كنت وايد غبي بس والله اهما يدرسون بنفس المكان اللي انا ادرس فيه
او يايين الحين عشان لكرسمس
اوقاعدين يقولون لي السوالف او شصار .. او مادري شلون اندمجت بالسوالف
كان المفروض ماهدج
انا غبي
انا سااااااااااااااااااااااااااااكته لا قلت له اي ولا لا
قالي عمري والله سامحيني مااقصد اني اتجاهلج او جذي اخليج بروحج
قلت له عادي او ابتسمت بدون ما اطالعه
سحبني او حط راسي على جتفه
قمت بسرعه او قلت له الناس
قالي تعالي سيارتي مغيمه
قلت له يوسف والله حدي دايخه .. ابي اروح انام
امي تنتظرنا
وقفنا عند بيتهم ييت بنزل سحب ايدي او قالي حبيبـــــــــــــــــــتي والله اسف والله
انا غبي!!!!!! مادري شصار فيني ..
قلت له لا والله اصلا السالفه انا نسيتها خلاص او انت عادي بنات عمك او حسبت خواتك او قاعد تسولف وياهم
ابتسم او ابتسمت او نزلت
كنت مخنوقه ..
اعتذر او كلشي بس انا انقمت خلاص ..
يات خالتي قلت لها خق نقعد بالبيت قالت لي لا انا ودي اطلع
انا عادتا ماارضى اقعد جدام وياها بس اليوم مارضت
انا مشيت قبلها او قعدت ورى قالت والله بقعد يمج او بيتم ولدي نفس السايق
يالله روحي قعدي يمه
قعدت يمه او فريت روحي او جابلتها اهيا قاعده وراه
او قعدنا نسولف ..
نزلنا جوكليت بار او اهوا ماسك ايدي طول الوقت ويطالعني , خالتي مايابت طاري السالفه بس ثعدت تسولف عن العرس او هالسوالف
قعدنا اهناك ساعتين يمكن
او بعدين واحنا بالدرب راجعين قلت لهم وصلوني
قالي بوصل امي او بعدين بوديج
قلت له اوكي
نزلت خالتي قالي يصير انزل عندكم؟
قلت له انا حياك
نزل او قعد ويا امي او ابوي شوي ..
شوي او مشى .. او انا دخلت داري او حطيت التلفون سايلنت او نمت